尚廚

營業中

休息中

呢排想食buffet，咁啱見kkday做左好多唔同既優惠，即刻睇下有咩選擇先。將軍澳九龍東皇冠酒店，咁平既，$400 dinner buffet🙂，仲可以加$35任飲啤酒汽水。雖然見open rice D評語一般，但真係好平，唔理啦😁，一於試下先😂😂。黎到見到地方真係唔係好大，海鮮區同壽司冷盤一齊，好細既區域，種類都唔多，得長腳蟹，同生蠔叫做吸引D😍😍。我自己都好鍾意食長腳蟹，咁呢度嗰D就唔算好粗，但又唔算好細，中規中矩，估唔到都好鮮甜😋😋😋，算幾好。生蠔係即開既，有淡淡既海水味，但比較瘦，唔夠飽滿😅。壽司唔吸引，無食過，刺身選擇得四款，三文魚，吞拿魚，希靈魚，油甘魚，質素一般。其他熟食都係唔多，但味道唔錯，不過自己全晚主要都係食長腳蟹多，其他野都係食左好少就夠，因為有得任飲，飲啤酒都巳經飽晒🤣🤣。總括咁既價錢，都知道食物唔會係好高質🙂，但又不止於太差，起碼我淨食蟹腳加啤酒任飲，都覺得好滿足😉。

9/13 Staycation 包埋 Dinner Buffet ⋯今次就係因為想食長腳蟹所以揀尚廚。下面係平時嘅價錢：⬇️今晚海鮮有長腳蟹 螺 蝦 青口仲有生蠔、我淨係一心想食長腳蟹，一時超大隻一時又細細條 ⋯ 不過唔會太咸好好味、有時可以成條扯出嚟食，而且都會不停 Refill 食到飽。⬇️魚生都正常、不過吞拿魚有根定唔知係渣，其他壽司就乾爭爭特別係太圈。⬇️熱食就真係好少選擇、燉湯去到一半先開始有 ⋯ 出面就有一中一西湯任飲，同埋出咗一次鵝肝新鮮熱辣幾好味。試咗燒牛肉同埋一舊燒鴨都唔差、最後食一碗豬骨湯烚菜加丸丸就八成飽。⬇️甜品有 H 字頭雪糕、仲可以配埋新鮮整嘅雞蛋仔 ⋯雞蛋仔脆邊好味。仲有細細件蛋糕 芒果拿破崙 全部都幾好味、仲有見到豆腐花不過冇試！⬇️生日送咗一個 Blueberry Cheese cake 仔幫你點埋蠟燭不過冇名冇字小小心意。⬇️講真嘢食真係少過之前、好彩唔係 Full house 否則可能唔夠人搶 😂 佢有得自己沖凍檸茶同埋凍奶茶，不過去到一半已經冇杯、問極佢哋都 Refill 唔到杯。之後冰都冇曬 ⋯ 亦都冇再加、我唔知 Buffet 有冇包咖啡茶，但係冇晒杯俾

山長水遠入到將軍澳, 以為這間五星級酒店質素有一定保證, 但結果令人非常失望. 首先是三文魚生, 負責切魚生的職員明顯不熟手, 竟然把魚生切成一條條幼條細細舊的, 好像施捨般, 令人感到非常氣憤. 生蠔很細粒, 蟹腳很幼. 熟食方面 , 選擇不多, 燒賣比雪藏那些魚肉燒賣還差，咖哩只有芝士咖哩汁， 沒其他材料。燒牛肉很硬， 酸菜魚用的是雪藏龍利柳， 麵包又沒有焗爐翻熱， 凍冰冰的。甜品亦只有六七款蛋糕，賣相味道均不佳， 全場最好吃的只有雪糕和水果。服務亦不周到，很多職員都是師奶阿嬸，七手八腳的，負責帶位的则黑口黑面。 還有，我拿起一隻碟时，碟底是滑滑的， 還有洗潔精殘留，可見衛生非常差。真是非常不好的體驗， 不會再有下次了。

雖然是星期四，自助晚餐也一早滿座，可能是近地鐵站，近商場之故。不，最重要的是有Open Rice八折優惠及消費券。早大半個月已訂座，當日想加一個位已經被安排坐在餐廳外，接待處旁邊了。不過，懷著愉快的心情，見到什麼也覺得美好。尚厨食物選擇多，生蠔不算大隻，但勝在新鮮，一件像「旺×」的圓型脆米餅上放上吞拿魚和蟹籽，簡直是絕配，可惜太飽，未試土耳其餡餅,但行過聞到好香。 侍應生有禮貌(看得出很多是暑期工)。雖然坐在大堂外反而更感清靜，自成一角可以把酒談心。對餐廳所送的生日蛋糕沒有期望，但因此更覺驚喜，很别緻，特別是那個馬卡龍，不太甜。

