尚廚

營業中

休息中

We made the reservation via Openrice and got a 25% discount, it only cost $430/ person, including 10% service charge!  Given the variety of food and quality, it was a great deal!  The theme for December was "crab" and there were really at least 6 cold and hot dishes of crab.  There were also unlimited supply of oysters.  Sashimi was less attractive though.  They offered more than 6 choices of special flavoured Hagen Daze ice cream.   Service was acceptable.  Last but not least, I heard mostly Ca

刺身尚算新鮮，係由師傅即切雪味重，基本上係無味嘅~冷盤海產之中，呢款黃金螺品質算係最好蜆，無味之餘，每粒都有沙...黃金螺、青口、蝦都屬正常蠔係即場開及用水沖洗過，可惜算幾細隻，無乜味，失望即點即煮粉麵燒牛肉&羊肉，只屬一般香港人應該唔會食嘅小龍蝦中、西湯各一，只試咗中湯，無味精，好飲！熱飲，如檸茶、檸水、自助咖啡機，另有凍飲係有侍應即沖甜品種類都幾多，當中竟然有已經好少見到嘅龍鬚糖！雪糕係由職員舀，有七款味可揀，個人認為最好味係日式焙茶&士多啤梨朋友生日(訂位時通知酒店)，有一件蛋糕送，雖然味道一般，但呢個服務係加分嘅~三歲或以下小童免費，訂位時通知酒店，會安排兒童位，有BB櫈、兒童餐具及填色用品，算幾貼心自助午餐供應時間為中午12時至下午2時30分-凍海鮮包括即開生蠔、青口、黃金螺、白蜆、熟蝦；逢星期六、日及公眾假期供應松葉蟹腳-四款刺身、六款壽司、沙律吧、八款頭盤、中西餐湯、各式主菜、龍蝦薯仔沙律、西班牙烤雞、參巴小龍蝦、即煮意粉檔、即煮粥檔、叉燒煎蛋飯檔、鐵板燒、及十多款甜品-七款口味的Haagen-Dazs雪糕及朱古力噴泉$193.70 (原價65折)+$29.80 (原價加

生日有小蛋糕送，安排位置0k。款式不多，但算好味。不過不失的選擇，交通便利，將軍澳地鐵站一出就到。飲品方面要改善，尤其茶方面要改善，沒有增加茶葉，茶色很淡，無味。

星期日，一家人去左食自助餐，地址位於將軍澳九龍東皇冠假日酒店。Book左6點半，準時到達已經見到有好多人排隊拎緊野食啦，現場有90%的枱都坐滿人，好旺分享下今次食左D咩先長腳蟹多肉鮮甜 👍🏻生蠔要排隊拎，不過師傅即開都好快，每次每人限拎3隻。雖然細細隻，不過係好鮮，海水味濃仲有蝦同青口係紐西蘭青口 肉質比較甜刺身都係好新鮮 熟食最正係呢個「咖喱蟹」必食首先隻蟹有好多膏，加上呢個咖喱煮法，無得頂呀食左兩盆蟹🤭另外都有鮑魚仔，同海參串燒區有羊架入場每位會有個湯卷，每人一碗花膠湯整體來講一家人去滿足晒所有野

今日預早慶祝囝囝生日，book咗將軍澳皇冠假日酒店尚厨食Dinner Buffet，有85折Couple每個人折咗都要五佰幾，人哋話週圍的Buffet平咗，但將軍澳區，佢都唔算平，但希望有啲驚喜。當6:30開始食，攞嘢食條龍好亂又多人，因為地方細，攞食物地方一排過，攞沙律又畀攞海鲜的人阻住，場面好混亂。枱上有幾張card話有啲食物轉頭有服務員遞畀你，order個類似龍蝦海鮮湯，等咗20分鐘都未有人攞嚟，出去問阿姐仲要等幾耐，佢冇幫我睇，一味話轉頭攞過嚟，等都甜品都食埋，最後有個黑衫的經理遞碗海鲜湯嚟，試一啖係凍，問番佢哋，厨房阿叔話放咗好耐冇人攞，所以就係咁的一吐氣，食物冇水準，服務又差，以後都唔會去。

和一班工作上的姊妹去食buffet lunch, 食物款式非常迎合香港人口味，衛生乾淨，唯一有少少缺欠就是甜品種類不及其他酒店的多, 整體而言, 我的評分是水準達標, 可以“食過番尋味”！

