居食屋「和民」 (已結業)

響我寫食評個陣，竟然發現結業， 真係晴天pig力，沙田和民係我好鍾意開餐既地方，次次都要等成半點鐘以上，點解會結業架！嗚... 新界又少一間和民，唉！有日同媽媽睇完電器就同佢黎食，和民沙律可以叫半份就岩晒我地兩個人，菜好新鮮，味道好，鐵板牛肉，牛係自己燒，生熟程度自己控制，肉好＂林＂，三文魚係媽媽最愛，魚夠新鮮，但係同樣飯都凍同硬左d,苦瓜天婦羅好脆但有d油，綠茶吐絲外型加晒分，食落同樣唔錯，大吐絲內有好多小吐絲，加埋雪糕食，一凍一熱

今天放工去左沙田行街，可能因為聽日假期，沙田超級多人，揾左好多間餐廳都話要等半個小時以上。最後決定放棄，眼前見到和民，所以唔理啦，衝去羅飛等位今日想吃啲唔好太油膩嘅野，所以即時諗到沙律，友人叫左個豬排飯諗諗下叫多左個小食比自己，至愛wasabi和民當然唔小得食甜品啦，試左咁多次唔同嘅甜品，最鍾意都係呢款。紅豆加綠茶，完美組合.和民啲野食間間差不多，水準OK，不過好似細份左啲

位於沙田新城市廣場的和民居食屋經常性地客似雲來，若非某信用咭會員，基本上是不設訂座服務，因此不論晝夜，和民門前必定聚集一眾人們在等位，一等便動輒一句鐘，但食客們毫無怨言，等候期間有傾談的、手機上網的或傾電話打發時間的各自各精彩，可謂將堅毅與耐力這特性表露無遺。要了解為何這食店有如斯魅力，相信離不開食味吸引度、食店位置方便以及價錢合理這三個鐵搭擋。曾經是沙田友的我竟然一直未曾光顧，是因為好多時被長長的人龍所嚇怕，難得某天晚上因緣際會路經此地，加上友人極希望來這裡用餐，既然如此，那好吧! 果然不負眾望，45分鐘後我們入座了。走進和民裡，是紅、啡與黑色系編織出具時尚感的和風格調，有別於一般居酒居，室內環境光線較昏暗，但仍有盞盞微燈引路，是希望為客人與他的朋友或親人們營造出輕鬆的用膳氣氛。饑腸轆轆，盡量撇除菜單上七彩斑爛的引誘，便以秒速下了決定。要注意二人餐桌的桌面面積頗細小，多點一些菜就會出現較擠迫的現象。雞腿肉串先來個雞腿肉串作小吃，上桌時認為雞皮燒得可以再焦黃些，放到咀裡，意想不到是剛燒起的熱度十足，雞肉不算嫰滑多汁，但調味得宜，雞肉附著點點油脂甘香，洒上鹽花同烤的擁有微微焦香又不失惹味

今日一班同事去沙田食lunch,揀左和民。我叫左吉列豬扒午餐配凍檸茶，吉列豬扒跟蘿蔔醋汁，餐仲跟沙律同埋面豉湯。沙律真係不用多說，例牌幾粒粟米粒和2片生菜，面豉湯都係一般，吉列豬扒好大好厚，不過炸皮唔脆，冇豬肉味的豬扒，個醋汁真係麻麻地，碗飯好在係熱的，凍檸茶ok，如果以$68仲未計加一，咁就算貴喇！

去完海洋公園，去到沙田已經 9:00PM 了，原本BOOK 左8:00PM，知道趕不及打去餐廳改 9:00PM，好在有得改時間啫~由於MAMA有和民卡，可以BOOK枱，生日仲有$100 CASH COUPON，正日仲送一杯特飲，所以好多時生日都去和民食的~自從大埔和民摺左，已經少左好多去和民LU~由於唔係太餓，只係點左6樣野+2 杯飲品1)炸章魚餅 $26熱辣辣的煎炸小吃，次次都會點，好多章魚粒係入面，好食~2) 炸蝦SUSHI $48D飯好散，一夾即爛，唔掂3)火炙雜錦SUSHI $66有3款共6件，三文魚，帶子&熟蝦，賣相好，但帶子好細唔片，無乜趙頭~4)海鮮斧飯 $58有個火係到烘住D飲，熱左就放蟹子撈好即飯，但鹹到爆，D飯又好爛，依款新野叫唔過5)海鮮沙律WITH 拉麵 $48比左一碟日式麻醬，加埋一起好FRESH，好開胃~6) 天婦羅冷喬麥麵 $53BABA激贊，話D冷麵汁好正，好香又唔鹹，仲有炸蝦同茄子，好抵食咁話WOR~7) 青檸可樂 $23呢杯係特大飲品，個杯好巨型的，我飲左淡，幾好飲，而且和民好細心地已經篤好青檸~8) 士多啤梨疏打 $28生日送$30 以下飲品，我揀

