山一 (已結業)

康城呢間日本餐廳，真係不錯，午餐價錢合理，有個壽司烏冬餐好好味，魚湯底嘅烏冬超鮮甜.壽司食才新鮮，好滿足嘅午餐。一間值得嘅日本餐廳.環境不錯，可以觀看到溜冰場上嘅舞姿。

之前朋友推介我中午黎食呢到既lunch set /果陣時99蚊 有sushi set + udon不過最近黎 果個promotion 已經完左餐牌都唔同左而家係around $128～ $158我揀左貴小小果set 因為有「左口魚」同「深海池魚」😋我雖然貴左 無之前咁抵食不過百令蚊有埋udon 都ok 可接受 Sushi 正正常常而呢個set 我最鍾意既係個烏冬係白色魚湯煮 配稻庭烏冬個湯好鮮既魚味👍🏻set都跟左麵豉湯同埋沙律

「牛氣」餐飲集團以任飲任食日式牛肉涮涮鍋起家，近年不斷擴張版圖、開設新品牌，尤其屯重兵於將軍澳區。集團旗下食肆不斷在區內各大型商場用不同品牌名字，開設不同菜式餐廳。今日在商場睇完戲，就近在商場內的「山一」開飯，坐低望見墊枱餐紙，原來又係同集團。「山一」雖然是日式居酒屋，但採用了西式裝修風格，顏色深沈、燈光暗淡，香港很多大眾化路線的日式居酒屋都喜歡採用這種風格。周末午餐種類選擇繁多，壽司刺身固然是主打，吉列、鍋物、烤鰻魚、天婦羅全部有齊；果然係非常典型嘅港式口味日式居酒屋，最緊要選擇夠多。角切魚生飯最重要種類多而且新鮮，但「山一」的角切魚生飯（$112）只有甜蝦、三文魚、油甘魚、吞拿及玉子，種類不太豐富，而且品種普通。賣相亦麻麻，魚生粒大細不一、顏色亦唔夠鮮艷，未能引起食慾。由於只有魚生質素一般，入口油脂欠奉，口感不夠豐富；只是勝在分量多，每口飯可以食到角切魚生而已。壽司飯採用赤醋調味，只是醋味略嫌太嗆喉；另一樣失望之處壽司飯不是用日本珍珠米煮成，黏度不夠高，口感不夠軟糯。食到一半，發現魚生飯內有一堆不知名東西，有點似日式漬物，但食不出是什麼？而且，漬物亦沒有可能藏在飯內吧？雜錦海鮮鍋燒

晏就食嗌左個牛肉壽喜燒火鍋同埋壽司定食， 睇壽喜燒個圖都有十塊八塊牛肉, 但黎到只有四塊薄切牛肉, 少得可憐。。。完全唔夠食， 但菜就有好多， 配料都還好，食物性價比偏低。。

🤵🏻‍♂️呢間餐廳既侍應一係就🙉唔集中精神, 🙈一係就扮睇唔到你叫佢, 🐒一係就應完唔理人, 咁既服務態度, 就算食物掂, 都真係好難叫人再去食既🙊🍣特上壽司盛 - 8件 ($328)🍣🌆以呢個地段呢個價錢既壽司盛, 期望會比較高質既. 😓但以品均每件四十幾蚊呢講, 好似無咩特別驚豔, 絕對唔值呢個價位😒🥣三文魚魚湯泡飯 ($98)🥣😩普普通通, 食落唔覺有咩味道, 佢仲比D炸完天婦羅, 🧴油淋淋既炸物殘渣你放上個飯道食, 我就唔使啦😳🍎富士蘋果生芝士蛋糕 ($32)🍎😋總體 (味道, 性價比, 環境, 服務態度) : 5/10📭地址: 山一 - 將軍澳康城路1號The LOHAS 3樓319號舖⏰營業時間: 星期一至日 11:30 - 22:00——————————————————————————————🤵🏻‍♂️The waitress of this restaurant were either 🙉inattentive, 🙈pretended not seeing your hands or 🐒ignorance of your order. Its hard for people

