小叻沙 (已結業)

中午行行下見到依間裝修好搶眼，決定入去試下。原本打算食海南雞飯，見到個自選叻沙就即刻改變主意。首先揀咗個豬頸肉叻沙，自選湯底就梗係試下佢皇牌叻沙湯底，最後就可以揀麵款。正宗叻沙係油麵同米粉底，不過個人比較喜歡米粉就選擇淨米粉。等咗10分鐘左右就有，一上枱就有好香的蝦膏味，湯底不太稠，帶小小椰香味，味道較淡。仲有4件勁厚身豬勁肉，不過煎得不算太脆，有小小失色。賣相 3/5口感 3/5味道 3/5番食率 3/5

經過呢間店幾次眼見好似喇沙出名，今日終於試左，首先唔知點解要放青瓜（本人對青瓜敏感）要夾開晒食。味道冇想象好食但還算可以接受，但米粉同油麵配搭係ok，如果想試可以去食下午茶抵d。

今日去銅鑼灣白沙道個頭💇🏽‍♀️剪頭髮, 所以就係附近搵地方食D野啦經過波斯富街, 利舞臺對面見到 , 我自己好鐘意食叻沙, 又見佢主打叻沙就一於試試啦🤤老實說佢既門面招牌同餐牌實在有點俗氣, 如果唔係佢個名吸引, 我都未必會留意🤭不過內裡既風格完全不一樣, 少少唔太起眼既籃球主題裝飾, 不明何意🤔馬來叻沙套餐(自選三步曲)A2 – 🐔雞肉叻沙摻摻 (少辣) + 🍋熱檸檬茶 ($55)價錢同出面既差不多, 份量都算係多既, 不過味道真係幾失望, 湯底得個咸字, 似係雞湯咁既味道, 椰汁味較淡, 唔夠香, 而且湯亦都較稀, 完全掛唔到上D麵到, 唔太似叻沙, 配菜方面除左一般叻沙都有既芽菜 & 豆腐卜 & 雞蛋, 呢到仲有D青瓜絲, 增加口感, 最後雞肉原來係雞扒, 都係普普通通總括黎講, 湯底就係一碗麵食既靈魂, 湯底做得唔好, 已經失哂分👎🏽

黎到銅鑼灣唔知食咩好，經過見到這間小叻沙，橙色門面同辣椒仔招牌夠晒醒神，一於入去試一試。  點餐三部曲 第一部，傳統馬來叻沙，選自己喜歡的食送菜款式。一共有20款，實有一款岩食。 第二部，選湯底，有豬骨/叻沙/咖哩叻沙湯底3款可選。 第三部，選麵款，摻摻(油麵+米粉) / 米粉 / 油麵。  最後叫左A1 炸魚片+鮮冬菇 ($39) ，咖哩叻沙湯底配摻摻，加 $9 叫左杯凍檸水。份量略為細碗，炸魚片+鮮冬菇等配料索唔到湯底味道。咖哩叻沙湯底味道較淡，與傳統馬來西亞味道有分別。麵底摻摻可一次過滿足晒你兩個願望，一次過試晒油麵同米粉。整體黎講，味道中規中矩。不過以銅鑼灣地段，可以以相宜價錢食到叻沙麵，算是不過不失。

看見門外海報的星洲炒米粉幾靚仔，還分大細碟，入到嚟問大的是比細差多少，他說大紡小三分一。最後我還是選擇了大。當服務員把星米放在我眼前，我第一時間發問：這是小的嗎？他說是大的我！本人當時情緒修為很高，沒說什麼吃完就走。話說米粉碎濕濕，冇味，料唔夠，又細碟，咁就$75，冇下次！

叫左個小辣的海鮮叻沙。湯底好重椰汁味, 但辣味就= 0。海鮮有無味GE 蝦同魷魚, 仲有豆卜, 大魚蛋, 魚片。叫左米粉+ 油麵2溝, 米粉好味D, 索哂D 湯, 油麵完全5掛湯, 又無味。另+10 有2舊春卷, 入面係雜菜, 正常質素2X 蚊有4件魚餅, 細細的, 5算大塊, 少辣, 香料好香, 好食。上菜幾快, 有冷氣滴水, 即刻SORRY, 幫我地換位。

