山下菓子 (T.O.P This is Our Place)

營業中

休息中

.你最愛嘅 Snoopy 主題餐廳 終於嚟到香港！💕童年回憶 × 美味體驗 x 打卡紀念，一次過滿足你味覺，嗅覺及視覺嘅期待！🌟.💛 亮點搶先睇：🍱 精選主食：日式和風飯、創意洋食，滿足你嘅飽足願望～🍟 人氣小吃：脆炸薯條、日式小食，無時無刻都係最佳選擇！🍹 特製飲品：Snoopy特製飲品、味覺衝擊的氣泡飲，每一口都甜到入心！🍰 限定甜品：Snoopy造型曲奇、Woodstock梳乎厘，樣靚味更正！.📸 全場打卡熱點！Snoopy牆畫及裝飾牆、特色場景打卡位，每個角落都係相機最愛，童年回憶一次過影晒！.🎁 限量周邊商品：主題限定杯、食物碗及其他精品可帶返屋企，又可以做收藏品！.🌟 立即約埋你嘅朋友，一齊嚟感受Snoopy的全新味蕾之旅！⏳ 75週年只有這一次，只有呢到！日式炸蠔蛋包飯，滿足你嘅味蕾！.喺山下菓子，我哋唔單止有得意嘅Snoopy主題甜品同飲品，仲有令人垂涎三尺嘅美食等你嚟品嚐！今日就為大家推薦我哋嘅招牌菜式—— 日式炸蠔蛋包飯！.✨ 食材新鮮，分量十足💥精選優質生蠔，炸至外焦裡嫩，香氣撲鼻！💥特選日本蛋  調製出山下菓子滑溜蛋漿，蛋香四溢！💥嫩滑嘅蛋包飯，包裹住粒粒分明嘅

今日年初八，唔算好full⋯⋯第一次光顧，感覺只有一個，非常“業餘”⋯⋯男店員明顯非常咁「兼職」⋯⋯女店員係一個唔係太繁忙嘅情況下，表現得好有「尊嚴」（講嘢冇尾音），對於詢問異常「冷靜」（冷漠）⋯⋯叫我自己上網check⋯⋯食物質素，係插左個Snoopy牌同多左塊Snoopy餅既「殺你丫」⋯⋯但老婆鍾意Snoopy，呢個價錢，有七成係要黎俾版權費。（同昔日係尖沙咀既查理布朗⋯⋯差好遠。）新年快樂，多謝款待。

一入場已經感受到呢間野既職員對現實既不滿，完全係佢介紹manu時候既語氣感覺到。食品好一般，不過呢間野都係同唔同公仔做crossover先搵到食。個咖哩飯啲咖哩完全無味，肉就只有好淡淡既洋蔥味，肉味係0。個炸雞只係一個著通20$街邊貨。野飲唔錯既，但完全對唔住個價錢。總結黎講唔建議任何人黎食飯，你只會令你一日既興致完全破壞。呢間野既職員會令你感受到香港人番工既壓力，出黎消費都係想開心！所以唔好黎呢間野！唔好黎呢間野！唔好黎呢間野！

日前為了snoopy第一次光顧，肯定亦係最後一次，用餐體驗實在太差，人生以來最差！一到步，告知一位瘦，說話無尾音嘅店員訂了位，但店員說沒有我的電話紀錄，當時店內只有一半入座率，爭辯了幾句後，我出示埋電話what’s app通知，該店員一味話無紀錄，我詢問咁依家入座有無位？呢位店員話有，但態度不友善地堅持強調找不到我的訂座紀錄！咁我就講，咁你當我walk in啦！(其實即時有位，爭辯嚟做乜呢？)入座後，黑口黑面地上菜，上兩杯飲品連紙牌杯墊，食到一半時，呢位黑口黑面店員突然拎走兩個紙杯墊，同我講，你唔夠最低消費，所以無杯墊！當刻感覺真係差到一個點，仲以為佢送錯左個真金鑲鑽杯墊比我！再上網望一望，態度惡劣係普遍嘅評價！香港就係俾呢啲服務業嘅害群之馬累死！

