小樽分子 (已結業)

甜品冇咩特別芒果汁太過甜其他又冇咩味間鋪太細木台太細

住開荃灣但第一次幫趁小樽甜品屋，　見佢哋新派裝修同新式管理，　以為甜品質素唔會好得去邊，　點知同友人叫咗個椰皇燉蛋白同芒果目黑都好ok, 芒果好甜同份量都好足，　加埋啲優質服務我哋算奄尖都要讚讚!

1. 環境: 地方細又迫2. 味道: 好普通,勝在選擇多3. 服務: 服務態度認真麻麻,妹妹十分冇禮貌4. 抵食: 貴,這樣貨色不值....5. 乾淨: 店內ok,店外好唔掂.6. 總體上：需要改善,價錢太貴

食過兩次.. 芒果目黑同芒果山手線.. 因為本人係芒果lovers =-=v口感幾得意... 山手線係d jelly條.. 目黑係大細珍珠再加中間有點黑o既珍珠.. 我幾like芝麻爽... 可能因為我like食芝麻... 目黑同山手線都好味... services都不過不失.. 不過夜晚人真係好多.. 食糖水我唔係幾like同人share table.. 因為食糖水時都會想同fd吹下水咁...不過個人覺得有d貴... 山手線同目黑要20蚊... 但又唔大碗compare w/ 松記14蚊o既幻彩明珠.. 佢真係好細碗...ps:佢對面有間買串燒都好好味.. 其實本身已經食full左.. 但d串燒放係門口真係勁香.. 忍唔著都買左2串=-=

本來坐出街外都無乜所謂, 但服務班所謂靚女態度勁差, 乜乜目黑,出手線睇個名真係唔知乜野來, 問多兩句仲黑面, 最離譜係傳菜時就咁掟係檯面, 仲衰過茶餐廳!!! 所謂小樽樂團只不過係雜果涼炒西米露, 呢間野只係一味標奇立異, 食物水準&服務真係唔掂, 廿幾銀食埋d咁既野, 真係無下次!!!

食左芒果山手線...個名特別...好似jelly切絲咁..口感都ok...不過個人唔係咁鍾意....(唔關好唔好食)

Take away 既芒果目黑唔錯喎,芒果又夠甜,口感特別.另友人則說海底椰目黑的目黑好特別,味道均勻.水晶芝麻爽則一般.可能個人唔好粒粒芝麻...外賣有九折喎!

同d fd食完pizza hut, 想繼續傾計, 食住糖水傾要好, 食o左小樽推介馬蹄沙, 不過有d失望, 馬蹄沙口感不太好, 比較"鞋"口, 最差係佢d香芋ar, 硬到呢, 好似完全冇煲過咁wor, 又冇芋頭味wor, 有d fd對佢都冇好評, 冇o野係比人讚ge.上次明明好地地, 今次又會咁ge,都唔知下次再去唔去好la.

環境都唔錯,分開吸煙同非吸煙區,唔食煙可以入舖仔坐,睇個餐牌有d集誌介紹既特式甜品,就試下介紹果幾款啦,杏沙紫米糖不甩+ 芝麻果凍+哈密瓜蜜瓜山手線+紅綠豆沙, 個糖不甩粒湯圓太粉,不過d杏沙幾特別,有杏仁味,芝麻果凍味道淡左少少,一叉就散開,山手線都幾爽滑,配椰汁味道都幾清甜

同學會後，時間尚早就找個地方「hea 」下吹下水，記得早前這裡開了間糖水舖，明知是sell gimmick，但未試過又有四人檯，就來碰碰運氣。小店幾旺場，設場外吸煙區，非煙民可享店內雅座，唔洗坐路邊食風。楊枝甘露、紅、綠豆沙、特色「撈物」，睇到心跳加速，斷估蒟蒻最穩陣，交來貨衰極都應該有個譜，又試埋糖不甩、芝麻凍、紅綠豆沙、蜜瓜蒟蒻。落order唔洗兩分鐘，糖水先後腳來，薑、杏汁味糖不甩，靚女食唔到薑味，一致共識「粉壘壘」得要命，見兩位停晒手，偶是日行一善：清碟；說起芝麻凍，又談細個時吃的芝麻卷，同芝卷是兩會事，一叉即散，一開二、二開四、開支散葉，唔好食都叫做好玩。問侍應小姐比兩個碟幾支叉，夠膽double check又覆返偶兩隻碟三支叉，唔多唔少，妳都算得好盡？咁蜜瓜蒟蒻難道要用叉同碟食？糖水小店竟然連基本功都打唔穩陣，喊是走唔甩。再說蜜瓜蒟蒻，交來貨唔難食，配上椰汁無特別，但收$23會唔會過分左？好彩今次同學會志在吹水，否則，顏面不知掉到那裡去。

