小雨天 (士丹利街)

營業中

休息中

入去食野，周圍都係吉枱，求其坐低左一張枱，比個侍應罵，叫我起返身，坐去第二張枱。個豬軟骨湯飯好難食，啲骨硬到咬唔入，啲湯又清到水咁，啲肉得個咸字，最差係服務態度。重有啲烏藪周圍飛，飛上個頭到爬下爬下。價錢又唔係平，簡直係巨伏。本身諗住佢張枱夠大，點能知個侍應要我坐張勁細勁逼既枱，我想反佢枱，不過我無咁做，我決定上黎寫臭呢間鋪，寫衰呢間鋪，想試下咩叫伏，大家可以去試下，包你一去無回頭，恭喜呢間鋪得到負評，恭喜哂。

晏晝12點過嚟，全部都係地盤佬，幾年前食過而家想食多次，但係見到咁嘅狀況已經冇癮。呀姐又好笑，地盤佬就幫人拎埋水。我話要杯水，佢就叫我自己黎。你啲嘢食平都唔係咁樣嘅態度呀老細. 臨走嘅時候餐廳門口仲有幾隻老鼠 🐁，衛生情況惡劣。加上枱面同餐牌又油，以後不再幫襯。叫咗個小鍋米線，飲咗一啖湯已經好後悔。 小窩米線不單止唔酸唔辣，仲要衰過清湯。墨魚丸絕對係冇口感，完全唔彈牙，全部都係麵粉。牛肉完全搞唔掂，勁硬。建議廚師試食返自己煮嘅嘢先好拎出嚟俾客人。 總括嚟講呢間嘢服務態度惡劣，嘢食又惡劣，環境都好惡劣。 差差差！

每次黎中環揾朋友食lunch，我都會揀左小雨天，因為覺得在坐得比較鬆動，傾計舒服啲，同埋價錢不算貴，而且我好中意食啲酸菜，今次都唔例外。原來下午茶嘅時間，仲可以免費送餐飲檸檬茶，今次我叫左豬腸雞翼酸菜米線，除左豬腸雞翼之外，已經有腐竹，肉醬同埋最鍾意嘅芫茜蔥，今次酸菜好似淡左，但雞翼好入味。不過坐位已經爛都唔換，呢樣野真係要改善一下。而且d姐姐好心急，只要你一日未嗌野，佢會不停問你叫左野未，叫左野未。

平時幫襯開葵廣小雨天 雖然唔係話好好食 但正正常常都唔差 今日返工放lunch行行吓見到中環竟然都有小雨天 諗都冇諗就坐低平平地食餐飯 諗住落單 舉手叫咗幾次 明明冇乜客 都好似見我唔到咁 之後先施施然行過嚟問我落乜我冇睇menu 直接諗住叫個骨湯蠔仔肉碎上海麵 好好禮貌問佢唔該想問有冇得加肥牛 諗住佢可能有肥牛 佢就同我講要加12蚊 我問佢 咁加雞肉呢？ 佢勁唔耐煩話都係加12蚊㗎啦 跟手我再望一望個menu 冇寫到有肥牛 得滑牛 就問：咦 呢度係咪冇肥牛？ 個阿姐：係呀冇肥牛呀得滑牛㗎咋 咪寫咗囉跟住我已經少少燥 話：咁我一開始咪問你有冇肥牛加 你又要答我有 其實你態度可以唔使咁差囉阿姐：肥牛加12蚊就有？發夢啦你！聽到我成肚火 價錢唔係問題 係你亂答嘢呀阿姐 落完單 個阿姐仲要行埋一兩邊繼續口噏噏鬧我態度差到我想嘔  令到我未食已經谷住啖氣走咗以後絕對唔會嚟幫襯

以前喺中環返工，呢間茶餐廳一向都係飯堂，因為啲嘢食質素ok，而且價錢合理又唔算貴，一到下午茶時間，仲可以包埋野飲，最鐘意食佢地嘅🌟骨湯豬肝肉碎上海麵$52大大碗，豬潤同菜都好多，肉碎都好食，。事隔幾年再嚟食，keep到質素，非常好

📍位置：近香港站C出口，在大排檔旁邊。🏠環境：設地面和一樓，經挺骯髒的樓梯上一樓，門口旁是洗碗，室內面積不大，設靠窗卡座、木枱，環境真一般，算不上乾淨衛生，跟朋友吃過一次就算了😐。🤵🏻服務：人手下單，不收加一。🍽️午市：提供多款套餐，有雲吞麵、泡飯和鍋飯等。🥢骨湯雙併豬肉餃子🥟上海麵🍜 $51六粒餃子🥟大粒而足料☺️，分別是椰菜和韮菜豬肉餡，韮菜比椰菜更香😋，不過豬肉口感有點軟爛，麵條軟韌十足，湯底清而無味道😐，有冬菇、梅菜伴麵，整體十分飽肚又不難吃😅。

中環去完大館、PMQ食返碗米線先～之前食過荃灣小雨天米線湯底都係偏淡～個人比較鍾意重口味加偏酸～下午茶時段米線跟飲品叫咗腩肉小辣雲南小鍋米線～賣相麻麻～腩肉冇調味係水煮嘅得豬肉味～仲要好肥～似五花腩片～湯底好淡又冇味～有韭菜、芫荽～好彩有炸醬～如果唔係真係食唔落～酸菜唔酸嘅～一D都唔好食跟餐可以選擇凍、熱飲品～凍奶茶少冰茶味濃不過偏甜應該唔會再食小雨天～湯底淡到呢～絕對唔係我鍾意嘅口味～價錢又唔係平

