小磨菇冰室

營業中

休息中

小朋友攪生日會，上網揾些資料諗住屋企附近可以平少少也送貨，最後都要訂$2000先免運費。有很多選擇，揀多啲少朋友鍾意的款式。服務一流，因為社會運動，原定的日子小朋友未能抽空出席。日子再改，食店也願意。最後準時送到，熱食食物暖和，伊面煮得有點淋，芝士撻個皮就唔夠脆。木糠布甸滑但細杯。豬頸肉同春卷好食。沙律用料豐富。整體都滿意，下一次會再訂就唔會再叫叫過嗰啲食物。可以試吓其他

之前搞party搵緊d抵食的到會,又唔想買連鎖餐廳o個D,搵搵下畀我搵到呢間.佢有好多唔同選擇同配搭,最後我地選擇最細份量的套餐(因為人比較少).餐廳服務員都好親切同有效率,好快就完成訂購而當日仲早左送到~~~我無諗過佢d包裝會咁高級,首先佢係用環保袋分好類送上來,仲會根據唔同食品用唔同盤,佢仲會送D高級餐具,我同朋友都食得好開心~食物方面佢地真係好用心製作,全部送上來的時候依然好~~熱,最厲害係連炸物都係脆口!!沙律方面D菜好新鮮,醬汁又唔會過多~雜果沙律好鮮甜又唔會好快出水,小朋友食得好開心~當中我要推介係雞翼,好入味又夠腍,黑椒味好香蒜蓉包一盤原來都好多,不過真係好脆,之後我地再焗熱佢來食,仲好味!!點黑醋汁最夾~~其實佢D通粉都整得好好食,不過我地真係無預計D份量原來真係有咁多,所以食唔晒,我自己再打包回家吃,哈哈~

Lunchtime~~火腿牛角包+吞拿魚沙律螺絲粉+凍擰茶(少甜少冰)火腿牛角包: 晤夠熱, 同晤夠脆, 牛油味都晤夠, 麻麻地…吞拿魚沙律螺絲粉: 無咩味咁… 其實無特別凍擰茶(少甜少冰): 茶味同檸檬味都夠, d茶晤會太苦, 亦無反ge現象, 幾好~Overall: service還好… 但environment就逼爆… 不過係呢區overall算係ok~

各區的朋友, 如果有機會去葵涌打磚砰街食嘢, 有一間餐廳你們千祈都不要去, 因為結果只有一個, 就係食到成肚氣, 唔信大家可以試下! 因為上(星期六)同老公諗住開開心心去歎個下午茶, 點知食到一肚氣  ???  那天叫咗個飛碟餐, 加錢要咗杯凍嘅咸檸七, 7-up汽水竟然會無汽, 於是叫佢哋換啦, 點知有位勁無禮貌的侍應答咀說 : 佢話無汽WOR, 但換回來的咸檸七仍然都係無汽, 於是我就叫佢哋再換,這次老闆娘出聲說,那罐汽水是剛剛開的, 但耐何仍然無汽嫁呢????  於是最後我要咗杯凍檸茶算數, 無畏再受氣啦  ! 其實真係未試過開汽水會無汽, 今次真係一肚氣了!   一間好的食店, 除了食品質素外, 還要有服務態度, 老闆都咁差 , 員工就更加.....?

估唔到自己第一次打食評係要踩中午時間幫襯 一入到去 乜都未睇 就問我食乜我話 「等等睇下先」 佢竟然話 「快d啦好多野做」咁我望左一望 「C丫唔該…丫唔係D先岩」個阿姐即刻黑我面"jur"我 再用好串語氣 「飲咩呀！？」叫左個咩豬頸肉炸帶子飯 又唔係話好好食個汁9唔搭8 豬頸肉又老 杯奶茶唔知擺左幾耐 上面d冰溶哂食緊既時候不斷有人入黎 見o個個阿姐多次冇問其他客人格硬拎起人地碟飯過格離枱 「唔好意思wo你地得兩個坐過隔離丫」完全冇問過人 極度冇禮貌永遠唔會再去 未試過食飯食得咁嬲！！