今日一家人去o左食甜品, 好開心ar, 好耐有同屋企人出街食甜品la. 每人叫o左一款.1. 蜜瓜山手線:山手線係蜜瓜同芒果啫喱,好似線咁幼,我覺得冇咩味,有椰奶底,感覺好舒服,好清,d蜜瓜都好甜2. 藤原豆腐花: 好滑,不過冇咩特別,同埋唔夠甜,要問佢加糖3. 紫米芝麻糊: 細佬話叫凍失策,少o左芝麻香,但係d紫米好有咬口ar, gd4. 紫米奶黃湯丸: 紫米的湯丸皮,gd gd,叫好似薑味糖水下次再一家人去食,yeah

繼續荃灣搵野食﹗海霸街有兩間甜品店，店內客人數目就讓我們選了小樽，仲要外賣自取九折，當然買返屋企食啦﹗我o地第一次o黎，有些甜品名好得意，又山手線，又富良野樂園，見唔到個樣都係唔好試，所以試o左海底椰馬蹄沙同楊枝金露豆腐花，穩陣d嘛﹗味道係唔錯o架，唔太甜，豆腐花好滑，加上楊枝金露好多料﹗海底椰馬蹄沙就好滋潤，天氣乾燥啱晒﹗下次可以試其他﹗﹗

今日同班朋友行完街街~又唔知去邊到好!!你呢個時侯就見到一間新開張ge甜品店~見個名同d feel都幾得意~所以就入去see see la~ 入到去d waitress 姐姐~好有禮貌wo~坐低之後!就同d fd 開始研究佢地ge menu ....點解?因為佢地d名好特別囉~有咩出手線,目黑,富良野樂園等... 咁我就穩陣起見~就叫左個紫米豆腐花喇~咁我d fd 就叫左富良野樂園....d豆腐花好正~好滑^^b 不過對於我黎講就甜左d d 喇~ 牙...提一提先見唔見到張相呢~好得意丫可有個笑哈哈係度嫁~幾令令丫~仲有丫我個fd叫個個富良野樂園砌得超靚ｗｏ～可惜無影到相相俾大家睇下！！ 所以我同dｆｄ　都ｅａｔ得好　ｈａｐｐｙ我地一定會再黎嫁～俾張我食ge豆腐花你地睇下喇~呵呵!

食完雞飯，我倆都尚有戰鬥力食糖水，可想而知炭火燒的晚餐令人何等稀噓。行到小樽，見座無虛席，於是便決定外賣回家(10% discount)慢慢嘆，男友要了黑糯米豆腐花，而我就選擇幫襯另一間糖水舖。男友不嗜甜，卻鍾情黑糯米，試咗幾啖，發覺一啲都唔甜，豆腐花好滑，豆味香濃，黑糯米夠多，增強了豆腐花的口感，推介！不過小樽的收銀小姐真係要檢討吓自己嘅工作表現，人不算太多，卻不知為何「拿手唔成勢」，找多錢又忘記比單客人輪外賣，唉！

個日去開荃灣睇戲, 行行下, 見到呢間甜品店,個名幾特別, 鋪內又新, 我超級甜品王女朋友又話要食綠豆沙, 就去試試。一坐落, 一個有啲肚腩貌似老板, 笑容滿面既侍應推介幾款特式糖水及甜品,最後我order 意大利涼粉, 綠豆沙豆腐花同埋芒果馬蹄沙。D 豆腐花好滑, 綠豆唔太甜, 好得! 涼粉口感幾好, 若果有啲鮮果更正。馬蹄露好少有機會食, 好清涼,芒果好甜。Overall,真係唔錯!值得一讚係甜品啲名好有心思, 下次要試富良野樂園及鮮雜果山手線!