非常極度皊望既叻沙.....# 紮肉叻沙 # ***** 5/10叻沙揀左有米粉加油面既combination，無乜特別。個叻沙湯底好咸，得個咸字，無椰汁既香味，好唔似叻沙。我同個frd見到小叻沙近來都有幾開分店，本身抱好大希望，我friend揀呢間既時候，我即刻話ok，我好鍾意食叻沙架因為，但估唔到令我大跌眼鏡。呢5分，只係比果幾塊紮肉..... 叻沙最緊要湯底，但佢都做得唔好。好彩無晒錢叫龍蝦叻沙。仲有，隻雞蛋硬到可以掟親人架。唔知食緊乜咁。枱面無紙巾，但其實傳菜果度好多。枱面冷氣機滴水，無人stop佢又或者拎筒裝住啲水.....唔會再幫襯啦......

叻沙湯底水汪汪，淡而無味。豬頸肉怪怪的，又硬又實。串燒沙嗲，啲沙嗲醬，都一樣唔知係乜黎嘅，勁多油冇味。廚房入邊有人依依哦哦哼到出面隱約聽到，最初以為有鬼⋯⋯食到驚驚地....認真伏晒！差到一個點係唔會寫得出200字然後俾個劣評⋯唔怪得咁多人評服務差嘢食唔好都只得二個

之前朋友一直話要試呢間喇沙，今日終於黎咗。叫咗個蔬菜蛋麵小辣喇沙，我一向都唔係好食得辣，但我覺得佢個小辣又真係完全唔辣，我都接受到。湯底同食物都ok嘅。我朋友話原來佢係籃球做主題裝修，又真係唔講都冇留意到。

Newly open restaurant and seen it a few times so thought i had to try. Went for a laksa takeaway, the soup and noodles were separated to ensure they weren’t too soggy by the time you get back.The soup was great and flavoursome and the pork had a great bite to it. Will definitely be back to try another dish!

當一個人食飯時，最煩惱是有甚麼餐廳適合自己一個而又不會怕打擾到別人，就比我見到呢間新開的主打叻沙店，二話不說就入去了，門口還有侍應帶位的點餐方式分為三部曲第一步是揀選想食的餸菜配料第二步然後到湯底，有香濃豬骨湯底(不辣)/皇牌叻沙湯底(小辣) - 加入蝦膏蝦頭熬制的/ 咖喱叻湯湯底 (小辣）- 濃郁有層次的 兩款叻沙湯底都分別有小辣/中辣/大辣選擇第三步選擇麵款 - 米粉/油麵/摻麵(即係雙併)炸魚片+金菇菜叻沙 $39第一次黎食，就試下最普通的，湯底選擇了叻辣小辣，麵就選了摻麵，可以一次過試曬兩款麵味道方面，不嗜辣的都接受到，配料除了炸魚皮、金菇菜，還有豆卜、雞蛋、少量青瓜絲做配搭，色香味全整體來說是性價比高的，在銅鑼灣鬧市區竟然有這樣抵食的馬來西亞叻沙

終於可以一來這一家叻沙，因由它在裝修時已很想吃！因為銅鑼灣吃喇沙的真的比較少，還是這一家是專門吃喇沙的！店鋪很大，在利舞台對面，位置非常方便。店內有不少藍球的裝潢，別具一番特色，不太簡陋！餐牌都算是多選擇，他們還有蟶子及龍蝦！但這次我們沒有叫到，因為看似很豐富，要空著肚子才可以去吃！錦繡喇沙 ＄68點了這個，勝在材料豐富，有雞肉、雜菜、扎肉、燒豬頸肉、牛腩及海鮮。真的很豐富，還選了叻沙湯底，他們的皇牌湯底來的，加入了蝦膏蝦頭熬製，非常濃味的。除湯底外，他們還有麵款可以選擇，我們都選了摻摻，感覺沒有只叫油麵這個飽肚。＋＄9 可選餐飲，我選了熱檸水～招牌海南雞叻沙 ＄70 包餐飲雖然賣埸是不太討好，但味道十分滋味，雞肉都比較多及都很滑，這一碗是用咖喱叻沙湯底，味道果然濃郁多層次比起普通叻沙更濃味，有加入椰子的香味，層次更突出！下次再來必點這個湯底！餐飲選了凍奶茶 不用加錢，他們的奶茶想不到又幾滑～+ $22 馬來沙嗲2串看到價錢不貴，便叫了2串，一串豬肉，一串雞肉，肉質兩者都不乾，很有肉汁，配了他們的沙嗲醬十分滋味！ 通菜 ＄20＄20大大碟，份量不少，配了他們的辣椒油吃用，不然會比較淡味

