就是烤菇 (已結業)

I have always wanted to try HOW COOL but they are located in Chai Wan.Luckily they were at Ocean Park so I finally got to try them.It was a grilled mushroom on top of mash with meat sauce and cheese sauce.The mushroom was big and juicy but the meat sauce was a little sweet so next time I am going to order the one with just cheese or see if there is anything new.

今日去左柴灣試一燒烤小店「就是烤菇」英文名How Cool , 非常有趣的小店名，睇menu 原來除左食菇，仲有其他選擇，估唔到仲有主菜系列飯同意粉，烤肉雞翼等。先叫主打的蒜蓉芝士帶子烤菇$33，芝士好似火山溶岩蓋過大啡菇，厚厚的芝士燒至微燶，帶點焦香味，最期待的帶子果然彈牙鮮甜，這三樣食材夾埋一齊，滋味無比。另一款叫了牛油果海蝦烤菇$33，一大隻鮮蝦響面，口感爽口，菇面鋪了牛油果芝士醬，非常香濃的牛油果香味，伴菜還有沙律菜夠清新。除左主角，烤菇，我當然要試下其他燒物啦，叫了芝士戀上魷魚鬚$29，魷魚彈牙，煙韌，配上芝汁好creamy ,還灑了少許pepper 更香。另叫了蜜糖燒豬肶骨$16/隻，蜜糖剛好黏住肉面，不會好乾身。

想食呢間好奈咖喇但好揀唔揀 揀左最凍既夜晚食首先因為呢間係一間小食店，雖然係有飯賣，但座位係就咁係街邊開張摺枱出黎坐咖姐咁今日叫左兩份菇同兩份意粉飯叫左一份帶子烤菇，選用既菇本身就冇乜味，但係係幾juicy 既，搭配忌廉汁同芝士，都算不過不失另外一份菇係芝士煙肉烤菇，呢個就相對濃味同較香口，煙肉有先炒過，脆口煙肉再配juicy烤菇，口感比帶子烤菇多，但個汁就搶左個菇本身個味，頭先都話過本身菇已經冇乜味，所以整體黎講帶子烤菇係比較好食切開左就係咁，都真係幾多汁然後到個意粉飯其實係小食店想食埋正餐就唔應該期待太多咁呢個西班牙汁豬頸肉飯落到我枱既時候，我第一個反應係，咦？乜我叫左碟頭飯咩？雖然賣相唔太好，但食落都唔太差既個汁係偏辣，係好辣，但如果你唔怕辣呢你係會食到佢其實係有少少帶甜，當然食食下條脷辣到唔係點食到味就另計啦如果個汁少返d會好d，因為食到尾其實好咸另一個係芝士菠菜雲吞賣相就比上面個飯好d，起碼似返個西餐既呢個就有配少量沙律菜，沙律菜本身配左沙律醋，因為食左上面個飯先就食唔出咩味咁，但都食到個醋都幾酸，所以正常食應該就太酸喇意大利雲吞配肉醬，整體冇咩特別，食到有芝士但味道唔出，

今日因為工作要去柴灣，聽講樂軒臺好多隱世小食店，我跟同事就去咗個邊揾食。「就是烤菇 HOW COOL」賣的小食睇上去較特別，走平實西餐路線。見到餐牌食物幾吸引，我哋就試一試，睇下佢有幾cool。最期待的烤菇出場啦。蒜蓉芝士帶子烤菇（$33）的大啡菇非常juicy，喺爆汁個種。蒜蓉味唔出，反而芝士好香，再配搭嫩滑的帶子，唔錯!牛油果海蝦烤菇（$35）的蝦肉爽口，佢個牛油果芝士醬比起淨芝士醬更好食，開胃之餘夠濃郁。沙律菜清甜爽脆，夠新鮮。秘製烤蠔（$52）酸酸甜甜的燒烤醬好惹味，又唔會搶走蠔味。最抵讚係蠔肉係黏殼!!唔係一般放題嘅蠔肉同蠔殼分離的偽烤蠔。呢個價錢食到真烤蠔係感動!西班牙炭燒香辣芝士魷魚($35)，呢隻魷魚外型似足<<外星生物>>入面隻怪物，外表夠哂驚嚇。不過隻魷魚幾有內涵，燒得好香，同芝士好夾。意大利飯配香煎海蝦($49)的表現就中規中舉，如果海蝦可以煎得再脆就更好。值得一提的是意大利飯上枱時餐碟係熱嘅，連細節都有注意到，「就是烤菇」確係一間誠意小店。

