小洋蔥 (已結業)

我今天同幾位好友去食午餐， 叫了一份雞扒拼司華力腸午餐62元， 後來侍應走過嚟同我講沒有雞扒， 可否轉用豬扒？ 我就答無所謂啦， 都差不多 ，豈知上菜的時候， 竟然是上了一塊豬扒和一條香腸給我？！ 我問她點解， 侍應答我連司華力腸都沒有 司華力腸跟一條香腸相差好遠喎！ 這個餐是62蚊， 我問他會否減反我價呢？ 她避而不答行開咗， 我見張單依舊是打62蚊， 我就叫經理過嚟， 女經理態度非常冷淡， 我要求她加反一條香腸給我算了， 她態度非常惡劣， 話一係就取消整個午餐， 一係就叫我照食， 甘我點樣忍受呀？ 我就叫取消整個午餐好了， 她立即就收咗我枱上所有食物， 結果我就餓著肚買單走了， 服務差， 態度惡劣， 處理手法差！永不再光顧？

鄰近東薈城的私人屋苑雖然有很多餐廳，但大多走外國人路線，價錢偏貴，又物不所值。今次原本打算去碼頭的露天茶座，但原來星期日休息。不經不覺，越行越遠，發現此商場格調比較平民化，晚上六點前還有下午茶餐。入內格調優雅，雖然也四五十元起，但免收加一，又坐得舒服，也不失為一個快餐選擇。抹茶紅豆冰特飲，抹茶味濃，紅豆就甜了一點。雞扒不算大件，肉質也算滑，烏冬份量一般。以下午茶餐來說，也算份量合格。正價公司三文治，薯條份量比想像中多，厚切，外皮有點脆，應該不是炸了很久。沙律就只有數片菜，如果菜多一點就更健康。這客公司三文治沒有牛肉，主要有蕃茄，蛋，雞肉等。麵包烘底，入口還有點暖，似即叫即做，但可能配料令它有點變軟。

黎到映灣園其實得好少食肆，多數都食小洋蔥，今日係第一次食下午茶！略嫌飯類選擇少，我女想食飯同肉，但得一款焗忌廉魚飯食，咁就叫多隻炸雞脾餐lo!下午茶份類較細，好在我女都細食，所以兩個餐都叫夠食，但如大男人應唔太夠食不過味都ok~叫汽水加多3蚊，個雞脾唔算好炸，肉算幾滑，我女食左大半隻都有，飯味道唔錯，有芝士響面拉絲，正魚我女嫌咸、其實就唔會既，始終忌廉無咁重味，加埋岩岩好，而佢le度倒水果d自助既，但我都慣，而家唔少食肆都係咁，兩人夾埋埋單80蚊

平日食個早餐，三文治食完都未見杯奶茶，等十五分鐘同亞姐催左三次，自己走到廚房門口追，最後見有三杯飲品出但都冇我份，只好埋單走人，以後冇幫襯。街坊生意，$35咁嘅服務不能接受。

屋企附近無咩野食，所以經常落樓下小洋蔥食飯。我最愛點雜扒餐，因為大件夾抵食，有雞扒、牛扒、豬扒、司華力腸、煙肉，姑勿論質素如何，起碼平過自己煮😂😂😂而且我cheap 件食cheap 野，二、三百蚊塊牛扒我反而唔識欣賞。

東涌都已經冇咩選擇 突然好掛住小洋蔥個蘑菇湯所以行遠少少都願意。點知店員話星期六日冇左set lunch，好啦，試下散叫個田園千層麵。店員話 預要等25分鐘，咁唔緊要 我照等。點知一上枱，錫紙盒，雖然賣相我唔太著重，但份量只係得錫紙盒的3/5。雖然芝士都多，但係主角 麵條 就得3片約12cm*8cm。少得可憐。芝士味蓋過番茄味，而且因麵條唔多而口感太膩。最慘果樣係有一層麵黏住左 煮唔淋。已經冇咩可以食，仲要扔左。好心你比咁多時間你煮 就用心煮好少少啦。俾正價價錢，冇野飲，差唔多$70，淨係食左幾啖好膩的芝士。第一次寫評論竟然係差評，真係多_謝晒。🤗

今天和同事來到東涌剛好見到有餐廳，於是就一齊進去吃個下午茶。小洋蔥的下午茶價位大概是40-50左右，下午茶的價錢我覺得是偏貴了點。我叫了一個豬扒公仔面配芝士粟米飛碟（$49），感覺挺大份。芝士粟米飛碟味道不錯！頗脆的。但是豬扒公仔面就很普通，甚至可以是比普通更差一點，公仔面有點發漲了，而且湯底沒有味道令到整個面都很失色。最後是豬扒！豬扒的分量是挺大塊的，但是口感十分粗（鞋）！不建議吃這個餐。同事們點了焗飯，聼她們的評價相信味道是可以的（但我沒有試過），但分量就偏少！餐廳尚有更多的改善空間。

