小聚嚐鮮

營業中

休息中

第三次到訪位於黃埔天地美食坊的小聚嘗鮮主理 適合一家大小 Meum不同嘅菜式 提早預訂更有廚師特別烹調的私房菜。極力推介胡椒豬肚湯！有分大份和小份！我們一家12日了大份，每次都沒有讓人失望！

平時食飯都唔會出食評，但今次真係忍唔住要出吓聲。。。。。坐低食野問吓問題四眼店員態度差，完全表現出不耐煩…..就算人手不足態度亦不應如此，俾佢搞到成餐飯都唔開心….價錢又唔係平，俾錢食飯都感覺受氣。食物質素又唔係特別出色，質素頂盡都係接近返個價錢，不過可以接受….重點都係服務態度問題，早市茶點蒸飯又冇….唔怪之得星期日早市飲茶都冇咩人，本身見佢裝修感興都幾好，諗住試吓好唔好食點知…..呢間野真係冇下次啦。

1月中嘅星期六，同埋二位飯腳去食晚飯聚一聚。我哋叫咗4個菜，1個白飯。味道係比較清淡，都夠味，食得健康啲都好呀。呢度都幾好坐，唔似酒樓咁噪，又冇限時間，同朋友食飯坐耐啲都冇問題。可以再次嚟食

尋日母親節 更係要同媽咪出去食餐好啦 今次的「小聚嚐鮮」相當不錯 環境係乾淨版大排檔 服務態度屬於一等一級 有求必應 好似係一家人係到返工個d feel 員工超有默契 勁好質素👍🏻食物方面 特別鍾意「蔥油走地雞」肉質好彈牙 整整一隻雞 整好即上菜 新鮮滾熱辣 好正❤️「雙蔥燒汁爆鱔球」佢個甜酸汁平衡做得剛剛好 鱔球有少少炸過 食落好爽脆彈牙 好開胃❤️ 「雪花板粟爆蝦球」 勁大隻蝦 同個雪菜撈埋一齊食好有質感 蝦無雪味 雪菜食落同平時好唔同 少左醃料嘅味道 口感十足 粟子都有好多 呢個係必點之選❤️另外的小菜樣樣都好有鑊氣 食物份量比例牌大碟少少 而且價錢都好公道 叫左十三道菜 幾支啤酒同幾個白飯 都係食左$2000到 個人覺得以慶祝母親節黎講係性價比好高 下次一定再安歌👍🏻👍🏻如果你好鍾意食有鑊氣既小炒 一定要過黎試下😁

喺黃埔巴士站落車，順便美食坊買埋嘢食返屋企。呢個二人餐夠晒多選擇，有1 個小食2個小菜再加個粉麵，抵食過喺網上外賣平台叫好多呀。。冰鎮鵝掌呢個小食，好多地方都冇得叫，依家天時熱，好開胃。。最好食係粉絲蒸龍躉腩～ 粉絲好食過龍躉！。霸王雞今次好好彩，食到雞髀，啖啖肉，在加埋上面有辣椒薑蔥，又係夏天開胃之選。。最後個主食，有佢嘅招牌家鄉炒米，咁一定係叫呢個啦。下次如果想食清清地，先要佢個瑤柱白粥。。抵食～

今次嚟到黃埔睇早場，睇完早場就喺黃埔戲院樓下搵嘢食，經過見到小聚憑當日戲飛有八折(湯麵或粥類)，咁就入去試下，因為都未到食晏時間都有好多位，但一到12點咁上下好快就七成滿，好多人嘆一盅兩件牛筋河我點了牛筋麵，牛筋全部都炆得好淋，份量都好多，個碗好似好細，其實佢個麵底都非常之多，湯底都好清，仲加埋腩汁，真係非常唔錯豬手麵另外點了豬手麵，豬手都係炆得好好，唔會話好淋有少少咬口，清潔得幾乾淨沒有豬毛，麵底煮得適中，唔會過火，湯底係清湯底，整體唔錯

香煎蘿蔔糕煎得好香，但可惜煎嘅只係一舊粉，切條或切粒嘅蘿蔔肉唔太有存在感，蝦米臘腸亦欠奉，口感同味道都唔合格XO鮮蝦菜苗餃味道尚可，蝦甜，但唔知係未生粉落手太重，蝦同菜苗肉餡表面都有一層透明凝固物，口感怪怪細龜招牌家鄉炒米配料多但整合度麻麻，主要係食口感，米粉有點碎，叉燒好乾，蝦無味，味道最出嘅竟然係靠洋蔥唔知係未師傅失準，跟所想落差實在有點大，但環境座卡位係坐得幾舒服，希望下次會有改善

高級中餐賣相靚唔知味道點呢海苔淮香白飯魚～賣相一流碟仲有裝飾令人好有食慾～即叫即炸白飯魚脆香～上面灑上海苔碎、淮山粉配酸醋羊肚菌蟲草燉雞湯偏咸～足湯料一大堆～目測有半隻雞、大量排骨～營養十足坪山銅盆焗雞好重花雕酒味～有大量蒜頭、薑片係底～上面有芫茜碎～雞汁係偏甜冇咩特別似紅燒～個盤甩漆甩到咁～擔心食物安全問題瑤柱扒荳苗～瑤柱汁料都幾好味～豆苗份量好少～呢個價錢真係唔值食客得兩三枱～$825呢個價錢嚟講員工唔係太主動

