小桃苑粥麵

營業中

休息中

依間啲雲吞麵啲雲吞都好大粒，而且仲有5粒，都算多，雲吞入面係有兩舊蝦係入面，所以每粒都大粒的啲麵都唔會好淋唔會好硬，麵嘅分量都多，食完都會夠飽牛雜雲吞麵啲牛雜都算多，啲牛肚都好大舊，而且都唔會好＂un＂唔會好油，而雲吞就得3粒，麵嘅分量同雲吞麵都一樣

平時成日經過元朗都見到呢檔野但佢又淨係開朝早唔開夜晚搞到成日食唔到今日凍冰冰又放假 終於試到佢啲腸粉同粥叫左碟炸兩又發現幾好食啲油炸鬼脆得黎 溝埋啲醫 可以比滿分同時我又叫左碗艇仔碎牛粥 對比起茶樓果啲好易就出水既粥 呢碗野就即刻加曬分啦賣單果陣仲要50$有找 當個一個brunch 去食都抵既 不過冬天成日排曬長龍 可能撞正呢兩日太凍 啲公公婆婆小左出門 所以今日等野食既時間都幾快 呢啲咁有特色既腸粉粥品已經唔再係隨街可見依家唔幫襯都唔知日後仲有無機會食

一向每個星期都會飲二至三日早茶，去開果啲街坊酒家都有啲醒晨孖寶，特價蒸飯嘅東東，所以埋單好多時都係30幾蚊，有時甚至20幾蚊添！由於成日飲，有啲悶，唔想飲，行去嘉麗園附近大排檔，睇下有乜早餐好食。成日食鄭洪記嘅麵，今日走左過隔離有大大條Banner 寫住善心粥品，同老媽子一齊食碗粥。Fans 好多係公公婆婆佢叫善心，唔通又有粥派？望下冇喎！唔使同公公婆婆爭位。未坐底，先影返兩幅手拉腸粉照俾大家睇下先，係咪望下都覺滑漏呢！坐底左叫左四樣野，艇仔蠔仔粥、豬紅瘦肉粥、炸兩及炒麵艇仔蠔仔粥 HK$31碗粥我嘅，攪幾攪艇仔料超少，，揾條魚片呀瘦肉絲都冇，蠔仔都叫目測有成七八粒，正常啦。食粥，綿滑嘅，亦唔太鹹，都幾啱老人家嘅！蠔仔好新鮮，叫做攞翻啲分咁啦，碗野整體都叫合格嘅！豬紅瘦肉粥 HK$23阿媽叫嘅，見佢果碗咁多豬紅，整件先，幾好喎有鹽味，又脆口，好過我碗果啲料！炸兩 HK$15外皮都幾軟滑，但少左兩分爽口，應該係生粉同鄧麵都落得偏少嘅，所以冇咁爽。裏面條油炸鬼幾新鮮，仲幾脆。炸兩加埋甜、辣及麻醬就係混醬，再加埋點左甜豉油嘅腸粉一齊食，一流享受！今日呢個最滿意炒麵  HK$11麵好油下，豉油

自己不辨東西的從小巷中走出冬菇亭,某一角看到布拉腸粉現場拉製中,剛剛吃了一盅飯的我仍忍不住呆望著這底剛出爐的腸粉。"食腸粉啦,坐丫!"正拉腸粉的師傅友善地向我招徠,結果貪吃的我又找個位置坐下了。這家粥店名為善心,像是素食店多於粥麵店的名字,不過店裡的雪櫃仍沿用小桃苑名字,相信這裡前身就是資料中的小桃苑粥麵。粥麵店位處行人路側,同是簡單桌椅也較冬菇亭中間開揚很多;手寫餐牌中腸粉種類蠻多,當中好幾款也想嚐試哦。結果選了豬潤腸粉($17),即叫即拉的腸粉油亮亮的送上,米白色腸粉QQ彈彈,厚薄剛好的不會透視著餡料,冬菇亭還是實惠飽肚為先嚕。 豬潤雖不太多但不是切成小塊的口感仍是稍稍佔優,用上新鮮豬膶爽口又沒異味,可以加一點點薑絲提味更是滿足。古式豉油味道濃郁夠味,配上腸粉就是美味。同桌叔叔兩盤蝦米腸($12)甚為足料,一於外帶蝦米腸及豬膶湯給大人當午餐,師傅大把蔥花蝦米的加進米漿上,用料絕不手軟。大人評之為蔥花新鮮、蝦米夠大也很鮮味,加上偏古式的腸粉質感,我家大人甚為喜歡這家的蝦米腸。

