尚宴21

營業中

休息中

1.寻晚食晚飯，服務員話有最後一個冬瓜盅，我們決定試下，但試第一啖湯已非常失望，冬瓜盅如材料加入滾水一般，接著找經理問道？為何咁淡冇味，他解釋先燉冬瓜，才後加其他料？回覆一些誠意也沒有？冬瓜盅原價$198加一，共$218，差唔多食淡味冬瓜，連冬瓜清甜味都冇？好似飲滾水及食少許配料！中伏、中伏、中伏，千奇唔好試？2.生炒骨一味得排骨，舊舊都是炸粉加骨。3.鼓油雞是一般貨。4.食完多味精？好口渴！我覺得附近酒家我都經常去，最遠！又不近馬頭圍道，去試真失望！

同阿嫲同佢d朋友去飲茶，佢地提議去尚宴。之前試過晚飯一般般，但都可以試下午市既點心。鳳爪排骨飯個飯唔係原盅入面蒸熟，所以唔夠煙韌乾身，無咁好食。炸蝦角入面d蝦幾彈牙，調味幾好，炸得超脆又不算太油。燒腩仔個皮夠脆又鬆化，肉質ok，不會太咸，好怕d咸到hihi既燒肉。我本身好中意食蘿蔔絲酥餅，去到邊都會嗌，見到有當然又要試下。酥皮不算太油膩，但蘿蔔絲太幼，係爽脆唔係久煮後既嗰種口感，調味頗清淡。呢間食得出係無味精，調味整體幾清淡，但味道同賣相都有進步空間。

今日有同事離職，幫佢farewell，特登預約依間酒家喝茶。叫了幾碟炒飯粉麵和幾個點心，印象最深刻嘅係炸魷魚鬚，香脆可口，十分好味，環境算舒服，其他食物質素還好。

服務質素極差，等左成個鐘都未有野食，原來漏左單，再落多次又漏，啲野食黎到係凍，仲要無人過黎收走碗碟，員工經過扮睇唔到，叫又聽唔到，埋單個陣又係咁有人插隊，但無人會阻止，唔講以為無人係到返工，好心扮工都扮得好小小

喺何文田嘅尚宴21都有呢個中「SEAFOOD LOVES SAKE」活動，佢哋經已第四年而今年仲有約40間粵菜餐廳合作，會提供日本清酒與廣東海鮮菜式的配搭菜單。佢哋除咗粵菜以外亦邀請了10間不同種類的餐廳展開宣傳活動，提供日本清酒與各式菜餚的配搭。新鮮嘅南非鮑魚用咗鹽燒方法去處理，更能故出鮑魚嘅鮮甜，亦唔會影響鮑魚鮮嫩彈牙嘅口感。呢度嘅爆脆燒腩仔聽個名都知佢嘅皮有幾脆，皆因用咗獨門秘製嘅醃製方法，所以先做到入口香脆可口嘅燒腩仔。有佳餚點少得美酒呢，當然要配返枝出羽桜 純米大吟醸 雪女神 四割八分。呢枝雪女神係喺日本山形縣所出產，因為係用咗兩種不同嘅米所配種嘅新米，米粒較大而重，令酒嘅果香同米味都較濃郁，入口柔順，喺口腔中仲有陣陣嘅餘韻，同鮑魚嘅味道好夾之外，仲可以一解燒腩仔所帶嘅油膩感。

尚宴21 (何文田)何文田常盛街80號半山壹號壹號名薈1樓10舖第四年的「SEAFOOD LOVES SAKE」活動，今年有約40間粵菜餐廳合作，提供日本清酒與廣東海鮮菜式的配搭菜單。粵菜以外亦邀請了10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，為大家帶來耳目一新的清酒體驗。葱味盬燒南非鮑魚4隻 + 爆脆燒腩仔 x 出羽桜 鹽燒煮成的新鮮南非鮑魚鮮嫩彈牙，爆脆腩仔則用上獨特的醃製方法使其入口香脆可口。配酒香氣優雅，入口香甜，能提昇鹽燒鮑魚的鮮味，酒的回韻更可以令鮑魚的鮮香在口中繞樑三日。純米大吟醸 雪女神 四割八分加上清酒亦可清洗口腔，一解燒腩仔的油膩感，激發食欲享受佳餚。

