小胖台灣麵

營業中

休息中

是日同朋友嚟咗愛定商場食嘢，揀咗食小胖台灣麵。一點幾鐘嚟到全場滿座，仲有唔少六位、八位等大枱添，真係幾意外。等咗一陣店員執好枱就可以入坐，店內原來幾大，內邊仲有好多枱。⭐紅燒牛頰肉便當今日想食下飯就叫咗紅燒牛頰肉便當，上枱十分迅速，個碗好熱，啲飯好熱，個餸都好熱，成碗嘢熱到入唔到口，哈哈。牛頰肉炆得軟腍，口感唔錯，調味架有辣椒油同牛油，兩樣都落啲更加香口惹味😋⭐招牌三寶牛肉麵朋友就叫咗招牌三寶牛肉麵，牛肉牛筋牛肚十分多，件件都大大舊，厚切但炆得入味，入口無渣，湯底甜甜哋鮮味，台灣麵有口感，好好食👍⭐香辣炸雞扒黎得食台灣嘢就想叫下台式小食，本身想叫鹽酥雞，但見餐牌有個香辣炸雞扒好似仲吸引，就叫咗一塊試下，外層炸得酥脆，雞扒肉嫩，加上香辣粉好惹味，勁正😍⭐珍珠烏龍奶茶 & ⭐白桃珍珠烏龍茶最後梗係唔少得珍奶啦，呢度有標明邊啲款式固定甜度或固定冰量，其他無標明嘅都可以自己揀，叫咗一杯珍珠烏龍奶茶同一杯白桃珍珠烏龍茶，兩杯都叫咗微糖，甜度啱啱好👍飯同麵都係超大碗，好食又抵食呀😋

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ · ▎最近 ɪɴꜱᴛᴀɢʀᴀᴍ 見到唔少人介紹 屯門 ʜ.ᴀ.ɴ.ᴅ.ꜱ 嘅『 小 胖 台 灣 麵  ▫𓎺  』見大家都好評不斷咁贊 就嚟同朋友試試佢 ᴏᴘᴇɴʀɪᴄᴇ 發現 「 元朗 — 千色匯 」有分店就係星期日下午茶時間 入元朗飲夏茶試埋佢 當日下午茶時間去到 餐廳坐滿人仲要等排隊 唔知會唔會係 「 千色匯 」附近街坊嘅美食？半筋半肉紅燒牛肉麵 煮得夠淋 湯頭紅燒味唔濃 應該想就返本地口味 有改良調配過一下湯頭 配料帶俾我地一種台灣港版「 車仔麵 」感覺 半筋半肉 大件抵食 青紅蘿蔔白蘿蔔軟淋入味 麵底口感食落較似上海麵 份量極多 彈牙飽肚食台灣嘢一定要配台式小食 但無鍾意嘅台式香腸唯有嚟份夜市鹽酥雞 炸得夠香脆可口 食落啖啖肉咁 即叫即炸 叫完一陣就上枱 快到嚇一嚇 鹽酥味滿滿 ᴊᴇɴɢ便當同野飲同台灣麵  ▫𓎺 比較下表現普通 首推牛肉麵🜸▸ 半筋半肉紅燒牛肉麵 ┅ HKD 78▸ 日月澤檸檬紅茶 (C) ┅ HKD 13▸ 古早味烤豬排便當┅ HKD 48▸ 金橘檸檬 (C) ┅ HKD 13▸ 夜市鹽酥雞 ┅ HKD 3