呢度既腸粉同粥底真係我食過甘多間之中既數一史二特別係腸粉..即叫即拉老板手起刀落好快手就整好..熱辣辣 ..好快就食哂成碟 d 粥底 好棉而且完全唔重味精 //食完唔會覺得口渴 ...d肉丸 口感一d都唔實.. 唔知係點整既呢 唯一遺憾既係.. 真係熱左d~haha

[夜晚9點幾..行過見到好多人食野..我咪又叫左'炸醬雞麵"我朋友叫左"豬手麵"我地叫多一個"正水餃"D雞真係好好食..超入未..我朋友碗豬手麵..佢話紋到岩岩好..水餃真係勁正..仲見到有個人係到包雲吞....下次一定會去食過

今朝涼涼地, 食番碗粥暖下都好喎~ 平時成日經過都未幫襯過, 今天終於可以一嘗今日叫咗碗豬潤滑牛粥食, 一打開個蓋見到個粥底好綿........正呀, 有冇乜味精, 食完一d都唔頸渴 豬潤同滑牛都冇用鬆肉粉醃過, 原汁原味, 食到肉味

正月初七‧陰晴不定有小半天的空閒，入了元朗吃點東西。鎖定了幾間食店，去了第一間，但找不到第二間，正在兜來兜去之際，看見這裡蒸氣騰騰的，原來阿姐在忙不迭的拉腸粉，見都十分對辦，就坐下來吃碟豬潤腸。熟食中心的衛生情況，當然一般，可以理解。腸粉用一個鐵碟奉上，真的見是即拉的，熱氣騰騰，非常不錯。腸粉軟滑，新鮮拉起之故。賣相不修邊幅，但吃起來很不錯，豬潤很爽脆，是預先添上了蔥絲及薑絲才去蒸的，提味之餘也中和了腥羶味道，加上醬油，味道很不錯。三扒兩撥，已經吃完一碟腸粉。看那殘舊的餐牌，還有肉絲腸、魚片腸及雞蛋腸，如果不是之後還要去吃豬扒米粉，必定吃多幾碟。埋單12蚊，吃得過的。

我本身住元朗,一向對粥好狂熱,但元朗區大多有粥食食肆,有好粥底已經所餘無幾,直頭係得一間半間可接受。有日不經意行經呢個熟食市場,因為有少少發燒唔舒服,所以買碗,連外賣湯兜都只係HK$12.5-,以元朗區講真係超抵食。返到屋企食碗粥,發覺粥底非常之好味,但以我食好粥經驗俾分,十分滿分佢有八分。粥底我食到有白,味精唔多覺有,但都可能落但我唔肯定,因為實在唔多覺。鯇魚片新鮮冇鬆散好甜美,鹹瘦肉唔似一般粥店好鹹,只係有淡淡鹹味吊出瘦肉鮮味。招呼阿姐好細心,每次都問我要唔要蔥花/花生?尤其我一向唔多食花生,阿姐問我,我就唔駛次次逐湯匙撈走花生喇!腸粉方面...齋腸、蝦米腸及炸兩HK$7-,牛肉、瘦肉、叉燒及魚片腸粉均HK$10-。尚有其他油器因為未幫襯過,所以唔知幾多錢。腸粉份量都幾多幾滑,估唔到熟食市場,都有咁高質素靚粥食。大家如果真係鍾意食靚粥,就一定係佢莫屬,因為合益路一帶,所謂馳名煲仔粥,真係同佢爭幾班都唔止。堂食可能環境較差,同埋如果天氣較熱,道堂食就可能食到大汗疊細汗,所以我推介買外賣返去食就最好,而且外賣湯兜及飯盒,都只額外收HK$0.5-,十分經濟實惠~