小麵站

營業中

休息中

竟然有咁大條體毛混入啲涼皮度真係好嘔心！好核突！冇辦法，撈成咁又分唔開，唯有即時飛入垃圾筒！搞到冇晚餐食真係好嬲。但由於係常客，所以下次好心提一下，只希望佢哋注意衛生，因為仲希望佢哋會留意，點知嗰個比較年輕嘅女子睇完相，聽完，竟然完全唔理？！咁ok，冇下次！！平時多數係個年紀大啲嘅姨姨或男人都唔係咁嘅態度，希望佢哋負責人見到真係會留意返啲食物衛生！咁恐怖就算幾好食都唔會有人幫襯㗎！食物衛生係最重！

👍🏻麻辣小雲吞 $30/12隻太安樓川式小食店！麻辣小雲吞係主打嘅招牌小食之一每日新鮮人手製作，食得小雲吞就主要食雲吞皮，皮薄滑溜唔錯麻辣同芫荽味比較突出，唔食芫荽嘅朋友記得落單時嗌走芫荽味道：7/10性價比：8/10-👍🏻紅糖冰粉 $18本身就係想食呢間冰粉先去🤣冰粉Q彈好似啫喱咁，清清甜甜有啲山楂味凍冰冰喺雪櫃拎出嚟，消暑一流，好爽！夏天入去太安樓成個焗爐咁，隊返碗冰粉真係fit晒，呢個正😛！味道：8/10性價比：8/10-👍🏻酸筍螺螄米線 $30以螺螄粉嚟講唔算勁重口味，唔係成層紅油浮喺面好油膩嗰種除咗酸筍同木耳絲之外，仲有一大舊豆腐串，類似豆卜咁勁索湯$30真係幾大碗，正餐份量嚟另外亦可以自選配料加餸，不過本身唔食螺螄粉嘅人士就skip啦味道：7/10性價比：8/10-👍🏻泡椒雞腳 $32冷盤小食，雪得夠凍又冇雪味，口感較爽脆泡椒辣味比較溫和，反而蒜味幾明顯，嗜辣人士表示再辣啲仲正😝味道：7/10性價比：7/10-👍🏻水晶拉皮 $24除咗招牌麻辣小雲吞之外，水晶拉皮亦係主打招牌小食之一拉皮同涼麵一樣係凍食嘅，天氣熱食好爽滑溜厚身但唔粉團，唔似紅薯寬粉嗰種Q彈口感，反而有啲似腸粉

Whenever passing by Tai On building, I always go for their spicy noodle shop. Of course, this time I ended up getting my dinner here. As usual, queues for both the orders and the food, but kept calm and reminded myself, it's all going to be worth it. Shredded chicken cold noodle looked small, in fact mixed with loaded shredded chicken. Obsessed with their secret spicy sauce and the hidden vegetables which gave so much crunchiness. Secret spicy sauce wasn't just the heat, but also hint of numbnes

其實一向都唔係常食「涼皮」， 以為「涼皮」就即係雞絲粉皮裡面個啲透透地明既粉皮， 今次係小麵站買既手工涼皮完全唔係我想像既樣，但係又好好食喎想食辣但又唔算真係食得辣，所以就叫個小辣手工涼皮，面有好充足既青瓜絲同芫茜， 仲有啲應該係炸脆左既豆，加埋小辣，小小彈牙QQ既涼皮，口感同味道都好豐富， 呢度既涼皮係實米白色， 唔係透明， 一條條有濶有幼，有啲卷埋，有少少似切到好薄既百頁豆腐，唔知會唔會都係好類似既原材料整體係好味既，大熱天時食下呢啲涼拌真心唔錯