網站相片的蛋糕相片，與實物蛋糕超級不相負，Macaron tree 網站相片同實物色差太遠，所以才更換另一款色，但為何發生同類事件，相片與實物差太遠及保鮮花朵花瓣有黑邊的，為何洗左4佰幾以上的價錢，换取了「生氣和失望」。

期間限定。「兩大萌熊」🐻小熊維尼 Winnie the Pooh 和 勞蘇 Lotso 主題 Café 咖哩吉列豬扒蛋包飯(小熊維尼) $119造型好可愛，吉列豬扒炸得香脆而不油膩，咖哩汁味唔算太辣而帶甜，所以小朋友也啱食👍飯是蜜蜂🐝造型上面還有紫菜， 還有跟一個炒蛋， 份量啱啱好最窩心送上一小熊維尼造型曲奇🫓泡沫咖啡☕️ $42門口出面還有打卡位， 內面有好多 飾物和紀念品可以購買， Café 顏色好鮮豔氣氛好好🥰📍Kingsley Cafe & MealT.O.P Shopping Mall旺角彌敦道700號3樓315號店12:30-21:00 旺角地鐵站B2出口

上年尾，得知旺角T.O.P 3樓的 <山下菓子> 又再做 Mofusand 主題，今次真的機不可失嘞！當時期間限定12月，供應Mofusand 主題美食！咁啱我帶咗隻公仔出嚟，返工上車先睇到間限定主題餐廳，即興當晚就去嘞！ 約朋友都嫌遲呀！最驚喜可以食完拎走隻杯、牛奶凍玻璃樽，埋單抽襟章！店內各處都是打卡位！Menu以電子掃 QR code 落單！用餐限時75分鐘，而且規矩多多！ Mofusand 主題餐 $158超級夏威夷薄餅 夏威夷薄餅的薄餅味道穩陣， 幸好！薄餅薄身如餅乾，否則，我會飽到食不落甜品！紫薯千層蛋糕唔算好甜，牛奶凍奶味重，微甜！抹茶拿鐵 $88 (連杯價)無落糖，苦到呢！親加咗大半個雪糕球都於事無補！期待日後店方會 crossover 什麼人氣公仔主題呢！

為左呢個mofusand主題而黎，當然不可以空手而回。留意下，佢經常聯承唔同主題。今次貓係朋友要求要黎。booking聲稱90mins，所以一入去，即睇有乜可以叫而有紀念品攞走嘅。翊住睇清楚或問清楚，乜嘢嘢飲或嘢食先有嘢送。不過本身都寫得好清晰嘅。茶飲89，明啦，為左隻杯。果茶，又係為左杯。都幾好，第二階段都有3款不雕選擇，有肉桂狗，布甸，同水怪 個盤，原來要自己洗，無新，佢會比個密實袋你攞走，不過我都去左洗手間洗洗先，感覺良好些。個餐得幾隻餃子一堆薯條，真係當自已比少少錢買個盤咁囉。個炸蝦我無食，不過一句到尾，百幾蚊個小食併盤，茶記質素。個吉列豬扒咖喱蛋包飯都係咁上下，不過不失。吉列豬扒當算脆口同唔油。而個卡邦尼幾好，可能我鍾意玉子蛋，佢甜左少少，但配個意粉cheese味都叫ok嘅。甜品方面，tramisu梳乎里班㦸蛋黃味過大，如蛋白苿重D好些，但質感尚算空氣感得黎夠soft。朱古力手工千層蛋糕，一個字“乾”，可以只叫個奶凍食會好D囉。似係MT個間嘅奶凍苿。朋友叫呢杯menu無嘅咖啡，幾有富士山feel。整個用餐一句，為左贈品而𠥔係唔錯嘅，嘢食不過不失，價錢係用黎贈品都覺得ok嘅。

