小魚兒 (金馬大廈)

營業中

休息中

海鱸魚$308，海鱸魚嘅肉質比較厚實，唔多骨。條魚切開兩邊上枱，見到份量都幾多😶‍🌫️。🐟烤魚口味：上次食左鮮九葉花椒🫑BB豆花味都吾錯，今日想食酸菜魚口味，就揀咗老壇酸菜豆花味，揀咗BB辣配中麻。上枱見到個賣相真係幾吸引，勁大條魚加上個黃色嘅湯汁，湯汁個味道好開胃，麻度方面啱啱開始食完全食唔到麻辣味，要煲耐啲先慢慢出嚟。烤魚入面有🥒青瓜、🧅洋蔥同薯粉🍜、芽菜等等。薯粉索曬汁之後真係煙靭得來又好好味🤤。🍢串燒方面即點即燒，所以都要啲時間等。燒茄子🍆火候啱啱好，上面勁多蒜蓉椒鹽魷魚鬚，炸到金黃酥脆，魷魚🦑口感彈牙

近日天氣凍左好多呀！🥶 好想食番個暖笠笠既麻辣雞煲🥰，收工後即出尖沙咀，二次回訪主打川菜菜式的《小魚兒》，今次我地揀左個「蟲草花膠雞煲」🍲，小麻，BB辣，叫左一隻雞的份量，所以唔打邊爐了。雞煲的香味就已經令人垂涎三尺，醬汁濃郁，🐔雞肉鮮嫩，花膠份量都唔小，每一口都係滿滿嘅膠原蛋白，真係令人食指大動。我們還點了一道小食「金銀蒜燒黃花魚春」🐟，第一次食呢種整法，覺得真係唔錯。金銀蒜嘅香味同黃花魚春嘅鮮味完美融合，即使凍咗都唔會有腥味，味道一流👍🏻👍🏻👍🏻

小魚兒係之前食過，覺得好食再去食嘅餐廳🤪佢最出名食烤魚、酸菜魚或者係雞煲，我當然唔會錯過✌️今次叫咗4樣嘢食😆雞煲（半隻） BB辣BB麻：之前喺第二度食過雞煲完全唔好食🥹但係呢間好夠味😍同埋d雞都仲係滑架，好惹味😋依家嘅天氣食超級正😛有興趣嘅，可以加餸打邊爐（ $168 ）黃金魚皮：好好食🤤魚皮好脆，都幾大碟，同埋無吝嗇到鹹蛋黃，每一舊都充滿鹹蛋黃香😋食過返尋味（ $88 ）冰火魷魚：本身好鍾意食水魷，呢個超正👍少少辣，汁勁香，好爽口😍（ $88 ）清炒萵筍：食咗d辣嘢同炸嘢，食返個清炒萵筍真係好正，炒得超清甜香脆😙（ $88 ）總括嚟講，嘢食全部都好好食😎Menu入面仲有好多嘢食想嗌，但唔會食得晒😝我係星期六下晝嚟，都幾多人食，記得book枱🥳

明明說好的2025想減肥，但路過聞餐廳見到有烤魚吃的時候，胃和隻腳就開始不安份，不自覺地進去吃食午餐。他們其實有很多午市套餐性價比都很高，但我們就是想食烤魚，所以最後還是叫了烤魚。叫了一份江團魚，搭配老壇酸菜豆花口味。🐟江團魚（$348）老譚酸菜湯底裏面有：辣椒、香蔥、豆花、青瓜、大量芫荽、酸菜、蒜蓉和紫洋蔥等等。湯底味道先清後濃，食到後期會越滾越濃。清的時候魚鮮味突出，濃的時候就更顯惹味，都不錯。烤魚滾煮之前有經香煎過，外皮彈牙不容易散，魚肉非常紮實，但同時保留嫩滑嘅質感。豆花則非常滑溜，同濃味嘅烤魚好夾。另外佢哋嘅芫荽份量都真係幾誇張，差唔多一大扎，（平時單點都要$38），係芫荽控嘅福音。🥬每款烤魚都可以自選配菜，個人心水之選是萵筍片、淮山菜。萵筍片嫩口無渣，而且切的薄，容易入味。淮山片清甜粉糯，可以平衡濃膩感😋，如果中意澱粉，可以加上彈牙寬粉，很吸汁，也不錯～～～小魚兒 (金馬大廈) (尖沙咀)尖沙咀金馬倫道16號金馬大廈1樓

