尚牛

營業中

休息中

—超好笑 真心唔知有間餐廳喺網球場隔離仲要之前喺角落間老陳餅店買過嘢都留意唔到謝謝友人推薦 小店較細建議walkin book枱💁🏻‍♀️老闆娘會介紹是日供應牛肉嘅特點上枱時亦會提示燒肉需注意嘅地方跟食法Step1️⃣: 🥌爐端石燒 - 原片燒肉/吉列牛前者最能品嚐牛肉原味 後者則有外脆內軟口感Step2️⃣: 🥩肉份量 - 定食: 110g /特盛: 140g兩款均配🥗柚子汁沙律菜+🍚白飯Step3️⃣: 🇯🇵🇺🇸🇦🇺產地部位 -澳洲和牛封門柳 (特盛$238)USDA CAB Prime 牛小排(特盛$208)美國極佳級牛板腱(特盛$148)日本A5級薩摩牛肉眼(特盛$278)Step4️⃣: 大滿足升級(+$38)🍙紫菜尚牛飯+🍳溏心蛋 + 🍮焙茶or抹茶布甸我哋幾個人嗌咗唔同款share嚟食個人較鍾意肉味顯著嘅封門柳 而且相當軟腍——————————————尚牛元朗西菁街2號興旺樓地下1E號舖

呢間鋪係西菁街Me Let糧豆倉咖啡入面，午餐物有所值。吉烈牛係自家製，食得出唔係攞貨；鰻魚鮮美，肉質彈牙。小商鋪只收現金就無可厚非，坦白講女侍應既待客心態就值得慢慢調節一下。呢個時勢，元朗都執左唔少食肆，都係時候要推介一啲值得幫襯既小店。

一直都想試下呢間日式燒肉小店 終於早幾日係午市時間試咗🤗 不過lunch set係定食 同夜晚燒果種唔同叫咗 美國安格斯吉列牛定食（連飯、沙津菜、前菜、味噌湯）吉列牛食落夠腍 外皮炸粉都做得幾好👍 有個沾醬for吉列牛沾嚟食 係芥末 我個人鍾意就咁食多啲🤣 碗飯用嘅係珍珠米 上面加咗啲紫菜 係甜甜地果種 幾好送飯☺️ 沙津菜配柚子汁 又新鮮又開胃👍 上面兩隻溏心蛋可以再整得溏心啲就好🤣 味噌湯都ok 又唔會太鹹～最後再加咗$3x 要個焙茶布甸 好滑亦好香焙茶味😋 另外仲試埋男朋友叫嘅抹茶布甸 茶味更濃 不過個人鍾意焙茶味多啲🥰由於係得一兩個人打理嘅小店 所以出餐會等耐少少 但質素唔錯 份量都好足👍

過往食石燒牛都會去”秘”..元朗分店結業後比我發掘到黎一間穩世小店..位置十分唔顯眼🫣西菁街網球場旁邊一條小巷..小店坐位唔多但都坐落舒服..上菜時會介紹牛既口感..燒法..醬汁配搭👍牛小排定食$178M7 澳洲和牛-前胸肉 $238(特盛）白飯>紫菜飯糖心蛋自家製甜品抹茶布甸味道十分濃郁..牛肉有質素..價錢合理.但無提供茶水🍵隱世小店家庭式經營推薦大家可以一試😬

呢間日式燒肉店嘅位置一啲都唔顯眼, 店內只有十幾個位, 雖然地方細小, 但都尚算舒服。佢哋嘅燒肉選料優質, 價錢公道,唔同部位嘅牛肉, 就俾番相等水準嘅牛肉。美國極佳級牛小排定食: $158牛小排有十多片, 肉味偏淡。封門柳定食: $188封門柳一樣有十多片, 封門柳牛肉味濃郁, 入口鮮嫩多汁, 灑少少鹽, 令牛肉嘅鮮味更加凸出。 每個烤肉定食跟一個石板燒, 牛肉嘅生熟程度因應個人喜好而上碟, 呢個定食仲有醋沙律同飯, 醋沙律好開胃, 而個飯粒粒分明, 煮得啱啱好。

食物方面，我點了吉列牛小排定食，雖然整體賣相吸引，沙律新鮮，但主角“牛小排”缺乏‘’牛味‘’，令人十分失望🥲支付方面，我結帳時驚覺唔夠現金，提出希望以payme、fps支付餘下的，皆被店家拒絕。店員其後要求扣下我的電話或身份證，方可以到附近的櫃員機取錢，我實在無法接受😨幸好最後有熱心的客人讓我payme轉帳，再幫我以現金支付🫶更重要的是，吉列牛小排味道實在不太好❗️店家需要提升服務態度之餘，更需要改善食物質素，才對得起價錢🫠

呢家係咪自家經營嘅小店呢？好似香港得呢一間呢間店係好細間啫我諗目測只可以坐12個人之前經過發現好多人喺入邊而外邊亦都排滿晒人今日就早少少去到就唔使排隊啦雖然係小店但係價錢唔係好平民石燒牛肉嚟講算係可以性價比亦都叫一般不過質素算係中等以上偶然食吓都可以

係老陳餅店隔離有一間小店唔講唔知 原來係一間食吉列牛既餐廳店舖小小 只有十幾個位置平日晚市 唔洗等位✌🏻老闆娘好仔細講解今日有咩牛好食佢哋既分別俾個餐牌大家睇吓冰鮮美國純種黑安格斯牛頸脊定食肉質好鮮嫩 又好有牛肉味燒完仲係好多汁沾小小鹽 配上紫菜飯 好正呀！美國極佳級牛小排定食呢個牛肉相對冇上面果款禁有牛味但係軟滑d 入口油脂比例好好 都好好食牛舌唔記得影相不過 牛味好重 就算煎熟左都好嫩口好大塊 遮到成個飯面因為紫菜飯，糖心蛋同布丁 係另外加錢既套餐我哋都有一個 焙茶布丁茶味好香濃 又滑overall 樣樣野都好好食 一定會再黎

