小豆町日本料理

營業中

休息中

食左餐好味而且好抵既日本料理想同大家分享下，話說上個月過來藍地小豆町食左兩餐開左個積分卡，今次來到就用100積分換個兩點盛，鵝肝壽司，好大件，成舊擺落口好多汁，外脆內軟，蔥香味濃，另一舊叫蝦之戀，因為我再加左份先知個名，由三塊三文魚，蟹籽，同一隻甜蝦組成，一次過食幾款野，帶子壽司好鮮甜，好鐘意食陣海水味，玉子同芥辣八爪魚壽司都好好味，熟食就叫左燒青魚同清酒煮蜆，酒味好香，冬天要多食蜆補鐵質，埋單時O左咀，$158？問收銀係咪計錯，先驚覺原來我一直誤會左，依家先睇得明，原來100積分換完個兩點盛後仲會減100蚊現金，個積分卡原來咁著數，早知草夠500分先換條時令飛機魚，仲可以食餐500蚊既免費晚餐，哈哈

2018就快完喇，今日得十二度，超凍既天氣，我地竟然想食刺身，去左藍地小豆町，每人點個Lunch set打底先，我就揀左個雜錦刺身沙律配冷蕎麥麵個冷面汁好出色，濃度適中，加小小Wasabi，成注面浸落去再食，真心正，食哂成碗都仲想食，好開胃，雜錦刺身有幾款魚切粒，雖然個沙律只係得青瓜絲，但呢種係細青瓜，會爽口D，主要加左d吳知咩汁，又有wasabi，又有d果味，好味，呢個餐食材吳貴，主要就係食個汁，師傅調味既功夫，$48,有飲品，有面豉湯，仲平過茶記，另外午市優惠追加左份甜蝦$18，三只有頭既大甜蝦，平到不得了啦呢個。然後點左個，吳記得拒餐牌叫咩名但我食得出係雞泡魚干整的，都ok，九重卷入邊有幾款魚，吳識分，面上有海膽同三文魚籽，食落好多種味，幾有特色既自創卷物，下次都必點呢個

天氣咁凍，肯定一家大細出去打邊爐，上網搜羅火鍋既好去處，普通火鍋周圍都要排隊，我就選擇左日式火鍋，壽喜燒，即係甜豉油湯底，比較少人喜好，但我就鐘意日式既風味多過中式火鍋，而且呢到好平，比大X樂抵食好多，個基本套餐$188一大盆，有肉有菜有湯底，兩個人以上既分量，有兩只生雞蛋比我地打落個豉油到點食物，岩我口味，一家人出來食好D，追加左個六百蚊既海鮮拼盤，有原只龍蝦，好大只，應該有斤半重，有條雪場蟹腳，蟹味香濃，煲到個湯底都有蟹味，有4只廣島蠔4只青口，都新鮮，吳係急凍貨，呢個拼盤超值，最後每樣寸燒加左一份，而我最鐘意既係呢個燒雞腎，整體都係好評👍🏻以後打邊爐都會來呢到

放工一條友搵地方食餐家常便飯，方圓十里最好食既日本餐係呢間了，開十五分鐘車入來，門口有位泊車，呢到通常係一大班人聚會飲下酒，好少似我一條友來，點個特上壽司，如圖所示，件件都係靚野，好新鮮，雖則壽司周圍都係咁多款，但食得精D，有深入研究下就會明白壽司與壽司 之間既分別，原條鮮劏同急凍包裝既距離，我對於呢一點係好介意，所以食開都係個幾間。牛油炒雜菇，來到日本料理要點呢樣既理由係因為日式既做法係吳會落鹽，小小牛油調味，靠洒係面上既木魚花混合一齊食，代替鹽既作用，比較健康，味道都ok,最後係我既至愛，明太子雞翼，呢樣就周圍都有得食嫁喇，明太子醬味濃，食落過隱，仲有款芝麻雞翼都係好食既，但今次就食吳到喇，一個人點三樣野已經非常飽，價錢算平，出品穩定

今日食左一餐邪惡既晚餐，話說行完藍地山落到去大街尾見到小豆町日本料理，好多人食，就入左去坐低，見到多數人枱面上都會有把扇咁既刺身係到，打開餐牌睇，極上自選刺身六點盛，好L平😱，$188食盡貴刺身，價錢吳係問題，重點真係好新鮮，真係原隻活赤貝，吳係爭X同元X個種超市包裝貨，因為隻赤貝係灣曲起，證明岩岩劏，D神經仲有反應就會卷起代表新鮮，馬刀貝好爽口，劍魚腩就吳係個個岩食，好油利，但我中意，赤蝦虎蝦帶子都夠大隻，壽司>都點左劍魚腩，哈哈，仲有個必點野應該係呢個牛油果軟蟹卷，好好食，呢個吞拿魚會比一般食既貴D,但識食既人就會明，吞拿實在分太多層次，平既吞拿魚柳賣10蚊件都有，但吳岩我食，自己試下啦，食多幾次就會知咩事，整體來講呢間料理真心ok,良心出品，食材到位，價錢合理，係香港地出靚食材，而吳做omakase來收費，希望拒夠錢交租啦，哈哈