香港要搞特色夜市，似乎只聞樓梯響，未見人下來！不如自己瓹窿瓹罅搵好嘢食好過。是晚路經柴灣，睇到樂軒臺一條街，聚集咗唔少特色小店，雖然位處街邊，但充滿排檔風味，全部即叫即做，熱辣上枱，咁就摺起衫袖試下啦喂！睇嚟睇去，呢個招牌寫住「二寶潮食」，易拉架印有「就是烤茹」又幾盞鬼咁喎！二話不說，叫老闆整咗個芝士帶子烤啡菇，大大個有酒店級size, 而且芝味濃郁，帶子雖切粒但入口嫩滑，我like呀！再點個辣味八爪魚，成隻上形態賣相夠嚇人，但超好味吸引，相機都爭住食先！再嚟多個香草雞翼，5大隻少少辣皮脆脆，有些少BBQ風味，飲品方面，只提供可樂一種無得揀，不過隔離就係便利店，都好方便！

柴灣友一提到食宵夜就會諗起樂軒台，成條街都是食店：串燒、泰國菜、糖水、川菜、雞蛋仔、手撕雞等......說到小食，確實有一間是我經常幫襯的，由舊舖食到隔幾個舖位的新舖，逢老板都已經認得我了^^星期日晚上沒煮飯，又想簡餐醫醫肚子，叫兩份烤菇再來一碟自家炒菜心，應該夠滿足啦雖然烤菇系列只有A-E款，但每次行到舖前總會出現選擇困難的情況，因為我是眼闊肚窄的，最後我柯打蒜蓉芝士帶子(HK$35)和海膽芝士(HK$42)兩種口味^^所有烤菇都是即落單即製，所以一定熱辣辣夠香口，還很Juicy呢當然要花多一點時間等候唷~或者你可以用Whatsapp落單...每隻大啡菇都大過我隻手掌，以前舊舖就可以看著大啡菇在爐上燒烤的情況，將芝士、自家製肉醬和其他配料放入啡菇內，大火燒烤下的芝士熔化，那種焦香真的不得了呢

今晚游完水後，好肚餓！來到樂軒臺搵食，平日夜晚好少經過，原來呢到有好多食店，各俱風味，有好多選擇！其中這間小店吸引住我，好似小食、意粉同烤菇咁，就食呢幾樣啦！秘製墨魚咀（29元）墨魚咀有咬口，唔韌，濃濃的黑椒十分惹味！如果無更濃就更好，保留返多啲原味周打蜆肉薯蓉烤菇（29元）滿滿的周打蜆醬汁鋪滿在大大隻蘑菇上面！味道香濃，唔似普通嘅罐頭湯配料豐富之餘，仲有好多薯蓉係底，薯蓉好滑，冇粉粒！蒜蓉芝士帶子烤菇（33元）帶子新鮮嫩滑，芝士同菇的味道好夾。蒜蓉唔會搶咗烤菇的味，表面的芝士燒過之後更加香牛油果海蝦烤菇（35元）三個烤菇之中，我就最鍾意呢款海蝦幾大隻爽口，牛油果醬好濃郁，好刺激味蕾，令我忍唔住食晒啲汁西班牙豬頸肉飯（45元）飯同豬頸肉分開上，飯嘅份量好大，勁大碟，可以叫少飯都得。店員落單時會提示豬頸肉的味道較辣，所以分開裝就可以自己決定落幾多汁豬頸肉切得比較細條，好爽脆，但本身有少少乾身，加埋啲特製嘅汁就好惹味。雖然越食越辣，但個種辣又令你欲罷不能整體來說都很滿意，下次有機會會再去！

