小城鎮 (已結業)

去了此店幾次，吃了它猪肶扒，貴格貴，但水平唔得，煮得太熟太硬！之後試了它的意粉，不錯！尤其是黑松露香姑意粉～59元，好濃的黑松露香味，好滑！配上一杯熱咖啡，感覺良好！以午餐價格，在北角呢區，它為中上！間中試下 ok

四百元兩位(有湯、兩款小食、主菜、野飲，甜品)牛排鮮嫩，肉汁好多，重點係以呢個價格食到塊咁有質量既牛排真係超滿足🤤牛肋骨有兩塊，真係抵到爛，服務生放上枱既時候真係多到嚇親! 味道中上吧👍美中不足的是小食(雞奕、牛柳粒)唔入味，不過作為前菜還能接受。甜品正正常常第一、二次係同家人、同學嚟食，食完都好滿意。到左第3次發現d野縮哂水，可能係因為疫情生意差左，要節省成本吧第3次嚟食，一來d野縮哂水，牛排細左3分1，之前甜品係任食，然後變左得2 3杯 (可能果期係做緊優惠?) 二來廚師控制火候的能力好像還不夠，我點了5成熟牛排，卻是接近全熟的。希望第4次嚟會有進步。

食過幾次依間店，佢都算幾多款式下，仲要好多都好大份，實飽肚。今日唔太餓，揀左份light d ge 沙律可能沙律唔洗煮，所以好快上枱雞嘅份量唔錯，將蛋整碎左之後加埋個蛋黃醬撈沙律菜食就會冇咁dryps 但原來佢沙律餐就冇再跟其他餐有嘅湯/沙律，但都係有野飲跟

小心此店，經永x旅遊網上訂購晚餐套票，寫明任食甜品。一家開心去到。吃一半後，店員走過來話甜品共有二行，第一行是供客人任食，只得4款。第二行是不包晚餐套餐。我找來同職員理論，那裹寫明不包甜品？跟商品説明條例不乎。他找另一位職員才允許一家食所有甜品。最後埋單，職員同我講網上圖片只作參考，最後決定權在食店方。我話你們寫明甜品任食，現在出爾反爾。本來開開心心食飯，最後不歡而散。講一套，做一套大家要小心，冇下次。

_____好味指數：🌟🌟🌟抵食指數：🤑🤑之前想搵個地方做嘢咁啱經過就入咗去，呢間Cafe好嘅地方係空間都算大，同唔算多人，係非繁忙時間都可以搵個兩邊冇人嘅位自己安安靜靜飲杯咖啡做嘢。本來諗住坐一陣，點知做埋野都到晏晝，就順便食埋個lunch✅牛扒飯好正常嘅一個餐，牛扒正常size，比較薄身，食落有少少韌，配料嘅菜就係正常嘅水煮菜加少少調味，不過個醬汁係幾特別，有少少creamy，牛扒點完個醬係好食啲嘅

小城鎮隱身在北角的小街裡，餐廳地方寬敞，枱與枱之間不會太逼，坐得幾舒服。適逢周末，點了一份雞扒全日早餐慢慢嘆。以這個價錢來說，份量真得有點震撼，應該可以餵飽兩位女士。薯餅、吐司、煎蛋每樣都有兩份 雞扒有整個手掌般大，雞扒下面還有兩條腸和蘑菇，另外還有一小杯焗豆。薯餅炸得香脆又不太油膩，雞扒應該有氣炸過，脆口又不覺太熱氣。其餘的配料都是正常發揮另外想跟餐的奶茶幾特別，不是常見的港式或英式，飲起來有點似台式奶茶，味道幾特別。

咁佢呢度呢嘅lunch set都多款式嘅。我就嗌長和系茄汁煙鴨胸意粉。咁每一個lunch set都爆咗一杯嘢飲啦同埋一個餐湯或者沙律嘅。咁就凍飲要加三蚊屋企真係好明顯就係嗰啲罐頭茄汁嚟嘅。咁味道就非常一般，其實佢個質素就係類似茶記咁嘅質素。大成張單就都要71蚊。講真就真係唔好食。我諗可能食返普通茶記都還好囉但佢就叫做係坐得舒服啲啦咁樣但係真係價錢偏貴所以唔建議大家嚟食。

叫佐最行貨的夏威夷pizza, 配的沙律非常新鮮爽口，pineapple topping用的是新鮮菠蘿，調味適中，不會像pizza hut之類咸得過分。讚！雞扒意粉，滿滿的汁，但是雞扒和意粉都味道清淡，合適我口味。讚。羅宋湯兩個小朋友吃了，也讚。

整日都想搵北角All Day Breakfast，有日行街，發現斜路下有間西餐廳，正正有All Day Breakfast食。奄列都唔錯，唔會太咸。班尼迪蛋整得唔錯，水煮蛋形狀好好，再淋上酸酸甜甜既醬，好好味。佢個2條腸都係脆皮腸，唔係普通既雞肉腸。而薯餅上枱都係熱辣辣，好脆，亦冇好濃既油味奶茶係台式個種，本身我都幾鐘意台式飲品，所以覺得唔錯，我地叫左小甜，上枱都真係小甜芒果爆珠梳打，都有芒果味，而且爆珠好正，一咬落口，爆出黎個下，好濃香既芒果味，我地都差唔多清哂整杯爆珠💥

叫咗兩個午餐，黑松露牛扒 $70珍寶騖鴦扒餐 $79，塊雞扒比大家樂早餐細塊啲牛扒比大家樂揩，又薄，又燶得雞翼好食，多汁湯ok沙律一般，太細份，新森林個沙律好食好多

