寿司造 (莊士敦道) (已結業)

睇完中醫經過呢間壽司舖覺得有啲特別, 因為以前好似唔覺有呢間舖頭,  可能太耐無去灣仔. 見到間舖頭咁新淨當然入去試下. 其實嗰度啲選擇唔多甚至偏小, 都係啲十分普通的魚生同丼, 卒之買了一個鰻魚飯,  一盒加州卷, 一碗湯和一盒三文魚壽司. 店員小姐好有耐心咁解釋呢間舖頭係半年前才開張, 又細心講解點用佢地個app會換取優惠, 比起  chotto maki 呢一間無負評但服務原來異常差劣串爆的女店員簡直天和地比. 今時今日係香港好難搵到咁盡責的服務員. 舖頭門面十分乾淨, 光線充足, 而且佢地整咗一條斜路畀坐輪椅的顧客用但食物就要改進一下. 鰻魚好硬重有啲腥味, 又係普通米. 三文魚唔係好新鮮. 加州卷啲料偏小, 而碗湯就認真難飲似一碗有腥味的鹽水, 而且食物係微溫. 由我買完去返上車食都只係五分鐘所以無乜可能係天氣令到啲食物變熱. 唯一落足料反而係外賣包裝紙袋同啲食物膠盒.某程度上爭鮮啲三文魚係好食啲, 希望佢地可以改進下啲味度唔好浪費咗店員盡心經營的心機

本人於此本人今晚（2022-07-05）於八點後，灣仔壽司造買了些壽司，埋單付款的時候(八點零一分)，店員並沒有給予八點後折扣，因為今次是本人七月第一次幫襯，以為折扣優惠已經結束，就沒有多問。後來十分鐘後本人搭電車途經壽司造門口的時候，發現店門口立了八點後折扣廣告牌，感到非常震驚和不悅，因此向此店投訴，之後收到店鋪致電所謂“跟進”。犯錯後致電顧客賠不是，合理；但致電顧客，在電話中只顧所謂的解釋，即是掩飾，試圖以一派胡言合理化自己的過失，就是萬般過份！一名男子，自稱代表灣仔壽司造於今日，以電話號碼6689 XX83致電本人，電話內容大致如下：灣仔壽司造：我要向你解釋一下，我們的八點後八折，不是一定要在八點後就打折扣給客人。本人：你們店外的標語告示說八點後就有八折。灣仔壽司造：這不是我們一貫的做法。我們一貫的做法是在大概八點後給客人八折優惠。本人：我親耳聽到不止一次，你們店內職員店中顧客說，八點後有八折，不是大概八點後才有把遮，難道你們是講大話？灣仔壽司造：不是大話，而是我們一貫的做法是在大概八點後有八折，不是一定要八點就立即八折。本人：我聽過不止一次你們店中職員說八點後有八折，最後我在八

呢一間係灣仔新開嘅壽司店 真係超級高質 全部壽司賣相都好靚🍣上次嗌左個昆布北海卷 佢有帆立貝、三文魚子、吞拿魚蓉同埋甜蝦 食落真係好鮮甜！最特別係佢用咗昆布紙嚟包住舊壽司飯 都幾特別

外帶壽司店愈黎愈多選擇，呢間喺灣仔大街都算幾方便，價錢方面都算大眾化，平均兩個人都係二百幾至三百左右都攪掂。.外賣番到去擺番靚同出街食一樣不過可能因為外賣，紫菜淋晒，青瓜唔夠爽脆。另外飯都偏硬，食落始終同新鮮即整嘅有啲分別。.不過魚嘅話都新鮮，唔會有腥味，池魚$65有5件，唔算大件但質素唔錯。海膽免強接受，但食唔到嗰種甜味，同埋用青瓜包口感麻麻。不過二人set都係$228，加多盒池魚壽司合共$292，係抵食嘅

而家外賣嘅市場真係非常之大，所以如果搵到一間好食嘅外賣壽司店真係非常之開心，於是朋友介紹之下就去咗呢一間餐廳度試吓啦！呢一間外賣壽司店都算好抵食，而且呢一度仲有好特色嘅螢光魷魚！好特別，而且呢個刺身級別嘅魷魚真係非常之吸引，淡淡的海水味，有少少鹹，再加埋鮮甜味道！令人回味無窮

