小肥羊 (已結業)

本人於7月16日晚上7點去了小肥羊火鍋荃灣分店打邊爐,由於要令我1歲的女兒乖乖地坐著,所以就給她吃面包,因為她還小,所以就搞到地下有面包碎,那位女部長見到這種情況,就抱怨說我的女兒把地面搞到很骯髒, 仲不停地埋怨\" 整到成地下係”，不過之後我已經拾起左d面包碎,但她還是不死心,在我們起筷不久,她就吩咐左一位清潔女工過來我們的凳子底掃面包碎.這位女部長的服務態度真是很有問題,令我們吃得很不開心,第一是小朋友吃東西一定不會像我們大人那麼懂得自律,食到地上有食物碎係情有可原，第二,如果搞清潔應該是在我們離開後才開始,不是在我們正在吃緊的時候搞,這樣很不尊重我們!!嚴重影響到我地食慾！！

已光顧過深圳3間小肥羊, 也吃得很滿足, 因為夠麻夠辣, 但晚巿經常要等一小時才有位, 試過一次5:30 到達已滿座, 現在香港也可以吃到了, 好!第一次光顧此店, 已訂位, 問門外的waitress 是否可以入座, 她話未得要( b 肥), 相信她想講bethink or training 吧! 6:10 終可入座了, 被安排坐在大玻璃幕牆旁, 可以看到街外景色. 有多款食物任點, 羊肉和深圳的小肥羊一樣新鮮, 但食品款式卻少一些, 湯底一樣麻辣, 見到很多客人要在湯內搯回一大碗麻子和辣椒出來, 相信是吃不慣這么麻辣, 最好分開大、中、小辣讓客人選擇, 便不用這么浪費了, 每枱也送一碟海鮮, 有小片鮑魚、貴妃蚌、象拔蚌等.樓底夠高坐位也算寛敝, 所以油煙味也不太重, 只是上食物有些混亂, 部份食品點了數十分鐘後才到, 令人吃得不夠暢快, 自助火窩不包飲品及甜品.service 差一點, 部份waitress 經常掛住談天欠專業, 深圳的service 及氣氛也比這裏的好.

我很喜歡吃麻辣火，去大陸和台北都好吃過香港很多很多！即使寧記的麻辣火也是不夠味，直到小肥羊在香港開了分店，我終於可以在本地吃美味的麻辣火了。可惜，香港店的價錢很貴！有幸好荃灣這間做任食，兩個人打邊爐，可以食很多款，價錢又合理！個人認為鴛鴦的配搭最好，肉類、丸類和山根等可放麻辣湯底，菜、菇及海鮮等放滋補湯底，誰也搶不了誰的風頭。值得推介的食物：海鮮拼盆羊肉四寶丸

今日同班fd去食....9點入, 每位$88...價錢ok...D材料幾fresh..藥材湯ok...麻辣湯底太多油...好辣...辣到「食龍肉都無味」....羊肉好大陣so味...頂唔順...次次叫肥牛都唔到...佢玩哂啦...我地總共叫左四十幾碟...但係只係尼左5碟...整體尼講都ok....

我3月9日(五)晚試了小肥羊任點任食打邊爐.6:00-9:00pm段為@$98.價錢包所有嘢為$244兩位(飲品另計), 汽水細枝為@$9. 價錢貴平見仁見智. 如有嗜羊者可再加錢吃質素高d的羊肉及其他食品. 食物質素和服務都ok. 但食物來的次序則要留意, 免得以為點了不來, 再補點以致浪費. 而食物來的次序為1. 肉類和海產2. 肉丸和雲吞類3.菜類和雜食類最遲.另打完邊爐後那陣牛羊騷味歷久不散, 大家要留意.

昨晚1行5人,本來想吃任食火鍋,但因本人與另1友人比較遲才到,所以轉為散叫火鍋,免時間限制-湯底:鴛鴦鍋,即1邊滋補清湯(有藥材味),1邊麻辣(無能力,試唔起)-好評的有:1)羊肉滑-好嫩,好夠香料味,不濃"so"味2)羊肋腹肉-都濃羊味,因切得薄片,帶點膏,故幾嫩滑3)手切羊鞍-羊鞍骨剩下小小肉,滾完後,好嫩,羊鞍肉切成小圓片。每片都比點羊膏圍邊,幾有羊味4)羊粉(寬)-其實好似寬河粉,有小小半透明,有d韌煙,有口感5)羊肉四寶丸6)菜菌拼盆-有金菇菜,茶樹菇,秀珍菇,白靈菇,菠菜,生菜,皇帝菜,菜心苗。d菜賣相好清綠,好新鮮,因比較後期才淥菜,故份外甜7)蟹子墨魚滑8)爽脆駱駝峰-呈好淺肉色,賣相一般,但入口好爽,彈牙,有d意外肉質可以有此口感9)擂沙湯丸-一般有:1)特級肥牛2)炸魚皮3)桂花紅豆糕-本來唔錯,桂花清香,可惜紅豆硬d4)特式流沙飽-可惜甜d-唔掂有:1)羊肉小籠飽(生)-皮太厚,無特別2)龍珠米綠茶糕-所謂龍珠米其實即好似"four"豆的東西(小圓透明粒,中間有粒黑點,又無嘜味),通常於新潮甜品店才見到,綠茶portion無嘜綠茶味,然後底層是椰汁糕,無特別其1