今日本身見到出邊好似幾好睇咁，然後佢冇講明要最低消費嗰啲嘢，勁惡咁樣喝我哋，入去入到去發現每個人最低消費$150，佢每樣嘢食都係120至140左右，反正兩個人兩樣嘢食加埋就唔夠$300，然後就諗住嗌一杯嘢share，一杯$80😓，個飯嚟到得嗰半碗都冇，成舊嘢扁到，一人一半一個人兩三啖食晒。個量仲細過兒童餐。個咖喱汁個飯個蛋啱啱到，係凍嘅。佢個Menu話係蛋包飯，原來蛋包飯個蛋唔包住個飯，佢係分開嘅。杯嘢飲上面嗰兩舊啫喱有睇似donki買嗰啲日本小朋友diy玩具嗰隻膠味。上面嚿cream超難食。杯嘢飲咗兩啖就冇。。。再講吓佢個裝修，本來以為入到去會好靚，點知得幾塊海報。。。。一個鐘後，個疏乎厘終於到。味道正常，等一個鐘3分鐘食完。最後諗住忍痛埋單嗰陣，發現要加一服務費。諗住買單嗰陣係咁hi個服務員佢先理我。同埋同埋想講，食食吓係咁有烏蠅飛埋嚟😅😅😅這是一個不好的經驗，令我造成巨大心理創傷。

知道山下菓子最近同百變小櫻合作所以放工就同朋友過黎旺角食晚餐😋百變小櫻係兒時回憶 細個日日都會追黎睇🩷古羅咭之書 燒汁雞扒定食 $129定食裡面有飯有湯有餸搭配小食雞扒好嫩滑 唔鞋口 個燒汁好正珍珠米好咬口 麵豉湯唔算鹹 適中易入口🥰明太子忌廉蛋飯 $139造型好精緻👏🏻芝士印有星星圖案蓋上蛋既上面 混合埋蛋包飯一齊食 感覺幾特別 蛋好滑溜🥚基路仔 茉香芒芒芝士奶蓋 $79奶蓋上有基路仔圖案 奶蓋好滑芒果味較重 整體ok👍🏻

位於旺角嘅「山下菓子」係一間超有特色嘅日式甜品店，一入到去就感受到濃厚嘅日式風情。裝修簡約而精緻，牆上掛滿咗各式各樣嘅和風裝飾，仲有淡淡嘅和風音樂，令人感覺好放鬆。座位安排得好舒適，無論係同朋友一齊嚟享受甜品定係自己嚟放鬆一吓都啱晒。今次我試咗佢哋嘅招牌甜品「抹茶紅豆鬆餅」，真係無得彈。鬆餅外脆內鬆軟，抹茶味道濃郁但唔會過苦，配埋甜甜嘅紅豆餡，口感豐富。仲有佢哋嘅「焙茶雪糕」，焙茶香氣撲鼻，雪糕質地綿密，入口即溶，甜而不膩。最後當然唔少得嘅係「日式和果子」，每一款都精雕細琢，口感細膩，味道十足。店員嘅服務態度非常好，笑容滿面，令人感覺好親切。無論係環境、食物質素定係員工態度都非常出色。價格合理，性價比高。如果你鍾意食甜品，尤其係日式甜品，呢度絕對係唔錯嘅選擇。下次一定會再嚟幫襯，推薦俾大家！🍵🍰

見到鍾意嘅主題就book咗枱，為咗基路仔，叫咗唔少餐，炸嘢幾好食，叫咗一個定食送枱墊，一個小食送機路仔木盤，一杯熱飲送杯，一個朱古力千層蛋糕送甜品杯，兩個人食建議淨係嗌一個煮食share，咁就可以叫其他小食要埋啲限定精品～social media post留言送咗杯凍既綠茶，定食同小食個雞件唔錯，見隔籬枱叫炸豬扒蛋包飯個豬扒就好柴😂好彩冇揀錯～2人連加一食咗$5xx，但為咗我最愛嘅基路仔，加錢買咗個基路仔咕𠱸～7月3號先開始，6號佢哋連個餐牌都未整好，冇得睇靚餐牌住，只可以靠QR code睇文字落單 ，希望快啲整好啦😅