想食好耐，但行過幾次都見到勁多人😳早幾日同朋友特登約早𝐝，避過𝐏𝐞𝐚𝐤 𝐇𝐨𝐮𝐫去😂食完就係明點解咁多人，好味大碗又抵食🙆🏻‍♀️一路食𝐊𝐞𝐞𝐩住有客入，走個時門口仲勁多人等位，好彩早去😏~•~•~•~•~•~•~•~•~•~•~•~•~•~•~•~•~•~•~• 🍜 台灣湯麵 🍜🔸可轉新竹米粉 / 王子寬麵 (加+$3 ) • 轉配生菜底 (加+$4)▪麻辣招牌三寶牛肉麵 (台灣牛腱肉 • 牛筋 • 牛肚) ▪半筋半肉紅燒牛肉麵 (台灣牛腱肉 • 牛筋)𝟐碗都係超大碗，勁足配料，大大件！🤩牛腱肉🥩又淋又入味，牛筋滿滿膠原🧏🏻‍♀️，牛肚窿窿位掛滿湯汁😋另仲有埋紅 / 白蘿蔔...麵條少少煙韌 • 有咬口🤓枱面有𝟐樽調味料。一樽係辣椒油🌶，另一樽橙橙黃黃🧡既係黃牛油(加落湯麵食，可加強牛香味😝).▪麻辣涼拌牛肚爽口 • 掛汁，麻辣度比麻辣湯麵高🤪.▪野飲▫️鴨屎香手打檸檬茶 (固定甜度)🍋▫️珍珠烏龍奶茶 茶味奶味都出，珍珠煙韌，唔會淋𝐛𝐚𝐭𝐛𝐚𝐭🧋.~•~•~•~•~•~•~•~•~•~•~•~•~•~•~•~•~•~•~• 🔺免收加𝟏𝟎%服務費🙆🏻‍♀️ 🔺自己用電話嘟𝐐𝐑 𝐂𝐨𝐝𝐞落

剛剛去完台灣旅行，掛著當地台式料理，今日相約朋友去台灣小胖麵食正宗台灣菜🍜。我地登記成為會員有好多優惠，打開台灣小胖會員APP就做咗會員🫶🏻，迎新優惠有台灣香酥骨，生日優惠 8元現金卷，食得多獎得愈多，留返下次用。朋友揀了乾胖麵，皮蛋醬滷肉香葱乾拌麵配雞排都 $58，好抵食，雞排黃金色澤又夠酥脆。我揀咗台灣自選湯麵，濃•純•香牛骨湯麵 $40，加配拌菜有夜市排骨酥 $12，台南蚵仔肉卷 $10，滷水豬大腸 $8， 台灣蛋餃 $6， 轉配新竹米粉 $3；先講米粉夠幼細又正宗，食出台灣風味，配料新鮮又好味道。小吃攤系列，夜市鹽酥雞 $32，好脆卜卜又juicy。飲品方面揀了手搖茶，珍珠烏龍奶茶 $28，茶味醇厚，珍珠口感滑溜Q彈; 鴨屎香手打檸檬茶 $30，茶味濃郁，酸中帶甜。

已經唔係第一次黎食小胖了，第一次是剛剛開業，試左牛肉麵，都覺得好好味！今晚帶埋老公黎食，就可以叫多個小食啦！店舖都幾大，有卡位，舒適適合家庭客，Menu選擇都好多，湯底都有成六款！又有飯同小食！當然唔少得台灣手搖飲品啦！⭐️花蓮剝皮辣椒雞湯麵配手切封門柳加生菜（$72）風門樓非常新鮮，淡淡牛肉味剝皮嘅湯有少少辣，在冬天食暖笠笠！仲有唔少雞肉！⭐️眷村麻辣湯麵配夜市排骨酥加韭菜餃子（$70）湯底雖然是麻辣，但係以麻為主不太辣排骨酥酥脆香口，好味韭菜餃子就正正常常老公仲加入咗自家製的黃牛油，原來黃牛油係台灣傳統牛肉麵店上見嘅調味料可以令到牛肉麵散發更濃郁嘅牛香味⭐️麻辣牛肚辣辣地好惹味！⭐️珍珠烏龍奶茶茶底好香，入口好滑， 珍珠口感滑溜Q彈重點唔甜！而且原來餐廳有自家app食完會有分d分可以換禮物！！最近仲有迎新優惠！（佢有幾間分店嫁）