在和宜合道都住了兩個月，差唔多日日試不同的食店，有好味同不好味，這裡是好味，食落就知用心制造，所以天天都爆，我見到多人排，唯有離開，費事等，好味不止一間嘛…今次我吃蜜糖窩夫，和紅湯通粉，足料，好味。

完成了正經事，鬆了一口氣，可以安心吃一個午餐。衝了入附近的茶餐廳，又很奇怪，才四款午餐選擇，但兩點未夠已經有兩款售罄，是否有點不太對勁。無論如何，來了一客磨菇燒汁豬柳拼火腿飯，火腿其實沒什麼好說，就好在不會凍冰冰的放上來；豬柳也煎得微脆，夠香口。可是，燒汁實在是咸得過了頭，出手太兇狠了吧！熱咖啡算不上香濃，如有機會再來，還是飲杯檸茶為妙。

上個星期叫Tea因為夜晚去做運動所以Heavy d叫左個魚肉春卷叻沙佢個叻沙湯底真係做得幾好~辣度夠, 不過如果面層油可以小D會更好同埋佢個魚肉春卷俾得都幾多有時食哂D麵, D送都未食哂

已經幫襯過好幾次,由佢地以前在打磚坪街細細間店只做外賣開始就幫襯,蘑菇湯真係幾好味,唔會好多粉,好creamy!搬左大舖後多左好多野食,真係估唔到在葵涌區會有一間餐廳做到咁高水準既喇沙!基本上我最近都係會食喇沙,尤其魚肉春卷,28蚊碗,有5條春卷,成日都食唔哂分1-2條比同事!好好味!湯既味道好正!香料又多,絕不將貨就價,最鐘意配米線,反而真係好肚餓先食鴛鴦米,因為粉絲食極都好似好大碗,五餅二魚咁飲品比較鐘意荔枝晶晶,好香,不會太甜

在光輝圍返工一段日子了, 附近食市食到悶, 見openrice食評對這間'小磨菇'評價甚高, 便去試吓, 去了兩次, 感覺好唔同:第一次: (8月中)門口好多人等位, 多數都三五成群, 我一個人即管入去睇吓有冇位, 入到去就有人帶位, 見到食評話磨菇湯好味, 就order咗個磨菇湯+牛柳意粉($25)磨菇湯: 可能是我期望過高, 有d失望, 係好夠味....味精好重, 鹹咗d, 飲完個湯好口渴! d磨菇好碎, 冇哂咬口! 牛柳意粉: 份量好夠, d汁好味, 牛柳好林好入味, 而且好多餸, 唔錯!第二次: (8-9-09)門口依然好多人等位, 我都係一個人中入去睇吓有冇位, 今次冇人理我, 便自己搵位, 坐底咗至有人埋黎問我地有冇人帶入黎, 原來同枱兩個女仔係唔識嘅! 我地3個'單女'竟被人叫返出去, 話出面d人攞左飛等緊, 門口個呀姐仲話: 我都唔知d一個人嘅點入黎嘅! 嘩! 梗係行入黎啦! 唔通'飄'入黎咩! (宜家仲係農曆7月!) 我見到同枱個女仔出去就走左去! 我地起左身, 間舗有成十多個吉位, 4-5個伙計擾攘左半分鐘都攪唔掂d位點分配! 終於坐低左, 想落單舉極手都冇人埋我

由我公司行黎呢間餐廳...需時15分鐘....真係唔近架.....但係自從有同事介紹後....我地差唔多日日都黎....佢地最好味的係:招牌磨菇湯 - 雖然係普通忌廉湯...但係加左大量磨菇碎.....好味道提升十倍....什菜湯 - 加入紅腰豆....菜....西芹...好好味架...但係由於白湯實在出色...所以除非白湯冇哂...我先會揀紅湯....沙律 - 有蘋果薯仔沙律同碎蛋沙律兩款...但前者比較好味...用料新鮮...D蘋果咬落索索聲....如果叫沙律餐...仲可以配一款飽....其中蒜蓉飽係最好味....係一個個餐飽切開搽左D蒜蓉.....唔錯架....咖喱撈烏冬 - 個咖喱汁好味....份量勁多....我最鐘意食煎牛扒.....喇沙 - 我覺得魚肉春卷最好味....又係勁大碗.....味道唔錯架....但係唔夠辣....食物價錢 around $25-30..但份量就勁多.....絕對抵食.....去咁多次次次都要排隊....好彩等得唔耐.....十分鐘之內一定有位.....雖然佢係 open kitchen....但成間舖一定油煙味都冇....抵讚!!