之前同牙媽同埋佢d同事夜晚出左去打邊爐,6點幾開始打,打到9點。任食的。佢送左碟羊肉,一塊塊咁卷起送係碟,所以有好多,同埋好正。我以前係超市買過小肥羊d羊肉,係lee度食ge新鮮好多正好多。另外,佢d雞都幾滑,牛就ok。重叫左好多,我覺得個南瓜片幾正,林林地,甜甜地咁。另外又叫左個沙律雲吞,姐係係炸雲吞上面有d沙律,我覺得好好味好得意,6隻$20,算係抵牙!!跟住又叫左1渣庶汁,又ok wor,唔係好甜,幾好味。跟住其他個d都好正。雖然漏左幾次單,但d部長,知客都幾好禮貌=]

前個星期六同朋友四個人去荃灣呢間小肥羊食火鍋，事前訂左位啦，一去到都即刻比到位我地。但係一坐低無耐，睇緊餐牌就收到個電話，問我係咪訂左位，我話係，咁佢就話係啦，點知佢話：「咁你想點呀？」。我心諗就算我未到你都唔使咁語氣下話，何況我地已經坐低開左茶，到左未都搞唔清，真係想同佢講我想點菜，叫佢叫人幫我落單，不過最後佢都有講唔好意思。九點後牛羊半價，我建議盡量叫半價的東西就好，$40 - 50 有一大碟羊，但差不多$30 先得果半打羊肉雲吞（無半價），麻辣湯底都ok 辣，驚辣的朋友可以叫鴛鴦湯底，仲平$10添。仲有加湯方面，其中有一次加湯加到落枱面，個待應第一句話竟然係好危險呀，而唔係對唔住。另外第二次由於湯底太濃，我地叫佢加水，點知佢就係照樣加湯。總括來說，食物都ok，但係服務就真係認真麻麻地。

又係打邊爐, 不過今次係人氣店. 呢間係佢唯一一間任食, book了9點, 因費事早埸俾人趕. 去到都幾多人架, 如冇訂位, 相信有排等. 不過訂位又幾準時喎.同朋友2個人, 見到張紙都有足夠既選擇. 有某要加錢既就冇叫到. 羊肉OK, 唔穌. 魚皮夠脆. 其他都OK, 無話特別出色, 全部過得去.個湯底味道濃, 夠味, 所以冇調味料亦不是問題.服務都不錯, 都算快手, 亦冇黑面, 喂大佬, 咁多人算係咁架喇.我坐到成11點幾才走.個人認為幾扺, 但好似以前既小肥羊好食.

本人今個月生日,所以一班舊同事一行6個人連同小妹去左小肥羊食任食火鍋!,本人第一次幫襯此店是在深圳的,當然在深圳係平好多,但我覺得在香港食的也不算貴!一行人大約9:00p.m.入座一路食到11:30p.m.首先,一坐低waiter就放低左2大碟海鮮拼盆,內有好多樣野,有蝦,珊瑚蚌,墨魚,牛肉,青口等等十幾樣...另外,仲有3碟羊片送!淨係食佢送既都已經好飽啦!當晚還叫了2支啤酒,所以計埋其他任叫的食物,食得小妹好鬼飽,好滿足呀!埋單總共連加一剛剛700大元,比我預算的平!由於小妹生日不用付,所以佢地一人140元!值得一讚是牛肉,叫左好多碟都源源不絕,唔似其他嗰d任食酒樓要等好耐都唔黎!

