影片
電話號碼
2882 9192
特色
慶祝紀念日
營業時間
星期一至日
12:00 - 23:00
以上資料只供參考, 請與餐廳確認詳情
招牌菜
食評 (53)
今日因為朋友買左團購, 所以特登去美孚試食, 點知係失望到頂!!先講食品質素, 因為我地係團購, 食既野已經FIX左, D WAITER 連佢地原有既MENU都冇俾我地睇. 所以我都唔知呢間餐廳重有咩野食.首先黎既係冷盤, 有生蠔, 蝦, 青口等海鮮, 質素算OK, 都唔會預期佢係突出. 我覺得合格. 不過朋友就覺得唔夠新鮮之後再上個龍蝦湯, 可以用"災難"黎形容. 由於本人一向都好鍾意飲西湯, 龍蝦湯更係我既最愛. 平時飲既龍蝦湯都係好香, 但呢間餐廳完全冇香味. 之後飲落去重要係好咸, 上面好油, 重好多沙. 以我對龍蝦湯既認識, 應該唔會沙到咁....唔知重以為自己飲緊紅豆沙....非常唔掂 餐包一般, 唔算太差, 但都唔係好好食.之後上主菜, 同個朋友SHARE, 一份T骨牛扒, 一份黑松露意大利飯 (唔太肯定個名, 係有好多菇既飯)牛扒好薄, 老實講, 同我以前讀書時食30蚊個牛扒飯盒有得FIGHT, 加上成塊都係筋咁滯, 可以食既地方好少... 個意大利飯外表比較正常, 但口感好散, 意大利飯應該係比較黏, 好香, 好吸引人去食, 但呢間餐廳既口感散到有D似濕左後有D黏既炒飯....味道平平最後既甜品係tiramisu, 好鞋口, 完全唔係tiramisu既應有既口感....食品唔得, 估唔到連服務都咁差!起初我地行到入去間店, 眼見幾個WAITER/WAITRESS 行行企企, 見到我地都唔會上黎招呼. 要我地叫佢地先肯帶位. 我就當佢地專門帶位果個行開左, 咁都應該理下我地, 唔係由得D客企係門口呆企吧?! 餐包又上漏, 都算係小事. 最唔得既係有個WAITER就企係我側邊, 我朋友同我打對面坐, 叫左佢幾聲, 都唔睬人. 之後唯有大聲D叫佢, 佢就擺出一個好唔耐煩既樣黎問"有咩事", 今時今日你咁既服務態度點得?! 基本上成間餐廳既WAITER/WAITRESS都唔係好識理人....除左一個比較大年紀小小, 我估佢係MANAGER, 所以先有番D服務態度. 我地都唔係有好多要求, 只係好簡單咁想叫個人收左D碟, 叫個人上D甜品, 上飲品, 都好似俾左額外功夫佢地做, 攪到好唔耐煩咁...真係唔知發生咩事!!!呢一餐食得真係好唔抵...團購左都重要+收每位40幾蚊服務費, 唔覺得佢有俾到D咩服務我地...好失望...
繼續閱讀
我相信這舖應該是重址重新裝修了這是一間情調很好的西餐廳我跟男朋友試過一次所以今次介紹了兩個同事來試試我與同事一行三人剛可以享受到 逢星期一至四 買二送一的優惠!!我們先叫半打生蠔 $180非常鮮甜另加送一杯紅/白酒然後我們各要了一客晚餐前菜我點了一客法國田螺朋友點了一客煙三文魚我的主菜﹕鵝肝黑松露意大利飯!! 外表及味道都非常吸引白汁與黑松露的味道配合得非常好值得推介同事的海鮮意大利飯都不錯 非常足料平均消費約$150 物有所值!!一定要再去!!
