影片
港鐵香港站 A2 出口, 步行約10分鐘
繼續閱讀
開飯介紹
小忌廉餐廳顧名思義是主賣一系列以小忌廉為主題的少女系甜食和飲品，包括小忌廉蘑菇肉粒飯和公主咖啡，購買套餐更有限量紀念杯送，粉絲們記得一定要到店前影相！
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
相關文章
上星期六襯荔園開幕第二日即刻去買小忌廉杯。今日真係曬到溶左……😵😵暈陀陀問收銀個女仔三個紀念杯餐邊個最好食，佢話未食過，咁唯有叫左個最隱陣嘅薑汁牛肉飯餐$180 另+藍莓smoothies 。唔知點解睇住個好似係話事人嘅女人雞手鴨腳咁一邊睇住客人買左食物嘅飛一邊教旁邊又係雞手鴨腳嘅新人，佢地好似睇唔明張機單上面寫咩，我忍無可忍開口講我買左咩食……嗰刻我已經feel到唔對路，應該好食有限……好在我有帶風扇仔，企喺度望住佢地雞手鴨腳足足十分鐘。等到啦，揾個位映張映相先。嘩！！！ 薑汁牛肉飯真係難食到無得頂 😨😨😨牛肉齋滾鞋到爆，個薑汁好傑一pat嘢，完全唔match。睇住個製作過程，一包包急凍切片「肥牛」放左喺洗手盆邊，肥牛係平時超市買到打邊爐用嗰隻，滾完就直接倒落個膠飯兜 + 一pat傑達達「薑汁」，最後放白飯喺旁邊…………我當然明白快餐嘅意思就係-------快…………但諗都諗到嗰d肥牛齋滾熟+汁，煮得咁求其，牛肉係又鞋又雪味 😩😩 好在個飯係新鮮先爬到幾啖飯，其實我好肚餓😭😭個「藍莓smoothies」仲離譜，睇住佢將一pat 藍莓果醬+冰粒……就開攪拌機……因為天氣太熱，我一邊食飯一邊睇住杯「沙冰」個藍色向下跌……不出5分鐘上半杯全係冰……飲落只有冰凍糖水味，完全唔係smoothies應有嘅材料喎老闆😠😠！！！老闆，不如你改返個名叫「藍莓沙冰」算啦！唉，最後攬住個安慰獎杯離開餐廳😡…………好失望！呢間嘢真係唔應該叫小忌廉餐廳，咁馬虎嘅煮食都收咁貴，一來影衰曬之前喺九龍灣嘅小忌廉主題餐廳，二來影響曬一心黎荔園集體回憶嘅心情！！！
繼續閱讀
在荔園遊樂場中，除了小食灘檔之外，見到一間以懷舊卡通的小忌廉作主題餐廳，入夜時份，小休期間點了杯飲品及甜食。主題餐廳的枱上都有小忌廉logo，雖然我不是她的fans，但吸引了我拍下不少照片留念。店中的食物都未見以小忌廉的卡通造型食物，店中的食物都是以小食、 甜品、套餐的飯麵類為主，店中有三款套餐是$108，如客人俾多少少錢點個套餐$180，也會多了一隻小忌廉限量紀念杯，歇腳中來一些甜品及一杯奶昔。 小忌廉蛋卷(三件)($20)-----好冰凍的蛋卷，蛋卷的蛋糕不算好軟熟，也是剛從好冰冷的雪櫃拿出來， 所以忌廉質感不夠滑溜香軟，甜度都適中。 小忌廉奶昔($40)-----其實是一杯vanilla 奶昔，又晤夠碎冰，有少少vanilla 味，可是冇奶香，飲了兩啖都放棄了。食物方面已經選擇少，但質素真是較差。
繼續閱讀