屋台 (已搬遷) 新店位置

經過一星期既難忘假期，明天又要返工⋯⋯為左令我依個星期變得難忘，今晚一於同屋企食返個豐富晚餐，打開U app見到依間餐廳喺頂置仲要有張8折既Banner，即刻入去睇下有咩推介。發現佢地有幾個餐，有二人，有四人，仲有個光棍餐睇完Menu，最後㨂左個二人餐，算係幾吸引前菜：海蝦刺身沙律 味道：酸酸甜甜刺身併盤：油甘魚、吞拿魚、三文魚 味道：正常野，反而份量算厚切小食：清酒煮蜆 味道：好香酒味，蜆尚算肥美，最後記住飲埋D湯，我覺得個湯先係精華主菜：照燒牛扒 味道：好香口，不會過老，份量都算多食事：鰻魚炒飯 味道：鰻魚好肥美，炒飯有鑊氣，整體鰻魚唔係得一兩舊，有誠意之作。吸物：個魚頭湯好多材料，味道唔會太鹹，而最正有D魚雲。160一個人，都算多野食。起碼嚟到都仲熱熱地。值得大家去試下

假期最後一日, 訓晏左, 同朋友去灣仔附近行下, 朋友口痕話耍日本野, 上網搵到依間小店見佢企理乾淨, 裝修又新淨, 行入去試下餐牌係門口, 揀岩就落單, 鋪頭有兩張高身圓台又有BAR 台, 收銀姐姐有禮餐牌選擇多, 樣樣都好食, 叫左個牛肉飯落單即叫即做, 唔使十分鐘有得食牛肉煮到岩岩好, 飲好食, 重湯送

依條街真係成日變天，漢堡包執左、米線執左，轉頭又多左間餐廳。唯一依間佢仲可以Keep 住，由開店同依家都仲係好有熱誠，成日都有新花款，最近依間鋪頭多左唔同既丼飯，仲要有自家製既特飲，又出奇地好飲同夾今日試左最愛既鰻魚三味丼，鰻魚好肥美，鰻魚蛋卷，蛋味好香濃，仲要有二件鰻魚天婦羅，用料同份量係都值得比依個價錢。雖然依區有好多選擇，但係對我嚟講，好味好食係最重要，位置唔太舒服都絕對唔係問題。荔枝青蘋果綠茶，好清香、好香甜喺依條街都係汔水為主，依家有得飲下特飲～下次一定要試下個黑糖特飲，老闆話依個唔錯，多人叫。

天氣熱辣辣攪到個人無咩胃口，日日午餐諗食咩都諗到頭痛，今日幾條友本身諗住行去VTC 買吓小食就算，剛巧見到屋台呢間日本嘢，醒起初初開時有試過唔差，轉咗新餐牌好似選擇唔錯，咪再試吓……午餐多咗個自選便當……我哋見個價錢幾抵，1款$48，2款都係$58，咪一人叫個嚟試吓牛拼豬便當牛肉香口，豬就配什菇炒，飯不能不讚，用珍珠米軟硬適中牛肉加雞肉沙律，沙律竟然用嘅係溫室菜，絕無欺場豬扒配蠔，豬扒個汁甜甜酸酸好醒胃，吉列蠔都好好味仲款款都跟埋加州卷同飲品，小店細細食物水準有保持，唯一就係地方細坐落有啲迫開頭嚟到無咩人都好啲，轉頭爆晒出入都好辛苦，食完都唔好意思坐多陣，我諗下次嚟要早啲或者晏啲，咁就可以舒服慢慢食

