小城大廚

營業中

休息中

觀塘工廠區美食林立，今天我和老公去工廈的「小城大廚」吃晚餐。甫坐下，看到牆身寫上「十二金牌菜」，小菜相當有特色，而且價格相宜。如「生死戀」、台山五味鵝、黃酒煮土雞等。還有「東主親下廚」，如酥脆牙帶魚、台山黃鱔飯等等。再開看餐牌，有抵食的孖寶套餐$188，有蝦又有雞！每天還有兩款特價精選，今天是星期二，我們選了蒜蓉粉絲蒸蟶子。前菜：冰鎮梅釀苦瓜和鹽焗花生。冰鎮梅釀苦瓜給人一種涼爽的感覺，苦瓜帶著梅汁的味道，與苦瓜的爽脆口感形成了很好的對比，非常開胃，而且一點也不苦，值得一讚！而鹽焗花生也炸得非常香脆可口。孖寶套餐：椒鹽海蝦海蝦很鮮甜，外層炸得很甘香，配上椒鹽的香氣，讓人回味無窮。頭抽霸王雞雞肉鮮嫩多汁，搭配頭抽醬汁，口感豐富。雞很滑，而且非常入味，大大的一碟，份量十足。蒜蓉粉絲蒸蟶子（星期二特價， $128 四隻）蟶子肥美肉厚，加上大量粉絲及蒜蓉，吸收了豉油和蟶子的鮮味，非常好吃。蟶子蒸煮時間恰當，肉質鮮甜彈牙。頭抽安格斯炒飯炒得很乾身，安格斯牛肉的肉質鮮嫩多汁，搭配炒飯的香氣，令人垂涎。還有切粒芥蘭梗，爽口嫩綠，配上頭抽的鮮味，真是一碟出色的炒飯。這真是一間出色的隱世小廚。菜單上還有很

🔻私心推介♡♡♡好野自然會有人欣賞👍🏻臨近冬至、新年好多人都會揀餐廳或者酒樓食團年飯，我哋就揀咗觀塘工廈私房客家菜嘅小城大廚。一邊食前菜，一邊睇餐牌。🌕冰鎮梅釀苦瓜+涼拌青瓜💲20🌟苦瓜帶梅汁味，青瓜非常爽脆，非常開胃嘅前菜。🌕桂花蜜汁金錢鱔💲188🌟金黃色嘅金錢鱔，一上枱就知道呢道菜唔惹少，油炸而不油膩，桂花嘅香氣、蜜汁嘅蜂蜜香、配上鮮甜酥脆嘅鱔，真係要有一定嘅功夫同功力先至做得出嘅菜式👍🏻 呢道菜更加唔係度度都有得食，必點👍🏻🌕客家梅菜扣肉煲💲108🌟梅菜扣肉啲梅菜係精粹，吸左扣肉啲油香，加上有洗過唔係死咸，淨係梅菜都送到兩碗飯😋我哋仲叫咗個豬油缽仔飯，扣肉應肥則肥應瘦則瘦，成個口感提升咗層次😍🌕金銀蛋時蔬💲88🌟食左咁多油膩野，叫個浸菜解一解，有上湯濕一濕個口舒服好多，加埋金銀蛋下火，啱曬 😋🌕淮杞螺頭燉老雞湯💲48🌟燉湯唔同老火湯，燉出湯料精華之餘，濃郁清香又唔會肥膩👍🏻👍🏻👍🏻湯水足料清甜，兩小口1人1盅，一家人可以叫1窩👨‍👩‍👧‍👧🌕懷舊豬油缽仔飯💲15🌟呢度嘅豬油飯係可以自己控制份量㗎，自己按自己鍾意嘅口味調味，配合懷舊嘅陶瓷碗，散發一種地道風味嘅情懷。💡🥚🅃🄸🄿🅂 💡

食物方面：本身想去食西餐，冇位，所以入咗呢間中菜館，有驚喜！叫咗個魚肉荷葉飯，好好味，兩個人夠食😋😋😋另外個梅菜扣肉都好正，好林，好入味，入口唔覺肥膩👍🏼👍🏼👍🏼服務方面：員工好熱情，有禮貌環境方面：乾淨，傾計都ok性價比方面：適中，合理，味道真係唔錯備註：都幾full，最好去之前book位如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

觀塘工廈抵食中菜今星期來到觀塘工廈- 小城大廚食中式晚餐，有幾道菜值得嘗試。水煮魚片$168魚片入味，辣度適合🈴香港寶寶體質，辣中帶麻，香料很多，花椒八角，配料都好多，豆芽木耳蓮藕萵荀淮山薯粉份量很多，湯汁很下飯杞子蠔仔浸西洋菜煲$128清新之選，杞子蠔仔西洋菜份量很多，和上湯很搭，清淡中帶鮮。潮式沙嗲金菇牛肉$98沙嗲汁惹味濃郁，金菇份量多，牛肉片很嫩。人均$200，吃得飽飽，大滿足😌。Restaurant: 小城大廚Address: 觀塘成業街19-21號成業工業大廈地下3號舖