這間小磨菇冰室由我一入呢間公司做開始，同事已經話比我聽佢好好味！我地幾乎全公司既人都會叫佢既早餐外賣！有時佢地忙到唔得閒出去食飯，都會order呢道既午餐！如果我叫早餐的話，無異我都係會叫呢間小磨菇既早餐！喺同區之中﹐佢既早餐係非常抵食，一份三文治餐連埋熱飲都只係$15，仲要送埋過嚟你公司比你！三文治烘底都唔使另收費！叫個雙拼粉麵餐亦唔過$20！我通常叫既係芝士吞拿魚治烘底，或係豬柳漢堡扒拼火腿奄列！可能係朝早太多人叫早餐既關係，就算你叫烘底都唔會烘得好脆口，只係塊麵包上面多咗一小達啡咖色咁啫！加上外賣阿姐行路比較慢，嚟到既時候已經''淋''晒，因為倒汗水既關係！一塊芝士，份量都好夠既吞拿魚，$15價錢，就算差少少都唔會話扣分既！豬柳漢堡扒同麥當勞食到既係一模一樣既，火腿奄列既火腿份量亦好多，配會兩隻蛋做成既比例，確實令人滿意！隨餐附有餐包，頗滿足既一份早餐！外賣就叫得多，然後再走去食堂食一嘗佢個午餐，但就較為失望！未夠一點去到已經有兩三枱喺門口等緊位，舖任面坐無虛席！細舖位太迫！而且午餐食物未如理想！午餐可配飯、意粉或薯蓉！薯蓉唔夠滑亦冇牛油香味！意粉同飯餐都係一ｄ雞扒或牛扒之類既常

今日叫外賣叫了小磨菇,都好耐冇叫過啦,其實係同事叫開撘單叫埋,他們的餐牌好吸引,好多頁,成本書咁,好詳細列晒所有食品出嚟.我本來想食飯,但見有肉丁煎蛋飯的套餐,又覺肉丁配飯好似好怪,所以叫了一個常餐,肉丁通粉,還有一件三文治可以選幾種味道,我叫了牛油方包,有煎蛋及火腿奄列可以選擇,我揀左奄列,還有餐飲可選冷熱飲品或餐湯,我揀左磨菇湯.好準時送到嚟,有三盒野,一盒是肉丁通粉加奄列,一盒是通粉的湯底,一盒是磨菇湯,還有一袋是牛油方包,這樣可以令到通粉不會俾湯吸乾已變得發漲,但我覺得有點不環保.份量都好大,通粉味道都ok,因都硬及很難分開一粒粒了,肉丁好味,都幾多,火腿奄列都幾大件,火腿都好多呀.最後是磨菇湯,好好味,好濃的磨菇味道,啖啖磨菇呀,正!

每次行過都見到好多人排隊,諗住梗係好正,今日咁啱行過,時間尚早,無乜人就入去試吓.午餐有5款($25-$26),叫咗什扒跟薯蓉,可以揀磨菇湯,雜菜湯或餐飲,佢個名都用磨菇就梗係揀磨菇湯,好濃同重忌廉味,比一般茶餐廳甚至西餐廳都要好,什扒只係腸仔,火腿及豬扒各一,豬扒都算唔差,無梳打味亦唔鞋,薯蓉就差D,唔夠滑,整體其實唔錯,以呢個價錢,可以食到有質素嘅食物,唔係咁易.佢有好多特色飲品,下次再嚟試吓.

今日叫了這間外賣,蕃茄鴨胸焗意粉,雖然等了比較耐,但都幾好味,有好多鴨胸,也很淋,好味加埋磨菇湯好滿足的一餐.其實這間冰室的磨菇湯很出名的,因它的磨菇湯很濃很好味的.我們間中也會叫這裏的外賣的.