睇個標題都知中哂伏啦，已經唔想打咁多字， 但無200字又比唔到負評， 今次真係辛苦寶寶了。餐廳位於北角明園西街，我係外賣自取的， 睇餐牌d價錢唔貴， 有飯，意粉同手工pizza。今日叫左鮮蝦卡邦拿意粉， 蕃茄手工肉丸意粉，黑松露烤西冷扒飯。鮮蝦卡邦拿意粉，正正常常， 忌簾味濃， 鮮蝦爽滑彈牙。蕃茄手工肉丸意粉，手工肉丸味道不錯，蕃茄味豐富。以上2個意粉都尚可， 但精彩的野通常放到最後的， 黑松露烤西冷扒飯，一打開個蓋都知出硬事。 塊牛扒d顏色，一望就知熟到爆， 一切開，望到肉身，同我估計的一樣，咬落去， 好似咬緊橡筋咁， 咬極都咬唔爛，唔通想訓練我d牙力？ 重有個飯係無汁的， 十成熟牛扒配乾爭爭白飯，叫人點食呢？最最最離譜係個甜品， 一but起， 點解咁水既？ 細細試一啖，酸的， 肯定係壞左。 我估計呢個飯係午餐留到晚餐再比人食。 唔係牛扒點解咁熟，個甜品重係壞左呢。 Sorry, 永不回頭。

見呢間餐廳喺屋企附近 都開左好耐下 裝修又好似幾好咁又未試過又近近地諗住試吓第一次食係OpenRice book左位 4位 6:30pm 得3枱客 無坐滿由入門口一刻個女待應已經黑口黑面好似全世界得罪佢咁講野唔對住人講，完全聽唔到佢講咩落order 唔應人 唔知佢係唔係take左order 態度好差 屋企人都覺得食到好受氣咁 唔係要你笑笑口 但基本禮貌都要有的吧 唉唔會再幫襯了 我哋叫咗個Pizza鮮蝦意粉同埋海鮮焗飯上菜速度慢個鮮蝦意粉完全冇味道個pizza size唔大 個海鮮焗飯有條頭髮

我的頑皮小狗🐶6月份1歲生日，兩位小侄女一早就已經話要來參加小寶貝🐶的生日會🎂！其實係佢哋悶悶哋，想趁機過嚟開🙄party🥳🤡🎊之麻，明嘅明嘅🤫⋯⋯我呢個姑姑，又點會托手踭呢😜！今次揀咗位於北角明園西街的「小城鎮」，行過見到門口有menu ，翻開見到有好多唔同款式嘅嘢食，價錢又親民，簡直係開派對🥳之選！🍴煙肉火腿卡邦尼意粉$76: 碟意粉十分creamy好味😋🍴意大利香草雞肉意粉$73: 基本上呢間cafe嘅意粉都唔錯，不過呢碟雞肉意就一般般，因為啲雞肉唔多滑嫩！🍴巴黎牛柳粒意粉$75: 黑椒味意粉好好食，但係牛柳粒就較為粗硬。🍴蕃茄手工肉丸意粉$73: 蕃茄意就好食嘞，肉丸亦夠入味，只係質感比較鬆散，唔夠彈性！🍴焗意式香草芝士海鮮飯$79: 有蝦、魷魚圈等，雖然海鮮唔算多，不過個飯夠香濃重口😋。🍴西班牙海鮮飯$108: 有蝦、魷魚圈、青口等海鮮，個飯煮得太腍，仲要係好似茄汁撈飯嘅口感！🍴黑松露烤西冷扒飯$76: 啲西冷扒煮得過火嘞-太韌，唔多覺有黑松露味，結果無人食！🍴香煎比目魚扒$128: 魚扒啖啖肉，口感適中😋。🍴香烤德式豬手配酸菜及薯蓉$188: 個豬手太咸，咸到似係食緊金華火

假期一早起身由九龍揸車入大埔辦啲事，再出港島，都係早上10點多，先來到北角嗱嗱聲搵啲野食下先，求其選了呢間因為門口有位泊車，入到來見到巨型早餐，真係太好啦！！我的雞扒早餐，雞扒都幾厚，腸下面有蘑菇，好滿足！味道不過不失啦，我幾鐘意條腸，雞扒醃得都幾好味，多士有牛油同jam供應。食完非常飽足我的至愛要了份egg Benedict~同樣大份，見佢食唔晒😂😂好多荷蘭汁，都好好味咖啡是蒸漏咖啡，但唔關我事😂應該都不錯👍🏽

在旅遊網站見到這間4人套餐幾抵，於是買來試吓，六點鐘去到，無咩人，本身主菜打算叫一羊一魚一豬一飯，但叫完之後被告知無哂魚，於是改要個雞肉意粉，啲食物基本上係即叫即整，熱辣辣，但個洋蔥湯我就覺得唔夠熱，微溫，食物份量也幾大份，而且味道也不錯，飲品也大大杯，裝個Baileys tiramisu 雪山個杯也好大個，個餐另外包個任食甜品，只限食完個餐之後食的，雖然係任食，但雪櫃內的份量得好少，得一盒四件糯米糍，兩件朱古力蛋糕同一件奶凍，可能只係放啲sample 出面俾客睇，廚房內仲有，又或者可能估到啲客應該已經好飽，唔係幾食得落，所以放好少出嚟😃整體而言，在旅遊網買coupon食係抵的.