今日涷涷地，想食雞煲，朋友帶我黎呢間，睇吓餐牌都幾多款式，價錢唔算貴，就入去試吓。麻辣雞煲（半隻）我地簡咗小麻小辣，份量都唔算少，一開蓋已經勁香麻辣味，食落d雞非常嫩滑，d醬汁好濃好惹味，d麻辣味勁正，食到停唔到口。辣子雞雖然成碟都係辣椒，但唔算辣，雞肉炸到好乾身，入晒味，唔錯。椒鹽金菇炸得非常香脆，勁大碟，好香椒鹽味，食落唔會太油，點埋喼汁仲惹味。燒茄子上面鋪滿勁多蒜，茄子都好厚身，好多肉，燒茄子加蒜，勁正。燒牛油粟米第一次見咁燒，每件粟米上面都有勁多蒜，仲加埋牛油香味，好好味。龍鳳檸樂食雞煲唔少得飲有汽飲品，龍鳳檸樂夠酸夠爽。

冬天最適合吃烤魚雞煲今晚同朋友約左小魚兒位於金馬倫道金馬大厦係地鐵站行過去幾分鐘海鱸魚烤魚可選擇不同的口味和辣度，今次揀選了老壇酸菜豆花～另配料有木耳、青瓜、薯粉等，海鱸魚肉質嫩滑厚實，撲鼻而來的酸菜味加上魚肉一起吃，啖啖滿足感😍蒜香牛油燒扇貝兩隻手掌咁大的扇貝，鋪上滿滿金黃色的牛油蒜蓉，未食已經流晒口水～大大粒嘅扇貝鮮甜而且厚肉，值得一試蒜香牛油燒金菇香味四溢的金菇搭配牛油蒜蓉，一定要趁熱食，兩者結合咗蒜香同奶油的豐潤口感，呈現出美味嘅口感同豐富嘅風味白桃紅茶食烤魚梗係要配搭凍白桃紅茶☕️好濃的桃茶味，唔會太甜

朋友中意吃烤魚，我們約好到烤魚做的好出名的小魚兒吃午餐，這裡可以選擇不同種類的魚和辣味。### 老壇酸菜豆花海鱸魚超大一盤上台，擺設的好靚，隨著加熱，陣陣酸菜味混合魚香味撲鼻，十分誘人，冬天吃真是再適合不過了！海鱸魚一大條從中切開，吸收了醇厚的濃湯，咬下魚肉新鮮緊實又很柔嫩且富有彈性！豆花滑嫩入口即化，粉條好有韌勁，黃瓜清爽又帶點酸味，整份烤魚好吃的讓人停不下來！### 盐烧牛仔骨每一塊肉都帶著一根骨，吃起來更帶勁，更香！肉質的柔滑與多汁，仿佛在唇齒間舞動，帶來無限的滿足感！### 烧鸡中翼選了孜然味，孜然的香氣彌漫在空氣中，令人食指大動。孜然的微辣與雞肉的鮮香相互交織，形成一種難以抵擋的誘惑！

小魚兒好耐冇食過四川菜，今次約咗朋友去到尖沙咀嘅呢間川菜舖，見到餐廳有雞煲、烤魚，種類繁多，店入面仲係咁播韓國k-pop歌，幾有氣氛凌波魚$ 378店名都叫小魚兒，梗係要叫返條烤魚嚟食啦，今次食嘅係凌波魚，魚肉上枱之前用碳火烤過，就算上枱都仲有酒精燈保持溫度，一整條凌波魚網絡都幾大條，魚肉肉質結實香口，配料揀選咗老壇酸菜豆花，所以入面有好多酸菜、豆芽、寬粉、青瓜片、豆腐等配料，辣度同麻度雖然已經叫咗BB辣同BB麻，但係其實都好夠味。本身魚肉索曬酸菜嘅香味，想食返多啲蔬菜所以就叫咗油麥菜（$38）同娃娃菜（$38），煮多耐些浸多陣就好入味，特別係娃娃菜食落仲帶有清甜味，真係唔錯