<小叻沙 好味既叻沙>🍜今日行完 timesquare醫肚 , 諗住食下面。 喺波斯富街見到呢間小叻沙 好似幾地道就入左去😂一入去我肯定個老板好鍾意籃球🏀 有得分板同籃球框 連 枱都印有籃球場😂 整體環境有單人對玻璃位 亦有長枱 類似茶記格局 個名叫得叻沙 當然係食星馬菜 主要係食叻沙 仲有小食串燒 海南雞飯等 👍🏻🍴招牌海南雞飯套餐 🐤🍚 68 蚊抵食既海南雞餐 雞肉份量都唔細 雞肉係凍食 雞皮爽彈 雞肉夠嫩🐤 油飯🍚夠哂香濃同油香 加上平時海南雞既三種汁 甜豉油 醉辣汁同薑蓉 撈埋白飯食最正 食完飯仲可以飲個清甜白蘿蔔湯 滿足💪🏻🍴波士頓龍蝦帆立貝雜錦叻沙 中辣🐲🦐133 蚊落足料既叻沙 見到半隻龍蝦都開心 😍 龍蝦都幾多膏 蝦肉彈牙 仲有爽口既豬頸肉🐖彈牙大隻既凡立貝 仲有香濃紮肉同吸汁豆卜添😋 而中辣既叻沙都幾夠香辣 椰香味夠 加上星馬食法 chumchum既係油麵同米粉 🍲油麵好夠爽口 而米粉盡吸 叻沙汁 好正 🙂#叻沙 #東南亞 #海南雞 #海南雞飯 #札肉 #凡立貝 #星馬菜 Score 平均分 <7/10>Taste 味道：👍🏻👍

心血來潮突然間想食喇沙，好好彩搵到呢間小店，星期六三點幾去到都好多人，坐低快快脆脆叫咗兩碗面兩個小食，啲食物好快到，全部上枱都熱辣辣。馬來沙嗲串 - 一串雞肉一串牛肉，燒得好香口，味道醃得啱啱好馬來炸雞槌，炸雞嘅醬粉唔會太厚，雞錘好多肉，大大嚿，好抵食海鮮叻沙，豬頸肉叻沙，佢嘅湯底比較香口，唔會太辣，我鐘意佢比好多湯，因為佢嘅面好大碗，慢慢食都唔會乾，比起好多餐廳做嘅好食好多，豬頸肉煎得啱啱好，海鮮配料就普普通通。但系真系好抵食，呢個價錢呢個時間喺銅鑼灣，絕對系超值選擇！

今日冇食lunch所以6:00已經要搵野食, 食乜好🤔 利舞臺對面好似冇幾耐之前新開咗間馬來西亞餐廳, 有時行過仲會聞到陣陣肉骨茶香味，今日一於去試試先。呢度好啱有選擇困難症嘅我諗食乜😅，因為餐牌上已有20款唔同嘅配搭，先揀食物，後揀湯厎，再揀麵底。今日好餓又想食好D，所以我揀咗帆立貝跟傳統叻沙湯同摻摻(油麵加米粉)，而朋友話要豪過我試波士頓龍蝦🤪。😮龍蝦到... 同餐牌一樣，試下個湯先，好香椰汁味，入口蝦味濃郁，湯底加入蝦膏同蝦頭熬製唔怪得之咁好味。龍蝦啖啖肉仲有豆卜同半隻蛋，成個碗裝到滿滿😆到我個帆立貝啦, 粒粒5、6cm大又厚, 我個碗都加咗豆卜同蛋, D麵沾上蝦湯好好味, 整體都好配合, 但如果油麵可以彈牙少少就prefect 啦👍🏻