今次一行3人黎到豪宅商場既酒樓飲早茶😎9點鐘黎到，等左10分鐘左右先有位😂人手唔夠，安排有少少混亂值得一讚係呢度檯與檯之間都有一定距離，唔錯😌不過黎呢度食野，餐具一定要洗乾淨，係碟上見到有汁液同飯粒😰星期一至五早茶7~11am, 茶錢每位$8都有唔少特價點心同孖寶，幾抵食😃仲有比較特別既京式點心，下次會試下😁==========🔹尚宴蝦餃皇 $23竟然係有4粒，好抵食😍每粒有3~4隻蝦，蝦肉算爽口有蝦味，肥豬肉唔多，調味剛好👍🏻蝦餃皮算薄，乾濕度適中，仲幾有咬口，可能因為太薄，所以夾既時候容易穿🤭遺憾冇筍尖推介指數：8/10==========🔹蟹籽燒賣皇 $22蟹籽份量唔多，有少量香菇，蝦肉都有2隻左右，蝦肉都係爽口😋佢個豬肉肥瘦適中，冇豬騷味成粒燒賣唔會太乾身，幾油潤推介指數：9/10==========🔹懷舊雞球大飽 $17而家已經好少地方有呢款點心咯黎到時真係好驚喜，個包真係同我塊面咁大架🤣仲唔會包多肉少個餡真係超足料，有雞肉（一件件完整既），豬肉（半肥瘦），冬菇，雞蛋，芹菜，蔥花等味道夾得好好，有芹菜係度帶香左成個餡，包質鬆軟有回彈力😍17蚊真係超級超值，一個人當早餐都夠哂呀

真正係懷舊點心實在少之又少.唔知年紀越大.就會想起往事.可以說往事只能回味！今日去咗何文田區尋找回味.呢間酒樓嚟地鐵站好近.一出地鐵站行過嚟.只係三兩分鐘時間。呢度早茶每位八元.座位都坐得舒服.今日我哋係嚟食全部係懷舊點心.1. 懷舊雞球大包. 特價$17元2. 五色點心拼盆. 有燒買/粉果/叉燒包/菜肉餃.薑汁千層糕.各有一件.特價$19元3. 早晨孖寶.叉燒腸粉拼南瓜鹹魚肉餅飯. $31元4. 蜂巢芋茸角. $20元5. 懷舊千層糕. $24元

見到Youtube有人推介呢度嘅黃金糕，特登為左黃金糕黎飲早茶。黃金糕好正，蛋黃味十足，千層黃金糕嘅感覺。仲有蜂巢炸芋角都唔錯，表面很鬆軟，幾香芋頭味。其他嘢食就一般般，鮮竹卷偏鹹，味道正常。點心拼盤嘅蝦餃同粉果都ok，叉燒包正常。推薦黃金糕同炸芋角。其他嘢就睇返你地自己口味啦😆

身在土瓜灣, 想食芝士龍蝦伊, 但出面成35度唔想行太遠, 突然間醒起半山壹號商場入面有間酒樓, 上網睇睇, 有龍蝦伊供應, 於是起程幫襯!入到商場, 不單只無冷氣! 重要係又滾又焗! 有無病㗎! 好好彩酒樓入面有冷氣, 否則轉頭走人!哩個商場好Q奇怪, 隔離翠河餐廳又係唔肯開冷氣! 熱到人都癲!商場另一間餐廳美心 MX 好少少, 但都係冷氣不足!點咗波士頓龍蝦伊, 海蜇併燻蹄, 酥炸廣島蠔, 黑椒薑蔥蠔煲, 鮑魚雞煲.優點:1, 波士頓龍蝦新鮮, 龍蝦肉鮮甜彈牙啖啖肉, 伊麵配上芝士超惹味.2, 酥炸廣島蠔外脆內軟, 廣島蠔呎吋一向偏細, 所以點多個黑椒薑蔥蠔煲, 同薑蔥蠔相比, 廣島蠔炸得比較乾身, 而且放耐咗都無出水. 3, 薑蔥蠔煲同鮑魚雞煲都有大量我大愛嘅蔥! 夾我口味! 加分!4, 薑蔥蠔嫩滑入味.5, 鮑魚雞煲鮑魚夠冧, 成個雞煲最正係個芡汁, 味道帶甜夾我口味.缺點:1, 原本想點半隻燒雞, 無貨! 星期六日都唔入多D貨?2, 芝士龍蝦伊麵加入洋蔥更正!3, 薑蔥蠔煲同鮑魚雞煲都出現一死罪, 就係個煲唔夠熱, 煲仔菜嘅"咋咋"聲欠奉! 失望.4, 鮑魚雞煲嘅雞有幾件唔夠