咁啱朋友講開，皇冠假日酒店嘅尚廚做緊早鳥自助晚餐六五折優惠，我就立即網上訂購，每人410左右，係真心抵🍱🥘🍲🍳🍕🌮當日我地6點半準時去到，已經見到好多人開始排隊拎嘢食，今次最吸引係有個湯飯係用龍蝦煮成嘅龍蝦濃湯，配料可以自選，有蜆，蝦，青口，雜錦海鮮等，仲有菜同菇，仲有1個好似飯焦嘅餅比你自己加落去，最後服務員就會幫你加半隻龍蝦落去就完成了，湯真係超濃龍蝦味，呢個值得食返兩碗的海鮮區:有加拿大龍蝦，螺，蝦，松葉蟹腳，北海道蟹等等，我個人覺得蝦係最新鮮好味，食咗超過20隻😉壽司區:壽司款式不多，刺身方面都係4至5款，質素尚可熟食方面:最好味係個酸汁燒豬脾，同埋鵝肝，同埋蒸魚好新鮮燒烤區呢度最特別有個燒烤區，有肉類，蔬菜類比大家選，選好後，你只需放底張檯卡，燒好後就會有人送到檯上，最好味係燒雞腎甜品區:甜品約莫有十五款左右，最好味係朱古力三重奏同芒果千層酥，仲有豆腐花Haagen-Dazs雪糕櫃:有七款口味，我最鍾意係意式咖啡蛋糕雪糕，好香咖啡味，食咗2碗😉飲品區:有咖啡，熱朱古力，熱檸水，凍檸茶，需要自己出去拎嘅總括嚟講，以咁嘅價錢，質素算不錯🤟🤟

很久沒有去吃自助餐，就找了藉口，為要增磅，而去大吃一番。生蠔源產地是紐西蘭，質感算是creamy的那一種，重海水味，欣賞這裡的處理蠔的手法，師傅即開、即沖水，然後即食，非常乾淨和衛生。日本刺身區，貴精不貴多，甜蝦原隻上，原汁原味，更高興的是，有帶子這選擇！肉質尚算厚肉，值得佔了肚皮一點位置。每次自助餐都必吃的凍龍蝦，肥美多膏，肉質鮮甜和彈牙！小編不太好熟食，所以只吃了一些魚肉，味道算不錯，尤是蒸魚，帶有牛油味道，挺特別的。來沙律吧吃一點沙律菜，清一清腸胃先～最後甜品環節，特別推介拿破侖、芒果糯米卷和清清甜甜的龍眼啫喱。每一聽到🛎聲，就會走出去排隊，這是珍珠榴連分子雪糕，榴連味濃濃的，加上珍珠，幾特別的配搭。食物的整體質素，都算不錯，與以前食的質素差不多，沒有降低了質素。

因地鐵keep住提早收工，所以只可在附近找餐廳食晚飯慶祝生日，睇open rice 食評好壞參半，但見星期一至五有75折，在沒什麼選擇下就姑且試一試，當日晚上6:30打去問仍然有位，而且4人同行壽星半價，另外3位仲有7折，比預期還化算，當然服務費以正價計。本來沒什期望，因為閒日可能食物選擇會較少，而且地點遠應該無乜外來食客，食物可能也無咁新鮮（因為流轉慢）⋯一上到去竟然都頗多客人，差不多半滿（當然餐廳不是很大），而且食物選擇亦很多，而且有些幾特別，有原盅燉湯，還是即煮龍蝦湯（有半邊手掌大的龍蝦，另外配料有十幾種自選），仲有即點BBQ, 即點即燒，燒好有服務員送給你，唔駛企響度等。有即開生蠔，雖然細隻但蠔味好濃。冷盤：凍蝦丶青口，凍蜆，日本蟹腳丶魚生丶壽司丶煙三文魚丶沙律吧丶冷麵丶芝士⋯ 的確，熱盤選擇較少，但我個人好少會食好易食飽咗嘅熱盤⋯ 另外prime rib 超好味😋甜品同水果巴都十分多選擇，而且差不多款款好味，因為好多細細件的小蛋糕或西餅，好多時好睇唔好食。基本上甜我一定試哂，得一款我個人覺得唔好食，其全部都好味。甜品：各式甜點丶龍鬚糖丶豆腐花丶朱古力噴泉丶Haagen daz

周年紀念日選擇了將軍澳的酒店自助餐。因為塞車，最後八點半才到達酒店，結果只剩下短短四十五分鐘的時間享用這次自助餐。自助餐的食物種類不算多，但當中也有些小驚喜。海鮮類：生蠔、長腳蟹、凍蝦、螺、青口、蜆，蠔食物略細但味道不錯，廉價之選。生蠔擺放位置較隱藏，不是看到別人向服務員拿取也不知有蠔提供。長腳蟹較瘦，凍蝦挺爽口不錯。刺生類：三文魚、吞拿魚、鱸魚、八八魚，尚算新鮮。壽司：有兩款卷物，熟蝦、蛋、魷魚及腐皮壽司。還有日式冷面，可以配沙律那邊的芝麻醬。沙律選擇不多，基本的沙律菜，沒特別。最具特色的是龍蝦湯飯，可以配上不同配料。熱熱的湯是濃濃的龍蝦海鮮味，加上半隻波士頓龍蝦，厚肉多膏。熟食：沒有太多種類，一般牛排、燒味、炒菜、鵝肝、石班魚等等，不過不失。甜品：也有不少選擇，最好食是士多啤梨千層酥，脆口鬆化。另外布丁乳酪cheese cake，味道也恰當，加上HaagenDaz雪糕六種口味任君選擇。最後，酒店送上周年小蛋糕，可愛小鴨配搭士多啤梨慕絲蛋糕，味道不錯！酒店服務卻一般，收碟整理檯面只收了一次。環境初期較嘈吵，後期我們像包場似的，哈哈！