假期後~成朝都唔係狀態~都唔係好想做野~所以就係openrice 遊走一下，為同同事既午餐做一下準備~lol本身諗想食一間面店~但係出發果陣~同事話試過唔好食~就提議試下呢間日本野~呢到係以先付款的形式~落左單之後就坐住等食喇~店內放左兩張高檯，同一排面壁檯~無論一個人食定搵埋朋友仔都可以ge~同事叫左海蝦三文魚飯~個三文魚真係好巧刀功~都真係幾薄~飯的份量有好多~估計應該差唔多有2碗飯~我叫左咖哩吉列蝦同蠔飯~可能係即叫即整既關係~等左好耐~應該都等左20-25分鐘先有得食== 咖哩味道唔算好香~蠔重蠔味~個粉好香好脆~但蝦同蠔偏油食到個底會見到有層油係到~份量好多~食完好飽 lol ~個餐仲包埋一個飲品~整體唔錯~可以再黎試下其他野食~

因在附近返工, 經常要買外賣。但呢個位置選擇一般, 好多時要跟VTC學生一齊買頽飯。自從屋台開咗, 我嘅生活水平即刻提升咗。屋台嘅外賣每日四款, 通常一款烏冬、兩款便當、一款魚生飯。四十至六十蚊不等。價錢一般, 但份量都足夠。以外賣嚟講, 味道算幾好。飯用返珍珠米, 軟熟好味。CP值高!

Small but they have everything like sashimi rice bowl and fried pork chop curry udon. Not only serve sushi but also hot dish for people who don't eat raw fish. The price is very reasonable. The curry udon costs $55 only and serve in good portion. Great for take out as they serve in plastic bowl. For the sashimi, they are fresh but in thin slides . But due to the low cost, I am fine with it. I pay what I get

日日食晏諗食咩諗到頭痛，來來去去都係連鎖店，食埋啲嘢都唔好食，今日心血來潮行咗去VTC 附近啲小店，發現有間新開日本嘢，見到門口有個精選午餐牌，價錢好抵仲平過茶記，一於試吓希望冇中伏啦，叫咗個豚肉便當$45蚊，靚女話加$4蚊仲有罐裝汽水送，心諗咁抵…得唔得㗎，個餐嚟到發覺份量一啲都唔少，而且仲配埋蟹子沙律，豚肉係用薄片豚肉做好好味，個飯好明顯係用珍珠米，而家軟硬適中，四十幾蚊有咁質素絕對要讚，同事就叫咗個魚生飯六十幾蚊，佢話好新鮮，我反而見佢隻蝦咁太隻好抵，下次過嚟都要試吓先

睇完D食評 我以為又平又正👀$88 一個膠碗海鮮丼平時如果咁多款魚生應該好抵但係咁既質數唔算平 不過D海鮮全部薄切食落D魚唔鮮又無味過下口癮係ok 但係唔使叫D貴款佢地有D平D既飯咁可能都抵食既😂不過大家真係唔好諗住食豪D因為食完會傷心過未食魚生咬落好似好唔新鮮既口感我應該唔會再去😅

同朋友中午經過灣仔，隨便搵下食物，今次想食特別d所以行下行下去左哩間食日本丼既屋台。味道無特別，同爭鮮ge水平差不多。早知去搵爭鮮食個價都吾洗比禁貴。友人叫左個北海道三色丼。而我自己叫左赤海蝦三文魚丼。海蝦好鬼淡味，三文魚十分麻麻，唔知點解會有怪味，可能係雪水，唔太清楚。丼飯ge飯粒唔錯，咬落幾好口感，但刺身令佢失分不少。反而友人ge三色丼話可去接受。如果哩個價錢我寧願比錢去食爭鮮。可讚ge係哩個地方雖然細，不過裝修都不錯，但坐位位置太細，坐得不舒服。下次真係唔會再黎食了。