今日一行五大一小食聖誕套餐，叫左4-6人餐$1389，OpenRice 訂位仲有九折，估唔到咁多野食，個湯好鮮味，刺身壽司好新鮮，麪包蟹兩隻好多膏，焗龍蝦大大隻，連熱食都好好食，甜品芝士蛋糕都有驚喜好好食🤤🤤！仲包埋4杯特飲個套餐六個人都食唔曬😂😂😂超抵👍🏻👍🏻👍🏻我估唔大食8個人都夠食😂😂😂各個侍應都好好禮貌好好人，招呼週到👍🏻👍🏻我兩個小朋友仲有小禮物收😊一定會繼續支持

聖誕大餐 兩星期前已經book好位，訂左個$698既set，其實呢個set係長期都有，吳使聖誕節先過來迫的，只要提前打電話來同店員講就得，應該要準備，個set有一隻燒龍蝦，面包蟹，一條日本直送既魚，成條做刺身，要視乎拒地當日送來咩魚，一份鐵板牛粒，一個曼魚炒飯，一份壽司拼盤，仲有兩件好好味既芝士蛋糕同一枝清酒或者兩杯特飲，前菜同湯咁，因為個set係二人餐來，但我角得起飛要三個人先食得哂既，可能我地細食d。我地今日食既魚係叫魴鮄魚，係我最愛，口感好彈牙的，當日來左咩魚，通常都會寫係店內既黑板到，價錢當然食Set平d，面包蟹好多糕，凍食的，龍蝦好爽口，壽司都係靚野，飲品我地揀左清酒，係有氣既清酒，幾好飲，但得300ml，吳夠我地飲，所以自己帶左酒來，哈哈，元旦會再來食餐好既

我住係兆康苑，食壽司一定會坐一個站輕鐵來呢到，我係吳會食連鎖個種（壽司快餐）的，對壽司有一定要求，而且食日餐係吳會點和食，只會點壽司，好少寫食評，希望笑納。影左幾款我中意既壽司介紹下，呢到點左幾多款壽司都會由廚師發揮，擺係同一個碟到上，吳使一堆碟係枱三文魚腩比較出色，切得厚身，先知自己係梗腩位，夠肥，左口裙邊，即係類似多寶魚既邊位，食滑既感覺，鰻魚就無咩特別，但就勝在吳係好薄個種星鰻，鵝肝壽司，呢個必點，大件，味濃，醬燒V形蟹棒，雖然係好普通既野，但係至愛，而且小朋友岩食。蝦三點柢食！芒果蝦卷呢個吳係用炸蝦，用新鮮赤海蝦，會鮮甜好多，配上芒果更加甜，當拒係一樣甜品咁食，炸蝦卷吳好處就係通常會用吳新鮮既蝦來炸，最後又想再食多份三文魚腩，仲加左點火炙的，燒過後油分會滲出來，肉滑口感好，赤海蝦壽司，呢個應該係多數人既必點壽司，我認為全生先食到赤蝦既鮮味，但有個蒜香牛油燒赤蝦，係第二到試過，又係另一種風味，都係非常正的，下次會來試呢樣

今日係嶺南大學新聞系-寒假前夕既聚餐，千挑萬選呢間位置隔涉既滄海遺珠-小豆町日本料理、以島國-日本直送海產而聞名既小店，我等自當取其妙藝、飽吾腹脂，首選-萬惡之源既刺身！師傅憑外形普通至極的圓玻璃碟，配上琳琅滿目的食材，巧手既擺序、側漏刀鋒既老練，受經驗洗禮既出品-精美絕倫；刺身以”鮮”為佳，鮮以”色”為證，𠙖外表就可判斷質素，鮮甜爽口，輕微漂散著殘餘既海水味，可謂”色，香，味”俱全。我國諺語：佳餚配美酒、「大和」飲食文化、倡刺身配清酒，異口同聲既配撘、千絲萬縷既見解，牽扯住種族對飲食文化既共通點，推薦-「古都千年」純米大吟釀，清酒既極限，精磨度高-入口甘甜、齒頰留香、餘味繚繞、刺身既拍擋！另外為女生而點既梅子酒，無興趣試！照片過多，不逐一發佈，最後點了個聖誕壽司拼盤打包返舍，期待下次醉會！

今日去藍地行完山，行過路過，我無錯過，入左呢間豆町日本料理，我係一個專業既吃貨，上至山珍海味，下至喊魚青菜，我都有深究拒既優點，而且，徐左飯，我吳會容許自己一個星期內有食過重覆既食物，今日同大家介紹下幾款簡單既日式料理，土佐豆腐日本好地道既街頭小食，造法簡單，但好考師傅經驗，外脆內軟，合格，主要睇醬汁。脆骨餃普通到有得買來叮既野，吳知係拎貨定自己整啦，係好味既，都係好睇個汁。西京燒銀雪魚睇到$98咁平既，出邊都一定係三位數既野，成本好高既魚，有買開知價既人都會即刻懷疑係咪用比目魚來充，照點，又真係銀雪魚來，不過就係改得細塊d，但合理，無賺幾多錢，好味。最後，壽司鹽燒帶子，燒得岩岩好，面個層熟就夠，入邊要生既先好食，火炙左口裙邊，呢個我認為一定要點火炙的，燒過後油分會滲出來，肉滑口感好，赤海蝦壽司，呢個應該係多數人既必點壽司，我認為全生先食到赤蝦既鮮味，但有個蒜香牛油燒赤蝦，係第二到試過，又係另一種風味，都係非常正的，下次會來試呢樣

