就是偏偏喜歡你

營業中

休息中

同朋友聚聚就當然要搵個好地方，一間花花少女心嘅Café就當然係不二之選，所以就嚟到花花世界嘅 就是偏偏喜歡你 食個Lunch。依間絕對係打卡-able Café，基本上每個位置都好啱打卡，除左周圍佈置到成個花海之外，仲有鳥籠座位選擇。最特別就係店內仲有兩隻兔子陪伴，乖乖兔子仲可以隨便摸摸，太可愛了。養生朋友就叫左一份Café主打嘅「低卡輕盈午餐配營養奶昔」，唔好以為輕盈好少嘢，但食落都真係好飽肚。以沙律菜、青瓜、蕃茄、紫番薯蓉配上煙三文魚，再加上軟硬適中嘅蕎麥麵，所以食落都非常爽口清新。飲品方面就芒果奶昔，入面除左有芒果、菠蘿、香蕉，檸檬同果仁之外，仲有配寒天、仙草、亞奇籽，所以入口酸酸甜甜，質地厚而順滑，加埋碎粒果仁仲增加口感添。我嘅主食就係 黑糖生薑豚肉漢堡，外層漢堡包軟熟，內層豚肉軟腍肥美得嚟個味道都調味剛剛好，再夾住蕃茄同生菜，所以食落夠晒fresh之餘口感仲好juicy，配菜仲有脆脆玉米片同埋新鮮沙律菜，整體上都可以話有驚喜。最後我就嚟杯 蜜桃小熊乳酸C，單睇個樣都係啱晒打卡，而佢個味道都唔錯，好重蜜桃香味之餘，入面仲有啲粒粒果肉，所以酸酸地幾好味夠解渴。

朋友介紹搵依間餐廳有啲營養飲品，同計左卡路里嘅健康餐同埋仲有兔仔喎🐰🐰，咁去見識吓啦一去到門口就見到有好多花，同埋霓虹燈裝飾，係個適合打卡嘅地方當日都唔少人喺當日去幫襯，嗰度周圍都有花花同一啲打卡位同埋仲有兔仔，我本身好鍾意兔仔🐰一直好想養，不過一直冇養，咁而家睇吓就當自己養咗啦😆味道方面我就本身唔係好鍾意食沙律🥗😅所以就普通啦咁飲品方面，就睇得出好用心好足料同埋佢伴碟都有啲食用花，賣上睇佢上嚟打卡都幾好

咁既時勢設最低消費180？野食難食連杯飲品都咁難飲，咁多人like咁少負評，做都唔好咁假啦！意粉cream又勁，小食炸到太燶，野食又咸，上菜又慢，服務又差，黎到得果一枱客都心知不妙，但黎到就試下，點知真係俾錢買難受！已經喺呢啲舊式單幢大廈入邊人流已經少，難做生意，大商場同埋啲連鎖餐廳都難做生意，仲要咁嘅食物質素同埋服務，邊有人會黎？所以唔怪得咁多人選擇北上消費，事實人哋真係食物質素好，服務又好，價錢更加平一半，作為香港人都唔想見到咁樣嘅情況！

我都唔明低消要180 個個要食甜品加杯野飲先夠 .想坐低飲杯野都比180 怪唔得你會無客。坐位又話要bk 先 比坐 無客都唔比人坐。 入黎話唔岩食都要坐低180.. 野飲又難飲又難食。。 加油了

一走進餐廳，好似入左花花世界。仲有雀籠同巨大化兔兔摸。少女心即時爆發，女生會很愛，不停影相。食物質素唔錯，意粉 ，豬肋骨不會死咸。賣相也花過心思。最令我驚喜，生日上甜點會熄燈，職員會唱生日歌舉燈牌，還會教你擺pose 合照。好專業。

成班女仔都係想去影相，上到去同照片好大分別，雖然都係為咗打卡，預咗啲嘢未必咁好食，但係冇諗過咁難食，同埋細碟，完全唔值呢個價錢，銅鑼灣可以食得更加好。每人差唔多$300食咗一陣風。。。。。。。。。。。。。。。。。。。。。。。。。。。。。。唯一值得讚係生日有個燈牌

鬧市中發現一間可以比花花包圍住既樓上cafe🤩有兩個鳥籠打卡位，仲有兔兔陪伴～.🥣香草忌廉煙三文魚意粉🥣：💰$188第一次見用唔同花花做裝飾既意粉😳有卷成花形既煙三文魚，仲有啲熟左魚碎，配菜有雜菌同蘆筍，香草味岩岩好，忌廉汁濃而不膩，整體好creamy，意粉軟硬適中。🥣精選小食拼盤🥣：💰 $158拼盤有富貴帶子、芝士雞軟骨、日本南瓜薯餅 ，灑滿芝士粉既雞軟骨，厚肉脆口，南瓜薯餅外脆內軟香甜，炸帶子厚肉，仲有配日式芝麻醬。🥤小熊粒粒草莓牛奶🥤：💰$68一定要點杯熊熊飲品打個卡🐻草莓奶酸酸地，不太甜，個底有草莓醬，記得mix好先飲呀！