跟友人第一到這小店，試著點了帶子烤菇，海膽烤菇及牛油果海蝦烤菇，以帶子烤菇最好味，芝士香濃，帶子仍保持嫰滑。燒豬脾骨有濃郁的蜜糖包著，不會太乾，好味。之後再試了雞軟骨，很濃的rosemary，友人因不愛太濃的香草味，只我一人獨佔，幸好不乾身，仍保肉汁。不得不提的是高大親切的店主Jonathan推介的芝士魷魚鬚，香濃好味，友人大愛。吃貨最後以軟殼蟹意粉作結，份量十足，惜意粉較粉，軟殼蟹如果可以脆點該會更好。

朋友住係柴灣，今日有佢帶住我一齊周圍食，跟住地膽搵食果然唔同，唔洗自己搵地方！ 朋友一直都好想試下就是烤菇，今日終於有伴啦，可以一齊試。 🍗How cool 炸雞翼（$30） 一份有5隻，雞翼充滿香草🍃味道，肉質嫩滑，好香😝 🍟How cool 炸薯角（$27） 薯角大大份，又夠香脆，配埋蕃茄汁食超正😍 🐥秘製雞軟骨（$30） 雞軟骨用左多種香料製成，孜然香味突出，份量亦很足夠。 烤菇是這裡的招牌，灸燒的烤菇見到都流曬口水。 🍝肉醬芝士烤菇🍄（$28） 肉醬蓋滿整個烤菇，配上芝士好香！烤菇大隻厚肉，鮮甜多汁。 🍄蒜蓉芝士🧀帶子烤菇🐚（$35） 蒜蓉芝士味道較為creamy, 配上薯蓉最好不過。帶子肉鮮嫩可口，肉質鮮嫩。 🍄蘑菇系列加$10可配薯蓉 🍝香菇芝士千層麵（$49） 肉醬🐽、香菇🍄、菠菜三文魚🐟 千層麵層次分明，又香又滑！ 👉🏻旁邊仲有沙律菜🍃主菜配一款烤菇可減$6

由於去到時間尚早所以未可以係舖頭外開摺枱堂食，要買外賣反屋企食今次食左周打蜆肉薯蓉烤菇，雞軟骨墨魚咀雙併菇食得出好新鮮，烤得剛好，咬落去好juicy,蕃茄同蜆肉好多放滿成塊菇，撈薯蓉食好美中不足係薯蓉係用薯粉開，如果可以用薯仔整就prefect雞軟骨墨魚咀用香草炒非常野味，有少少辣略帶冬陰公香味如果平日經過想食小食，雞軟骨同墨魚咀亦不失為一個好選擇溫馨提示: 烤菇係即叫即燒所以等候時間較長，所以如果叫外賣可以先打電話

聞名不如見面的柴灣高質小食店 - 就是烤菇! 是日來到是晚餐時段, 點了兩款烤菇和幾款秘製小食, 坐在店舖門外等待時早已聞到陣陣烤菇香味, 口水直流!烤菇芝味濃郁, 芝士較實淨厚身, 裡面的煙肉碎配甜甜的燒烤醬中和了芝士的油膩感! 由於未吃晚餐, 故加$10配薯蓉! 芝士煙肉和軟滑薯蓉的配搭永遠是最夾的!這款烤菇的芝士和先前的不同, 這款較像忌廉芝士帶甜, 比較流質, 芝味同樣濃郁, 整個口腔有著幸福的芝味!墨魚咀十分爽脆! 秘製醬料惹味, 有辣椒, 炸蒜和沙嗲醬混合炒香的感覺! 令人停唔到口, 值得推介! 烤蠔即叫即焗, 熱辣辣! 秘製燒烤醬加上煙肉和洋蔥十分醒胃! 蠔略嫌不夠肥美。烤過的雞翼呈金黃色賣相吸引, 雞翼醃料有陣陣香茅的芳香, 感覺創新, 有意想不到的清新!由於是日小吃當晚餐, 埋單都不過是位位數十元便可一次過滿足多個願望, 何樂而不為~