跟友人相約在新城市，來到和民吃日本菜等候位子期間拿起了menu，原本每一款菜式都有標籤食物的kcal，我還是第一次見！這樣清楚的標明其實也是一件好事，可以提醒顧客吃得健康一點與友人綜合食物的kcal後，點了數樣菜明太子凱撒沙律﹕以明太子作配襯比較罕見，味道新鮮，份量不多刺身﹕水準平平，放了很多昆布，可惜刺身不夠凍，影響了口感和風一口牛﹕煎得不會太硬身，但油略多了一點芝士豚肉蛋包﹕材料豐富, 亦因這樣較難吃出豚肉的味道，不過奄列配上特製醬汁，好吃！這裏的甜品不夠吸引，決定與友人找糖水店延續飯局

唔錯 d 野食好好味d 壽司都唔錯之後我地又叫左個飯不過黎親和民我一定會食呢個真係超好味!!! 一級推薦呢個之後再叫左個牛油焗帶子最後再叫左個心太軟甜品最後埋單都係每人平均百幾左右

好耐冇黎過食．　朋友有信用卡可以訂枱，　終於可以唔駛等位黎食飯叫左幾樣菜，　水準依然～　跟朋友聚舊，食飯，傾計，呢度的確係好好既選擇！！由於係上個月食飯，　巳經唔記得菜名，　大概形容下～蛋包飯，　好香，　蛋味重，但又薄～壽司船味道不過不失溫泉蛋ＰＩＺＺＡ，加埋一齊食，　幾特別～甜品真係一流～小丸子也好，　雪糕也好，　朱古力也好，　都十分好味～！覺得甜品仲好味過正餐

過了Happy Hour，食飯時間，為傾計同飲啤酒，喺沙田新城市無選擇，唯有去和民等位。7：15pm 攞飛，侍應姐姐話要等over一個鐘。8：20pm 番去重有10幾個先到，再行15分鐘番去，點知突然間跳咗好多張檯，過咗成10個。唉！咁你咪罰我地囉！唔洗由頭再排過下嗎？此時係8：35pm，侍應姐姐要我地再攞飛，同依家先嚟嘅人一樣再排過？！最終我地等到9：30pm 先有位，total2個鐘頭15分鐘！我諗哩次係我地最後一次幫襯嚕！其實食店當然可以有自己嘅等位規則，關鍵係食物質素又或價錢係咪值得等囉。。。2人叫咗：和風一口牛 ＄59~ 無牛味，可能忘記落鹽，加蘿蔔蓉原本係一番好意，但係與牛同吃，淡上加淡，要加大量附送醬汁，可選燒汁或柚子汁。三文魚刺身 ＄53~ 普通過普通，唔肥美，唔係厚切，無魚味。海老蟹肉丸子 ＄36~ 一口咬下三份一個，居然無食到任何餡料，莫講蟹肉，連忌廉都少得可憐，索價連加一＄40/4個，十蚊一粒，哩刻真係有被騙感覺。天婦羅烏冬＄53~ 烏冬、天婦羅分開擺，唔會淋。烏冬彈牙，湯好味，係唯一讚好食物，可惜天婦羅份量奇少，製法亦只係脆漿絕對唔係天婦羅。蝦連脆漿只有中指咁大

