小明珠 (已搬遷) 新店位置

朋友介紹觀塘有間抵食又好味既上海小菜店，今次一於同佢一齊黎試試。傻仔左由觀塘地鐵站行過黎…真係熱到傻左，其實餐廳近牛頭角多d。皮蛋蓮藕芯二話不説即刻叫左個冷盤皮蛋蓮藕芯，之前未食過蓮藕芯，仲以爲係平時嗰款但唔同部位，上碟先發現係另一樣野haha。蓮藕芯食落好爽脆，味道酸酸辣辣，無普通蓮藕一絲絲咁，口感有d似筍，感覺好消暑。小籠包包皮好薄，夾起嗰時已經feel到個重量，果然裏面好多肉汁，味道好鮮甜，而且舊肉都好大件，熱辣辣食超級正！又係我朋友誠意推介，紅油抄手個皮又係超級薄，醬汁用左蠔油、辣油，出面嗰d多數又酸又辣，呢度咸得黎帶辣，舊肉都好Juicy上海炒年糕想食d澱粉質…最後叫左炒年糕，口感好煙un，切得薄薄一片好易入口，醬油味亦剛剛好不會過咸。

其實在觀塘上班，已想不到外出用膳吃什麼。於是，隨便地找了間麵店就走進去見店名叫《小明珠》，以為是上海菜，怎料也有供應四川菜；可是小弟不嗜辣，就點了個菜肉水餃湯麵配一杯凍豆漿。上海麵質地彈牙，不會太碎亦有大量生菜浸湯，新鮮且爽口；惜有小弟至憎的芫荽，本身切得太碎，少不免入口扣分在所難免。湯麵有四件菜肉水餃，件件都如乒乓波般大粒，滿滿都是豬肉和白菜的味道以 $42 而言，相當抵食！食完再飲杯豆漿，發覺豆漿略甜但大熱天時，有杯凍飲，夫復何求？$42 平靚正吧

返工食午餐要求唔高，首先要抵食及味道有保障，返工例行公事去食，如果食到一肚氣會影響一陣工作心情。 不過之前跟同事食過一次，感覺良好。 今日我哋有回頭再食，就知不會中伏。 今次大家叫幾款share食，唔會齋食一款咁悶。干燒四季豆，夠鑊氣又唔油膩，吃到停不了口。青瓜通常好易炒到水汪汪，竟然可以炒到乾身，吃上海菜少有清新感覺。 枱同枱之間好迫，成日有櫈背撞櫈背情況出現。豆漿夠凍唔甜，不過可惜唔夠香濃。回鍋肉，味淡唔夠香，汁底好稀。老火湯唔夠火喉，味道似濃味滾湯。

有朋友到訪，盡情玩樂，之後去餐廳食晚餐，餐廳位於牛頭角站附近，環境優雅，冷氣舒適，餐桌及座位均寬闊，店員服務到位。砂鍋雲吞雞煲半隻148元，雞肉嫩，雲吞六粒，内有豬肉，白菜鮮甜，湯底有香濃雞味但不會過咸。茶樹菇咸肉炒黃鱔絲108元，鱔絲和茶樹菇均惹味，咸肉是五花腩，不韌，咸咸地，青瓜有助減少肥膩感覺。豉椒炒蜆98元，採用大蜆，份量不多，配有豆豉、辣椒和洋蔥，辣味輕微，蜆肉新鮮好味。白飯每碗12元，味道正常。不收加一服務費用。總結：食物濃味但不過咸或過肥膩。