聽朋友仔講, 荃灣小肥羊有任點任食, 其他地方無, 我係小肥羊fans, 當然想一試啦! (但始終係香港唔捨得食, 如你們都試過返深圳食小肥羊, 一定當自己食緊任點任食, 因為唔使睇價錢, 埋單都超平!幾十蚊一個人, 去邊到搵!)我訂了早場6:30, 但去到已有客人打得如火如途, 我們亦急不及待點了鴛鴦鍋底(麻辣很正, 個人認為入口好味過寧記)滋保藥材湯底亦很正, 同大陸食的一樣! 羊滑(正!), 肥牛(食落同羊沒分別, 卷成一圈圈, 切得非常薄, 入口即溶!), 小籠包(比想像中差, 沒有特別), 其他鱔片, 魚片, 菜苗亦很企理乾淨, 看得出沒有因為任點而將貨就價! 另外重要一點, 我們一有4個人, 我點菜時將份量寫了4位, 他們居然真的給了我們4碟肥牛, 4碟羊滑, 4碟燒賣, 4碟.............!真的嚇我們一跳! 我們急忙制止他, 而且還即場向侍應說不好意思, 即刻回了很多配料給他們, 因為我們真的會吃不晒!(除了肥牛放低!)

聽聞咁多間小肥羊係荃灣分店先有任食火鍋所以就約朋友一齊走去老遠的荃灣打下邊爐暖下個胃訂位前要先決定入座時間因為呢度分左兩個不同的入座時間分別係六點半同九點九點後就平d 我地最後揀左六點半放工飛車去荃灣去到都七點多了有朋友重未到我地都唔等了因為時間有限叫左好多野個呢度係小肥羊所以好多野都係用羊肉做料好似小籠包同湯丸都係羊肉成程我地order左三個round 八點已經係last order 所以拼命係咁落最後都剩唔少野人手呢度真係超唔夠沖得水黎又無人收收得黎又無人加湯加得湯黎又無人埋單不過都好好彩我地食個日都無乜人係出面等所以坐都差唔多九點半先走都得每位盛惠$116 都叫抵食

好差... 服務差, order 左d 野30分鐘都黎唔齊,開位時又無講明9點前要走,d 牛肉又勁耐唔上, 擺明唔比d客食牛肉....雲吞一客得2粒, 又唔註明, ... 同佢講d 野好耐咪黎, d 人又叫極唔應呼籲大家抵制小肥羊,去食完.. 感覺是, 我是一條小水魚.. 比佢呃左...食得唔開心又食唔飽....

一行八人來打邊爐．九十八蚊一位包湯底．任食兩個鐘．唔算貴．食物選擇一般．唔算好多．連打邊爐必食既牛柏葉都無．失望！食物：上等材料．丸類絕對唔係一般街市貨．海鮮新鮮．餃類好味．炸魚皮．魚腐都好得．食物值得一讚！但所有既食物味都只得一種味：藥材味！湯底：好難頂．好重藥材味．清湯底勁多薑．蒜頭．當歸．紅早同人參．好臭．可能我唔鐘意藥材味．唔明白點解咁濃既藥材湯底叫清湯底．有Ｄ比人呃既感覺．．藥材味令每一件食物都無哂原本既味．感覺好差．服務：惡劣．話明任食兩個鐘．但落一次ＯＲＤＥＲ要３５分鐘先有野食．仲有四十五分鐘先夠鐘又叫你落LAST ORDER．叫左又要等三十分鐘先有野食．等得耐都算．成晚又勁漏單．叫左好多野食都無黎到．問Ｄ亞姐永遠都係叫你問經理．問個經理又唔理我地．感覺上佢地似拖我地野食．任食兩個鐘．咁樣食法．好唔公平囉．我仲見到好多人都係咁．好多人食到發脾四．我地都食得好唔開心．．總括：我唔會再幫襯．湯底難食．又唔比野人食．未夠鐘又叫你走．態度惡劣．．過份！

尋日同朋友去練毅行者，行完麥理浩徑第七同第八段大家已經又累又餓，商議後決定去荃灣小肥羊大擦一餐獎勵自己。我叫個羊肉套餐，另加該店最馳名燒羊排。基本上大部份食品都係同羊有關，粉係用羊脂搓成，小籠包係用羊肉餡，另外一味用薄餅皮包羊肉亦很惹味。燒羊排不及銅鑼灣分店的香，但這店勝在唔使等位。環境方面，地方寬敞兼有電視睇，但用作裝飾燈籠卻遮住半個螢光幕。九點後支裝汽水買一送一，而且有別於其他分店唔使大排長龍等位，所以如果該區覓食都係一個好去處。小肥羊一向標榜唔使用醬汁，而佢個辣味湯底都真係幾夠味，好彩鴛鴦湯底可以有辣有唔辣。百零蚊可以大吃大喝一頓全羊宴，都覺得幾滿足。