之前朋友曾經在這間餐廳和我慶祝生日，今日特意帶老公再訪這間花花cafe，一起打卡。原來現在午市新推出了低卡輕盈午餐，每款餐只有300卡路里，啱晒平日注意均衡飲食的香港人，尤其是女仕呢。我和老公經常大吃大喝，今日也決定點選兩份輕盈午餐，減輕一吓腸胃負擔。🥣🦐椰菜花藜麥飯配南美海蝦～椰菜花飯平日便聽得多，今日還是第一次試。配上藜麥的椰菜花加了少許沙律醋後，酸酸甜甜，很有咬口。加上爽口彈牙的海蝦、紫薯蓉及沙律，感覺清新健康。🍜🐟蕎麥麵配煙三文魚～蕎麥麵爽滑Q彈，本身沒有什麼味道，但配上較濃味的煙三文魚後，一淡一濃，一凹一凸，出奇地搭配呢。每份輕盈午餐都包一杯有營奶昔或健康特飲，我們今天便選擇了“紅”奶昔及“五榖紅豆”特飲。"紅"奶昔～以雜莓、紅肉火龍果，檸檬及果仁冲調的奶昔，充滿果肉，酸酸甜甜，果香清新。“五穀紅豆”特飲～這杯特飲包含了紅棗、枸杞、黑米、紅蓮子、山藥、紅米、紅豆、黑芝麻、紅皮花生，小米及黑豆，營養豐富，足有11g蛋白質，只有88卡路里，還可轉熱飲，啱晒我！

原來銅鑼灣有間好靚嘅餐廳，仲有兔仔陪你一齊玩！呢間餐廳嘅裝修好吸引，有好多花牆同少女心嘅粉紅色調，令環境好浪漫，而且仲有兔仔陪伴。而家食嘢嘅選擇真係好多，仲可以揀啲低卡而又好味嘅食物。呢次我哋揀咗一個輕食套餐，可以揀一款主食，再加一個餸同一杯飲品，仲有沙律同紫薯。佢嘅味道真係好清新，沙律又酸又甜，好開胃。配埋甜甜地嘅紫薯同埋清淡嘅蕎麥麵，好夾。除咗輕食套餐，仲有其他唔同嘅嘢食可以揀。我哋仲叫咗一份炸雞軟骨，雞軟骨炸得好香脆，而且盤裝得好用心，係個心形盤，好可愛又好好睇。呢間餐廳真係令人心情愉快，環境好靚，餐點又美味。如果你想嚟個浪漫嘅地方同埋享受美食，呢間餐廳絕對係一個好選擇！

約左老婆黎到呢間超級靚既花海cafe食飯同打卡。餐廳裝修別出心裁，一入去就感受到花海魅力，勁多打卡位，座位舒適。餐廳仲養左隻超級可愛既兔兔，可以同佢打招呼。香辣南美海蝦意粉:蝦肉鮮甜多汁，十分入味，與意粉完美融合。意粉有點Q彈，吸收了蝦汁的鮮香，格外美味。辣度剛好，不會蓋過了海蝦的鮮味，反而增添了層次感。日本南瓜薯餅:外層金黃酥脆，內餡是香甜細緻的南瓜泥，搭配上柔軟綿密的南瓜泥，口感非常豐富。酥皮與內餡完美融合，不會讓人感到乾澀或油膩。明太子雞翼:外層酥脆的炸衣下藏著鮮嫩多汁的雞肉，配以明太子醬的鹹香與雞肉的鮮甜完美平衡，令人回味無窮。脆香薯條薯條切得很細長，表面灑有適量的鹽巴，薯條本身的香甜味被鹽巴的鹹味完美平衡，口感非常協調。#花海#打卡#銅鑼灣cafe#少女系#香辣南美海蝦意粉#日本南瓜薯餅#明太炸雞翼#脆香薯條

同朋友黎左粉紅打卡餐廳食野，超多花海，周圍都係打卡位❤️仲有兔店長駐場，不過果日去唔見有開工🤭🍔菠蘿照燒雞黑漢堡外觀好吸引。黑麥麵包外層色澤金黃，菠蘿有啲酸甜味道，有輕微燒焦感覺更正，酸度恰到好處，燒烤雞肉好嫩滑，加埋黑麥麵包同生菜好香脆口感🍝香草忌廉煙三文魚意粉忌廉汁好結身，仲好creamy🫢連埋意粉一齊食好正，三文魚好大舊又好滑🩷🧸小熊粒粒草莓牛奶成杯粉紅色好靚🥰面頭有熊仔樣既冰好可愛😚草莓味都好濃郁💕味道唔會太甜🩵🧸小熊菠蘿荔枝牛奶依杯就藍色熊仔樣，都係好靚，菠蘿味同荔枝味都幾出，一樣唔會太甜🥳就是偏偏喜歡你 (銅鑼灣)📍銅鑼灣耀華街3號百樂中心16樓1602-1603號舖