山友同事話介紹呢間話有特價小菜都唔錯咪試下囉有四款但有二款冇囉話正常價錢就有雞特價就冇🤔️咩玩法當時都只係大約19:00咁早就話冇唔知係咪卓頭野吸引你另外一個特價$48/4隻元貝都大隻嘅但係唔太夠熟有d 似食刺身😅為有叫個龍躉蒸得幾滑啱啱好👍🏻生炒骨正常嘅冇特價雞就叫辣子雞煲有少少麻辣味但係唔係出面果d 有辣椒post係面還可以佢炒清菜都$78不如炒其他起碼d 配料要手工🤣蓮藕鮮百合炒絲瓜茶錢每位要$15 買單要$5xx

新年過後有一天，咱門一齊嚟到這間位於豪宅半山1號的酒樓有個脆麵，沒有什麼酸味，麵條夠脆夠香，汁醬亦都夠多，汁醬裏邊的蝦粒也不少，份量來說算是喜出望外那麼多。另外的燒味，其實這兒的燒腩仔味道相當不錯，燒肉皮上面夠香脆，下邊的肉都不算得太肥，五層肉，夠熱，下邊亦都不會太過鹹；不過雞就比較普通，當然不是什麼鮮雞，就是普普通通的切雞般，肉不太削。不過這兒的茶都算不錯，可能我們較趕時候，沒有沖過很多次茶，因此茶未有被淡化，還算是不錯的。之前在疫情剛剛過了之後來喝茶，人流都不太少，而且還可以看到豪宅的中年或是老人家，都相當闊綽，拿着一大疊利是給住客或是侍應-紅封包。

班老友成年冇見😏難得即興相約飲早茶😎仲要一早就響我屋企附近😆一期一會，為朕慶祝🪅實在好難得😌適逢4人限聚令😆依足社交距離式咁坐🤣張張檯都隔得好開😁都算坐得幾舒服☺️估唔到佢哋有懷舊雞球大包😮超大個，仲要幾好食😋而且都係$16，抵🤓鮮竹卷都幾好食😋整體點心都唔錯🤣結果食咗十幾籠點心😉4個人埋單都係$339🥸每人$100都唔使，已經食到飽🤣尚宴21 (何文田)何文田常盛街80號半山壹號壹號名薈1樓10舖

星期六難得休息就去土瓜灣探下親戚。去左半山壹號商場入面嘅茶樓尚宴21飲茶。先叫燒鴨瀨粉。燒鴨有少少臭。瀨粉粗幼適中，一d都唔粉，彈牙有口感。除左燒鴨重有菜心，菜心新鮮爽脆冇渣。鹹水角好脆，炸得好乾身，唔會油淋淋。叉燒腸外層嘅米漿夠薄夠腍，叉燒份量足，唔會集中曬喺一邊，啖啖都食到。燒賣只係$9咋！原來只限星期一至六供應，假日暫停。今日咁啱係星期六，啱啱好趕得切享用呢個優惠，梗係要試下啦！燒賣粒粒都咁大粒，漲鼓鼓。面頭有好多粒蟹籽，一咬d蟹籽就喺口腔內爆開，為燒賣添上口感。豬肉唔會有冰鮮解凍後嘅異味。藥膳雞腳一上枱——超香呀！有淮山、杞子同紅棗，好足料，超補身！淮山切得好薄，口感爽。雞腳夠肥，幾多肉，有四隻咁多！好多骨膠原呀！藥膳湯可以飲埋，藥膳味甘唔會苦。如果要挑剔嘅話，我嫌藥膳味唔夠濃，濃d會更入味！呢間茶樓夠大，坐得幾舒服。重有電視睇！部電視重大大部，坐得遠d 都睇到。可以邊嘆茶邊睇電視，一樂也～

22/1 星期三晚，公司團年餐上的鹵水鵝和燒雞還沒有吃完，又在沒有詢問正在進餐的客人下，女侍應生無故拿走打包，然後拿回來給-餐桌上其中一位女客人，但她不要而轉給我。當時，我忘於聊天，沒有打開看此打包食物。回家後才發現少了1/3，怪不知女侍應生怱怱忙忙打包，其他沒有吃過多少的粉麪飯，就沒有拿去打包，可能不值錢吧！莫非這個女侍應生是新做餐飲，沒有吃過鹵水鵝和燒雞，所以要如此偷食·? 不知其他餐桌有沒有給無故打包。如有，那女侍應生就可吃好幾天了！找不到這家食肆的聯絡email address 投訴，此風不可長喔！