朋友推介柴灣有條美食街，一到宵夜時間，就好似夜市咁，十分之熱鬧，食物款式包羅萬有，想食咸又得甜又得。咁岩經過一檔叫how cool 嘅食店，俾佢好似手掌咁大嘅菇吸引左。💁🏻蒜蓉芝士帶子烤菇睇相就知隻菇幾juicy，而芝士配帶子永遠都係必勝嘅組合，大菇烤得岩岩好，唔會太乾太燶。💁🏻法式煙肉烤菇大菇上面加左蕃茄肉碎，再配上溶緊嘅芝士，茄汁嘅酸味岩岩好中和左芝士果分油膩。💁🏻秘製烤蠔蠔上面配嘅係茄汁肉碎，茄汁味濃，蠔味略嫌被茄汁味蓋過，以50蚊半打蠔黎講，蠔嘅大細都算係咁。🙆🏻因為烤菇係先將啡菇烤好再加上各式各樣嘅醬汁，所以，菇唔會太入味，有啲美中不足嘅感覺，可惜可惜！👀

已經唔係第一次黎，之前黎過兩三次都覺得幾好，點知今日再嚟真係令我大失所望，以後都唔會再黎！落單超亂，掛住整外賣，客人堂食啲單又唔理，啱啱開門又樣樣都賣晒，叫果樣無果樣，終於落左單跟住又話漏單，亂到冇朋友，令客人無所適從！到食物，超失望，一係就勁咸，d意粉咸到食唔到！一係就冇味，連最出名芝士戀上魷魚鬚都淡而無味！一係就燒燶晒菇上面d芝士，燶到食唔到！夜放工成九點幾先可以食飯已經夠慘，諗住好好坐低食餐好嘅，點知食餐咁既野！真係好過份！一定唔會再黎！無下次！　

柴灣樂軒以消夜聞名東區，每晚不論平日或者假期，總有食客在露天吹水。樂軒台消夜各式各樣，甜或鹹也有。之前坐車經過，已看到「就是烤菇」的招牌，一直覺得有趣也特別，因為以烤菇作小食並不是十分流行，多數吃烤菇一只是會在BBQ的日子。是晚終於有機會是和三五知己到樂軒台行閒聊+宵夜。當然一嘗烤菇。原來這裏除了菇以外還有不少選擇。就算夜麻麻想吃一個飯或意粉，也沒有問題。蒜蓉芝士帶子烤菇，全五星⭐️⭐️⭐️⭐️⭐️。芝士和大磨菇根本是無敵的配搭，烤的時候已聞到陣陣的香菇味。毫不吝嗇的芝士鋪在肥大的蘑菇上，芝士呈流心狀，一入口，濃郁芝士味和濃郁的菇味在口腔內糾纏著，加上帶子添了幾分口感。溫馨提示，烤菇要趁熱吃，因為在露天地方而且冬天食物很快便凍。友人告訴我們，大磨菇低卡路里低脂肪，是有營的食材。法式芝士煙肉烤菇，4星⭐️⭐️⭐️⭐️。這款烤菇的口感比上一款更充實，加上了煙肉，很有咬口。而且酸酸的不會太漏。這款的菇味沒那麼強烈。芝士的份量也是十分大方。烤蠔半打3星⭐️⭐️⭐️。6只50元是街坊價，當也不可以期望是大大隻的蠔。烤蠔配上煙肉，蠔味也濃。秘製墨魚咀：5星星⭐️⭐️⭐️⭐️⭐️。秘製醬汁是辣的，辣的程度也有中級，但那種辣不會令你吃

今次由朋友發板叫How Cool外賣，我本身唔太贊成，因為無乜信心保證，不過見佢堅持就算當係試一試。等外賣等左大半個鐘真係等到發毛，係7－11我地都飲左兩包檸茶，無聊時望入去見個男人一邊睇電話一邊煮野食，心諗你快手拉。再望入去睇下外賣得未，個男人又爬上又爬落攞野，手都唔洗下又繼續用隻手放菜入盒，心知不妙。返到朋友屋企開餐打開盒，見到烤菇淋曬比黑色汁浸住，味道係梅菇一隻，梅到好似煲湯菇，沒有菇鮮味，仲苦苦地，好釆有唔會唔好味既煙肉中和下，菇食材唔新鮮起碼放超過兩天，不值一試。朋友又話薯蓉係用新鮮薯仔整，我地一食已經知道係薯粉做拉，質疑點解要甘貴，加薯粉值＄10咩？$39食隻梅菇配薯粉，食叉雞飯好過，一定無下次，評分真係唔可以盡信。