今年新曆生日晚上的自助餐比平日稍為有點不同，因為改在「將軍澳」「尚廚」裡面進行。細佬因為晚上需要工作而沒有出席，變成跟阿媽、妹，還有一班外甥、外甥女，還有工人姐姐享用自助晚餐。「尚廚」雖然都有「生蠔」，不過「尚廚」負責開蠔的師傅速度不算很快，而且需要一手包辦開蠔和洗走蠔殼碎屑沙石工作，導致等候很久才拿到兩隻生蠔而已，食了兩隻後已經沒有興致再等候下去。不過「尚廚」自助晚餐裡面提供的「生蠔」實際體積頗大，而且「生蠔」的實際肉質也都頗為飽滿有鮮甜味，沒有腥味，所以「尚廚」提供的「生蠔」本來不算很差，只是被開「生蠔」師傅的個人技術問題所拖累而已。至於「尚廚」自助晚餐裡面的熱葷方面，「當廚」沒有提供例如慢煮「牛腩」的食品，反而有例如名稱叫做「清湯蘿蔔炆牛肋條」，又或者是「日式咖喱牛脷」，體積和實際口感軟腍程度跟「牛腩」十分相似的食品。至於雞肉方面，「尚廚」當晚自助晚餐有點遺憾地，只有一般中式燒臘裡面，味道比較淡薄的「白切雞」提供給食客選擇而已，不過「牛腩」和「雞肉」都不是「尚廚」自助晚餐食品遇到的最大問題。不過當晚我在「尚廚」真正遇到的問題不是沒有「牛腩」，也不是只有「白切雞」，真正的問題其實是

老公生日想食間咩都有啲既自助餐，咁就係OpenRice到睇左好多間既資料，最終決定揀尚廚，因為係介紹內容個到見佢寫到明有龍蝦 長腳蟹 鵝肝 生豪食，而且提早係OpenRice 訂位有85折都幾低，所以揀左尚廚試下。去到見到真係有哂我地想食既野。個到既服務員同廚師都好有禮貌, 我個仔去等煮麵個幾分鐘時間，廚師叔叔同我個仔傾下解仲問佢要唔要落其他野，因為小朋友有時想表達多啲但又怕羞，好在廚師比較熱情 主動問我仔既需要，所以我個仔話好好食又好開心。掛住食都唔記得影多啲靚相添，唯有下次在去食在補上照片

本身買左九龍東皇冠假日酒店Staycation package, 住宿🏠連餐飲消費額💰餐飲消費額揀咗尚廚自助早餐🍳🥘🍲每位$258另收加一 因為復活節假期勁多酒店住客嘅關係 自助早餐排長龍🌞 早上8:15 am左右到餐廳 等20分鐘左右 比較多一家大細嚟入住度假  餐廳場面好熱鬧 早餐食物豐富 主要係中式點心🥣 粉麵類🍜 麵包類🥖🍞🥐凍盤 水果🍉🍍奄列 🥓煎蛋🍳等等粉麵類個湯底幾濃🍜🍅 點心有 蝦餃 燒賣 牛肉 奶皇包等等 熱辣辣新鮮出爐 ♨️ 粢飯好足料勁好食😋餐廳環境有啲復活節裝飾佈置 🎈增添咗節日氣氛😃

有朋友生日約去食 dinner buffet整體來講算不錯，但人手方面很缺乏等好耐先有人收碟喺OpenRice book位有註明生日用餐中途有職員過嚟問係咪有人生日，話會有一個細生日蛋糕送然後眼見周圍都有蛋糕，就淨係我哋冇最後埋單時問職員生日係咪會送蛋糕隔咗10幾分鐘，另外一個男職員又問多次，話即刻幫我哋準備最後等咗20分鐘都冇嚟就算，走人重點係如果無蛋糕嘅話一早就唔好同我哋講話會有然後其他枱生日嘅都有，就淨係我哋冇很費解食物種類不算很太多，但對我個人嚟講，有生蠔已經加分生蠔需要排隊拎，每次2隻。味道不錯海鮮有長腳蟹，蝦，螺等熱食方面推介鵝肝，味道很好再出去時已經冇晒飲品方面所有罐裝飲品需要額外收12元，只有紅茶和咖啡選擇雪糕有Häagen-Dazs，口味多，仲有專人負責雪糕部

此餐廳雖然係喺間五星級酒店內，但岀品一般，味道一般，肉眼唔掂，品種少之又少，比三星酒店嘅自助餐仲要少，飲品只得咖啡，茶，要飲汽水或橙汁須另外比錢，仲要$12.-一罐。認真唔掂！

今日呀囡生日 book左三位、由18:30開始食 、之前食都還可以 今日真係伏到一個點。松葉蟹腳 混普通蟹腳。一盤蟹兩種味、松葉蟹腳當然唔差好食、混入既普通腳 食到你腎衰竭…死咸。生蠔 不過不失 要排隊拎、熟食睇都唔駛睇 冇眼睇、見到都唔想食、鴨肝 唔知幾時出過一轉 見人地有出面又冇、絕對相信 成個場都唔會預到一人有一件、難道職員留返宵夜？ 之後問職員幾時會再出？駛唔駛而家排定隊？ （當時已經8點左右） 甜品死甜 、驚你唔會糖尿病咁。完 9點埋單算埋單中 職員先拎四件鴨肝比我…….唔算飽到嘔、而係質素差到唔想再食、是是但但食埋果四件 好珍貴既鴨肝 走人 。。。