本來心情好，去到立即感覺極差。明白人手應該係唔夠，目測係四個人，除左reception 果個之外，其他幾個全部目無表情，一個黎抹台，有d食物抹落張「鄧」，叫佢抹，好似阻住佢咁，簡單掃兩下就連除問落得單未；另一個送咖啡被一個食客撞到下，嘩，佢對眼噴火咁啤住個客，好野佢又冇出聲，只係啤，行開左回頭繼續啤；我地叫杯熱奶茶，佢用紙杯上，我估佢洗唔切瓦杯，但又係冇解釋，感覺就係唔好咯。炒蛋係涷嘅，食物味道一般啦，蕃咖通撈到條橙色膠包裝紙。離開後嘅諗法係：冇下次，希望映灣園快d有新嘅餐廳選擇！

經常去樓下呢間餐廳食飯，貪佢食物多元化，有意粉、焗飯、鐵板餐、仲有海南雞。今次試咗個海南雞飯，全部都一係肉，非常之貼細心，啱晒唔鍾意咬骨嘅我。肉都算嫩口，亦冇咩雪藏味。個餐仲包埋一個中湯，係青紅蘿蔔粟米湯。飯都有香茅味同埋雞味，不過就油少少。醬汁方面有姜蓉、甜醬油同埋魚露。我先生好怕魚露既味道，不過食落口又冇乜問題。

今天和同事外出工作，竟然來到東涌，好在不是在地鐵站那邊，要不然就要同大陸遊客爭食。我們來到東涌的映灣園，是高尚住宅區，附近環境寧靜，但食肆不多選擇。和同事走著走著， 見到這間“小洋蔥” 裝修骨子，內裏坐滿很多客人和學生。我們分別叫了牛肉湯烏冬、煙肉燴飯和豬扒飯。份量都很足夠。我們3個女仔都有吃不完。午餐套餐有沙律或餐湯選擇，我們3個都一致要了沙律，沙律很新鮮，配了適量的沙律醬，好吃。餐飲我們又一致叫了熱檸蜜，不用加錢這餐的價錢合理，食物質素都不錯。

Me and my wife went here for lunch, I ordered Beef Burger and my wife ordered Thai Hainan chicken rice with Chinese soup.The burger was good in taste, the chicken rice and soup were ok in taste the only downside is this is the option in lunch set which does not come with salad & drink..I would want to visit this place again

呢間餐廳基本上所有野都可以用奇蹟黎形容 所有唔應該會難食既野都可以整到好難食 真係好佩服入面廚師既手藝 我叫左一個吉烈滑蛋豬排食 出到黎滑蛋變熟蛋 飯好似石頭咁硬 仲要一舊舊 根本就未煮熟 件豬排真係夠吉烈 我食落口淨係食到油味 誠意推薦想同另一半分手既朋友生日帶佢黎小洋蔥慶祝生日/情人節..............................

服務差到極點，員工培訓不足，態度散漫，並且不知悔改！叫了一客牛柳，半小時沒出來，追单，答應了便算，不去查单！等到牛柳出來，用鐵板上，有刀放在鐵板上。當上枱時，一整把刀飛到我身上！刀因在鐵板上，已很熱.！不但弄污我的衣服，還燙痛了我！但待應放下後，連道歉也没有就走開！亦無人理會！！！一直都知這餐廳服務差，食物一般！管理有問，但這樣欺人太甚，無王管的运作，真是太過份！相信曾去過這餐廳的食客，都受過不少氣！！

屋企附近無咩選擇，所以昨日去咗小洋蔥食晚飯。其實佢係大快活集團，不過質素比大快活好少少。餐廳主要食西式野，質素不過不失。雖然昨日星期五，但始終開係私人屋苑入面，所以唔多人，都唔使等位。我叫左黑松露野菌燴飯，等左接近20分鐘，不過要慢慢煮，所以都係正常既。味道一般，可能我重口味，覺得偏淡左少少，菌味唔夠突出，但$58咁大碟算幾抵。朋友叫左鐵板雜扒，全部熱辣辣，佢話好味，我就覺得一般，其實叫雜扒有咁多樣食物，就預左每款都會係次等材料，所以我無期望過，亦都唔會失望。食完俾錢先知原來唔使加一，都幾抵。

從未試過未食飯等位都可以嬲到發火，客人唔多而且店內有枱唔俾客坐，等位等到有，七個人俾兩張細枱拍埋，要求將三張細枱拍埋，個男侍應話麻鬼煩，去食飯係要俾錢唔係去受你氣，你返工係出糧唔係義工白做㗎，咁嘅服務態度係惡劣，學劉德華話今時今日咁嘅服務態度係唔得囉。