令你重複又重複去一個餐廳嘅原因，大概就係因為你覺得嗰度啲嘢好味。然後當你重複去點同一道菜，你會發覺原來可以慢慢品嚐到之前未食過嘅味道特色。如果可以再加上一啲嶄新嘅驚喜食材，就會更加令人樂此不疲 咁樣繼續光顧。🍖一如既往，一定要點一條招牌烤魚，因為佢條魚用炭先烤過，肉質結實，但保持鮮嫩。而且成條魚同個鍋一樣咁長，一路滾下滾下，啲煙不停咁升上嚟，聞一住濃濃嘅辣味，非常刺激食慾。再望遠啲，每一張枱都一定有叫，變成非常之壯觀嘅煙霧景象。🍖今次我嘅集中點，係放喺魚以外嘅配菜，本身跟住個鍋上嘅豆腐，青瓜，紅薯粉，浸喺個湯裡面，夾出嚟食嘅時候，滲滿咗魚味同埋辣汁，實在過癮。今次我哋將本來就咁食嘅菠蘿，都喺辣汁入面浸耐啲，個味道係好到不得了，菠蘿嘅鮮甜冇俾個汁蓋住，反而辣汁令菠蘿變得更加juicy，味道更加突出。我哋又另外叫咗蔬菜拼盤，有蓮藕，薯仔，金菇同埋海带結。爽脆嘅蓮藕仲有海帶結同辣汁一樣咁夾，帶出辣味以外嘅口感。金菇索曬味自不然就好食。最正就係薯仔，一路俾佢由頭到尾係咁煲，去到最後先食，成個薯仔粉曬。澱粉質不嬲都係辣味嘅好朋友，所以最後食個薯仔嘅時候，非常有驚喜同滿足。🍖今次佢哋推廣十蚊一隻高

呢排天氣真係好凍，好想食返啲暖笠笠嘅嘢🙈上星期約朋友食飯，朋友就建議食「小魚兒」，因為佢有麻辣大師之稱🤣啱晒鍾意食辣嘅我🌶️唔好以為「小魚兒」剩係得魚食，原來佢都好出名雞煲😍嗰日掙扎咗一陣，最後都決定試試佢嘅雞煲，因為我都麻麻哋食魚🙂‍↕️ᴡʜᴀᴛ ᴅɪᴅ we ᴇᴀᴛ? 😋✨雞煲（半隻） $168特別位係，可以分開揀自己中意嘅麻度同辣度，我就揀咗BB麻同BB辣🙈味道已經非常足夠，越食越辣～份量亦非常足夠，半隻雞都夠晒兩個人食😍食落啖啖肉，醬汁香濃超惹味！！食完雞煲，當然要打埋個邊爐🍲食完暖笠笠🫶🏻✨炸魚皮 $38✨安格斯肥牛（小）$168✨油麥菜 $38✨ 焦糖燒菠蘿🍍有啲驚喜😍因為真係好甜好多汁🤩

今天中午我到尖沙咀，光顧了一間名叫小魚兒的餐廳，這裡的氛圍輕鬆舒適，非常適合用餐。當我坐下後，迫不及待地瀏覽網頁菜單，最後選擇了極品鲍魚雞煲和清炒茴荀，還點了一杯竹蔗茅根特飲。極品鲍魚雞煲端上來的時候，熱氣騰騰，香氣撲鼻。鍋裡的鲍魚鮮美滑嫩，雞肉則十分入味，整個煲味道層次分明。每一口都讓人感受到食材的鮮甜。清炒茴荀色澤鮮綠，口感爽脆，簡單的做法卻能保留茴荀的原汁原味，讓人感受到健康的美味。這道菜的清新口感與鲍魚雞煲形成了很好的互補，使得整頓午餐更為豐富。最後，竹蔗茅根特飲的清甜讓我感到無比舒爽，為這頓豐盛的午餐畫上了完美的句號。小魚兒餐廳的美食和服務都讓我感到滿意，期待下次再來品嚐其他美味佳餚。