放工去食港式小菜，去咗間位於工廈地下嘅餐廳，入面近乎坐滿，係一間好受歡迎嘅餐廳😄 有好多大枱，適合一大班人聚餐！同朋友嗌咗3碟，客家黃酒煮土雞半隻$178，一上菜已聞到酒香，個汁調得好惹味，啲雞肉嫩滑，啖啖肉，推介！魚湯海味浸娃娃菜$98 係餐廳推介，個湯少味精，可以飲晒佢，魚味濃，好味到飲晒佢😄仲嗌咗個瑤柱金菇炆伊麵$88，份量多，啲菇同芽菜都多，食完好飽😄 成餐2個人$380，又唔加一，屬好抵食嘅晚餐，難怪咁多人幫襯！

之前同朋友傾開偈朋友知我好鍾意食大排檔既鑊氣就介紹我去觀塘呢間好有鑊氣既私房菜度食今次去開觀塘買野就同老公去試下啦🤭一坐底已經有兩碟小食比我地食分別係涼拌青瓜 & 醋黑木耳， 少少酸酸地又少少辣辣地咁好開胃我地叫左重慶麻辣雞煲 $138/半隻雞好嫩滑，亦都好入味，半隻雞加埋配菜份量好足料冰鎮脆皮咕嚕肉 $128咕嚕肉係我每次食中菜都會必點既菜式😍因為我超鍾意個隻酸酸甜甜既味道🤤呢個冰鎮脆皮咕嚕肉用一堆碎冰墊住係底🧊仲有燈係冰裡面透出嚟，加埋菠蘿椰果藍莓做甜綴😍用黎打卡一流🤗除左睇得，個味都好得👍外脆內軟外凍內熱🤤好味金銀蒜粉絲蒸勝瓜 $88勝瓜蒸得夠腍，面頭鋪滿蔥同蒜蓉，個底d粉絲吸晒d醬汁精華，好好食🤤呢度仲要係免收加一服務費👍小城大廚📍觀塘成業街19-21 號成業工業大廈地下3號舖

收工在觀塘區一齊尋找工廈美食，找到呢間聽聞好有鑊氣嘅私房菜。🤤因為沒有訂位，餐廳已幾乎滿座，我哋只能坐二人枱卡位。餐廳會收$8一位茶芥，會準備滾水同埋茶，我哋點了普洱。呢一日天氣好凍，餐廳職員建議食暖胃的煲仔菜式。🔷胡椒中蝦豆腐煲 $108本來以為會好辣，猶豫咗好耐。食物上枱嘅時候聞到好香的胡椒香味，食落口反而唔辣而且十分香。🔷魚湯海味浸娃娃菜 $98必點，蝦乾味道突出，有魷魚同茹類，娃娃菜配魚湯非常香甜。🔷黑松露蝦多士(4件) $108蝦多士炸得香脆，蝦又夠大隻，十分好食。🔷飛天鹹豬手 $138食物一上枱，職員就提醒要先食鹹豬手，因為炸得剛剛香脆，趁熱食先最好味。果然，皮好脆，肉都唔會好咸，白飯未到已食了幾件。伴碟是酸薑，食2塊清新口腔，唔會覺得豬手膩。🔷見有款花臉啤酒做推廣 $16就試下。手工啤酒，花香甜味好突出！係十分適合女士飲的啤酒。職員不時有來收碟同埋加水，見一位似是經理或是老闆會落場落單上菜，會同客人傾偈一齊飲酒，好有私房菜特色。👍🏻今次未有點鑊氣小炒 ，反而試了幾款餐廳職員推介的菜式，全部都好好食，下次都想試埋小炒菜式。臨走見餐廳做緊推廣中式養生放題，有雞煲，海鮮啤酒任飲

我今晚約左好友到觀塘成業街 19-21號成業工業大廈地下3號舖的小城大廚食晚飯。環境寬敞，有當年香港大牌檔的風味。我點左三寶套餐$298，包括清蒸沙巴龍躉（一斤）、蘿蔔清湯牛腩及金銀蛋時蔬；另加美極香煎安格斯牛粒$128。小食是涼拌青瓜和木耳，青瓜和木耳相當爽及脆，條沙巴龍躉蒸得剛剛好，魚肉嫩滑，值得讚賞，食魚一定要趁熱食，才能享受到滑溜的感覺。蘿蔔清湯牛腩也值得一讚，牛腩軟腍清甜，帶邊的油脂入口即溶，好好的享受！白蘿蔔爽口無渣，湯底好清，可以帶出食料的原味！金銀蛋時蔬（菠菜），味道不錯，很好食！美極香煎安格斯牛粒，熱辣辣地上桌，香噴噴，牛肉的肉質好味多汁，令我食不停口，配菜有菇菇及彩椒，亦都被掃一清！整體表現優異，值得推介👍👍！

