小茄子

營業中

休息中

元朗竟然有間咁好食既泰國菜，有兩間鋪，位置足夠，服務態度很好，是泰國人，煮食物方面應該都是泰國人上菜方面速度很快, 服務感態度很好食物幾好食，推介咖哩面包蟹，很好味，辣度可調，馬拉盞炒通菜很香口，沙嗲串燒還可以，不過只有豬和雞，沒有羊和牛，椰汁炒飯本身係menu入面是用椰子盛裝，但侍應話轉了，但都想試下，很香椰汁味，另外雜菜粉絲煲普通，很欣賞冬蔭公明爐魚，魚質滑，很香魚味，配合冬蔭公湯一流，不能食辣的我都很喜歡，最後還送了椰汁糕整體來說會再番轉頭食，價錢不貴的泰國菜

今日夜晚你到元朗雞地嘅呢間小茄子 由於我嘅中學係小茄子嘅後面 講真呢間餐廳就真係由細食到大 但係以前就多數食學生餐嘅午餐 價錢好相宜 而且味道好好 所以就成日嚟食 食晚餐都係第一次 入到去裝修好有泰國嘅風味 人都幾多 原來晚餐嘅價錢 都比較貴 我哋兩個人叫咗半隻海南雞 加油飯 要多個青咖哩牛腩海南雞好滑嫩 雞胸都係好滑溜 多汁 油飯好香濃 唔油膩 而青咖哩牛腩好香嘅椰汁味 亦都有咖哩嘅獨特味道 牛腩亦都好足料 仲有泰國茄子做陪襯 叫咗兩杯龍眼冰龍眼好香 而且juicy 配埋泰國餐一齊食 簡直係黃金絕配食完仲有椰汁糕送 偏甜 埋單都要三百幾蚊 呢個價錢有啲貴 但係都值得嘅

星期日中午，天氣太熱，無心機再行來行去搵餐廳，認為泰國菜應該唔會難食得去邊，點知就中伏了。炒飯雖然好多飯，但濕笠笠無鍋氣，好唔吸引。最失敗係個馬拉盞炒通菜，通菜老到都咬唔入，採購食材都應該把下關啦，就算真係無法採購新鮮靚仔嘅通菜，去到客人落單個陣，都講聲話通菜唔靚仔，俾啲建議嘛，話噻都成68蚊一碟青菜。另外豬肉和雞肉沙爹串，就係得個鹹，柴柴地嘅感覺，應該都唔會新鮮啦，春卷更加係讓人失望，只感覺多油，無咩值得推薦。應該改善下啦

我地兩個人星期日夜晚九點左右去小茄子試泰國菜，入去仲有大概三四薹人吃緊野，之後都仲有人入黎。我地就坐在四人卡位，都幾舒服，周圍唔多人。叫左青咖哩牛腩農夫包（$138）、菜肉包（$88）、燒雞串燒（$18/串）青咖哩有好多香料，分量勉強可以點嗮所有麵包。牛腩太多肥肉，大概四分一都係脂肪，有啲失望。農夫包烘到個邊幾脆，口感外脆內軟。整體都幾滿意，有3.5星。菜肉包啲豬肉碎都係加左好多香料炒，吃落好入味，但都起碼有四分一既肉係脂肪，如果可以改善就非常好。呢碟有4星。雞肉串啲雞肉味道唔錯，質感還好，醬汁好正，可以試下。不過就咁齋吃會有啲寡，我地用啲青咖哩包送就好好味。齋吃既話有3星。吃得好開心喲！

原來元朗食泰菜比外面平<—後知後覺的元朗人小茄子係好出名的一家在雞地有幾個鋪位 happy friday night一起喝個冰凍的泰啤酒沙嗲串燒~只有雞和豬, 也不錯

另一天晚上海鮮冬陰公湯 (小)超少辣, 淡淡的青檸味, 同行不能吃辣的朋友也可以喝4個人每人一碗咖啡蝦, 不夠軟殼蟹好吃咖哩汁依然動人但咖哩配薄餅無得輸!~小食拼盤 (大) (4人份)最愛蝦餅, 魚餅有點軟…..只有甜的龍眼冰