位於觀塘聯安街13號地下的小明珠，主打上海菜，餐廳的面積不算大，但佈置精緻。晚上的入座率約有九成，繁忙時間有機會要等位，可以先致電查詢訂位。門口貼了不少師傅的拿手菜式，除了貼了較為常見的小籠包、鍋貼，還有較為特別的菜式如麻辣鴨、正宗棠蝦球等。點了一客冷盤 - 海蜇頭拌蓮藕芯。用膳當天，天氣頗為炎熱，吃了口感冰凍的蓮藕芯，頓時透心涼。海蜇頭口感爽脆，份量夠慷慨。面頭的是辣汁，整體感覺幾夾，味道辛辣刺激。侍應端著自家三杯雞煲來到了，雞煲熱騰騰地冒著煙，發出滋滋響聲，賣相十分誘人。雞煲可以選全隻雞或半隻雞的份量。 今次和朋友共二人用膳，所以點了半隻雞。雞煲的醬汁鹹鹹香香，十分香濃，醬汁烹煮時加了少許酒，味道更豐富及有層次。雞肉口感滑溜，熟度剛剛好，不會煮得過老。朋友特別喜愛吸滿了醬汁的洋蔥片和蒜子。欖菜肉碎四季豆來到了，菜式是即點即製，熱騰騰還在冒煙。四季豆炒得十分有鑊氣，十分香口，可見師傅烹煮功力深厚。欖菜和肉碎份量充足，味道鹹香，送飯一流。生煎鍋貼來到了，輕輕咬開，湯汁如泉湧。所以咬的時候不要太大力，以免湯汁飛濺。外面煎得脆卜卜，裡面口感濕潤，豬肉餡料味道濃郁，如此常見的菜式也有頗佳的質

非常喜歡的中餐💕充滿中國味道！每道菜都是我即刻推介和喜愛！在餐廳點了四道菜，粉皮海蜇頭、罐湯小籠包、回鍋肉炒年糕、熱炒四季豆，吊了我的胃口！前菜，粉皮海蜇頭，配了一點芝麻醬花生粒，稍稍調理胃口。配上一些青瓜絲，帶點清爽而不膩，一個人食了整個，這兩個菜可以配在一起吃，口感味道配菜非常清新。中國川菜必點的小籠包！非常喜歡😘新鮮熱辣的上湯，包含在小籠包的裹。外皮軟身皮薄而不昜破皮，肉餡非常鮮嫩，肉汁混合湯汁裹，湯汁保持鮮味十足，一盅四件，又是一個人也能吃了整個的小食！麻辣水煮魚也是經典川菜之一，適合喜歡食麻辣的四川美女/香港港女，我就是其中一個。魚肉的口感肉質鮮嫩，不會被煮得很老！雖然很多紅油油的辣椒油浸淫左一起，卻油而不膩！去除了魚的腥味，也保持與魚鮮味，全部都是紅色的顏色非常刺激味蕾吸引眼球！回鍋肉炒年糕，四川人傳統習俗每月的初一和十五就會煮這道菜，以作打祭活動，所謂回鍋的意思就是再次烹煮，五花腩烹煮得非常入味好吃，而且肥瘦適中，我個人比較喜歡炒年糕的口感，咀嚼起來特別過癮！配搭其他蔬菜🥬配有消暑作用的冬瓜茶，炎炎夏日配飲一口清新冰涼冬瓜茶！健康之選。

我真係好鐘意尋找上海餐廳，今日俾我搵到呢間位於觀塘既正宗上海餐館！先黎個冷盤「藕心伴皮蛋」$48酸酸甜甜帶點微辣，十分開胃！「回鍋肉」$88整體超惹味，豬肉香口有層次，送飯一流椰菜爽口香甜有鍋氣！！「水煮田雞」$118超愛食呢個水煮田雞，田雞雞肉嫩滑又入味，而且仲好足料添！辣度算中辣左右，蔬菜同薯粉超惹味呢！「招牌小籠包」$36呢個小籠包真係不得了，正宗皮薄餡靚超多超多湯汁，肉餡料超嫩口入味，湯汁鮮甜惹味，$36有4粒係香港地食已經係平靚正！