今日要到旺中辦事，中間有時間，當然要入百變小櫻店感受那青春熱血。環境佈置超正，係打卡好地方，有一比一人像，有小櫻不同的造型，工作壓力盡去。今次沒有時間選小櫻餐，點選了午餐C，最愛的蛋汁卡邦尼意粉。意粉軟硬剛剛好，有咬口，每條意粉都沾滿了蛋汁，入口順滑。當然火腿絲亦不少，明顯有爆炒過，增加香味。加上分量對女生來說，真心要有食力，才可以完成。餐廳提供餐飲不少，有咖啡，檸檬茶，汽水，梳打水等，當然亦可點選特色飲品，任君選擇。

見到呢間ᴄᴀғᴇ網上預約好快ғᴜʟʟ左😱當日只能ᴡᴀʟᴋ-ɪɴ排左超過1個鐘先入到🥲餐廳期間限定推出ᴍᴏғᴜsᴀɴᴅ聯乘sᴀɴʀɪᴏ主題落單時食物可選擇sᴀɴʀɪᴏ公仔圖案陪襯但果日剩返好少圖案選擇好彩仲有我鍾意的水怪及ᴍᴇʟᴏᴅʏ😍sᴇᴛ ᴍᴇɴᴜ ᴀ 👉 (主食 + 甜品) $168卡邦尼意粉🍝見到ᴍᴇɴᴜ有粉紅卡邦尼但已經賣晒🥹，只可以叫普通卡邦尼意粉，一上枱已聞到陣陣玫瑰花芳香🌹，意粉表面撒上玫瑰花瓣，撈埋一齊食充滿玫瑰香氣，醬汁中含蛋汁及有少量芝士粉，入口帶有流沙感，食落都ᴄʀᴇᴀᴍʏ每一條意粉都沾上醬汁，蛋香雖夠但芝士味不足，但配合煙肉🥓及洋蔥🧅增添口感都唔錯士多啤梨手工千層蛋糕🍰一層層薄薄的蛋皮配上軟滑忌廉，食到淡淡的士多啤梨味，入口充滿層次感，配上少量新鮮的士多啤梨伴碟，酸甜不膩，另外奶凍食落奶味唔夠重，不過食完後奶凍樽可以帶走，填飽第二個胃都好滿足🥰吉列豬扒咖喱蛋包飯🐷🍛平時食開蛋包飯是以蛋包起成漂亮的橄欖形，估唔到今次食係分開上，吉列豬扒唔算太厚，炸到金黃香脆豬扒又唔乾，蛋口感滑溜帶有蛋香，咖喱汁香甜惹味拌飯一流👍食物水準好好，但公仔圖案全部都係紙牌，感覺有啲失望

✨mofusand迷必到😻 山下菓子✨ 💠💠💠💠💠💠💠💠 山下菓子之前都試過同mofusand crossover，但上次book唔到，所以見今次再出即時book！！dinner booking得兩個時間：1800-1930 & 1940-2110~ 如果真係book唔到，我覺得可以試下碰運氣walk-in，我地食1940，早左入座，都發現坐唔滿~今次活動最特別係如果每人食夠$150，就可以帶走mofusand既精品！包括木托盤同杯！！ 💠 明太子雞翼小食拼盤$139分量比較少，有薯條，兩隻明太子雞翼同沙律菜~但價錢其實包埋個木托盤，所以感覺會貴d，由於已經係接近活動尾聲，所以有d款已經送完~但係值得一讚，木板質素高~如果會自己下厨既，可以重用~💠 和牛漢堡扒咖喱蛋包飯$159味道不過不失，一人分量都夠食~咖喱係日式咖喱，唔辣，小朋友都岩食~ 💠 Tiramisu梳乎厘班戟$119如果想食pancake, 一定要預先落單，入座20分鐘後就唔比再落甜品！要注意啊！pancake都係不過不失，好味，鍾意食souffle pancake既就唔好錯過~ 如果大家無打算要精品，又好似