寶貝靚湯 (已結業)

話說我同個同事喺灣仔諗緊食乜lunch， 我話呢排食滯咗，大家都知道新年聖誕好難吾會食唔滯，我選擇嘅條件就係清清地，我同事靈機一觸就諗起花膠麵，於是就帶咗我去食了。沿住灣仔街市行，穿過橫街窄巷， 終於到達。增添呢一間嘢嘅神秘感，名副其實係一間隱蔽小店。可能我哋十二點多就到，舖頭冇乜人，之後人先至越嚟越多。午餐抵食之選就係花膠米線可轉狗仔粉連一個餸都係52蚊，唔使加一，有花膠喎算係咁啦 除咗花膠麵食之外 老闆仲勁推介佢哋嘅每日一靚湯，好似叫牛奶花膠燉雞湯 六十八蚊碗， 原來每日都唔同， 但係我由於食得太飽嘅關係，所以冇叫到，下次不妨一試

如果不是圣诞节日聚餐太多，无法再吃高热量的餐厅，也不会在只想有一口靓汤的意念驱使下，找到这间小隐隐于湾仔玩具街市的小店。 此文经过我和先生两轮体验才下笔，不算全面但算是尝过精彩值得推荐的菜式。 小店3大特色： 1.需要自己酌量下盐的无味精靓汤 2. 饮后对其每月汤券的服务无法拒绝：每天都有妈妈级的靓汤，点拒绝？ 3. 老板的时令私房菜媲美市面名不副实的名家菜式：祖传羊腩煲，花胶翅火锅等。 老板老板娘热情风趣，人情味+和味，就是不得不回头的理由吧

朋友介紹 ， 有住家菜風味，特意同男朋友老遠來這家店嘗試 , 但這樣價 , 食物 , 不值 , 味道一般， 因為味精，對味精有敏感， 但一食落去 ， 好重味精，其實無可否認好多餐廳都會放味精 , 係唔係咁啱嗰次個廚師落重手咗啲！最大問題係雞同銀針粉 食到雞有雪味， 銀針粉 有點硬 , 海鮮正常 , 因為最容易煮，整體 有點大失所望 ,在灣仔區 有好多類此咁嘅餐廳，抱好大期望， 希望老板可改善一下，我唔知係唔係我嘴刁， 但就連男朋友都覺得在家煮都好食過...wow

行完山，口乾乾，突然想飲花膠湯😆由於平時食開既花膠雞湯麵店無開，Google到寶貝靚湯都有花膠湯，所以慕名來拜訪。因為以前食開d 花膠湯會漿著個嘴，所以一直帶住呢個expectation黎試。唔係太餓，只係叫左碗湯。今日係花膠鮮奶椰子紅棗煲雞湯。望著碗湯，試左一啖，嗯，我只可以話我有d同意其他comments 話碗湯無咩味，同埋個湯有d 稀，亦無漿著個嘴。有少少失望😞不過，如果68蚊有一碗真係用真材實料去煲既湯，仲有幾舊花膠，又無落味精既話，其實真係算唔錯。健康要緊嘛😆值得一讚係地方好乾淨，服務都唔錯😄

寶貝靚湯個招牌湯真係唔講得笑雞湯可以做到冇油自己都整唔到啦超清潤 仲特登叫佢唔加鹽真係好有住家湯嘅感覺亦都好足料而佢個dinner set亦都好抵三百幾蚊兩個人 超多嘢食係我小小飯堂之選

身為一個打工仔而又搬離屋企後 平時除左返娘家食飯之外都冇機會可以飲啖靚湯，仲要係花膠花膠可以養顏WOR見有網站介紹 ，又係公司樓下，相約同事女一齊試下要一齊補下食飯時間，沒有預約，也不用等位裝潢簡單光猛整潔 不花巧我同同事女 share一碗花膠椰子湯($58+10) 嗌一碗醉雞翼米線 ($48) 再加一份上湯娃娃菜($15)三份食物都同同事女一人一半花膠湯內有4,5件花膠 飲下去清淡舒服喝下去知道沒有味精 每人都有一碗半左右份量醉雞翼米線，有5件單骨雞翼jei係有兩隻半雞翼!? 醉雞翼入味 有重重的花雕味 唔錯但個米線湯 對我來說 太過清淡枱面也沒有辣椒油，只有麻油上湯娃娃菜也是淡淡的 不過夾著杞子一起吃 也有甜味同事女喜歡吃淡味，她十分欣賞而我本身比較重口味的，只係覺得健康同食完不口渴

