寶蓮素食 (已搬遷) 新店位置

而家香港越嚟越多人鍾意食素食 亦都開咗好多西式嘅素食店 但係我就鍾意食中式嘅齋多啲 今日嚟到荃灣呢間齋舖 佢係要自助餐嘅形式 只要你食得落就可以叫 梗係要食傳統嘅素鴨 叉燒 酸甜齋 齋鵝等等 呢度整得好出色 好有傳統嘅味道 好夠味 不過就較為油膩同埋色素比較多 不過耐不面一次唔緊要啦仲有好多好可愛嘅齋 例如呢個酸甜齋帶子 佢係用蒟蒻做 不過口感同個樣都同帶子一樣 超得意埋單一個人都係80蚊唔使 超抵

今日食到一肚氣, 我和兩個長者今日起吃慶祝老人家生日, 天起轉涼, 突然發現冷氣越來越大, 好似開大風扇一樣,老人家好凍, 但發現其他冷氣不開, 只開我們這邊, 我們便告知一個女服務員(穿制服跟其他不同), 這個女士樣子好不滿, 而且用責備語氣問我們為何不多穿多點衣服出來, 我們又外套又帽, 她竟然這樣責怪我們, D冷氣在頭頂不停吹, 我們再說真的好冷, 她才讓我們轉台, 還不停怒視我們我想不到這裡吃素, 卻有這樣不尊重顧客, 特別是長者的服務員我不會再來, 一間不會再來吃的食店我試過打電話向投訴, 仍是這個女士接聽, 她語氣好差, 說這裡沒有阿頭, 也不知道老闆何時會來以後不會再幫襯

細蚊個陣好鐘意去屋村食齋旅行半天遊... 大個左都好少去齋鋪... 阿哥介紹呢間確係好食... 呢度既姐姐都好好人... 招呼仲好好~ 香荔酥卷超推介好好食... 真係夠「酥」加埋個甜酸汁確係贏曬... 婆仔確係覺得自己都可以消滅到一碟囉 XD 食曬一舊都只會覺得少少油既感覺... 飲番啖茶就無曬油既感覺... 什錦齋好耐無食過一次過滿足曬~ 婆仔都係愛吃酸齋多 D~ 羅漢炒麵確係炒麵脆卜卜... 但汁確實有點多... 覺得有點「漏」... 下次試下其他炒麵先~

今日嚟荃灣...找素！光顧既係寶蓮素食...一間傳統老牌素食店! 逢星期一至五佢哋晚飯時段 (18:00-22:00) 有任飮任食...價錢都只不過係成人$98 / 小童$72 (加一另計)! 星期六、日、及公眾假期要額外加$10！素菜方面有成80種咁多選擇！飲品有豆漿同橙汁無限量供應！我哋叫咗八、九個菜式...其實已經飽到不得了...想試多幾個菜都冇腹消受！個人覺得佢個四川蝦仁炒帶子、咕嚕肉、同五柳素仙班做得吾錯👍尤其個蝦仁炒帶子😋啲蝦做到好真..而且辣辣地幾好味！傳統素菜以咁既價錢做任食...真係好抵！

素鴨，間間齋舖都有，但唔係間間好食！有啲太硬太乾，有啲太厚太膩，質素比較穩定又深得我歡心嘅，呢間係唯一一間！回歸假期，細妹買咗條素鴨送俾我！$22，平時我唔會買，因為太貴，唔抵食！而且腐皮太油，食太多好肥好滯！但難得細妹一番好意，我就將佢當午餐吧！雖然放涼咗，但仍算香軟，我喜歡佢炸得唔過火，唔會太硬；厚度亦好，唔會太厚，口感唔錯！唯獨今次淡咗少少，我要點甜醬食！有時撞啱新鮮出爐熱辣辣買就最正！齋鴨腎同咖喱齋都好味，大家有興趣可以試吓！

去完佛堂,唔食得肉,近近地有間任食齊菜 LUNCH $88 一位任食真係好平因為佢一個菜都要60-70 三個人可以試多幾款咕嚕肉好粉好肥好淋好油普普通通最正常勁油,唔好食得個平字,無樣好食應該唔會再幫親