今日專登嚟打卡嘅 😆 成間店勁多花好夢幻阿 🤩 好似俾花圍住咁少女心大爆發 😍😍🔸菠蘿照燒雞黑漢堡包入面材料有雞扒、菠蘿、蕃茄、芝士、醬同生菜 🍔 菠蘿應該係落咗糖上去再有燒過，表面好脆又好甜！蜜糖雞扒好腍好Juicy 😋 另外有沙律醬生菜同Lay薯片伴碟🔸鮮大蝦龍蝦汁米意粉好得意係米形狀嘅意粉 🤓 比飯多咗小小咬口，好香龍蝦汁奶油味，有蘆筍、冬菇同芝士碎，煎蝦好香口 🍤有幾個唔同嘅花花場景，好打卡 able 阿 🥰🥰

上星期六我上完畫班，媽咪梗係會帶我去食好野啦！呢間打卡餐廳真係好靚， 入面全部都係花花裝飾，媽咪話呢啲叫花海，坐喺入面食嘢都會覺得自己特別靚。媽咪話佢要試下呢個輕盈嘅素食午餐【300 KCAL 低卡輕盈午餐 配營養奶昔】主菜： 椰菜花黎麥飯配蜜汁烤素叉燒配菜： 雜菜沙律 + 紫薯蓉飲品： 黑芝麻 。雲尼拿曲奇。香蕉。果仁 （配寒天、仙草、亞奇籽）奶昔 - 首先介紹下杯奶昔先，上面鋪左彩色花瓣，同花海嘅環境襯到絕，飲一啖好香芝麻味入面仲有仙草添，呢杯奶昔有130KCAL + 15g Protein。店主姐姐話要飲晒杯奶昔先食主菜，應該有7成飽就夠晒，食太飽對個人都唔好。飲完杯奶昔之後就食黎麥飯，媽咪話呢個飯好咬口，配上素叉燒好似食緊燒味飯咁。正👍🏻跟手再食紫薯蓉，甜甜地 好好味，夠飽肚。【鮮大蝦🍤龍蝦汁🦞米意粉 】呢個米意粉我第一次食，好似食緊飯咁好得意。大大隻蝦煎到好香口又好彈牙，加埋上面勁多芝士真係賣飛佛呀！😍😍【🐻小熊粒粒草莓🍓牛奶🥛】媽咪叫左杯草莓牛奶比我飲， 呢隻熊仔係冰嚟好可愛，草莓牛奶無得輸，最緊要係佢唔會好甜我無停過口咁飲。【朱古力🍫熔岩石山🌋Lava Toast🍞】今日

終於黎到呢間靚靚打卡餐廳～好喜歡哦💕蕎麥麵+ 慢煮雞胸肉蕎麥麵健康又美味，它具有獨特的堅果風味和柔韌的口感，是尋求低熱量和無麩質的選擇。蕎麥麵通常配以清爽的日式醬汁，帶有淡淡的甜味和鹹味，再加上些許蔥花和芝麻，為整體增添了層次感。慢煮雞胸肉質嫩滑，鮮嫩多汁，選用慢煮技術能保留雞肉的天然風味和營養成分。非常適合健康飲食，低脂高蛋白人士。雞胸通常以簡單的香料調味，並配上新鮮的蔬菜或沙拉，非常清爽可口。雜莓汁雜莓汁清新怡，混合多種莓果汁，酸甜適中，而且富含抗氧化劑和維生素C。雜莓汁能有效地增強免疫力，並給肌膚補充養分。菠菜芝士忌廉意粉菠菜有豐富的鐵質和維生素K，與濃郁的忌廉醬和濃香的芝士完美結合。忌廉意粉的絲滑口感和濃厚的芝士香味令人難以抗拒。鮮果田園沙律新鮮的水果加上多樣的田園蔬菜，富含纖維和多種維生素，令人食慾大開。清爽的油醋汁，既不會遮蓋水果與蔬菜自身的鮮美，又能提升整體的風味。

「就是偏偏喜歡你」是一家充滿儀式感的打卡餐廳,為返工日晚上慶祝聚會增添了不少樂趣。餐廳的裝潢設計別出心裁,融合了秘密花園嘅元素,營造出一種獨特而溫馨浪漫的氛圍。從踏進餐廳大門開始,整個空間都透露著一種「甜蜜」的感覺！菜品 - 鮮大蝦龍蝦汁米意粉⭐️⭐️⭐️⭐️⭐️大顆肥美的蝦子上下鋪陳,搭配鮮紅的龍蝦汁,而在口感上,這道米意粉同樣贏得滿分。意粉本身質地柔軟細膩,完美吸附了濃郁的龍蝦汁,每一口都能感受到海鮮鮮甜的味道。而大蝦則是分外肥美多汁,咬下去飽滿的肉質彈牙勁道,極大程度地滿足了味蕾。菜品 - 菠蘿照燒雞黑漢堡⭐️⭐️⭐️⭐️⭐️漢堡上方用一塊金黃酥脆的菠蘿片作為蓋子,搭配漆黑的漢堡麵包,整個組合十分獨特。而當我打開漢堡時,裡面鮮艷欲滴的照燒雞肉和綠意盎然的生菜、洋蔥,配上黏稠滑順的醬汁,賞心悅目。