星期日晏晝去經過，係巷仔裡面嘅小店，見價錢合理，諗住一試無妨。嗌咗兩份lunch，高質，驚喜！慢煮豚肉Juicy，應該係腩肉，肥瘦夾雜但係唔油膩。另外配炒蛋，係日本蛋，炒得好香滑。個珍珠米摻咗啲肉汁，好好味，抵食！安格斯吉列牛冇得自己燒，廚房燒好直上，我鐘意生啲切起有血水，所以呢個對我嚟講踭咗少少，但係其實都好好味，冇鞋口。我哋仲加咗8蚊要杯小川咖啡，勁香！另外要讚下店員，我哋一坐低就好詳細咁解釋每個餐啲牛肉豬肉有咩特色，邊啲肉味濃，邊啲有油香。我哋今次食lunch叫做係小試牛刀，會在幫襯，廚房做得好，下次再揀啲貴價餐都好有信心會好味！

搵地方食生日晚餐，網上睇到呢間口啤幾好，早一日經過問下店主有冇得留位，店主話要準時到達就冇問題啦！今晚準時嚟到，唔使等即刻有位，坐低先叫咗客脆炸魷魚下足，嘩！真係非常之好味，😋😋👍👍真係想叫多碟，跟著老婆叫咗和牛洋火鍋，和牛好正份量唔少，配料又唔差，最後個黑松露湯飯好好食，店主手執好好，個湯飯整得好好食！😋😋👍👍我就叫咗個吉列牛小排特盛，吉列牛上次去日本冇食到，今次喺元朗有得食點都試下！熟啲生啲自己燒，小牛排好好味，份量都唔少，最後叫埋抹茶同焙茶布丁，兩個布丁又係好正！👍👍叫咗支苦柑梳打，苦苦甘甘幾好飲，埋單嘩咗聲5百蚊都唔使，質素咁好，咁用心製作，食材咁靚咁嘅價錢真係超抵超值，性價比極高！下次要再嚟試埋午餐。店主雖然有點忙但招呼都唔錯！出餐又快！👍👍👍

店面細 只有大概4張2人枱 1張4人枱但老闆娘服務態度好好每一次都會好專業介紹啲牛既質感 點樣燒先好食喜歡食牛千其唔好錯過 性價比極高 而且有質素- 澳洲和牛M7牛小排 特盛140g $238 (期間限定）- 美國牛小排 特盛140g $158可變成吉列牛 但小編比較喜歡原味道記得一定一定要+38升級食紫菜飯 味道有少少似牛角飯😋😋😋同飯後甜品 好味到差點往生 意想不到小店甜品竟有如此質素是焙茶&抹菜布甸 💯個人偏愛焙茶 茶味更濃更香 👍

極小去元朗的我 今晚去覓食Search到呢間食牛既小店 開頭搵唔到 因為位置頗隱蔽 去到時 原來真係極小店 坐位只有幾枱 後來先知 應該係夫婦打理我同朋友各點了 a5和牛燒及牛肩肉鍋極度推介和牛燒 價錢$168、另加$3x配套餐牛真係好好味😋值得再食 口感好好另外個鍋 正常、我同朋友將原本鍋配既牛拎去燒 好有牛味 好正！另讚讚甜品 焙茶布丁？、好濃味！

呢間已經幫趁過好多次用心小店 食物每個細節位都好用心 所以好有日本風味疫情前晚餐食過一兩次牛既肉質好林 爐端燒既爐溫都好好唔會令啲牛燶亦唔會過熟令肉質變硬而且份量都算多今次食評係lunch set吉列牛定食（已炸好 可以直接食）前菜柚子醋沙律 柚子醋好香好正麵豉湯飲得出好足料中華沙律正常發揮然後主菜吉列牛 一碗飯大約5-7成熟 肉質外脆內軟雖然係美國牛 但食得出質素幾好而且每塊牛都有少少椒鹽 佢會配埋個芥末醬比你點個醬又係好香好濃跟餐配一罐汽水/熱果茶成個lunch set 由前菜，湯到醬汁都睇得出老闆係好有心思 好用心所有野味道都好好唔係hea做而且估唔到lunch $88唔洗加一都比到呢個份量（有成12舊牛肉）同埋咁高水準真係喜出望外我都諗 食材唔cheap 又用心製作到底佢地賺得幾多？同埋好怕佢地因為疫情捱唔住真係良心小店其實我私藏左好耐😇呢個lunch set我都食左4-5次😂真係忍唔住出食評讚佢希望可以多啲人支持佢地*唯一有少少不足就係抽風系統唔夠 令間鋪多人時會油煙比較大

尚牛終於有午餐食喇👏以後lunch又多個選擇✌️今次試咗唐揚雞丼同埋火炙慢煮豚肉滑蛋丼，點解個名咁長😂簡單講雞同豬都好好味😋同埋豬好似食緊東坡肉望落好肥點知食落口一啲都覺肥，呢種口感我中意🙃應該仲會增加骨膠原😆😆最後仲買埋老闆自家製甜品～抹茶布丁😋

有位都唔比人坐！😒😒話有人留～之前又話冇得book位～以後唔食你呀～去donki 買D靚牛返屋企食一樣！⋯⋯⋯⋯⋯⋯⋯⋯⋯好惱呀！開6:00！6:05有位都唔比人坐！唔再食你