經過見到就嚟試吓呢間工廈入邊嘅小炒。一入到去個場好熱鬧，有少少高級大排檔feel，星期四嘅晚市都好旺場👍🏻入邊地方乾乾淨淨，價錢亦都唔貴。下次會再嚟。首先，嗌咗個乳鴿，$48抵到喊。夠脆皮，而且好嫩口啲肉👍🏻想有少少住家飯feel叫咗個蒜蓉炒菜心，新鮮唔會炒老咗。跟住叫咗個三色椒炒花甲，好足料，所以食到呢一度都飽飽地🤣重頭戲係叫咗條蒸魚，好鍾意啲蒸魚豉油，甜甜地又唔會太鹹，真係拎嚟送飯一流。條魚夠肥美新鮮，食到飽一飽，勁有住家飯feel。所以今餐飯非常滿意。我哋兩個人食埋單都係$400 ，好抵食嘅晚餐又豐富，下次會再嚟！

🧡《觀塘鑊氣小炒私房菜》- - 小城大廚觀塘區工業大廈中式食肆林立，要喺咁多間中式食肆中突圍而出， 十分唔容易😣。今次呢間私房菜係經觀塘工作的朋友推介🫡，叫我一定要嚟試。我哋除咗大時大節都一般會較少食中式小炒，但今次食完之後，果然食物十分有水準💕，值得支持，一定再回頭食！大家有興趣都可以去食😋😋🐟魚湯海味浸娃娃菜 （$98）第一碟餸，最快上枱的是魚湯浸娃娃菜，撲鼻而來係魚湯嘅香味，偷偷試飲一啖，魚湯味濃🐟🐟。娃娃菜索晒啲魚湯，好鬼好食！😋😋🦑黃金金沙鮮魷（$128）要整得黃金鮮魷得好味嘅地方要三樣要求👌🏻，第一新鮮嘅魷魚彈牙，第二炸皮脆薄可口，第三鹹蛋黃炒出沙，呢間餐廳全部要求都做足☺️☺️，份量亦十分足夠，用嚟送白飯一流🍚！🐮🥔蜜椒薯仔安格斯牛粒 ($128）蜜椒薯仔安格斯牛粒係咁多樣餸之中最好味，首先一上到枱蜜糖同黑椒香味已經令到我地流晒口水，薯仔係有用炸漿包住炸，然後，連同牛粒、蜜糖、黑椒汁一齊爆香🤯🤯，安格斯牛粒亦脂油嫩口，冇得頂‼️😳😳🧄蒜蓉粉絲蒸蟶子 ($48/隻)蟶子肥美肉厚，加上巨量粉絲及蒜蓉，蒸煮嘅時間亦都唔會太長，肉質不會煮太老，時間啱啱好。☺️☻味道：9/10☻環境：7.

觀塘工廈入面充滿穫氣的小炒，有非常抵食的三寶套餐$298，有魚有肉又有菜！去到7點幾就非常爆場喇，勁多打工仔收工黎食。 👍清蒸沙巴龍躉 先把蒸魚豉油再淋曬成條魚，夾開皮又淋，蒸魚厚肉唔腥又嫩，連埋蔥食口感一流，完全食唔到魚鱗，鮮甜的魚肉同醬油溝飯食，好滿足☺️。 👍客家梅菜扣肉煲打開熱辣辣的砂煲裝十分保溫，入口即溶一啲都唔肥唔油膩，🤤而且肉同最底的梅菜炆得超入味又腍，我食左兩碗飯😂食左咁多肉最後再叫左🥬金銀蛋時蔬同欖菜肉鬆四季豆，正正常常，沒什麼驚喜。