餐廳位於溜冰場上面，如果坐餐廳旁邊，可以一路食一路睇人溜冰，我覺得最啱小朋友坐，等佢哋可以睇吓又食下，乖D😊餐廳環境亦坐得舒服首先介紹下個茶碗蒸，材料多之餘，亦好夠熱，味道幾好，值得一試！另外幾道，都係假日套餐，正路包沙律，湯和甜品。個湯碗係富士山造型，幾得意！鰻魚套餐配一碗白飯，鰻魚份量較少，不過擺盆精緻。另外個刺身套餐都係配白飯，服務員話好多人都唔要個飯，但我覺得要埋個飯先夠飽，否則八片刺身正常應該唔夠食！而個壽司套餐份量比較足夠，賣相亦都吸引！

第一次到The Lohas,人生路不熟，但又想吃些好東西，竟然給我看到這間日式餐廳。餐廳內侍應似乎很忙碌，久久也沒有人出來門口接待處。正當我們想放棄之際，侍應終於見到我們，迎接我們入內。坐下後，看看精美的獨立包裝消毒即棄毛巾，感覺上覺得餐廳很注重衛生，心裡平添不少分數。原本侍應取來餐牌，我們也原本只是想跟餐牌點餐。然而，有一位貌似餐廳經理的人來替我們下單時，他建議我們聆聽一下是日廚師推介......聽過推介，結果我們大多選取“黑板”上寫的是日推介。是日推介並非特平，但是以優質取勝，就連盛載食物的碟及放置食物的擺位，也讓你覺得每樣食物均十分精緻。而且，食物用料絕對不遜於中西區日式餐廳，但價格就相宜得多。蠔清新，富口感。白蝦刺身很新鮮。煙燻鱈魚十分美味。燒白鱔皮脆肉彈，炸雞味道香濃。鵝肝多士十分香口。貝類新鮮爽口，海膽相當質素較一般。雖然餐牌內有很多cp值高的餐，但我覺得偶爾豪一次，值得試試是否推介。

康城新商場開咗之後都嚟咗幾次搵朋友，本來感覺好似都唔算多新食肆可試～但再嚟到就發現一間叫 山一 嘅日本料理呢度環境裝修都幾特別～以為佢一條窄窄嘅走廊得幾張卡位但原來入面仲有更多座位☺️當日時間比較趕，所以急急叫咗一個魚生飯食，就無試其他嘢。魚生飯就當然要試下蔥花吞拿魚蓉嘅質素啦！呢個魚生飯同出面價錢差唔多，當日都算幾夜先入座，但海膽同吞拿魚蓉都算好新鮮，我都可以食晒成碗飯！可見都好滋味。下次想再嚟試下其他小食，睇下整體質素如何👍

食物看上去很精緻，味道不錯，最喜歡他的烏冬，很滑也很鮮味，魚生和壽司很新鮮，其他食物也不錯。今次是來慶祝結婚周年，服務很好很有禮貌，我和先生也食得很開心很滿意。

上次我排隊等咗好耐外賣自取。佢哋寧願不停招待客人入去堂食。都唔想招待我。之後我決定打電話叫。佢都要我等咗成20分鐘。我都同佢講咗我等咗好耐。不過最後我用咗openrice 外賣自取的確方便咗好多。食物質素係可以。但員工服務態度效率可以改善。其實本身想打去集團投訴。但冇咗呢個心情。等叫外賣等左30分鐘。之後改用電話叫。hold 住條線都可以等20分鐘。我懷疑呢間餐廳不停搵新人做。其實佢哋堂食啲員工本身都唔係好熟餐牌。門口招待嗰個男仔好似只係想做堂食生意。嘢食價錢中等質素不錯。

星期日去到康城，下晝諗住食吓日本嘢，見山一開咗咁耐冇食過，評論又冇咩點伏，個樣靚靚地，抱住商場餐廳應該中規中舉就試吓。點咗個刺身定食有吞拿，帶子，劍魚，三文魚同赤蝦，出嚟個樣正正常常，點知一食啲魚生係勁唔新鮮，仲有好大陣腥味😖😖😖，食完每一樣嘢要浪口，或者沖啖飯落去去癖除啲腥味。礙於禮貌關係冇同餐廳講，最後我冇食哂，但侍應冇問我啲嘢食點🥲同行男友叫咗個壽司拼盤佢話 ok 一般。$168 刺身定食唔係貴唔係平，但真係好唔新鮮😖😖究竟有幾多係俾咗貴租，入食材要慳住慳住。