今次同大家介紹呢間灣仔新開既壽司店～～小店主打⾼質外帶⽇本壽司🍣，由20多年經驗的資深壽司師傅主理👨🏻‍🍳～～店內刺⾝係由多個⽇本漁市場空運到港🇯🇵，品質保證👍🏻👍🏻💚昆布北海卷 $88✨呢款特色卷物係灣仔店限定架！！包括有帆立貝、三文魚籽、甜蝦同吞拿魚蓉等，啖啖鮮味😋😋最特別係用左層昆布紙黎包醋飯，望落好靚！食落有少少海水味，幾特別❤️❤️🦀⽇本松葉蟹⾁蟹膏卷 $88✨呢款都係灣仔店限定，必試～～面頭鋪滿松葉蟹肉、蟹膏同飛魚籽，好足料～～蟹肉甜甜地好新鮮，蟹膏鹹鹹香香！口感層次豐富🤤🤤🍣炙燒明太子三文魚壽司 $48✨三文魚經炙燒後油脂香更出！！食落新鮮肥美，面頭仲有明太子醬，好好食❤️❤️一共有5件，忍唔住一個人食哂🤣🤣🍱蒲燒鰻⿂飯 $68✨包裝好靚呢！鰻⿂有兩大塊，仲有蛋絲同漬物～～鰻⿂好厚身，咬落啖啖肉、冇細骨😍😍配埋特製醬汁，送飯一流呢👍🏻👍🏻

途經灣仔返屋企嗰陣見到以前公司樓下竟然開咗間新嘅外帶壽司🍣，決定今晚唔煮飯一於嚟個外賣壽司餐😆（重點係食完碗都唔使洗😎🤟🏻）.📍昆布北海卷(HK$88/6件)📍雜錦壽司（ $58 )📍雜錦壽司-10件入-A（ $78 )📍雜錦壽司-12件入-C（ $68 ).$58一盒應該係全場最抵食嘅款式，一盒有10件炙燒三文魚，計番都係$5.8一件🤑。另外都有啲件數多啲嘅選擇，質素一定比$3壽司好，起碼魚生都厚啲又油潤啲🐟，壽司飯唔散醋味都啱啱好，係個唔使入餐廳又想食壽司嘅好選擇。.上網睇返先知原來呢間由外帶壽司一共有2間分店，係多個⽇本漁市場空運新鮮魚生刺⾝到港✈️。除咗有刺身、壽司、飯團🍙、鰻魚飯同創意卷物，灣仔店仲有限定嘅熟成池魚壽司添🤟🏻😆

屋企食嘢嘅態度，依然係堅持 #相機先食。鏡頭背後，係阿娘不明所以嘅表情。老實講食壽司較少會外賣，不過呢排咁凍，外賣相對係食得較為放心嘅！今次阿娘識買，唔係拎住袋乜鮮乜気，而係食材由日本豐洲市場直送嘅「#寿司造」，有唔少創作壽司款，刺身同壽司飯團卷物都冇欺場！以外賣壽司計算幾有誠意，特色卷物吸睛程度係會想打打卡。其中最鍾意係灣仔限定嘅「柚子鰤魚三味卷」，柚子香得嚟又提鮮！至於另一款 「昆布北海卷」就好靠外層昆布提升風味！期待有機會再試埋佢另一限定款「松葉蟹肉蟹膏卷」個 #日本豐洲市場 直送嘅藍鯨吞拿、烏池魚同鰤魚熟成壽司！

今日去開灣仔，先知道開咗間新嘅外賣壽司舖頭～因為係放工時間，而且又近大馬路，都好多人買返去食。「寿司造」由擁有20幾年經驗嘅壽司師傅主理，佢地嘅刺身由多個日本漁市場運到港，師傅再按時令挑選食材發辦製作刺身盛、壽司盛。佢嘅食物選擇都幾多，有丼飯，飯團，各類型嘅刺身，壽司拼盤，仲有個雪櫃可以買急凍嘅食品～見到灣仔有一限定食品：三款鮮魚熟成壽司（藍鰭吞拿魚、島池魚、鰤魚）仲有三款新創作卷物：日本松葉蟹肉蟹膏卷、昆布北海卷及柚子漁師三味卷，睇落都幾好食，就買左昆布北海卷～ 然係仲買咗一盒鰻魚飯同埋特選壽司。特選壽司好豐富，又有吞拿魚，牡丹蝦，海膽，松業蟹，同埋帶子等等，件件都好新鮮，而且份量都好多。昆布北海卷，主要材料係：吞拿魚茸同埋甜蝦帶子，飯卷出面有啲昆布，昆布嘅味都幾濃，有少少搶左其他食物嘅味道，但鍾意昆布嘅會覺得好正。鰻魚飯都好豐富，有兩大舊鰻魚，仲有啲配菜，鰻魚都幾肥美，雖然有少少細骨，但係整體以呢個價錢來講都幾好味～大家經過都可以買返屋企試吓！

