小磨菇冰室

營業中

休息中

呢間小蘑菇係我食過最最最正o既Laksa. 個湯有佢地特製的香滑椰汁加上味道方面整體又不會太辣, 配搭方面亦多選擇, 可以選雞翼, 魚肉春卷, 豬頸肉, 豬扒, 扎肉, 金菇牛肉卷, 魚旦, 墨丸, 等等等等..... 還可自由配搭各類粉麵...大家相信我啦, 你會食過再食, 下次未食時諗下都會流口水. 在附近返工的朋友仔都話小蘑菇呢個laksa係佢favorite food. 不妨都話俾大家知, 佢好爆, 因為佢其他野都係好出其地好味 我最鍾意米粉mix粉絲, 搭豬頸肉加雞翼, 真係諗起都想去食.... 仲有仲有....佢下午茶都有laksa餐架 !

推介呢度既洋蔥包($12)真係好好味..佢仲有好多材料任你搭!我試過吞拿魚配蕃茄..加埋又熱又軟既洋蔥包，真係好香.好味另外一次．想試炒蛋配吞拿魚．點知佢俾錯左炒蛋配茄汁焗豆我..因為外賣既關係，我又唔想煩所以冇換到..不過呢個就遜色好多喇..茄汁焗豆搞到個包濕立立..冇左洋蔥既香味!而且炒蛋又唔滑．冇蛋汁．呢個組合唔得..唔會再試~仲有呢度既飛碟($12)係 第二好味.一樣又係任你揀2種材料..我試左芝士加磨菇..一咬落去有好多芝士．加埋磨菇真係好match.推!!!(不過為一唔好係都幾多油.我見到包住飛碟果張紙巾.油到變左透明!)另外試過呢度既朱古力班戟($13)走牛油..呢個普通左d~只係響熱香餅上面搽一層薄薄地既朱古力醬..而且d朱古力醬好濕好稀．又冇朱古力味..好彩熱香餅整得都ok.唔係難食囉．可試可唔試!另外呢度有得幫人做派對到會嫁.有需要可以打電話去問下~

今日lunch黎左呢度食．平時經過見佢呢度長時間都咁多人．裝修黎講又幾好．食物應該都唔差！男朋友叫左午餐-雜扒飯($26)：落單唔洗幾分鐘就到左．一黎到．第一個感覺已經覺得碟飯整得都好求其．唔怪得唔洗幾分鐘就到左..成碟一眼望晒--->兩件扒+雜豆+飯+洋蔥汁.男朋友都話個飯好冇誠意..我叫左個餃子蟹柳地獄拉麵($25)：個湯底好普通.佢落左ok多辣椒油．但一d都唔辣．拉麵口感偏淋~而餃子係炸既．浸住係d湯度已經淋晒．不過咁樣反而咁仲好食．但係總括只係普通而已！士多啤梨乳酸(+$2)：第一啖飲落去．竟然係熱既？而且超級無敵甜．即刻"搞返暈"d先再飲．熱就唔熱喇．不過都仲係好甜好甜．..而且個乳酸味感覺好似好假．唔好飲..呢間冰室係工廠區黎講．個裝修係幾吸引．唔錯．而且感覺地方乾淨企理．不過由於地方唔大．所以座位之間都幾迫下！另外，我食麵果陣見到係水吧果個男仔．竟然係度偷偷地食煙-_-.唔通佢一路沖野飲一路係度食..O..不敢想像..