影片
開飯介紹
香港本地原創品牌，糅合中西甜品文化及港式地道風味。招牌掃街拼盤集齊6款經典港式街頭小食，港式夾心雞蛋仔口味也很有特色，如港式蛋撻、竹碳芝麻糊、薑汁燉蛋白等。
繼續閱讀
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
有關獎賞計劃
次次出葵芳都係去葵廣掃街今次就試下唔掃街! 睇下仲有冇其他野食~又比我地搵倒間餐廳 仲要岩哂我地呢啲成日中意每樣食幾啖就收工既人😂而且又滿足到我個甜品胃🤭餐牌都幾吸引~ 通常都係小食既量 會唔覺意咁愈叫愈多所以最後我地叫到舖滿張4人枱😂首先黎個小食拼盤! 已經有6款😨一啲都唔小再叫多左個小食 怕唔飽~麻辣牛根腩牛筋牛腩最少各有6舊!果然係重量級小食😨然後就係main喇~蔥油糖心蛋飯味道正常. 講真 如果得我自己食 我諗食完個飯就飽🫠所以最後當然係食唔晒啦籠仔腸粉大混醬😂啲醬多到食到最後果啖都仲有剩個份量同喺出面叫10蚊腸粉差唔多即係話 我地又食唔哂😂重點到! 甜品時間🙌🏻係我期待左好耐既木桶豆腐花~成件事好有儀式感😂會有個小漏斗幫你計時 睇下幾時可以開蓋.好滑 有豆香既豆腐花!夾埋每人都有2碗既量😨仲未完! 仲有2個甜品朱古力心太軟 & 楊枝甘露果凍碗大家既味道都正常發揮~但如果追求口感嘅話, 果凍碗真係滿分! 配料好有咬口!最最最後 仲叫左2杯野飲真係飽到上頭頂😂
繼續閱讀
在門外，一句人手唔夠就算，唔再安排 1.內裡只坐了一半客人 2.最少2個員工得行 同朗豪坊間比較差得遠，心態上員比我感覺唔多想做生意，速度慢，貴公司真係看下葵芳店乜情況，朗豪坊讚。
繼續閱讀
差爆 只係環境唔錯飲品方面 普通 希望凍檸茶水可以附上長柄棒餐點普通 但上餐時間30-40分鐘一個沙嗲拼盤加個煮過頭嘅撈麵 食完餸 先有麵 食出面茶餐廳仲好麻煩好好改善上餐速度 起碼半個鐘先上魚蛋燒賣再加一個撈麵真係太誇張
繼續閱讀
今日喺葵涌廣場同埋連接住嘅葵涌新都會廣場行街，聽講呢區嘅餐廳都好抵食，行吓見到一間裝修好清新、好舒適嘅餐廳，門口放咗一個好吸引嘅餐牌，呢度有好多街頭小食，例如雞蛋仔、燒賣、魚蛋、腸粉等等，仲有果汁、沙冰特飲等等。平時好少食街頭小食，因為唔想企喺個街度食，今次同朋友一齊行街，行到攰咗，坐低慢慢食，傾吓偈，又唔想食到太飽，嚟呢間餐廳就最適合，而且食物賣相非常靚，好適合打卡影相。餐廳必食推介，見到餐牌，即刻好有興趣呢味「鹹蛋黃炸雞翼]，雞翼外面塗上炸粉同埋鹹蛋黃，外皮炸到脆卜卜，雞翼裏面肉質Juicy而且鮮嫩香滑，熱辣辣，好好味。除此之外，仲有「炸芝士條」、「炸薯條」都非常香口、惹味。「小食拼盤」包含炸蝦球用竹炭雪糕筒裝住，賣相精緻，好特色，好適合影相打卡。另外仲有碗仔翅、蒸腸粉、燒賣、章魚小丸子等等傳統港式小食，應有盡有。甜品方面，有雪糕雞蛋仔，雞蛋仔即叫即整，熱辣辣，脆卜卜。仲有「椰皇燉蛋白」同埋「芒椰特飲」，蛋白非常香滑，芒果椰汁味道配合得相當好，芒果肉好新鮮、好香甜，全部甜品都非常值得推介。
繼續閱讀
我造訪了位於市中心的小點餐廳。這家餐廳以其簡單且乾淨的環境吸引了我的注意。雖然餐廳的裝潢並不奢華，但整體感覺乾淨舒適，給人一種放鬆的感覺。當天，我選擇了幾道看似經典的菜餚：滷水雞腿、撈麵、公仔麵和煎蛋。服務生態度友善且有禮貌，飲料也很快就上桌。然而，食物的上菜速度卻讓我有些失望，等了足足30到45分鐘才看到菜品。關於食物的質素，感覺更像是快餐連鎖店的水準，味道平平無奇，像大家樂快餐的味道。特別是蛋白還沒有煎熟，雞腿不熱，有點老，撈麵也是冷的，並且有點油膩。菜餚的擺盤也沒有特別之處，感覺像是快餐連鎖店的隨意擺放。總體來說，小點餐廳在環境和服務上表現還不錯，但在菜品的口味和上菜速度上還有很大的提升空間。如果你只是想找個地方快速填飽肚子，這裡或許是個不錯的選擇，但如果你期待的是一場美味盛宴，那恐怕會有點失望。
繼續閱讀