之前係元朗食過，不過果時冇便當，而家仲多左三個新款。🍱紅燒牛頰肉便當 牛頰肉好淋，好入味，肉量不少，蔬菜有粟米同蘿蔔。☕(熱)日月潭奶茶 淡少少嘅港式奶茶，都係鐘意港式多啲😆。自選湯麵：🍜米香椒麻酸菜湯麵 怕太辣，叫左少辣。呢個真係好值得試，偏麻香，好有層次。湯頭配上酸菜食好清爽，越食越開胃，好味。選菜選擇多，叫左：🔸手切封門柳：牛味重，嫩，正👍🏻🔸滷水豬大腸：不錯🔸水蓮：台灣蔬菜，可惜煮過火，黃左🔸生菜🔸蜂巢凍豆腐：吸晒湯汁，好惹味🧂見到有黃牛油，原來係自家製，台灣傳統牛肉麵常見調味，可以令牛肉麵更濃郁，更多牛香。🧋冷泡茶系列：古坑冰咖啡古坑係臺灣原生種咖啡，甘香濃但唔苦。🐣夜市鹽酥雞香脆可口，不過熱氣😆而家真係間間都有會員app，成日食真係裝左抵啲，$5換1分，食得多獎得多。有迎新優惠，折扣優惠，仲有增值回贈~

小胖台灣麵🍜最近天氣凍凍地，好想食返碗台灣牛肉麵暖吓肚，朋友就帶咗我嚟屯門嘅小胖台灣麵🍜一見到個Menu有啲嘢食相，就樣樣都想食～同朋友一人一碗自選湯麵，一共有六款湯底同埋廿幾款配菜可以選擇，一定啱晒各人嘅口味，貪心嘅我選擇左濃純香牛肉湯麵 +滷牛筋、麻辣台灣鴨血、夜市排骨酥、台灣滷肉同滷水蛋～小食再追加一塊香辣炸雞扒個麵一上台就已經覺得好豐富仲聞到好香濃嘅牛肉湯味，店員推介一定要加埋枱上佢地自家製嘅嘅黃牛油😍店員果然冇介紹錯，加完之後會令牛肉麵散發出更濃郁嘅牛香😋～香辣雞扒炸得勁香脆，而且肉質嫩滑～飲品試左鴨屎香手打檸檬茶，茶底香濃加埋檸檬酸甜適中，勁解膩🥤另外朋友裝咗個小胖會員app，入邊有勁多優惠，同埋不同嘅折扣優惠券，仲有積分儲添，每次食完仲會有回贈，性價比極高🤩小胖台灣麵 (屯門)屯門屯門鄉事會路2A號愛定商場(H.A.N.D.S) A區1樓A122號舖#天天foodies#天天飲食_屯門評分：8/10 #台灣 #小胖台灣麵 #台灣麵 #香辣炸雞扒 #屯門美食 #偽食家 #牛肉 #noodles #台灣牛肉麵 #beef #beefnoodles  #foodphotogra

最近，屯門的愛定商場經過重新裝修後，多了不少新餐廳的進駐。其中小胖台灣麵是新餐廳之一，餐廳提供多款午市套餐和下午茶選擇，還有會員APP，新會員會送香酥骨，性價比非常高。半筋半肉紅燒牛肉新竹米粉份量好大，有兩大件牛肉及一堆牛筋。湯頭偏清，但可額頭加入的黃牛油。令整個湯底增添了另一種風味及更加豐富。麻辣鴨血寬粉鴨血的份量約有八塊，湯底微辣絕對能滿足喜好重口味的食客。我們也加了一些黃牛油，湯頭瞬間變得油香四溢。台灣香酥骨炸排骨粒外層香脆，肉質嫩滑。白桃烏龍珍珠茶濃郁的白桃香氣，口感清新，珍珠Q彈。鴨屎香手打檸檬茶甜度固定，茶底偏濃。小總結❤️❤️❤️❤️❤️📌環境舒適📌麻辣鴨血寬粉好惹味📌飲品選擇多樣