早兩日某超市大減價，襯放工後立即去觀塘APM掃平貨，掃貨之前當然要吃飽才有力氣去大作戰，餐牌有不同小菜選擇，種類也相對多的。海哲頭伴粉皮涼拌粉皮吃得多，加海哲頭還是第一次，海哲頭口感爽脆，與加了花生醬的粉皮也滿配的。生煎鍋貼不知為何，由細到大都很喜愛煎鍋貼，咬一口啜一下肉汁再加外脆內軟的口感，永遠都記得這味道，墨魚紅烤肉一上枱就要加白飯，紅烤肉帶一點油脂，需邪惡但美味，肉質也夠嫰滑，另外墨魚也相當有驚喜，入口爽彈。銀芽炒鱔糊份量滿多的，銀芽炒得夠惹味，鱔肉煮得夠香口。

媽咪中意食上海野，但食黎食去都係果幾間上海xx，聽觀塘區朋友話呢邊有間足料惹味既滬菜館，呢日放假就專登帶佢去試下一去到就見到幾張大圓枱，岩哂大班人食，咁至係中菜咖嘛依家好多食肆都得4-6人枱。先黎個冷盤，冰冰涼涼配上花雕既芳香，喺夏天食特別清新消暑豬手皮既彈牙又煙韌，唔會好多肥膏。必點擔擔麵難得食到帶麻辣既擔擔麵，好多時喺香港食到既都剩係落左麻醬，唔夠地道。呢碗份量充足，兩個人share食岩岩好。一上枱就聞到濃郁既花生香，麻辣味十足，愈食愈帶勁魚片大大舊，不過少左啲，得六七舊呢道菜反而食落無咁辣，迎合返大眾口味。配料豐富，有黑木耳、雜菇、薯粉同萵筍。薯粉索汁力強，入口啖啖椒香。媽味最愛既上海菜炒得夠香口，加上醬汁調配得甜中帶辣，惹味十足。回鍋肉肥瘦均勻分明，口感爽口不油膩；年糕更勝一籌，非常Q彈。食得上海野當然唔少得飲返杯凍豆漿先滿足～豆漿陣陣豆香，唔會死甜，清清地，正好平衡返菜餚既濃味

一直都很想吃上海菜，朋友介紹這家店的上海菜很不錯，於是就帶我過來品嚐了，實在太開心！😄🎉🎊👍🏻先來一個雞絲青瓜粉皮，花生醬夠多，很足料！再來一碗地道的擔擔麵，很濃花生醬，超喜歡😘😍🥰然後再來一碟蒸餃子🥟超多肉，那些汁都漏出來了，很好味啊，不過如果皮再薄點就完美了！我們特別愛吃官保雞丁，但這個雞丁太辣了，超多辣椒🌶️吃不了太辣😭😭這個感覺有點兒失望！最後還有我超級期待的鹹蛋黃炸🦐蝦球 ，蝦很新鮮，鹹蛋黃夠多，吃到流口水了，最喜愛的一碟菜！今晚這餐也很滿足的，朋友没介紹錯，哈哈！

成日都想試下新既上海菜，聽講小明珠價錢夠貼地，味道仲唔錯，同幾個fd去試下。我地4個人，但由於有大胃王係度，所以叫左好多個菜，無記錯好似係8個菜。餐牌好多野都好想食，4個人，一人諗兩個，我就叫左南瓜餅同埋牛肉麵。上菜時間，第一個黎既係南瓜餅，唔係講笑，真係好好味，南瓜蓉唔會太甜，超香南瓜味，甜而不膩。小籠包比起出面連鎖店做得好，皮夠薄但彈性好唔易穿。孜然羊肉食得出係雪羊，但呢個價錢，算係咁啦。紅燒牛肉麵，湯汁好濃，清甜，食完唔會話想飲好多水嗰隻。仲有幾味菜，不能盡錄，性價比高，有興趣既朋友可以一試。