😝😝屋企聚會買野食，經過見到有間新野，價錢又唔貴，試下先。同平時壽司外帶店有啲唔同，佢地啲款式比較多而且特別好多😮 「寿司造」由擁有20多年經驗的壽司師傅主理，於多個日本漁市場刺身日本到港，師傅按時令挑選食材發辦製作刺身盛、壽司盛。裝修以木色調為主，感覺幾乾淨。除左壽司，居然仲有急凍皇帝蟹、飯團，種類多，灣仔站一出就係，買早餐就好方便。灣仔限定三款鮮魚熟成壽司（藍鰭吞拿魚、島池魚、鰤魚) ，由日本豐洲市場直送，到港進行嚴格熟成處理，熟成後更有魚香口感更軟滑。柚子漁師三味卷 $88/4件勁大件三文魚、油甘魚同呑拿魚組成😀應該係舖頭自創卷物，外層用米紙包住，有柚子、青瓜令卷物層次感提升，味道鮮之餘感覺特別😝好大件!! Fusion壽司，抵讚。灣仔三款新創作卷物:日本松葉蟹肉蟹膏卷、昆布北海卷及柚子漁師三味卷，味道、創意及打卡並重。下次試埋其他兩款三文魚刺身 $65超大片，肉身厚，好香三文魚味，唔貴，直頭好好好抵食。減肥人士，淨食呢個都夠，又高蛋白質。什錦壽司盛 $168/18件聚會一定唔少得，6款壽司🍣 仼揀，刺身都幾厚肉，配上壽司飯，正。壽司飯用上日本米，飯軟熟。拎到返屋企雪幾個鐘啲飯都

.上星期同男朋友去灣仔買壽司外賣返屋企當dinner😋呢間寿司造之前已經聽講過 係由擁有20多年經驗既壽司師傅主理刺身高檔又新鮮 係由日本漁市場直送到港連藍鰭吞拿魚 鰤魚 島池魚都有🤤價錢仲要非常貼地 性價比高店內擺放整齊 款式多.灣仔店仲有三款新創作卷物分別係日本松葉蟹肉蟹膏卷 昆布北海卷同柚子漁師三味卷夠晒創新! 我就買左昆布北海卷 帆立貝壽司 雜錦壽司12件同中華沙律🥗 幾件飯糰🍙男朋友極愛食帆立貝 佢話呢度既帆立貝新鮮又大大粒 飯又唔會太大 岩岩好就算唔點醬油都非常好味🤗.昆布北海卷其實就係用昆布包住卷物 上面再擺上帆立貝 吞拿魚蓉 三文魚籽等等卷物有蟹柳同脆卜卜既青瓜咬落層次分明 一啖都可以食得晒 超滿足.雜錦壽司有三文魚 墨魚 帆立貝 吞拿魚蓉 熟蝦同鰻魚 每款有2件 同人share都唔洗爭💜三文魚啲紋理好靚 墨魚爽口彈牙 吞拿魚蓉入口即溶 好香口 諗起都流口水🤤.飯糰全部都係紫菜分開自己包 保持到脆卜卜啲料都唔少 飯不會偏酸 用黎做早餐/下午茶掂晒～

今次來到灣仔的一家外賣壽司店「寿司造」裝修以白色為主調。唔好睇佢裝修咁簡潔，原來主理的師傅已經有20多年豐富的經驗，刺身在日本嘢魚市場空運到港，超級有誠意！今次一場嚟到灣仔，試完之後感覺都冇令我失望！🍀松葉蟹肉蟹膏卷$88👍相信唔少人都鍾意食蟹，蟹肉如絲又新鮮；蟹膏飽滿流油，厚膩豐腴！上面仲有蟹子點綴，用料好足！推介！🍀炙燒明太子鰈魚鰭邊壽司$58👍👍店員熱心推薦這一款給有選擇困難症的我！英雄所見略同！原本我都好鍾意食呢一款壽司🍣呢度既壽司有返咁上下質素bo！鰈魚鰭邊壽司半生熟，表面微焦，賣相油亮油亮，油花冒出，油脂香氣好夠。魚肉鮮甜味美，好推介！🍀雜錦壽司12件入$68店員介紹說這個雜錦壽司絕對是性價比之選！的確係！選擇夠多，樣樣都可以試下！岩曬我呢d貪心的小狗！今次選擇的六款壽司有：魷魚、三文魚、帆立貝、吞拿魚碎、蝦、鰻魚。6樣都唔錯，保證全部新鮮，最鍾意帆立貝，鮮甜！三文魚壽司都肉質緊實！魷魚壽司最令我感到驚喜！原本我不太喜歡，但係呢個魷魚壽司真係吃得出魷魚鮮香，好似係你口腔到彈下彈下咁！正 🍀四色小卷$28 四色小卷 $68叫咗兩款四色小卷！份量夠多，派對之選，一次食都唔同嘅選

