影片
營業時間
今日營業
07:00 - 22:00
星期一至六
07:00 - 22:00
星期日
07:00 - 18:00
以上資料只供參考, 請與餐廳確認詳情
今日跟姨仔教會參加咗個本地遊，去吓沙頭角，又食吓海鮮餐，逛逛農莊，咁就一日。因為出發地點晌荔枝角，所以，早啲過嚟食咗早餐，睇住時間先行過去集合點。之前就晌網上搵到呢一間茶記「小廚港作」，睇落風評好似幾唔錯，加上就喺集合點就晌對面，夠方便。裝修就無乜特別㗎喇，不過，餐廳勝在地方大，有大量卡位，枱櫈算拍得唔密，我就幾鍾意佢晌卡位個挨背度加多塊玻璃隔一隔，相信喺疫情時所做嘅設施，變相就好似前後位嘅私隱度大咗。枱側下嘅櫃桶喺茶記例牌嘅「機關」，擺滿餐具、餐紙、簡單調味料，但值得一讚嘅喺有相你睇，擺得充足之餘又夠整齊企理。早餐選擇方面，選擇多多，但當然都喺嚟嚟去去晌茶記見慣見熟嘅選項、組合，都喺3、40蚊價位範圍之間，算喺相宜。D. 自選雙拼麵餐 $37老婆依家需要轉為無麩質飲食，所以，有埋餐包之類嘅佢都唔揀得，篩吓篩吓，呢個自選麵餐就最啱佢，因為彈性較大。而佢就揀咗榨菜雞絲、煎蛋配米粉，份量都幾十足，大大碗，煎蛋喺雙蛋添，佢都話差啲食唔晒，而湯底亦唔會淡茂茂，一啲都無hea做。C1. 沙爹牛肉公仔麵餐 $38我就都喺食番沙嗲牛肉公仔麵餐，因為沙爹牛肉晌茶記裡面喺其中幾穩陣嘅選項，不過今次就唔喺配公仔麵，而喺一種米通粉，我都喺第一次聽，感覺幾特別，佢真喺好似通粉咁，但長身好多，口感少少偏軟身，事後知道呢種米通粉確喺搵米做，非小麥做，下次老婆都可以試；而個沙嗲牛肉做得唔錯，配埋懷舊嘅扭紋餐包同火腿煎蛋，夠晒飽呀。熱檸水、熱奶茶輪到餐飲，都喺例牌嘢，佢就要熱檸水，小弟就繼續飲番熱奶茶。呢度嘅熱奶茶個人嚟講就不過不失，入口都芳香，茶奶比例亦OK，但茶底感覺欠缺少少醇厚感。可能係星期六晨朝早，就算工廠區，依家都唔少喺返5日，所以，食完走人嘅時候，成個場都唔喺好多客。但喺就讓我哋感覺更加輕鬆悠閒，唔會有平時喺茶記食嘢嗰種衝衝衝嘅感覺。
繼續閱讀
lunch諗住食個B餐黑松露鮮菌香煎雞扒焗飯⋯問左兩個侍應都話係😂黑松露？諗住甘神奇第一次食橙色嘅汁會係黑松露味但食落點都係茄汁⋯味前兩日同事叫鮮茄豬扒焗飯同呢個1模1樣所以只要你話係黑松露便是無敵呢間野又貴又唔好食
繼續閱讀
生啫雞煲這個雞煲的醬油太多，醬油覆蓋了雞件本來的味道，和啫啫雞煲不同的是，啫啫雞煲雞件分明乾爽，較重雞味，看圖片已經可以看到醬油太多了，而且雞件份量過少，煲大過雞，顯得不夠大方，醬油味過重，食完一件雞件還好，食第二件就要喝水沖淡一下味蕾。XO醬炒西蘭花帶子喜歡喝酒的應該很喜歡這道菜，因為超重XO醬味，而且超咸，食得出帶子是一早有醃製過，再用XO醬去炒就過咸了，食一粒帶子要喝兩次水去沖淡味蕾，再不是要食一食飯去沖淡咸味，頂不住那麼咸。整體來說每道菜都太咸，份量又少，不配合這個價錢，每道菜過一百元，基層長沙灣荔枝角市民就會食不起餐廳環境算寬躺，整潔。
繼續閱讀
### 菜品評價當第一道開胃菜上來時，我的心中充滿了希望，但第一口卻讓我瞬間傻眼。沙拉的蔬菜似乎是前一天的剩菜，口感軟爛，缺乏新鮮的味道，搭配的醬汁味道過於濃烈，完全掩蓋了食材本身的風味。接下來是主菜，一份煎魚。魚肉外表看似金黃誘人，但一切的美好都在第一口咬下去時化為烏有。魚肉過熟，口感乾柴，彷彿吃的是塑料，配菜的薯條則是油膩得讓人作嘔，完全無法下嚥。甜品部分的情況也不容樂觀。我點的巧克力蛋糕外觀雖然美麗，但一刀下去卻發現內部乾硬得像石頭，沒有一絲的濕潤感，甜度過高反而讓人感到反胃。總體來說，這些菜品的質量讓人失望，無法讓人享受到美食的樂趣。
繼續閱讀
昨天晚上獨自一人吃晚飯，想到長沙灣有間叫「小廚港作」的餐廳，走入去後選了一味西蘭花帶子餐，西蘭花爽，帶子也彈口，食物份量可以接受。西蘭花較多，洗得乾淨，配上蝦乾汁，鹹鹹香香的，別有一番風味！最喜歡就是它的奶茶，加入兩包糖，攤凍少少，入口更香滑，是我期待多時很難找到的味道！記得以前他的奶茶很行貨，完全不是我杯茶，但多年後再次一試，似乎有改良咗！平日晚間不算太多人的時候，侍應招呼很有禮貌！很樂再去吃！
繼續閱讀