端午節的原因，我地外出吃飯。打算㨂間平啲嘅，不過假期期間都預比多啲錢嘅啦。寶蓮燈光充足，環境唔錯，唔似其他我去過嘅素食餐廳，暗得黎啲枱枱凳凳較殘舊。不過，食物方面真心有唔少改進空間。尤其食物賣相方面，例如芋頭魚味道不出眾。蜜瓜奶我略嫌有啲甜，但個個人嘅口味唔一樣，其他人可能覺得岩岩好。不過豆腐真系無得講，除左出面層皮，入邊真系無味囉。呢個價對於任食算平，但完全可以食更好嘅素餐，我諗我唔會去多次。

第一次去就先叫下素點心 現成造好嘅點心 一叫就有 仲要有個無函嘅糯米飽嚟左6件好大件 驚你唔夠飽咁 好貼心...之後個d點心 都係不過不失喇 素食仲有咩花款 仲要係98加1根本無咩可以要求 但係我覺得素菜偏油就唔太得。之後就點小炒，點左兩個湯同4個小炒之後一直等等...等到早早食完嘅點心都落格先上第一款小炒嚟...有豆漿(勁甜)同橙汁叫，叫咗個鐵觀音不過我寧願飲滾水。最後有碗紅豆沙食。3人食左370蚊，計埋茶費，服務費，我覺得叫餸叫好過buffet喇@@* 下次試小菜唔試自助喇....

懂得《寶蓮素食》這一家老牌素食店的朋友，都大概知道，好多人來這兒會叫一個任點任食的放題式自助素食餐。而我們一家人，基本上每一次來，連大時大節，齊人開兩圍咁來，都會叫那個任點任食的餐，心理上以為好抵。可是，同一般的日本放題店一樣，第一 round 上齊，第二 round 上少D，第三 round 開始冇晒影......而這一次外婆生日，我們又輪選選中了《寶蓮素食》。不過，經歷過對上的一次不太開心體驗，我們決定叫小菜食飯。 我們吃的小點，同放題自助食的東西一樣。而散點食物的款式也比自肪任點的多，所以來《寶蓮素食》，叫餸食飯的性價比，絕對比較高。在小點，點心方面，我們先要了一份春卷。這是一般在傳統素食店所吃到的煽厚版春卷，內裡有蘿蔔同素肉餡，雖然要凍食，但感覺尚可，作為一人半條的輕食，不錯的。 叉燒酥是凍食炸點中最好食同最吸引的一款。外皮酥香，素叉燒味道又夠香甜。我們點的幾款炸點小食當中，唯一一個我們翻兜完再翻兜的小食，而我們總共叫了6小碟 (以每人半條計咁食)。 炸雲吞也是一個令人非常開心的炸物，加埋個五柳甜酸汁，入口更加之香，更加之惹味。而且，甜酸汁可口開胃，令我們可以吃到更多，而且也可

超值任食回鍋肉太咸後面的涼瓜炒疍夠香五柳仙班硬過化石，紅燒翅可以齋滷味符合預期，齋鴨腎最好食！連同加一及茶介，埋單每人$75無投訴啦！單點一款都要60幾蚊依家有咁多野揀任飲任食都係＄75好平喇！

最近食得太豐富，太多肉類，今晚要食素清清腸胃!!香港好多素食者，所以都開左好多素菜餐廳，呢一間聽一個食素朋友介紹，以平價任食為賣點!!雖然見到不少負評，但為左抵食，就冒險試試!!晚上七點多，餐廳都九成滿，剛好有檯不用等位，坐位比較逼，但可以接受!!我們坐的位置近廚房，聽到些炒菜的鑊氣聲，有種近廚得食的感覺!點左大約十個菜，每碟菜份量不多，所以可以多點不同款菜式嘗試，出菜速度好快，上檯後碟菜好熱，證明是即叫即炒，這一點十分讚!!味道唔咸，不會好油，有茶，有豆漿，有橙汁任飲。問及有咩美食推介，服務員會耐心解答，不會因工作忙而態度差, 加上他們會主動加水，這也值得一讚!! 整體味道，服務我都好滿意，會繼續光顧!!