好耐冇去和民食野, 因為覺得無乜特別. 今次特別早少少來到 (6:30PM), 點知都係要等位. 一等就等左40分鐘...........雖然等位耐左D, 不過服務唔錯, 起碼service都算快~冇餓親我~今次叫左以下幾樣野~竟然有驚喜:1) 三文魚刺身: 都算新鮮. 不過冇乜特別. wasabi俾得太少, 唔夠我同愛人點.2) 芝士蟹肉帶子丸($38) : 炸得好脆, 奉勸大家點呢個食既時候小心d. 皆因內裡餡料太水. 一咬落去會噴出來~3) 陶板牛舌 ($38) : 除左唔夠厚之外冇咩好挑剔, 好好味~~~ 侍應姐姐見我地張台細又叫左火鍋, 細心咁問我地好唔好先煮左再上. 我地好欣然接受佢既溫馨提示. ^3^4) 北海道相撲火鍋 ($68): 見今期推介就點左. 其實同普通相撲火鍋差不多. 配料有: 菜, 蜆, 雞肉, 紅蘿蔔, 腐皮布包, 豆腐, 金菇...等等. size比我想像中大. 而個湯底又好清甜.o~i~shii~~~5) 芝士豚肉蛋包: 呢個係成晚最好味既一樣. 我同男友都唔係太好芝士. 因為唔係樣樣野夾芝士都好食. 不過呢個既芝士竟然同所有配料都好夾~! 另外叫

因為有和民卡，卜位不用等，食物味道水準好，服務質素又高，所以我都好like光顧它，是次到和民居酒屋吃晚餐。而每次吃都覺得很好味，很樂意寫食評，記底自己所喜歡的食物﹗而和民永遠都係香港人吃日本食物之選，每天晚上必有多多的食客排隊，價錢合理，質素高，I like it。刺身盛岡冷麵：有兩隻甜蝦、四片生帶子、三片北寄貝和半隻熟蛋，再加青瓜絲、芽菜和泡菜作點綴，碗內更有數顆冰粒，保持冰凍。刺身鮮味爽甜，冷麵除有湯底仲用冰鎮住，以芝麻吊味，令麵條好滑冰凍，入口清涼，甜中帶酸，食慾大增好煙un 彈牙，十分開胃。雜菌野菜炒豚肉：好厚既油係底部浸住，令到d 菜好油。而豚肉薄切好香口，有鐵板燒的味道，有獲氣。焗芝士年糕：味道偏咸的，配上海苔，芝士溶在軟軟的年糕，味道一流，年糕好煙韌。而海苔絲也十分香口呢﹗豬頸肉帶子海鮮拉麵：忘記正確名稱，有豬頸肉和帶子在內，味道與和民拉麵一樣，也是同一價錢。比刺身盛岡冷麵失色，沒有個人風格。和民冷麵沙律：份量很多，有大量新鮮蔬菜，冷麵有點像公仔麵。

Maccha ParfaitStrawberry Parfait這款下午茶餐$29, 連飲品一杯。 看圖購 和 真面目似乎是兩碼子的事......睇menu的圖片會感覺滿滿的一杯, 望似澎湃但原來都頗細杯。所有芭菲底部全都是cornflakes, 綠茶款是由紅豆、綠茶雪糕、鮮忌廉、丸子、綠茶糖漿及綠茶奶凍所組成, 而士多啤梨款是由鮮士多啤梨、雲呢嗱雪糕、鮮忌廉、士多啤梨糖漿及士多啤梨奶凍所組成。 沒想過那些奶凍弄得不錯, 不太甜又奶味香濃, 而其他配料都是現成品, 沒什麼大問題。最可惡的是廚師淋糖漿時太大意, 令所有杯邊杯面都留下黏黏的糖漿, 一拿上手便全手掌「瀨嘢」

都係第一次黎和民食蟹腳，點知好失望，不會再黎食蟹腳了。今次係食燒蟹腳，燒得過火，燒到蟹肉都乾晒、又冇乜鮮味。 和風PIZZA，皮脆燒汁好味。 石窩飯熱辣辣，材料足飯有咬口不會淋身。記不起這個抺茶飲品叫咩名，剩係記得好飲！抺茶加點奶味好香，夠凍，而且不會太甜。

已經係N次來沙田和民了，今次只係第一次品嚐海鮮釜飯，看著它由生米開始煮成熟飯感覺幾得意新鮮呢 爐火的時間調較得相當準確，等火全完熄滅就食得，一打開就是新鮮熱辣的香噴噴海鮮飯。好味。

刺身冷麵 - 我好鍾意既味道..有d泡菜..辣辣地..夠凍..麵都夠彈牙!!呢個炒雜菜..味道都ok..清清地!!9菜牛肉卷 - 冇咩特別..普通9菜+牛肉一口牛肉 - 呢個口感差到冇人有..但味道ok..如果牛肉夠(冧)身..就一定好食啦!其實和民我之前食過真係覺得好麻麻..but今次食沙田呢間又ok喎..but等位仲耐過食..d野細細碟..可以叫多d款..都唔錯既!!