見到雜誌講開灣仔新開左一間壽司🍣外賣店舖，由有20多年經驗嘅壽司師傅打理，加上魚生由日本漁市場新鮮到港，並且造成唔同嘅刺身同壽司～今日放工一於外賣返去試吓！🥰呢一間外賣店舖有熱食丶有小食丶有前菜丶有熱湯等等，相當多唔同款式！🍱最特別係仲有好多唔同特色卷物，全部都好靚，一於就買唔同嘅壽司返去試吓！昆布北海卷，賣相十分之華麗 ，用昆布包裹住嘅卷物上邊再放上吞拿魚茸丶三文魚子丶白蝦等等，食落口係滿滿嘅鮮甜，可謂色香味俱全炙燒三文魚壽司🍣呢個超級抵食！50幾蚊有10件炙燒三文魚，燒過嘅三文魚逼出油香，又香甜又好吃炙燒明太子蝶魚鮨邊壽司呢一款大力推薦 蝶魚邊經過炙燒，油香超級豐富，配上明太子嘅鹹香，成個味道完全昇華一個層次！仲叫咗幾款唔同嘅飯團🍙，特別推介秋鮭三文魚飯團，餡料十足，再配上日本米，飽肚又好吃👍再配上日本來的果汁🧃，呢一餐外賣非常享受！

終於出到新一輪嘅外賣系列naaa🥳 今日係灣仔收工，但已經接近六點，都唔洗諗堂食🥺 都係打算快快手賣個外賣就歸家🏠 一於就試吓離地鐵站一分鐘路程嘅壽司店laaaa🍣1️⃣ 油甘魚刺身（$68）自從上年食過野間omakase之後就愛上咗油甘魚，所以毫無懸念咁要咗一個油甘魚刺身🙈 刺身表面甚有光澤，睇落肉質頗新鮮🐟 而味道方面魚味偏淡，相比之下入口油分幾重，唔會有腥味😌2️⃣ 熟成島池魚（$65）食咗咁多年壽司都係第一次聽「熟成」呢種烹調方式，所以都猶豫咗一下試唔試下新野好🙈 個侍應姐姐好熱心咁介紹，話佢地嘅刺身係由日本豐洲市場直送，質素唔差架，店舖更有擁有20多年經驗嘅壽司師傅坐陣💁🏻‍♀️ 所以我都懷着好奇心買咗盒～ 估唔到經過熟成後，池魚入口更有魚香，口感亦更軟滑🥰 下次再經過可以考慮試吓其餘兩款限定鮮魚熟成壽司：藍鰭吞拿魚 & 鰤魚🤪3️⃣ 特選壽司12件入（$168）呢間嘅軍艦全部都係用青瓜代替紫菜，好特別😍 覺得呢種食法更能夠品嚐到魚生嘅鮮味🐠🐟🦐 不得不提個三文魚壽司！刺身切得超～厚，油分勁高，兩件完全唔夠喉🤤 海膽唔腥，而蟹肉 & 三文魚籽軍艦都好鮮甜👍🏻本身仲想食灣仔分店三款新卷物其中

最近行經灣仔利東街附近有一間日本壽司外賣店長時間都有人群，特別係放工時間，晚市禁堂食，好多人都去揀返幾盒壽司、刺身、便當返屋企😌剛好就係比門外嘅鰻魚飯便當廣告牌吸引咗入去，汁燒鰻魚飯睇落好吸引😍汁燒鰻魚飯便當拎起時便當仲暖粒粒，忍唔住買咗兩盒返屋企🥰打開蓋一陣鰻魚香，鰻魚兩大片，肉厚肥美，入口帶有魚油香，配飯一流！刺身兩點有三文魚腩同馬刀貝，肉質豐厚、甘甜飽滿、纖維分明，越嚼越能品味海洋的鹽滋味馬刀貝肉質極鮮甜，超級爽口。日本松葉蟹肉蟹膏卷每啖都有蟹膏蟹肉配搭嘅飯卷，味道香濃，入口鮮甜甜美，不錯不錯！「寿司造」由擁有20多年經驗的壽司師傅主理，於多個日本漁市場刺身日本到港，師傅按時令挑選食材發辦製作刺身盛、壽司盛。灣仔限定三款鮮魚熟成壽司（藍鰭吞拿魚、島池魚、鰤魚）：由日本豐洲市場直送，到港進行嚴格熟成處理，熟成後更有魚香口感更軟滑。 灣仔三款新創作卷物：日本松葉蟹肉蟹膏卷、昆布北海卷及柚子漁師三味卷，味道、創意及打卡並重😝