之前有同事介紹過呢間餐廳有好多唔同款嘅老火靚湯所以專登去試下入到去睇餐牌唔係太多選擇主要都係得米線或者銀針粉再加個餸 第一次試叫咗醉雞米線,今日個湯係花膠湯52蚊一碗正常分量嘅咪米線上面有兩塊花膠 再配五隻單骨醉雞翼即係其實得兩隻半分量唔係幾啱比例,得太少餸 醉雞都幾重酒味同幾入味味道唔錯不過個花膠米線就好普通 可能我同啲同事都食開重口味成碗米線好似清湯咁,完全無味然後我哋不斷落鹽同埋胡椒粉食完個面都覺得唔係好啱我哋口味 所以都冇再特登士去試佢個老火湯

天氣轉涼，來一碗暖乎乎的熱湯最好了 午餐時間點了醉雞翼+花膠銀針粉：花膠有薄薄的四小塊，口感還可以 銀針粉的分量正常，不過湯底十分清淡，重口味人士應該受不了 幸好有醉雞翼可以伴著吃，酒味很香值得一讚小插曲：當天下午另一個食客１：２５分點餐，直到１：５０分才上菜！雖然明白小店人手不足值得原諒，但打工仔午飯時間有限，同樣為難，希望以後可以改善，趕時間人士亦請注意總括而言，醉雞翼值得一試，不過主食及服務仍有改善空間～

其實灣仔一向都有好多好野食，呢間鋪頭位於灣仔利東街，雖然喺罕仔入面，唔算好起眼，但竟然有靚湯飲，仲有花膠食， 價錢又親民，岩哂一d無湯水飲既人黎幫襯。而且佢有湯卷賣，日日都有唔同款既湯，$228有5壺，$448有10壺，一壺都夠2個人飲。我今日叫左個花膠雞絲米線食，價錢都係$48蚊。其實除左米線之外，仲可以食銀針粉。花膠雞絲米線碗米線入面都有好多隻花膠，雞絲撕得好幼細，而且肉質都好嫰。湯底非常清甜，米線幾爽口，又唔會太硬湯麵上有幾粒杞子，而杞子是甜甜的。我第一次食米線可以飲哂成碗湯，原來湯底係用雞熬出來，難怪會咁鮮甜

朋友附近番工介紹，成日見佢放呢度碗湯，佢見呢度dinner有做埋海鮮餐又唔太貴，咪夾埋去。第一下感覺見到呢隻碗既反應係唔識比，無諗過出街可以飲到咁大碗湯，而且都真係好足料，尤其係螺肉。花膠不能要求太多，但湯料的確十足，好想飲多碗！個餐仲有鮑魚，貴妃蚌同埋蝦，正常水準，可能碗湯實在太surprise，變左對海鮮興致唔太大了。而且仲有浸雞同上湯娃娃菜，我反而覺得呢幾樣仲吸引，因為又可以飲到d湯，雖然係上湯。因為浸雞，所以雞幾嫩滑兼有湯水香味，而且份量黎講真係好足好足，講緊只係每人$298，仲有每人一大碗湯米/銀針粉，真係方死唔夠飽。

翻工咁辛苦，收工可以飲碗冇味精既湯其實已經好滿足。但係翻到屋企都已經抖到不得了，想飲口無味精的湯都唔係咁易架。好彩呢日係灣仔收工，見到呢間100%無味精的寶貝靚湯！用花膠同螺肉做材料去煲既湯，煲出黎非常鮮甜，飲落舒服唔會覺得口乾，証明真係冇落味精。花膠又大片又滑，螺肉食落唔會太硬身重食到甜味，正！大大隻的海蝦，食落肉質都幾結實，蝦肉肉身鮮甜，而且個蝦頭勁多蝦膏，食到成手都係膏同埋蝦汁，但係好滿足！果皮蒸鮑魚，鮑魚肉質彈牙，果皮唔算好重味，重食到鮑魚的本身鮮味。不過食落唔算太甜，甜味稍為欠缺左少少。蒸貴妃蚌係我最愛的海鮮之一，因為佢個種鮮甜味真心係不得了。蒸既時間好似左左少少，食落唔算太熟，但係食落都可以接受，而蚌本身的甜味都加番分。呢盤花膠雞，我真心估唔到自己食下食下竟然食左大半隻雞用浸煮方式烹調，所以食落好滑，雞味出哂黎。不過花膠就咁放係碟上面有D乾哂身咁，有D浪費左D花膠...食到最後加番少少澱粉質，一於叫個銀針粉。麵既湯底清甜，用黎配雞食Fit哂。最後加個桂花糕清一清個味蕾，舒服哂又夠哂飽，抵食！