川菜之前食過小魚兒嘅串燒川菜，覺得好好食，今日去左佢尖沙咀分店試埋佢地嘅烤魚，結果都係勁高質。我哋叫咗招牌嘅海鱸魚$308，魚真係大條得嚟又厚又實，肉質嫩滑得嚟又夠鮮，每啖都好有口感，真係停唔到口。佢哋仲有好多口味揀，我哋揀咗鮮花椒BB豆花，仲可以自由調節辣度同麻度，完全可以迎合唔同人口味，幾貼心。除咗烤魚，我哋仲加咗滑牛肉$88、金菇$36同米線$28。牛肉份量多到嚇人，嫩滑到好似喺入口融化咁，金菇同米線吸晒烤魚嘅湯汁，勁入味又正。而且條魚本身啲配菜已經夠豐富，加埋呢啲真係完美。兩個人食咁樣已經夠飽到瞓低，埋單每人只係二百幾蚊，食得飽又食得好。

我哋本身book左中午時段，遲到咗少少 (因為搵唔到路)，去到佢哋即刻話因為我哋冇準時所以cancel我哋張枱，其實遲到咗我哋都認，但明明入邊有好多空位，啲職員(受經理指使) 堅持因為我哋冇準時所以唔俾我哋入，如果係繁忙時段因為我哋遲到佢讓咗張枱俾人我覺得完全okay因為真係我哋錯，但中午時段間餐廳都冇乜人既情況下佢哋都唔俾我哋入我覺得真係好唔合情理而且個位置好難搵

今日約咗朋友喺尖沙咀聚會，揀咗鄰近港鐵站又有梳化位坐既小魚兒，餐廳主打食烤魚同雞煲。我哋今次就試咗雞煲先，先叫咗雞煲半隻，可以選擇麻辣程度，雞件好多夠我哋兩個人食，雞煲嘅調味都好獨特，幾好味，唔錯！另外在嗌咗啲配料打邊爐，例如唐生菜、稻庭烏冬、鮮白鱔片。我特別推介鮮白鱔片，冇乜骨，都好大碟，唔錯！我哋仲嗌咗啲熟食，嗌咗鹽燒牛肉串同榴槤炸彈。鹽燒牛肉串$48.1碟有兩串，每串都幾大串㗎，我自己食咗半串就太飽要投降，好彩我朋友好鍾意食，接收埋🤣🤣榴槤炸彈都新鮮熱辣炸起，大家小心爆漿啊😆😆小魚兒 (金馬大廈) (尖沙咀)尖沙咀金馬倫道16號金馬大廈1樓

小魚兒 (金馬大廈) (尖沙咀).天氣又開始轉涼，好耐好耐無食烤魚. ▪️老壇酸菜魚豆花江團魚▪️.酸菜魚豆花就叫BB辣再加多麻，江團魚必食，夠肥美，魚肉滑口，真係同普通嘅海壚魚有分別！入面本身都有啲豆腐，仲有少少寬粉同埋酸菜，芽菜等配料，但我地真係太喜歡食寬粉，另外再叫左一啲配料娃娃菜，風琴豆腐等等比較索味嘅野咁耐無食仍然保持水準，夠酸，啲魚肉又滑.另外叫左個燒牛舌，呢到嘅好似就係食物夠多種類印象中之前都剩係得烤魚串燒，依家仲有雞煲同埋羊腩煲！.📌 小魚兒 (金馬大廈) (尖沙咀)尖沙咀金馬倫道16號金馬大廈1樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️