近日又發現新大陸，係灣仔VTC 附近發現新開小店，攞張傳單睇吓，發現有個十二款味道嘅三文魚壽司，一於即刻入去叫過嚟試吓舖仔細細得十個八個位，不過勝下午茶時間無咩人…，我至愛嘅三文魚竟然一次過食十二款口味，都咪話唔期待個Set 一共12件，每件口味都唔同，最推介當然係魚子醬啦…另外有個櫻花蝦味係火炙完再加上櫻花蝦干，燒完三文魚嘅魚油味再加櫻花蝦，仲有件咩青芥辣沙律醬…好有新鮮感，問過店員可否再單件散叫，店員話先點十二款口味後，可自行再追加指定口味，仲話而家到 1 月頭都會跟聖誕推廣有優惠，一於聖誕Party 再訂多個食吓

呢幾日係公司做到無停手，連想出去食餐晏仔時間都無..，做到人都灰晒....昨日中午突然間醒起，網上外賣平台仲有張Coupon未用，即刻心思思開個apps睇吓有咩好食，發現咗間叫屋台嘅餐廳，見個咩五極丼嘅魚生飯內容好似唔錯，咪叫個嚟試吓囉...一向諗住啲外賣嚟到，唔散晒都偷笑，估唔到今次竟然有驚喜,一打開啲魚生仲整整齊齊排得好靚，甜蝦同三文魚子食得出好新鮮，絕對唔係放咗好耐嗰啲，而且壽司飯仲係微暖，真係忍唔住要贊吓間餐廳啲出品同網上外賣平台嘅服務，令忙碌中帶出一點快樂，結果就好開心食晒成碗飯，一粒米都無剩呀...連外賣都咁有誠意，搵日一定要親身去呢間餐廳試吓先得

 行過見到新開將張, 又到食飯時間, 順便試一試個餐牌太多野揀,叫左個三河鰻魚丼飯見到師傅即叫即整個蛋包鰻魚第一次食, 口感好好鰻魚份量夠飯係珍珠米有質素之選, 會再試其他野

自問自己經常上Openrice搵好野食，周圍搵下邊區有好野食。一直都睇多過寫既我，今日放工無意試過依間日式小店，好想讚一讚，依間有心既丼飯小店。原本唸住同友人去試下附近既日式餐廳，但無意之間行錯路入左內街見到依間新既小店。本來唸住望下餐牌算，點知比間小店牆上面幅豬扒飯相吸引住我，因為依個豬飯係二年前喺一間連鎖日式丼飯店試過，好好味，好回味，可惜而家冇左。為免中伏，就問下門口收銀既姐姐，個一個飯係咪同相既一樣，佢話係，仲話係用特製既醬汁，聽到心郁，就同友人講不如試下啦。入到去再望下佢牆上個餐牌，真係好鬼多野食，心唸真係做到咁多款，最後我都係維持原判，㨂左依個醬汁豬扒飯，友人揀左個照燒雞扒半熟蛋飯，等左差唔多十分鐘上菜啦，嘩真係做到同幅圖一樣，砌到起座山咁滿，即叫即做依個時間可以接受。試完個飯分別有以下評價：飯：用珍珠米，一粒粒，軟硬適中，煲得好好食，大大碗豬扒：食得出即叫即炸，好香口，外脆內軟，唔會有好油既感覺，最緊要係大大塊醬汁：酸酸甜甜，好開胃，（真係同以前食個既一無一樣），只係如果多D汁我依個汁怪會好D雞扒：煎得好香脆，肉質唔錯，份量算多（數個砌完好似有8件）半熟蛋：好有蛋香，估計

公司附近新開咗間日本嘢，昨日個同事買咗個飯返公司食，係咁話好食好正，於是今晚膽粗粗決定去試吓，間嘢舖仔細細唔多位，不過入面裝修都幾舒服，叫咗個油甘魚海膽飯，一嚟到見到個樣直頭驚喜，因為價錢比起而家嗰啲咩咩水產平好多，但性價比絕對高，油甘魚同海膽都好新鮮，而且份量亦唔少，不過啲飯對我嚟講有啲多…我好細食，所以最後都食唔晒啲飯，不過絕對會再嚟幫襯，因為真係好抵食，小店亦可做到餐廳給水平，值得一讚