最近秋風起，天氣帶涼意及特別乾燥，這晚相約友人於灣仔吃晚飯，去了友人上班期間常光顧的一家養生湯水店，養養身！店位置位於小巷裡，較為隱蔽，幸好友人是灣仔地膽，不然實會迷路。友人一直很想試試他們只供晚市預訂的寶貝海鮮花膠雞晚餐套餐，這次終於一嘗了！首先，奉上一碗是日寶貝靚湯，每天不同，看看當天店主烹調什麼湯水而定，這次我們喝的是花膠螺頭瑤柱淮杞瘦肉煲雞湯：無添加味精，令我想起媽媽煲湯的味道。光是這碗湯，已經有點飽肚，大大碗，不油膩，材料非常充足，花膠、瑤柱、淮山、螺頭樣樣都有，毫不吝嗇。白灼海中蝦：蝦大隻新鮮，肉質結實，帶點爽彈，個人認為不蘸醬油吃更能吃出其鮮味。果皮蒸鮑魚：果皮味甘香，加入薑絲，與蒸鮑魚是最佳配搭，令鮮味升級。XO醬蒜蓉素翅蒸貴妃蚌：原粒貴妃蚌肥美飽滿，入口彈牙，味道清甜，再配上XO 海鮮瑤柱醬在上面，將本身的鮮味昇華。 另外不得不提的還有素翅，每條素翅比粉絲更煙韌爽口，配上蒜蓉蔥花豉油，十分入味。花膠雞半隻配米線／銀針粉：每人一碗麵食，兩樣均試過，不過米線跟銀針粉相比，銀針粉更加特別，吸盡湯頭的精華及味道。雞肉肉質嫩滑有肉汁，無雞腥味，再配大片花膠，膠質豐富，滋補養顏，

同朋友食飯聚一聚，咁岩見到呢間勝價比高，又有花膠食，就衝左入去叫左個套餐，真心水準系高！先來一碗花膠湯冇味精 ，吾會好咸同飲完吾會好口乾！足料吾洗多講，我一個匙就有一大塊花膠！而且仲要唔止一塊，煮得夠腍，用左螺頭雞等去令湯更香更有味！飲落略帶鮮甜海蝦亦都非常新鮮，啖啖肉而且肉質都幾彈牙！鮑魚亦都系大大隻！用左果皮同蔥花爆香，食落更如香口Xo醬蒜蓉素翅蒸貴妃蚌！就夠哂入味素翅吸左豉油嘅香，入口惹味而且蚌就爽口新鮮！花膠雞半隻亦都好足料雞肉嫩滑個人認為煮得熟度岩岩好。花膠份量就吾惹小，大大塊在旁可以配米線或者銀針粉！今次就揀咗銀針粉比較特別，真係要讚一讚個湯底，雞湯湯底好帶雞油香，加左杞子微有鮮甜，而粉配呢個湯真係無得輸！食完個粉真係好飽！最後仲有甜品就係紅棗杞子桂花糕，夠哂養顏呀，岩哂女士，吾會太甜！有機會一定會再嚟呢間小店食

成日都話一個人冇足夠湯水個人好dry , 不過香港人甘忙又真係冇計嘅！不過依間餐廳就幫到大家喇！用足料靚花睇靚雞再加埋心機時間煲嘅老火湯😍！大家可以叫佢地嘅送湯服務呢👍🏻👍🏻👍🏻 除左湯最近佢地推出埋晚市海鮮套餐！$298/位超級豐富！樣樣大大碟真材實料！食到真係要抱住個肚走呢！花膠雞海鮮套餐只做晚市，2位起$298包含》1.涼伴青瓜2.寶貝靚湯3.白灼海中蝦4.果皮蒸鮑魚5.蒜蓉素翅蒸貴妃蚌6.花膠雞7.米線/銀針粉8.上湯浸時菜9.紅棗杞子桂花糕講真甘嘅價位真係冇預過佢份量甘強大😱一黎碗湯QT以為自己睇錯😏好大碗呀真係2-3個人飲都夠囉！講緊係兩一碗甘巨碗呀！仲要好多湯渣！冇揸流攤！大大塊滑花膠！仲有螺頭肉瘦肉😍 之後上嘅海蝦都唔少野夠晒大隻都爽彈～ ！鮑魚同貴妃蚌都不錯，就係蚌就岩岩好熟，QT自己就接受到嘅～ 但蒸耐多一分鐘會更好！甘就唔怕玻璃胃嘅人食到唔夠熟而不適喇😌 個花膠雞先重料呀😍超多花膠不在話下啦，雞係用花膠湯浸制嫁，所以肉身唔會鞋而且夠嫩，就係刀手哥哥要再熟練一下斬雞嘅技巧！有點斬得太散，落刀可能未夠利落引致碎骨多左少少而且排送雞件未排得靚靚樣～ 這點要注意一下😌 至

寶貝靚湯🙊❤️足料 無添加 老火靚湯🥣 海鮮花膠雞晚餐 性價比高 $268/位(兩位起）花膠螺頭雞湯 無味精 有家的味道 用料足👍🏻花膠雞半隻 雞肉滑，切件細👍🏻超多花膠😍😍海中蝦、蒸鮑魚、貴妃蚌：新鮮，煮得剛好，不會過熟紅棗杞子桂花糕 用桂花沖茶製成，無渣，味道清甜👍🏻.而家只要訂枱用優惠code