繼續閱讀
本人嗜食，週末經常與蝦子餅到處闖盪，踏遍香港各區食肆，嚐盡天下不少美食。對於居住多年的美孚，區內食之情報亦算是瞭如指掌。Baby Blue小男孩乃區內少數的西餐廳，食物的質素、食味甚至賣相也算不俗，尤其焗籃貝及炸薯條，反映廚子的認真與專業。環境食物雖屬上承，很可惜服務質素卻屬九流，由餐廳開業至今數年，情況依然未有改善，更是每況愈下。近日再次光顧這店晚膳時，我們點了二人餐，主菜選擇並不多，我們二人同時點了羊扒，怎料侍應小姐說「您們的主菜選擇不能相同」？！ 聽罷感到莫明其妙，心想：為何頭盆、餐湯、甜品、餐飲可以相同，主菜卻不能？嫣有這樣的道理？另餐牌上亦未有清楚列明，故我們即時向侍應小姐了解原因，眼看她顫顫驚驚地跟與我們距離不遠的女經理交談了數句後，便目到女經理黑面望向我們並以極惡劣的聲線呼喝說「不能相同！」對於顧客簡單善意的查詢，卻換來如此不合情理的對代，我們二人均感被羞辱 ，正想離開之際卻發現餐飽剛被放在桌上，故唯有硬著頭皮繼續點菜。這次由該極之無禮的女經理替我們落單，她全程擺出一副極度不屑的嘴臉，不發一言。自問也是講理之人，倘若主菜選擇真的不能相同乃餐廳的政策，也大可有禮地跟顧客們交代一聲，範不著如此暴臊無理。作為顧客，我們已不苛求侍應們笑臉迎人，但連服務行業基本該有的禮貌也欠奉，就算山珍海味，精明而有要求的顧客必定會逐一捨你而去，須知香港遍地美食，選擇何其多，用不著付錢受氣吧。**在此一定要提醒各位，記緊帶備受人羞辱的勇氣才好前來光顧這店，自問沒有這樣的修為與道行。
繼續閱讀
朋友生日想去d未去過既地方眼見呢度既墨魚汁飯幾吸引而且睇其他食評又幾有氣氛所以訂左呢間但朋友夜晚有事所以食lunch慶祝訂左位十分鐘留檯雖然我地遲左但好彩去到人未最多都有位我地坐係兩個大陸黎既食客格離佢地講野大聲不特止又用d唔知咩方言講咩氣氛都冇la= =所以我朋友想要調位佢又唔想直接話好嘈所以話呢個位好熱想搬去其他檯但個位侍應反過黎話{呢個已經是風口位黎ga wor其他位仲熱}ok fine唔想嘈佢朋友叫套餐~有湯main cource加甜品我要食墨魚汁飯所以散叫個香草餐包微暖第一啖食落有涼茶味@@之後d香味慢慢出黎算幾好忌廉湯一般貨色普通西班牙海鮮炒飯正宗既西班牙炒飯是乾身既呢個似risotto多d好creamy不過頗漏隻青口好有趣雖然個殼正常但個肉應該話個{粒}肉size同手指尾塊指甲差唔多= =飯幾煙韌三文魚略嫌唔夠味墨魚汁飯佢將個飯擺歪左@@墨魚汁味極濃厚!每粒飯都掛到d汁充滿鹹香))))入口有點粉粉地幾中意=]墨魚都算多幾彈牙好夠味冇overcook左套餐有puff做甜品外皮好軟裡面係cream基本上唔食冇蝕另外叫左焦糖布丁size唔大食落暖暖地唔太甜上面既焦糖脆卜卜不過中間部分焦糖真係燒過龍~~~有d苦朋友的蘋果藍莓批配雪糕個批熱熱地好有牛油香上面既金寶面好鬆化微甜餡不太甜似藍莓果醬冇乜蘋果味批底最有牛油香同幾脆雪糕講明係某h牌所以不用多說不過我覺得size太細la唔夠喉總括黎講野食都幾正都會想再黎但d waitress既態度絕對需要改善!!!!仲有我朋友想加水但叫左n次都冇人加= =之後加左跟住有個waitress走黎執格離張檯跟住同加水個個講{仲諗住你執野tim原來去加水>>>>}加水有咩問題??個一成服務費唔係白比架仲要講說話d客聽而且order個時d樣又寸wor而家d人做野真係= =
繼續閱讀
到訪同事屋企,check check Openrice美孚有咩食,原來美孚有Baby Bule,它的青口,銅鑼灣分店,聞名已久。一行七人,吃了六個餐,還有買四送一,算抵食。餐湯我揀了蘑菇湯。杰杰地,蘑菇比忌廉湯多,濃度整體都滿意!頭盤：泰式煙鴨胸沙律,鴨胸無試,泰式辣雞醬生菜,夠開胃。脆炸墨魚餅,麥樂雞型,內是墨魚粒粒,幾香脆。焗牛油田螺,田螺算大粒,own左落薯蓉度焗,略嫌欠缺蒜油香,dry D。芝麻雞翼,熱力四散,睇黎好好食,不過唔知點解,睇佢好多芝麻,但食落又唔覺,而且雞翼無乜味。鮮蟹肉露筍炒飯,蟹肉團放在飯面,沒有混在炒飯內炒,令味道唔配合。幸好炒飯炒得爽身。炭燒烤汁豬骨,無食,只吃了又粗又脆的薯條。墨魚汁意大利飯,墨汁一向味淺,它只用了少少蒜蓉調味,保留墨魚汁起沙的渣滓,完全感覺到這真是墨魚汁飯。出色!法國白酒藍貝和車打芝士藍貝。青口咁出名,估唔到咁細隻!同事說,銅鑼灣既大隻D,好味D。而那白酒和芝士汁都好食,不過我buy白酒多D。脆炸軟殼蟹配車打芝士汁意大利飯,最好食!可能夠creamy夠芝士卦…..軟殼蟹算ok啦,唔知點解,而家度度食軟殼蟹都無以前咁好食,炸完都唔脆,軟殼仲係韌既添!我諗在美孚區,搵西餐食,都別無它選了。
繼續閱讀