天氣轉涼，好想食個暖笠笠嘅麵。今日來到屯門📍小胖台灣麵♨️［食後感］📝1. 濃醇香牛骨湯麵湯麵的湯頭濃郁，牛骨的香氣透過慢熬釋放出來，讓人感到暖心又滿足。麵條筋道，吸附了湯汁，口感滑順，令人一口接著一口。附加黃牛油，自家製的黃牛油係台灣傳統牛肉麵店常見的調味料，能令牛肉麵散發出更濃郁牛香味。2. 米香椒麻酸菜湯麵湯麵的特色在於酸菜的清新與米香的獨特搭配，微微的辣味與酸味交織，讓味蕾感到刺激而愉悅。3. 香蔥豬油伴豬耳以香蔥和豬油為主，豬耳的口感脆嫩，搭配香蔥的清香，讓人食指大動。油脂的香氣與豬耳的嚼勁形成絕妙的對比。4. 珍珠烏龍奶茶茶味醇厚、奶香到位，入口柔滑， 珍珠口感滑溜Q彈🛍️登記小胖會員app✔️積分換領系統：食得多獎得愈多，✔️迎新優惠＆升級優惠✔️提供不同折扣嘅優惠券✔️預付卡：增值愈多，回贈就愈多整體而言，這台灣菜各具特色，無論是濃郁、清新還是香脆，都能帶來不同的美食體驗。你仲唔快啲過嚟🫶🏻🫶🏻

小胖開左一段時間午餐時段超多人，佢哋又出咗新餐牌，今次有更多新口味嘅台式便當同埋 台式自選湯麵，鍾意食咩自己揀👍🏻👍🏻台灣蒲燒魚腹便當啲燒汁魚腹好大件，放喺中間非常吸睛，側邊有好多粟米、鹹菜、滷肉、滷水蛋、蘿蔔等等豐富嘅配料，記得將全部配菜混合😌成個飯都好香，魚腹油脂充足超香，撈埋已經好好食。台式自選麵先選滷肉濃白湯麵😌清清地，揀左金錢牛肚 、手切封門柳、台南蚵仔肉卷、海鮮蝦油條、小胖咸五花腩片👍🏻 海鮮蝦油條大大件仲係脆口，咸咸香香，手切封門柳切得靚，封門柳厚度適中，牛味重 ！推介佢地手打鴨屎香檸檬茶👍🏻茶味濃唔會太甜小胖台灣麵 (屯門)屯門屯門鄉事會路2A號愛定商場(H.A.N.D.S) A區1樓A122號舖

去過都好幾次，食物係好食既，份量亦夠多，但侍應態度一直都覺得差…今日午飯時間約1點去到都仲有幾張枱既， 個侍應安排咗我同小朋友坐一張二人枱， 臨坐嗰下好彩見到有一隻已經死咗既細曱甴係張櫈度，咁我就同侍應講，同埋想轉第二張枱，佢用枱布包咗隻曱甴之後亦都唔俾我轉枱，咁我就唯有同小朋友走唔食喇。😡

小胖台灣麵 • 屯門屯門嘅街坊有口福，因為比我發掘到呢一間食物質素唔錯嘅台灣餐廳，除咗食物，店員服務亦都有禮貌，又同我有講有笑，用餐體驗幾好✅ 半斤半肉紅燒牛肉麵 🐮牛肉好大嚿好軟腍，帶少少筋位，筋位亦都好軟腍，湯底醬油味濃郁，加上好多炸蒜乾蔥調味，整體非常好食✅ 自選湯麵(滷肉濃白湯麵) 🍜配料揀左金錢牛肚，海鮮蝦油條、香菇貢丸，湯底就是少少似香雞湯的味道，牛肚好食，夠爽彈，蝦油條比較少見有新鮮感，值得一試👍🏼✅ 香香炸雞排 🐔雞扒保留一個重要特色，就係夠大塊，外面炸得香脆，入面仲有肉汁，而且幾嫩滑