星期日去朋友新居坐下，再去樓下商場食晚飯，五點到就入座，慢慢食慢慢傾。朋友鍾意飲酒，一坐低就先點酒🍶西山小鼓純米大吟釀$680 一樽Toka Hyogo $680 per bottle 廚師發板$588 （十貫）Chef Selection 最欣賞係墨魚海膽壽司，海膽新鮮，鮮甜。赤蝦壽司都出色，配蝦膏金目鯛壽司，輕輕用火槍燒過，更為突出魚鮮味。各自食完10件壽司，意猶未盡，再追加串燒。串燒拼盤（虎蝦兩件，博多雞翼兩件，秋葵、山形縣米茄子）蝦比想像中大，而且非常新鮮彈牙，雞翼都燒得好香，配酒一流。整體環境不錯，但係價錢略貴。

星期六。 下午。 陰天第2次嚟日山康城，好耐冇食日本野，所以就揀左山一。門面都幾特別，佢位於商場既一角，近出口位置,要d時間去搵。Lunch Set都幾多選擇，有一頁係魚生，壽司，有一頁係全熟既食物，生同熟都各自有8，9樣選擇,比起出面餐廳仲要多好多選擇，唔驚冇野唔岩食喇我就叫左北海魚生飯（即係三文魚，三文魚子同海膽）成個set就好似上面咁，有湯同沙律，份量唔算多。d魚生飯唔係白飯咁簡單，而係用心製作過既有色有味飯，可以唔使另外加豉油落飯道。之後再叫左兩個小食煎餃子，稍為燶左d,食到有d苦味，不過個餡係唔差。炸雞，雞肉嫩滑,Juicy, 個醬有d辣辣地，都幾醒胃。我地同小朋友一齊嚟，服務員都會同小朋友玩下，臨走前，服務員姐姐仲送左糖仔俾小朋友，係一間小朋友友善餐廳。

◭ 螢光魷魚配蛋黃醋前菜螢光魷魚是季節限定😆外表晶瑩通透嘅魷魚仔🦑觸鬚鮮甜爽脆配蛋黃醋係一款好開胃嘅前菜👍🏻◭ 香蔥金槍魚蓉卷 $92好足料嘅金槍魚蓉，目測有2cm高壽司飯係用加入赤醋，呈琥珀色，比一般白米飯更具柔和嘅酸度，味道更香醇濃郁、更具層次感😆◭ 特上壽司盛 $328有金槍魚腹、三文魚腩、真鯛、左口魚裙邊、牡丹蝦雲丹、馬刀貝、松葉蟹肉伴蟹膏！壽司質素非常新鮮，配以赤醋飯，與油脂豐富嘅魚鮮相配👍🏻◭ 油甘魚刺身 $48好肥美又好厚身嘅油甘魚刺身😆◭ 牛舌芯 $48推介必試👍🏻熟透程度剛剛好，牛舌好有咬口◭ 日本鹿兒島和牛串 $68和牛串燒得啱啱好，每一粒和牛都好Juicy◭ 博多雞翼 $28燒到金黃色嘅博多雞翼，雞皮脆身，雞肉好嫩身◭ 雞軟骨 $22粒粒好香脆嘅雞軟骨😋◭ 柚子雪芭 $58超級香濃的柚子味☺️整體食物質素中上水準，壽司、刺身、串燒各有特色，山一嘅Wasabi係師傅自家調製，環境同服務亦不錯👍🏻不妨一試😆

// 𝙄𝙣𝙙𝙪𝙡𝙜𝙞𝙣𝙜 𝙞𝙣 𝙀𝙭𝙦𝙪𝙞𝙨𝙞𝙩𝙚 𝙅𝙖𝙥𝙖𝙣𝙚𝙨𝙚 𝘾𝙪𝙞𝙨𝙞𝙣𝙚𝙨 ⛩ //.Nothing’s more comforting than savoring some authentic and yet delicate Japanese cuisines at Yamaichi🇯🇵; a palate awakening and a comfort zone inspired with the concept of Japanese Izakaya🏮!.▪️𝐒𝐞𝐚 𝐔𝐫𝐜𝐡𝐢𝐧 (𝟒𝟎𝐠𝐦)▪️[𝐇𝐊$𝟏𝟔𝟖]From its beautiful presentation to its rich flavor, the sea urchin was thick, creamy and buttery in texture, yet briny but not overly salty in flavor, leaving a sweet ocean flavor with mineral taste on the tongue!👅.▪️𝐘𝐚𝐦𝐚𝐢𝐜𝐡𝐢 𝐒𝐚𝐬𝐡𝐢𝐦𝐢