新既一年約朋友出黎食餐好既 開個好年朋友介紹左依間餐館我地1行9人有2個小朋友 有小朋友既就知道帶住小朋友出街食飯 環境一定係放第1位 因為環境唔好抱住小朋友食龍肉都冇味呀真係依間地方闊敞坐得好舒服 小朋友食飽仲可以叫工人姐姐帶佢地出面大空地玩下都唔怕唔安全 地方對於媽媽們黎講拎滿分呀菜款式 賣相同味道同樣高質一上枱 碟碟有驚起湊住仔都忍唔住要相機食先 打番幾張卡先d款式係我出面好多都未見過試下新野，碟碟都好高質有1味好正，真係好好食掛住食忘記影相就係個湯飯，本身勁飽都食左3碗呀3樣分開食 湯好飲 飯又足料 仲竟然加埋脆米 好正， 3樣混埋一齊食嘩 真係想介紹多d人黎試下超級正！！！總之樣樣都好食仲有好多未試既款式要拿拿臨再約朋友去一齊試多幾款先依間中餐館絕對係農曆新年同朋友衆會既好選擇

聖誕聚會去食小菜平日夜晚唔算多人 9人叫左好多野食 豉汁蒸蟠龍鱔推薦度： ☺️☺️☺️糯米釀雞翼推薦度：☺️☺️☺️☺️一直想試呢個餸 糯米飯好味 配雞翼都幾夾豬肚鳳吞燕湯推薦度： ☺️☺️☺️蕃茄魚腐浸白菜推薦度：☺️☺️泰式瀨尿蝦推薦度：☺️☺️☺️一口骨推薦度：☺️☺️食唔到辣野 所以食唔多羊腩煲推薦度：☺️☺️羊味有點不夠濃牛肉炒飯推薦度：☺️☺️☺️客家釀豆腐推薦度：☺️☺️☺️咕嚕肉推薦度：☺️☺️☺️☺️

拍蒜炒萵筍 ❤ 清爽有咬口，味道唔太濃。金銀蒜蒸勝瓜 ❤ 中意重口味既必點，蒜蓉味香，勝瓜件件都有返咁上下SIZE，係粉絲比較小，好食粉絲雜菜煲 🙂 味道正常，雜菜煮得比較耐，所以每款雜菜食起黎都好淋，唔洗點咬，粉絲一樣都比較小芥末安格斯牛仔粒 😀 屋企人食左，口感有小小實厚，味道ok柚子脆蝦球 😀 香口，蝦球係爽口彈牙楊州鮮蝦炒飯 😀 飯粒粒粒分明，好香口，配料正常玫瑰豉油雞半隻 + 蔥油走地雞（半隻）🫤 2款雞係完全唔得，冇味，口感亦都麻麻地，好睇唔好食。酸菜桂花魚 ❤ 好食! 但無骨魚片較小，好多塊都係有骨，同好多都係頭頭尾尾既角塊，但味道係好香好食。三蔥爆鱈魚球❤好食，但好貴，鱈魚球份量真係好小，味濃味重，送飯一流

星期五中午嚟飲茶食了細龜抄米 極出色食咗4種點心 都相當好但係我哋坐35號枱每幾分鐘就聽到廚房出餐位置有一聲大叫進食時間大約1小時一直聽到大叫聲 極度騷擾如果下次黎一定要求唔坐後面

好！驚！喜！🤩朋友之前去過食，話好正，今次佢做訂位，我仲諗緊中菜啫，係咪正到要大家去到黃埔食。（利申：平時係懶鬼，放工後少過九龍食飯😛）點知啲嘢真係估佢唔到咁正！朋友好貼心咁預訂咗幾度菜，全部都好味，尤其鍾意佢嘅清蒸東星斑，蒸嘅時間啱啱好之餘，仲要佢將部份嘅魚包成魚餃，一啖一隻，好好食。而佢嘅東星班，係將啲魚肉全部起晒出嚟，食得好方便，連平時我唔多鍾意食酒樓魚嘅都食咗好多舊😂啲質素真係好過好多大酒樓！另外有個特別就係凍蟶子，平時都係蒸完就食，第一次食凍嘅，估唔到咁爽口，而且仲有鮮味。佢加咗少少花椒，提升咗唔少層次感👍🏻脆皮手撕雞都係不得了，啲皮真係脆到卡卡聲！前菜有個辣魷魚，好惹味，食唔停口😋 個響螺湯亦都好好飲，一人飲咗起碼兩碗，好正！總括嚟講所有菜都係好好食，服務亦都好好，而最重要就係食完都唔口渴，對味精好敏感嘅我嚟講就更加加分！呢間餐廳一定有下次👍🏻👍🏻👍🏻

A little known spot for some great food and fantastic atmosphere. Just below the cinemas in Whampoa is an alley of restaurants and this one takes the prize for location and comfort. Relaxed atmosphere that caters to small groups or large dining events, this place is well placed to cater for every need.We were a group of 6 with kids and found the place child and toddler friendly with baby seats and spaciousness, a hard combination to find in Hong Kong! We ordered a few different dishes between us

加拿大返黎香港兩星期，諗住同屋企人做節食餐好既，朋友介紹左呢間，講到好好食，一於去試下，點知一試有驚喜，完勝預期，屋企人大讚😆頭盤先黎個冰鎮鮑魚，入口彈牙，鮑味鮮濃，必食之選聖子同樣新鮮，肉厚鮮甜荔枝蝦唔止係打咭必點，而且好好食，外脆內鮮茶葉雞，肉嫩，茶味深入雞肉，出奇地非常配合東星班餃好味之餘夠創意，屋企人都覺得好有新意除左呢幾味，其他菜式都好出色，而且menu上仲有好多推介菜式未試，下次返香港一定會再黎