收埋喺觀塘工廠區嘅私房菜，地方超級大，價錢都好抵食，小菜有鑊氣，每道菜都有實力真功夫地好味。雖然與豪華裝修或雅緻風情扯不上邊，環境係比較大排檔式，但坐得舒服呀！可以唔使拘謹，大聲啲講嘢都唔使怕🤣其實黎呢d地方麻甩食下都幾放鬆架😆一坐低就要揀茶先：鐵觀音/普洱/壽眉等等。之後好快上左2小碟小菜：醃苦瓜&鹽焗花生。估佢唔到個醃苦瓜又幾好食喎，酸酸甜甜唔太苦， 平時唔食苦瓜的我都食咗好多條。見到佢有海鮮缸，真係有游水海鮮自己揀。🥢豉椒炒蜆$88👍👍👍呢度嘅海鮮果然新鮮‼️蜆又大隻又新鮮鮮甜，個汁都好好味，絕對係上乘嘅豉椒炒蜆，食過就知我講乜，真係必試‼️比一般大排檔炒既超班。🥢黃金孖寶$138有齊魷魚鬚同海蝦，鹹香四溢，黃金海蝦炸到個蝦殼好香脆，就咁食都得，都係好味之選👍👍🥢大良海鮮炒鮮奶$128 見佢寫係"鎮店招牌必食推介"，大良鮮奶確實唔係度度都有，如果想試可以喺呢度試到，主要係蛋白炒鮮奶，配有蝦仁、魷魚、脆脆、果乾，個奶會有少少甜甜地🍻🍺大青島$28呢啲環境冇你又唔啤一啤佢啦😎🍚懷舊豬油砵仔飯$15另一唔係度度有得食嘅嘢。會有一大支豬油同一支自家製甜豉油，自由畀你落，鍾意落幾多就幾多。呢啲

觀塘工業區很多食店，但這間位於成業街成業工業大廈地下的「小城大廚」很有口碑。主打有鑊氣小菜，故店內有多枱大圓桌適合大班朋友或與家人聚餐。這裡的小菜價格相宜，每天還有2款特價精選，都幾抵食。～美極大虎蝦$88/4隻是日特價精選，虎蝦都幾大隻，而且新鮮爽口，以美極烹調非常入味。～香辣花生伴魚皮$78喜歡辣的朋友特別推介，一流的佐酒小吃，花生及魚皮都很爽脆，川辣味道食到唔停得口。～金湯酸菜肥牛片$128坊間太多酸菜魚，有時轉下口味，試吓酸菜肥牛吧！一樣用料十足，配菜有萵筍、木耳、淮山、紅薯粉等。大碟抵食。～瑤柱粟米羹$98這裏以瑤柱為粟米羹作主打，而不是像酒樓般用魚肚，咁樣又幾特別喎！

最近和好友到觀塘一間小廚試食，這間餐廳位於地鐵站B出口附近，步行至馬會再轉左，直行到成業工業大廈即可抵達。餐廳地方寬敞，設有多張大枱，非常適合一大班人聚舊暢飲。我們兩人點了一個三寶套餐，都幾豐富多樣，包括龍躉、梅菜扣肉、金銀蛋雜菜，另外還額外點了豬油飯和蠔餅。食物的份量十分足夠，好抵食。龍躉，熱辣辣上菜最重要，肉質鮮嫩，搭配上特製的醬汁，好味。梅菜扣肉，這個是我必點的。雖然看起來好肥美，但其實爽口，肉質鮮嫩多汁，梅菜的酸甜味道與肉的鮮美完美結合，正啊。金銀蛋雜菜，金銀蛋的口感軟綿，搭配上時令蔬菜，中和濃味菜式。另外我們還點了豬油飯和蠔餅作為配菜，豬油飯原來是自己落豉油及豬油，香氣撲鼻。蠔餅香脆可口，好多蠔仔，惹味小吃。除了主菜外，餐廳還提供了前菜，讓我們在用餐前可以先享用開胃小食。這裡服務也很好，價格也相當合理。

今晚和老公又去觀塘工厦覓食，誤打誤撞嚟到小城大廚，小菜具特式，頗有驚喜。餐牌上分別有單點小菜、圍菜、孖寶、三寶、四寶套餐及每日特價精選。而牆上亦有十二金牌菜式，種類繁多。有些小菜，如生死戀、沙姜豬腳筋及台山五味鵝等更屬坊間少見。當我見到生死戀這道菜，便想起鼎爺曾經在電視節目上介紹過，立即鎖定為今晚必點菜式。單點這款小菜要$288，四寶套餐只需$398便額外多兩道菜及一窩湯，當然更化算吧！🐟生死戀～這道廣東名菜是用咸馬友魚乾和新鮮馬友魚炮製而成。先將魚乾切條，放於鮮魚魚腹內，再加薑絲和葱絲，然後上鍋蒸熟。馬友魚肉多骨少，魚肉肥美甘腴，味道醇，肉質嫩。鮮魚和鹹魚糾纏在一起，互為襯托，自然超越生死，難怪會有這麼浪漫的名字了！🦐上湯焗虎蝦～虎蝦四大隻，用上類似上湯龍蝦的烹調方法，蝦肉彈牙，肉質鮮甜。🥬時菜炒牛肉～芥蘭爽甜，牛肉有嚼勁。🍲芫荽皮蛋豆腐魚片湯～平常不吃芫荽但愛喝芫荽湯的我，特別喜愛這道材料豐富又下火的湯。假如你是喜歡品嚐特式小菜的觀塘友，小城大廚應該會是你杯茶！