今日學校聖誕聯歡會，食左太多煎炸油膩野，放學行左幾個鐘街都未消滯，夜晚就同幾個好同窗食餐好既，迎接聖誕假期，晚餐》食壽司🍣👀點左幾款壽司同一個卷，整得好靚，都好好食，好新鮮，三文魚好大塊好厚，價錢公道，所以無再加刺身喇，學生哥零用錢有限👅點左個清酒煮蜆，好香酒味，食吳醉人嫁，哈哈，蜆肉粒粒都有，吳會得個殼，無搵笨。鐵板吳知咩帆立貝，呢個上枱好勁，好大聲，仲彈到成枱都係汁，熱辣辣，好味，一人一粒都覺得夠，煮完了宿水後都仲好大粒下，d炸蒜同洋蔥好正，同學都點左特飲，我就點左小朋友既專屬，波子氣水，童年回憶丫，呢間鋪係學校附近，平時都成日叫拒Lunch外賣，晚餐就第一次來，一樣咁好食，比個like你

好耐無來過食壽司了，食日本餐最緊要冷熱兼備，所以比較少去連鎖既店，住泥圍，付近幾乎無野食，最近而最好食就係呢間，壽司上先全部都點肥既，多油分既，先食到魚生既精髓，哈哈。多數人都會點既軟學蟹牛油果卷吳少得。紋甲魷魚同北寄貝都係爽口類既，到到食都差吳多，重點一提鵝肝壽司，呢個抵食，夠大塊，燒到小小燶，有d醬汁同綠色白色既蔥係面，起到消滯既效果，配合得好，鰻魚壽司既汁同鵝肝有d似，都係甜甜地，似係用同一種類另外調兩種味出來。最後又想食鵝肝，再加個鵝肝牛肉飯，呢個鵝肝口感吳一樣，表面多層野，夾吳會散，都ok！呢間店出品有保證，每次味道無咩偏差！

最近成日上網睇有咩食，今日又跟住導航來到我從來未來過既地方-屯門藍地，一個保留住古老街道風貌既舊區，老實講，有D吳似香港，穿過大街到尾，搵到目的地，成個區最靚係大街中既一間西餐同呢間日本料理，呢到又準備好哂聖誕既裝飾食評睇到提起既黑板係當天日本直送既貨，本來想食燒龍蝦，但見到有今日送既章紅魚刺身同飛魚，就揀左章紅魚$178，新鮮章紅會食得出，有層黏性，分量好大，推薦！劍魚腩油分夠重，呢樣吳係個個岩食，識食梗係食肥，貝三點壽司三件都係爽口類，多數都岩食，最後食個熱辣辣既牛肉鍋重口味既朋友記得加$2要泡菜汁，我都係睇評論的，味道好好，出品有水準，有日式風味，我亦叫店員拎左個聖誕Set比我睇，會考慮聖誕節帶朋友過來食

就到聖誕節🎄係付近搵定好野食，答左一個站輕鐵來到藍地呢個好多小店經營為主既地方，吳少特色野可以試下，搵定聖誕飯堂，揀左呢間日本料理，打開餐牌最吸引係極上自選刺身$188好平，好靚，比較鐘意食爽口既刺身，選左其中呢三樣就岩哂我口味，馬刀貝，北寄，赤貝，新鮮爽脆。燒雞皮味濃爽脆，一份有3寸，都算抵食。兩份蝦三點壽司大只甜蝦，虎蝦，玻璃蝦，個甜蝦好正，鮮味十足，再加多個加州卷頂肚，呢樣野吳會有咩特別嫁喇，正常啦，整體來講都係ok既日式風味好濃，做法好正宗，手握壽司，吳會商業化左用機器整，值得再來，可以入我既聖誕名單，哈哈

天氣持續寒冷，到了藍地吃日式火鍋，先點了一個$188的套餐價錢相當便宜，份量也相當之大，兩個人是根本吃不完的，比連鎖式的化算很多，也有兩款海鮮，虎蝦和帆立貝，然後追加了可刺身/可火鍋兩食的黑虎蝦和鯛魚各半份，注意，要問店員才有半份的，因為我們實在吃不完，賣相是漂亮的，不會拍照，莫怪，喜歡湯底風味，選了壽喜燒，甜甜的，配上兩個生雞蛋，好味。但來到日本料理不甘心只吃火鍋，點了鹽燒牛舌和蝦天婦羅值得推介，牛舌爽口味濃，天婦羅外脆内軟，最有趣的是那把小扇也是能吃的，是蕎麥麵造的，相當有心思