一星期總有一日會同媽咪出街食飯，今晚揀左最愛既上海菜。 經媽咪既同事介紹依間平靚正又地道既餐廳。 餐廳裝潢有點中國古典風色彩，而且十分乾淨企理。座位唔算多，但沒有逼狹感。 當晚是平日，都幾乎全場爆滿，而且還有很多人排隊等外賣呢，可見其人氣。-餐廳選擇十分多款，接過過百款。 我們點了一些冷盤及小炒，味道都相當唔錯！先點了一份冷盤口水雞 $65，取名為口水雞，意思是好吃到令人口水直流。除了辣之外﹐是多種辛香料交織而成的豐富口味和層次，吃不出單一的某味﹐配上嫩滑雞肉，相當滋味。-再來年糕炒回鍋肉 $88，主要食材是半肥瘦的五花肉和煙韌年糕。再加上爽口椰菜及香蔥，與豆瓣醬一併炒香，夠鑊氣惹味無窮。-媽媽晚餐多數想吃碗白飯，正好這碟小菜伴白飯吃一流！ 咸肉韮菜花炒蝦干 $88， 嫩綠的韮菜芹菜，配以咸香味濃的蝦乾及鬆化咸肉，唇齒舌間有多層次的滋味。-食上海野點少得招牌小籠包 $36，小籠包即叫即製，好吃精粹在於湯，整粒放入口中，咬破後，暖暖的肉汁爆在嘴裡，滋味無比。-最後來杯香滑暖豆漿！正

✨最近不停都想食上海的晚餐，但平時都是食一些比較大眾化的餐廳，例如南小館/上海婆婆等！今次我就行到去牛頭角和觀塘中間的小路中去覓食。便經過一間外表平民的上海小餐館。我們分別食左:💕前菜:藕芯伴皮蛋 醬汁醃得很入味，皮蛋很爽口，藕芯脆脆的，雖然是凍食，但都有酸酸甜甜的感覺令人十分開胃！💕水煮牛肉 除左有牛肉外，意外地，還有薯粉，木耳等配料，還有很美味辣辣的湯底，湯底是用了豬骨和辣椒🌶️烹調而成的，更加是沒有味精的。整個份量都很多，由適合聚會和一家人吃飯分享！💕咸肉韮菜花炒蝦🍤干 這道菜有韭菜還有芹菜，十分健康，而且師傅炒得不會很油膩，由於這道菜有蝦乾和鹹肉，但都不會太鹹，味道剛剛好！💕紅油抄手不得不讚個辣油，除左辣之外，仲有點芥末味，每隻雲吞再配上蒜蓉，令雲吞內的豬肉味道更特岀😋

朋友話帶我食好味道上海菜喎位於觀塘街市旁邊既哩間上海店，裝飾又幾靚仔啵，好有老上海既味道而且餐牌有不小選擇❤️❤️「粉皮海蜇」粉皮好小可會配埋海蜇好有口感🤩撈埋花生麻醬好出色鹽酥雞炸到金黃色，可惜因為外賣所以焗淋左少少😚😚小明珠炒飯粒粒分明，喺炒飯界黎講算係出色的😝😝 小籠包嗰皮係薄薄地，裏面仲有好多肉汁😚🤩糖醋魚同排骨嗰味岩岩好，反而洋蔥哩啲配菜仲好食，因為勁入味小籠包嗰皮係薄薄地，裏面仲有好多肉汁今次嗌左外賣，下次要堂食先得，哩度既待應好有禮貌，值得再黎食

難得兩個女仔可以聚會Girls talk, 女友話想食上海菜，係openrice見到呢間幾吸引，試落真係5錯～ 😊🤤😋辣子雞丁 - 賣相好吸引！香辣味重，雞丁比較乾身香口，仲有少少脆！但係算大辣🌶🌶🌶🌶🌶🌶黃金蝦球🍤 - 咸蛋黃勁香！🥰🥰🥰 蝦肉大大舊，咬落爽口彈牙，齒頰留香， “哦𠵱she” ！！！ 😻😻😻 雞絲粉皮🐥 - 一個字，正！呢個餸好難5好食！麻醬香甜，加上粉皮滑嘟嘟😆 又係10秒清曬系列！🌟🌟🌟🌟🌟四川擔擔麵 - 辣度啱啱好，麵身軟滑，有少少似日本拉麵🍜質感。生煎鍋貼 - 足料多汁！厚皮煙韌！ 👍🏻 一咬開d汁流到成個口都係💦💦💦🤤🥟我會列做上海菜既頭五間精選餐廳🍴🍲🍱