味道平庸偏咸價錢偏貴沙律有辣味但無木瓜味道而且較咸冬蔭湯第一碗好野味。不過主要得個熱字雖然有個火燒吓燒吓。但好快自己熄。仲愈飲愈咸咖喱加係平庸中平庸。同茶餐廳無異。唔見得值依個價。無味而且雖然有個火燒住但都唔夠熱價錢唔合理。以水準嚟講算偏貴

唔想聖誕被騎劫？避免食貴到死既西餐或自助餐就得啦睇住呢間小店至今擴張鋪位就知生意唔錯啦！做開街坊生意，waiter 服務好隨和，食物上檯速度快其中黃咖哩雞包最好食青、紅、黃咖哩可任配雞/牛/豬扒共9款選擇，一d都唔辣，麵包大大個，個邊焗到有少少脆，蘸上咖哩汁食怕熱氣既話，食到尾，咖哩汁滲透包中更入味！菠蘿海鮮炒飯顏色鮮豔當中鮮魷、蝦既配料亦唔少，脆果仁及肉鬆分碗上，避免撈入熱飯中變到腍曬，好細心由於人多，揀左最大size既拼盤，熱辣辣，其中蝦餅&魚餅最好食，前者外脆內彈牙，後者食到好多泰式香料春卷有d奇怪，完全食唔出中間果舊係咩，香葉雞又乾又靭可惜少數餸菜略嫌唔夠熱例如炒金邊粉及燒豬頸肉，後者亦燒得唔夠香口，有點兒失色整體食物份量夠曬多，一定食得飽！食物方面仍有可改善既空間！

元朗好多出名既店⋯排到餓死都未到你既時候。梗有兩間餐廳係你左右⋯最後揀左老幼都岩既泰國菜生蝦⋯ok la 普通啦⋯青咖哩入面有d大粒青豆？新椒？幾有趣⋯ 仲有我最喜歡既泰國茄子👄個菜都嫰提提你個拼盤中既已經係多到咁。送既甜品⋯椰汁大菜糕Um....一大班人諗唔到食咩既時候不失係一知個好選擇。好大件好值得⋯味道都好中規中矩⋯應有既香料都有👄同埋價錢係完全合理價👍🏿

食泰國野 我通常會諗起小茄子因為選擇ok多 幾好味 而且價錢平民化 今餐晚餐 兩個人 食左$260 左右蔗蝦 好大碌 佢d蝦膠包得好厚 外皮脆卜卜 條蔗好甜 雖然只係係咁二咬左幾下..個釀雞翼係第一次叫我以為入面係包炒飯/糯米飯一咬落去原來係包左蝦膠仲要好足料 雞翼幾juicy. 翼尖仲好岩送啤酒添不過，釀雞翼加埋蔗蝦 就好似食左好多粒蝦丸咁....所以我建議大家唔好係同一餐叫依兩樣野另外一碟 豬頸肉炒芥蘭都唔錯 菜好爽 好惹味豬頸肉都幾好 但有一兩個淨肥膏 都ok la至於個椰子海鮮飯本身應該係原個椰子焗但佢話無個個椰子 要用碟上食落都有少少椰子味 但如果可以加點椰奶 應該會好好多 椰肉得2-3塊下次如果佢話碟上 咁都係叫第二樣好了食飽飽仲有一人一件泰式甜品送美味

平日同屋企人黎食下泰國野, 屋企人平時好少出外食野, 覺得又貴又無益。今次食完之後, 對外食改觀左, 雖然唔係健康野架啦, 不過呢間真係超級抵食。海南雞,本身以為我少少例牌咁啦,點知都好大碟呀, 而且雞肉好滑, 正常水準不過無我平時鍾意食既黑色醬,可能泰式係無呢隻醬??見有得加飯就加左個飯, 不過...其實唔駛加,因為食唔哂D野...咖哩豬扒農夫包..呢個真係不得了首先,本人超級鍾意食包,呢個包吸哂D CURRY,非常入味。另外豬扒超多,已經好味,唔好睇少呢個包, 2個人一定食唔哂。大推呢個, 係是日精選!波蘿炒飯. 如圖..非常多料,而且好有獲氣, 不過每日食左一,兩啖又要打包,因為食其他野已經食飽左。(打包後仲可以比一人分左2餐食...可想而知個份量真係..重量級)芒果糥米飯,去泰國必食之選呢度算OK啦,芒果又大隻,不過有D酸,可能係季節唔岩。