喺中環一直都諗唔到食咩，行行吓就見到呢間中環嘅小雨天餐廳，見佢平平地就試下👍🏻見到都幾多枱嘅人叫咖喱雞柳飯，於是都即管試吓🤣雞柳入口幾嫩滑，薯仔都煮得幾冧，食落仲要有咖喱嘅微微辣味，整體覺得個飯都幾惹味！喺中環嚟講，呢間餐廳都算平價，想食平平哋嘅話去呢間就啱啦！

想經濟實惠啲 所以今次叫左佢既酸菜冬菇牛腩飯 午餐會多杯飲品 冷熱同價 本身$50用左openrice discount code $40搞掂 真系幾抵打開蓋顏色吾大吸引 但食落味道都吾錯 牛腩有瘦肉（吾中意）有啲柴 但佢有根既牛腩就幾吾錯 夠軟但又吾會無咬口 酸菜味道普通 冬菇吸哂腩汁味 正😋

才不過三十元吧了！這裡有十七款醒晨早餐可揀，公仔麵、上海麵、米線、通粉都可以，湯底可改鮮茄湯，不另加錢，帶骨豬扒大大件，也有點脂膏，而且還不吝嗇地下了不少黃芽白做配菜，冷熱飲品同價，不會凍飲加三元，還要大大一杯。更重要的是，整碗「秘製鮮茄豬扒上海麵」味道不差，雖不算是甚麼精彩美食，但卻既飽肚，又豐富。在中環區，還不算是其中一處最抵食的早餐好去處？有此性價比，雖然店舖其貌不揚，無論門面還是內攏也不吸引，這間主要吃雲南米線的店子仍是個吃早餐的好地方。這天初次光顧這間「小雨天」，是在一個大雨天，有意思。

食物質素差，又貴！呢啲時勢要保持社交距離，竟然要搭枱但唔隔板？？？繁忙時間搭枱係好合理，但唔該做足設施！！結果個服務員好唔服氣，話冇晒位要我哋坐門口位，明明之後係咁有客都有位坐，大佬 係你哋冇跟足規矩，我真係好唔想喺度食，無奈我同事想食，服務態度又差，唔會有下一次！今次叫咗碗過橋米線，湯底完全冇味，其實我覺得自己食咗碗質素差但貴嘅普通米線囉，係咁以加啲酸菜就話係過橋米線⋯總括來講今次呢餐午餐係浪費金錢，嘥咗我食嘢嘅quota!

平時成日經過，見到好多人食出面食飯，都冇留意到呢間小雨天，今日用OpenRice 外賣自取，買左蠔仔肉碎泡飯$48，仲要包飲品，抵食。個碗都幾大，食得夠飽，骨湯好味，唔太鹹冇味精既味道，泡飯係底，吸左d湯幾好食，但略嫌湯太多，飯比較爛，蠔仔唔錯，冇”send”味，同肉碎幾夾，另外菜好多，感覺健康。整體來講，抵食，性價比高，下次再幫襯。

午飯時間又和同事來了小雨天吃個米線，今天選了雲吞和豬大腸，同事點了大腸和牛丸。杯麵好快上，剛落單轉頭已到，熱辣辣。我鍾意佢嘅小鍋米線係因為湯底都幾濃，有好多酸菜同肉碎。今次點左小辣，是可接受的程度，不過今次啲豬腸比較細塊，細到似條幼橡根，無什麼咬口！雲吞都大粒，牛丸夠彈牙！飲品就叫了熱奶茶和凍檸茶，味道都好濃，水準令人收貨。午飯時間越來越多人，已經開始回到搭枱的日子，不過要是能有塊膠板給食客隔一隔，那就更好！

本來想外買日式烏冬，但要等20分鐘。所以路過見到呢間有位便坐底，點了碗雲南風味小窩米線加墨魚丸&雲吞，再加$6叫了杯凍奶茶。上餐超快、等一分鐘就有野飲，再多一分鐘就有得食～唔想等嘅朋友可以嚟呢間（不過就算幾餓我都唔想再嚟🤐）奶茶正常，如果多啲花奶會好啲碗麵賣相不佳，食咗第一啖就有了想「放棄整碗麵」嘅念頭。我第一次有呢種諗法。亦驅使我第一次喺呢度寫食評🤪碗湯有好重嘅胡椒粉味同埋辣椒油味，啲肉碎有啲特別，顏色好深，冇乜味。啲酸菜都係冇乜味。裏面仲有芽菜、韭菜同埋芫荽。雲吞唔掂，啲皮好厚，味道淡。可能因為一早煮好嘅關係，有隻啲皮都破了。墨魚丸一般，正常。好嘅一餐，唔好嘅又一餐。但我只會喺度食一餐！🤭

又到午餐時間，同事想不到吃什麼，我就提議不如吃個米線。來到了小雨天，下面堂食的位置已全滿，我們走上了一樓的鋪。位置雖然比較偏暗，但堂食的人也不少，我點了個兩餸小窩米線，大腸配墨丸，同事就點了冬瓜蠔仔肉碎飯。中環食飯的速度是比較快的，所以這裏上餐都很快。小雨天價錢不算貴，但份量令人滿意。我的米線味道不差，滿滿的酸菜芫荽，食落帶點酸辣。豬大腸醃得入味，墨丸也可以。同事的好使肉碎粥，蠔仔和肉碎份量都很多，湯底夠清，但同事喜歡狂加胡椒粉，令湯底飲起來辣一點，刺激味蕾。期間同事點的凍檸茶上了熱檸茶，店員很迅速地給她更換，態度和服務都很好。這裏平靚正，難怪午餐時間都逼滿人！