其實今次係第二次幫襯呢間酒店嘅自助餐，第一次係食lunch buffet , 個次都已經覺得食物質素好普通。今次係因為買staycation package , 有得選包自助餐晚餐，諗住俾多一次機會佢，點知都係失望收場。係食物款式同質素方面，款式似多，但款款都無咩特別，味道真係麻麻，唯一可以增加回本機會嘅係生蠔， 但得1個人開蠔， 速度極慢， 成晚我食得4隻生蠔。 甜品嘅味道都普通， 只有雪糕ok😑😑服務態度雖然ok, 但人手好唔足咁， 啲碟疊起曬都無人嚟收呢間自助餐真係唔會再有下次！

提早系APP度book到位，有得攞85折。餐食款式其实冇想象中咁多。佢哋最吸引嘅应该就系波龙🦞啦。一只一分为二，壳肉容易分离，口感自然比唔到鲜活🦞冇乜味道，需要自己配搭酱汁。冰鲜虾🦐螺🐚，新鲜，饱满程度唔错，肉质弹牙，冇唔好的口感。牛扒……同IKEA不分伯仲。铁板羊架👍🏻，肥瘦均匀，煎制火候掌握恰到好处。脂肪肥而不腻，肌纤维瘦而不柴。最中意嘅系离开生蚝，size不算大，但即开即食，新鲜好味。（特登问咗开蚝师傅生蚝产自🏴󠁧󠁢󠁳󠁣󠁴󠁿，唔系🇫🇷蚝）每人每次限定两个。我系松鼠套路，储够半打慢慢品尝。柠檬角，Tabasco，鸡尾酱逐个登场搭配生蚝。还有一个让我感觉唔错嘅系中式炖汤，细炖盅入面见到鸡肉块，玉竹……味道……各位试下便知👍🏻其余配角唔使一一赘述。总体嚟讲，中规中矩，500+嘅个价位，系佢度只系食到…………嗯🤔…………啱啱系食咗自助餐……但冇体会到有特色嘅嘢。75%分。

嗰日得閒與母親父親及弟弟一起過去品嚐下午茶，原本已經book咗枱，但是服務員搞錯了強要我們在等候所以都比較不是很高興，入到去環境還算不錯，所以消氣了去到大概3:00的時候酒店會full 一啲新嘅嘢食我覺得感覺幾好唔好咩但係太特別

位於將軍澳既呢間皇冠假日酒店入面既尚廚，今期既自助餐主打蟹腳，生蠔同鴨肝任食，呢三款都係食完可以回本既食物，既然係咁就試吓順便提早慶祝母親節啦～而呢間酒店既晚餐自助餐係有分兩輪，頭輪係由5點半食到7點半，而次輪就緊接住由7點半開始，初頭都覺得其實自助餐黎講食兩個鐘都夠飽，所以今次就揀左頭輪食啦～一入到去職員既服務態度好好，呢樣係抵讚既，而座位方面都算寬敞，但枱與枱之間既空間感覺上有小小逼，而拎食物既地方係一排過既，唯獨係甜品同雪糕同冷盤係分開既，而每次去拎食物果時都好多人排，我諗係因為個時間只係得兩小時，大家個心態都比較緊張，所以拎食物方面就比較逼啦～首先講下海鮮區，佢有蟹腳，龍蝦，螺，青口，沙白蜆同蝦等等，主要都係拎蟹腳為主，佢既蟹腳就未算係好肥美果隻，而蟹螯比較多，呢啲蟹肉比較少，亦比較難去剝啲蟹肉食，至於味道都唔錯，食到蟹既鮮味同海水味～而龍蝦食落就無乜鮮味，肉質亦比較霉，所以龍蝦既質素係比較差既～而蜆就食到有啲沙，感覺上都係一般般～然後係生蠔區，呢度既玩法係每次你要佢先會開比你，有個師父係度開同洗走啲蠔殼碎，但個師父開得比較慢小小，而又好多人拎，所以每次去拎都要排隊，即使係食左

📍尚廚 The Chef’s Table, 將軍澳再一CP值高嘅酒店自助午餐😍😍Weekend 自助午餐 成人$338+ 10%. 如果早啲上網訂座的話有75折！！即$290 位已經有長腳蟹同即開生蠔🦀🦪建議早少少到拎位👍🏻因為實在太多人😂 海鮮都refill 得快💪🏻蟹腳真係又多肉又新鮮！！ 必食🦀🦀熱食推介迷你釀蟹蓋，牛排🥩👍🏻有燒味， 即煮粉麵，點心，雜菜。 款式都足夠。甜品再有任食 Haagen Dazs 雪糕😍😍 7 款口味！ 同職員講想要幾多就幫你，就算每款味少少都無問題😂 唔驚一杯食唔晒😂😂芒果拿破崙同腐竹糖水都好好味👍🏻👍🏻👍🏻不過豆腐花同雞蛋仔就爭少少🙈依個價錢仲要星期六日自助餐👍🏻一定再會黎😂