很久都沒有去小茄子晚飯，昨晚心血來潮約埋八十後的一子一女去重温年前來過的一次晚飯體會，那時的食物印象中不差，想當然舊地重來，再來尋找當年的美。我們三人合共點了：半打串烧(4串鷄、2串豬)、3條炸春卷及一份青咖喱牛腩焗麵包，再加一支泰國啤和一碗白飯，埋單356元。太可惜，所有食物大失所望，總括來說，街邊質素、酒店價錢！(1)串燒不用5分鐘便上桌，上桌時還熱，過一陣子便凉了，肉又乾又硬，完全没有汁液！估計是一早烧定再番熱之故。(2)春卷皮不脆，表面乾硬但食落淋，估計是番炸的原因。(3)青咖喱包内的汁液太少，一陣子便被麵包吸收哂，到最後半個包都放棄。希望小茄子能多作改善，希望下次再来給回我一個驚喜。

小茄子位於鳳攸南街 嗰頭泰菜林立嘅街道上 仍然有佢一定既吸引力我地當日等咗30分鐘至入座 但店外仍然好多人等位我地叫咗生蝦 豬青咖哩 薄餅 菠蘿炒飯 同小食 生蝦都幾好食 肉質唔會太過諗 配埋個汁 辣辣嘅好爽豬青咖哩 味道尚可接受 配料好足 有豆角同泰式茄子菠蘿炒飯 都幾香同炒得幾乾身小食叫咗魚餅 同春卷 蝦餅有四件 會幫你切成八件方便食 係即炸嘅 好香脆春卷係走越南風嘅 入面係用澱粉作填料 雖然會好飽 但係配生菜同sauce 一齊食 都幾清爽㗎🙈最後當日係幫朋友慶祝生日 買咗生日蛋糕 店家仲好好幫我地點爉燭 同換乾淨碟食蛋糕

今次嚟到小茄子搵食！3連休唔想日日喺屋企hea～決定同朋友入元朗逛吓～諗住打俾元朗友問吓有咩餐廳推介啦～佢竟然話唔知！唯有自己冒險搵吓啦！於是喺鳯攸街搵到呢間小店～～生蝦刺身 （$128）朋友一向喜歡食生蝦刺身～但平時嘅餐廳通常比較貴～呢度定價較低終於可以食喇！玻璃蝦蝦肉夠爽～溫度夠凍～加上個汁調得出色～夾住生蒜食真係有泰國當地嘅風味蝦醬炒飯食落冇乜蝦醫味～好普通嘅炒飯！不過蝦尚算新鮮～同埋好多肉鬆～撈飯好味！而腰果都炸得啱火喉～不會太油。馬拉盞炒椰菜苗菜非常嫩～真係有菜苗嘅感覺！而且馬拉盞香得來不會太辣～掛住食菜爭啲唔記得個飯𠻹呀（笑了見到其他食客個個都叫焗咖哩包～好想試吓～希望下次多啲人一齊去可以試吓啦～不過啲位真係好迫～店員行過都被撞到幾次⋯

今日係賴生既男士gathering! 所以飛甩左屈小姐😂😂😂(亦因為咁影d相唔靚……請見諒!)原本賴生同班朋友呢plan左食西餐既，但點知冇開，所以去左呢間，雖然今日假期有少少人等，但冇bk枱都可以5分鐘就入到去，全靠個侍應聰明，安排張4人枱比我地坐，雖然要坐主席位，但總比餓親好😊! 可惜係佢唔記得比多份食具我😂😂!入到去一坐低個侍應就不停介紹我地，見我地幾條仔好似食好多野咁，狂叫我地叫乜叫乜，當然係sell貴野啦😂😂! 而最後我地叫左大拼盤，生蝦刺身，紅咖喱雞農夫包，燒豬頸肉，生菜豬肉包，薄餅，串燒雞同豬同馬拉盞炒椰菜苗! 最後梗係食唔晒😂😂!整體只有生蝦刺身可以推介，個汁較得幾好，蝦亦新鮮! 但其他野食大部分都欠缺泰式風味! 只有生蝦合格! 如果係泰國野黎講，佢只係一般……唔建議係元朗食呢間😅