🇭🇰小麵站·我發現我超多朋友都對太安樓好有興趣 難得我好多間都試過 決定一次過share俾大家😎😎·老壇酸菜湯小雲吞$22呢個係我朋友仔推薦我哋食既 最後我哋個個都好鍾意🤤佢呢度係細細粒嗰啲雲吞嚟嘅 個皮超滑超薄 中間有少少餡 一啖拍一粒勁爽😈不過我自己就覺得我今次嗌呢個酸菜湯有啲太酸 我記得我上次食嗰個麻辣惹味啲 好食啲🤣🤣·📍小麵站 (西灣河筲箕灣道57-87號太安樓地下A55B號舖)·#rbyeat#rby西灣河#rby港式

呢度嘅食物好惹味，而且如果嗌小雲吞係好平🩷廿幾蚊已經食得飽，啲店員態度幾好，所以我地成日幫襯。呢度啲蘿蔔幾好，而且有得揀蠔仔，好少地方有呢個選擇🤭唔同湯底都好香，辣同唔辣都好食。但係🥲可能經濟唔好，啲抵食嘅combination成日都無咗，變相即係加咗價，同埋選擇就無咁多。例如如果一餐要有麵先飽，以前素菜鍋有薯粉，變咗無，就唔可以用素菜鍋加啲餸嚟做一餐，一定要叫個麵底，再逐樣加餸，變相40幾蚊先食得飽🤭不過都算係平過其他餐廳或者差唔多。

呢度嘅鍋有得逐樣配料嗌，我試過蘿蔔同豆腐串。蘿蔔好入味，有啲辣辣地，同埋花椒嘅味道，非常好食小雲吞好抵食，皮好滑，$20有交易，都幾飽肚架。仲可以揀麻辣、酸辣、紫菜等唔同湯底☺️

🍜雞絲涼麵（大）$38太安樓既人氣店❗️無論日頭夜晚都總會有人排緊隊💁🏼‍♀️入面有好多料，炸豌豆、雞肉、青瓜…口感豐富🙈雞肉唔算好嫩，但完全唔會乾柴🐤麻醬帶有少少甜味，份量足夠，撈得曬成個麵🥰仲可以揀辣度，少少辣可以中和到麻醬既膩👍🏻

小麵站最出名就係佢嘅小雲吞，每粒都好細，一口一粒。同其他的雲吞唔同，佢嘅雲吞皮係超薄，薄到透出黎，所以特別滑口，而且雲吞肉都好新鮮(雖然無蝦，濟肉)，配埋麻辣湯底，就好好味😋

重慶酸辣粉（$27)賣相：🐧🐧🐧味道：🐧🐧🐧🐧酸辣粉以透明膠兜裝載，份量足以一人滿足飽肚。花生、各項配菜頗足料，應有盡有。味道方面，酸辣湯底惹味可口，酸辣比例平衡不會過火，只略嫌偏油膩。紅薯粉彈牙有韌性，煙韌可口，而且入味吸盡湯底精華，絕對值得一試。雲吞擔擔麵（$36)賣相：🐧🐧🐧味道：🐧🐧擔擔麵以外賣膠碗裝載，5-6隻一口雲吞同放一碗。味道方面，擔擔麵偏冧身欠彈性，但非常入味，每一啖都能嘗出湯底的惹味，湯底花生醬味重，不算太辣。雲吞皮偏冧易散易爛，內餡偏少口感麻麻。外賣等候時間：🐧🐧🐧在假日下午3點幾下單，需要輪候1-2人。即叫即整，約需等候15-20分鐘。🐧❤️結語：重慶酸辣粉又平又好食，推介之選。

🇭🇰小麵站·呢間我之前黎係無既 不過我有朋友強烈推介 話佢好好味 所以我地就黎左啦😎😎我地去嗰日都幾多人排隊😈·紅油抄手湯招牌小雲吞$20/12隻我覺得佢既小雲吞幾滑既 而且個肉餡都調得唔錯😎不過我就覺得佢無我想像中咁惹味 可能又係要嗌辣啲先好味😂😂而且佢呢個湯底係偏油少少既 我男朋友一般般🤨·📍西灣河筲箕灣道57-87號太安樓地下A55B號舖