特登出去荃灣行街，想食齋就試吓依一間。見到佢＄98有得任食好多款所以試吓。食咗好多野，一啲都唔好食。我明白佢哋＄98係真係好抵食。但係最少都要睇得下人。叫咗一個酸辣湯。味道好似用咕嚕肉嗰啲汁。一啲辣味都冇，剩係得個甜。椒鹽豆腐一啲都唔新鮮。其實炸豆腐一啲都唔難，但係唔知點解可以整到咁。加啲椒鹽粉上去就當椒鹽。個酸齋，真係唔知點形容。最後麻辣粉皮，真係好似用返之前叫咗個酸辣湯來煮。賣相超級核突。其實仲叫咗好多餸，不過真係冇心情再數落去。真係唔知點解依間野會有人食。以後都唔會再去。

其實這間店，我已經光顧了數次。本人建議大家人多才來會比較好。人少來到其實都唔會食到太多。因為佢可能比一款的份量已經夠飽肚。我覺得這食店只有一款我覺得好食，就係咕嚕肉。這次我選擇在平安夜，因為知道食西餐一定無位，想約朋友慶祝生日，請朋友食一餐。這裡的菜式很大，我們只想淺嘗，但往往大大碟上桌，覺得很浪費，要求了細碟點，佢地話因爲是即叫即製，所以要製作大量，不能勉強。可能因為節日人都比較多，比平日已經多很多，有很多Order都遺留了，我地一直吹，服務員很有禮地叫我們等一下，但我覺得這個問題要改善。今次用餐的質素，明顯低了很多。其實我真係覺得需要改善，下次如果唔係大量朋友一齊來，根本就變得很浪費食物。食物方面好彩還有一個酸甜排骨，如果唔係我真係會比劣評，這個排骨，我每次來都會點選，像真度很高，酸甜度適中，相反，其他的食物就保持唔到，齋鰻魚那些腐竹，根本完全散曬，其他的食物都係完全無賣相。不過其實這間食店都有可取之處，就係用料新鮮，沒有太多味精。還有就是佢唔限時，和朋友可以傾得好盡興。所以如果一班人一齊想搞些新意思，不妨到這裡試試看。

晚饭时候经过这里的，想在新年时节清淡肠胃，店前后2部分，到后店时看到厨房，脏乱潮湿，很影响胃口。坐下来后，点菜的人态度像块生铁，想着新年流流就忍了。上菜快，菜品不过不失，3人人均130元，当然单看价格不完整，还要看看点了什么，就是图片加一个青菜。经营斋菜馆的人多存善念，心态平和，我也是修行的人，带着敬畏进去，带着可惜出来。就这些年在香港的消费经历看，香港的服务已经没有微笑了，这个社会处处焦躁，我都建议身边人转到澳门和台北购物，服务和价格比香港更好。

每到星期五都會放低2個大女同老公出街覓食，今日想食清淡少少就上黎search下有咩好食，比我搵到寶蓮素食仲要有任食Tim,咁就一於黎試下。黎到時大約7點半，都差不多全滿。一坐低就見到有份餐牌係for任食嘅，是日星期五就98蚊一位大人。餐廳就比較細間，我記得好多年前我細細個時成日跟屋企人到寶蓮食，但記憶中佢以前係一間好大嘅舖黎，可能搬左舖。我聽返老闆講呢度係197x年開到依家，果然歷史悠久。先講返食物：粟米粥：十分好味，因為有香菇粉所以超香菇味，但唯一就唔夠熱。西蘭花炒帶子：上菜時係十分熱，應該係即炒嘅，素帶子係好似蒟蒻咁嘅野整成嘅，雖然唔係話十分似帶子但口感都幾得意，整體炒得幾好味。芋頭魚：我相信依家好少店舖係自家整嘅芋頭魚，我都好想食返好似芋角面咁嘅脆面，所以呢間係現成嘅我都明白，但就都係唔夠熱，只係暖。椒鹽豆腐：剛炸起嘅豆腐十分香口，但唯一係佢嘅椒鹽唔平均，有幾舊完全冇味有幾舊十分咸。齋滷味：食得齋當然要食呢樣，味道同我細細個時食嘅一樣，每款嘅味道都剛剛好。枝竹油𩺬：油𩺬係用冬菇上粉炸香，再用豆豉加枝竹炒香，食落口感又真係幾似油𩺬，但又唔會話太多炸粉，剛剛好，冬菇亦好香。我都食左好