岩岩9月九龍東皇冠假日酒店尚廚既自助午餐有優惠，用恒生信用卡有半價優惠，大人平日原價係$298 (另加一服務費)，折實價之後係 $178.8咋。最吸引之處係，佢自助午餐都一樣有即開生蠔，另外仲有其他凍海鮮，北美洲黃道蟹、青口、黃金螺、白蜆、熟蝦。聽講星期六、日及公眾假期仲會有供應松葉蟹腳。至於其他野食，同其他酒店差唔多，刺身壽司、沙律、頭盤、中西餐湯、主菜、海參鮑魚冬菇炆豬手、芝士咖喱焗蟹肉、即煮粉麵檔、叉燒煎蛋飯檔、日式鐵板燒、燒澳洲草飼肉眼扒、燒羊脾、甜品。味道正常，唔算好食亦都唔會太難食。而我最愛就係有Haagen-Dazs雪糕及朱古力噴泉。$200都唔使嘅自助午餐有生蠔同Häagen-Dazs雪糕已經係值回票價。而我帶個女去，兒童餐椅餐具呢啲基本野一定要有㗎啦，不過另外佢將餐紙原來仲可以填色，餐廳仲送咗幾支顏色筆俾佢。呢個安排真係要大讚，我可以好安心同安樂咁食咗兩個幾鐘嘅自助餐。今個月嘅優惠過咗唔緊要，其實呢個酒店自助餐成日都會有唔同嘅優惠大家想食就要留意住啦

是次揀選尚廚作為Wedding Party 場地，lunch buffet有即開生蠔、長腳蟹、刺身、燒牛肉及羊架、以各式各樣熱食及甜品，各賓客一致好評，尤其即開新鮮生蠔及花生🥜雪糕。Wedding party當然要有酒水，雖然lunch buffet 本身沒有提供，但尚廚可以加💰之後，包了及送出一定數量紅白酒給我們。👏🏻👏🏻👏🏻由於有斟茶儀式，經理Andy很貼心❤️安排了中式囍宴茶壺套裝，以及蓮子紅棗㖭，由籌備到宴會當日，一直到貼心安排，有求必應，再有其他包場活動，亦會選擇尚廚。😊

Tonight was my first time to try the beffet at Tseung Kwan O Crown Plaza, and I would say it was overall more of a disappointment than suprise. Firstly arrived at around 8pm saw the whole area was fully seated, the table they have arranged for us was next to the hot plate area, but between tables were so close that my elbow almost touches my neighbor's elbow. There were salad bar, sushi and sashimi, soup station, cold plate and cheese section. Supposing the time I arrived should be very busy and

成差唔多8，9年冇係到寫過食評，一路都有食開自助餐，但都冇寫，今日興致勃勃，就想寫下。入返正題，上網用左半價去買依個自助餐，星期日加埋一330，去到，地方唔大，爆場咁濟。拎野食既位好逼，因為隔離都係枱，搞到條路好窄，龍蝦冇味，食左一舊冇食，蟹腳還好，有海水味唔太咸，生蠔得一個師父剝，每次俾3隻，所以長期排長龍，熱食都係有蒸魚，煎雞等。另外有即燒排檔，豬頸肉好食，甜品方面有小小失望，得好小款，之前幫襯過2次係佢既網上商店買蛋糕，都好好食，可惜依到係冇得食佢網上商店入面既蛋糕款式。總括而言，有待改進。

好耐冇食自助餐，睇到尚廚做優惠，4人同行，生日個位半價，同行朋友平日就75折，週末85折。中午都有即開澳州生蠔，加上好多種口味既沙律菜、熱葷、甜品、生果、飲品，其實都值回票價。有個朋友好鍾意食生蠔，佢勁開心，不停食，食左30-40幾件左右（希望佢冇食壞個肚），根據佢食蠔經驗，澳洲生蠔雖然細細個，但係好夠蠔味，加上少少海水味道，配上檸檬汁，一流！我自己主打食沙律菜，食左2大盤，加上意大利芝士蛋糕、鮮果蘇、藍莓芝士蛋糕、綠茶慕絲、龍鬚糖、豆腐花、生果，仲有朱古力噴泉，非常滿足！