每次經過太安樓 都見到依間店人山人海 今次終於趁少有既冇咁多人 涼涼地想食熱野 就幫襯下 第一眼見到人氣之選-雲吞 ，價錢方面都相當抵 $20有12隻 ，咁既價錢邊度有 唔怪得知成日都咁多人😋 除此之外 依度都有賣其他既小食 好似鳳爪等 好多選擇小雲吞都有唔同湯底可以簡 我就簡左「桂林酸筍湯小雲吞」 同埋「紫菜蝦皮湯小雲吞」 可以簡辣度 ， 不過職員都講番「 桂林酸筍湯小雲吞」就算講左走辣 都會有啲辣 。食物好快到 外賣行一段路 都仲係熱辣辣 首先介紹左「桂林酸筍湯小雲吞」 顧名思義 當中會有筍係湯入面 ， 成個湯食落去係酸酸辣辣咁 好開胃， 小雲吞味道唔錯 好味度係100分「紫菜蝦皮湯小雲吞」 個湯好多紫菜 不過都好油下 可能關蝦皮事🤔 不過口感比桂林酸筍吸引度比較低 但都值得一試見到其實仲有「紅油抄手」、「清湯小雲吞」等選擇， 不過其他大多都係辣為主， 下次有機會都可以試下佢既其他食物

太安樓多野食就眾所周知，今日就黎試下呢間小麵站！收銀姐姐好和善，全程笑笑口咁。今次嗌左2個淨酸辣粉加佢地餐牌到寫既佢既鎮店既靈魂餃子同湯。餃子黎講個皮薄索到湯，但個餡就唔太令人難忘。但有驚喜既係佢個酸辣粉，個碗細細地咁但d薯粉好似食極都仲有咁，唔錯唔錯。最抵讚既係佢個湯，酸酸辣辣令人一飲再飲，配落d薯粉到真。係。好。夾。好。好。味！！！絕對係encore之選！惹味到一個女仔食晒一碗都無難度！堂食期間見keep住有人嗌外賣食，期待下次試下佢其他麵食😋😋😋😋

喺大潭行完山 有啲肚餓決定搭巴士落西灣河泰安樓搵吓食🤪口痕痕 心癢癢想食下辣野比我搵到小麵站😍姨姨好好人啊 見我哋買成三碗野同我哋講可以搬張枱係側邊食! 🖤麻辣雲吞不過不失 都可以一試嘅🖤雞絲涼皮咁嘅價錢($30) 咁嘅份量 好抵食!好多雞絲 大大嚿!調味都好正 如果再麻辣啲會更好至於涼皮嘅口感我唔太鍾意.. 係自己問題 我一心諗住係粉皮😕🖤酸辣粉 另加豆腐串湯底超好食 夠酸辣 夠濃味!!豆腐串吸哂啲湯汁 好正!!

👩🏻‍🤝‍👨🏼西灣河覓食住開港島嘅朋友都知道西灣河太安樓係好出名嘅「香港小夜市」，有好多小店基本上行個圈唔買返一兩個美食都唔會捨得出返嚟🤣最近男友同同事食宵夜嘅時候去食過覺得個肥腸酸辣粉好好味今次一於就到我試吓😙🥢肥腸酸辣粉落咗單之後見到店員真係即時會開個和爆炒啲肥腸同埋洋蔥已經離遠都聞到好香，在即刻加味了變成肥腸酸辣粉今次揀咗小辣，食到停唔到口🥢涼拌土豆絲土豆絲好爽脆佢仲會攞咗少少紅蘿蔔絲食落好開胃，每次去叫外賣都會叫一份🤓撈嘅汁唔會太酸啱啱好因為每樣嘢食佢都係即叫即整，所以外賣嘅時候都要等一陣不過我覺得係值得嘅😎寫到呢度望住啲相我又好想再食多次啦🤣