已經有段時間冇去台灣玩今晚特別掛住台灣食物所以就去咗屋企附近既小胖台灣麵😋6:00去到都已經坐滿晒人好好彩只係等咗一陣位❤️原來而家新出咗自選湯麵系列🍜由湯底到配菜都係可以自己揀總共有六款嘅湯底可以揀我就揀咗濃蕃茄🍅大骨湯做湯底而配菜我就揀咗手切封門柳同埋台南蚵仔肉卷蕃茄湯底非常濃郁，仲有蕃茄肉添味道酸酸甜甜，非常開胃蚵仔肉卷係由台灣直送除咗蚵仔肉之外入邊仲有紅蘿蔔同木耳配搭埋一齊好鮮甜 爽口彈牙🤤食食吓仲見到有自家製黃牛油加咗少少落去湯底，即刻成個味道提升左仲令到封門柳個牛肉味更加濃郁😍另外我哋仲嗌咗11月限定既台灣蒲燒魚腹便當廚師蒲燒既時間剛好，魚油味好香仲好鮮嫩再加上肉燥配飯食非常之惹味💯小食嗌咗香蔥豬油拌豬耳豬耳口感爽脆，辣辣地好好味🥹當然唔少得台式飲品🧋🥤烏龍珍珠奶茶茶味濃郁，奶味香濃柔滑珍珠口感滑溜Q彈鴨屎香手打檸檬茶酸甜調配適中茶味香濃，解渴必飲❤️佢哋而家有會員App新加入仲有迎新優惠同升級優惠仲可以有儲分制tim真係食得越多着數越多👍🏻👍🏻

朋友短聚，揀左間佢常食嘅日常餐廳，食完明白點解佢會放工都經常食✨牛骨湯麵＋自選配料✨ 食落係有種台味，特別係蛋餃，魷魚焿，甜不辣同個麵，麵質帶煙韌，係牛肉麵果種麵，牛骨湯都幾似台灣飲嘅味道，食完唔會口乾，店員提示可落埋黃牛油增加香味，細至配料如蘿白都甜喔台灣蒲燒魚腹便當比較特別小見，魚肉無骨幾滑帶點肥美，配上蒲燒汁小小咸甜唔錯鹽酥雞正常味道，調味合適飲品叫咗珍珠奶茶 &白桃珍珠烏龍茶珍珠有咬口，叫左微甜，甜度符合預期，令人可怕飲得晒一杯作為日常晚餐係唔錯，建議叫麵食，佢個自選配料有幾多特別嘅餸出面係小見嘅，坐位位置都唔會迫同光猛，作為街坊小店，CP值幾高，適合短聚👍🏻👍🏻

今次同🐯👩🏼入左屯門唔知食咩，又想食台灣野就搵左小胖台灣麵，餐牌嘅選擇都種類幾多，主要湯麵同埋便當為主，今次就嗌咗兩個自選湯麵眷村麻辣湯麵🍜（手切封門柳+台南蚵仔肉卷）麵條好彈牙，湯底香辣十足，唔會太油膩。再加上手切封門柳，肉質嫩滑，搭配湯麵真係一流！另外，台南蚵仔肉卷都非常好味，蚵仔新鮮，肉卷外脆內軟，口感好有層次。米香椒麻酸菜湯麵🍜（夜市排骨酥+海鮮蝦油條）湯底酸酸辣辣，完美刺激味蕾，仲有啲酸菜增添風味，非常開胃！再黎嘅夜市排骨酥，外脆內嫩，味道正得嚟又唔油，無論係單食定係配麵都好好味。海鮮蝦油條都唔錯，搭配湯麵食更添風味。白桃珍珠烏龍茶🧋味道清新，白桃香氣濃郁，珍珠又Q彈，仲可以冰爆咕咕力🧊🍫其實佢係一杯爆冰嘅朱古力，我就揀咗微糖，但係都可以飲到佢好濃嘅朱古力味。可惜嘅係佢堂食都用紙杯😮‍💨香辣炸雞排🐓外面炸得金黃香脆，裡面肉質鮮嫩，辣味左右岩岩得好，真係幾有台灣嘅風味回頭率：85%地址：屯門屯門鄉事會路2A號愛定商場(H.A.N.D.S) A區1樓A122號舖