山崎麵飽

營業中

休息中

去山崎多數買十蚊綠茶波波+ 芝士波波，另外十蚊買其他包仔~ 有一款十蚊四個(定五個呢?)芝士包好好味~ 外面係有d 白色粉(麵粉!?)，裡面係一粒芝士~以前覺得CWB 三越分店最好食，不過依家都冇左~ 荃灣分店呢....南豐呢幾都OK，而另一間分店(綠楊商場往千色店天橋、中途商場果間)..唔知點解果間d 包係另一回事~好似我話果種芝士包，佢個外形同味道完全唔係唔同(但確實個名同餡係一樣)邊間分店都好，呢度既包隔個夜就唔好食既~

係芝士波波架啦, 仲有邊樣呀... ^_^

$10 7個平到震, 但係佢真係冇A-1咁好味, 因為佢個皮唔脆. 如果大家要食我會recommend朱古力, 芝士, 綠茶紅豆. 唔好食芝麻同埋一個黃黃地色有d杏仁o個個.

近期以麵包當午餐,山崎好多款麵包我都試過,但的唔起心肝寫食評,但呢款soft cookie真係要寫一寫,因為實在太特別!名牌寫住"超軟曲奇",心諗口感應該同菲絲太太軟曲奇相似,所以買左一包試試。點知食落口感唔似我想像中個d,反而好似中國傳統餅食--光酥餅!!望下個餅,真係連個外表都似哦!!事實上撇開質感問題,味道都算ok,甜度適中,只係乾左少少,食完一個再飲水,真係幾頂得肚。

呢次我買左個咖啡卷蛋, $11有3件,蛋糕唔算軟熟, 比較鞋口, 亦有少少裂痕,coffee cream比較多, 夠滑, 可惜我唔太鐘意cream,咖啡味好香, 味道是可以的, 不過佢又冇一件賣, 有一pack咖啡包都想試下, 不過pack pack都扁晒的...如果鐘意coffee同cream既都可以一試!service一般, 成日都有凌亂o既感覺!

呢度新開左間yamazaki, 其實永安樓下都有間,不過呢間新店有埋工場有fresh包食.買左呢個雙色朱古力包$5.5, 包身較硬..個包雖然係朱古力色, 不過都冇朱古力味gei,中間個朱古力餡都冇朱古力味ga!完全唔好食... $5.5個又真係抵gei, 不過唔好食有鬼用咩.

今早太晏食...又唔想食麵...於是走黎睇下有咩新款麵包....見到個大大個既燕麥合核包...$7/一個, $11/2個, 買左一個黎試...! 返左屋企再焗熱...幾香...不過...密度唔高...雖然大大個...都食得哂! 合核預左唔多...一般啦!

今早又去了山崎....本來想買芝士軟法包...搵唔到...結果.....選了$10/5個麵包仔做早餐.... 綠茶紅豆..(麻麻, 因為無咩紅豆香)...合核麵包...麻麻...因為食唔到合核...芝士包...正..因為細細個都有幾舊仔芝士....火腿芝士包...都幾多餡....最後一個係朱古力酥...幾多朱古力, 唔太甜! 最後俾錢時...亞姐話紅豆餅又係兩蚊...為左兩個印印又買左....做左午餐....紅豆味濃!

朝早既麵包無下午既咁齊....有時想朝早買黎做早餐...都會失望而回...! 昨天見個架上無乜方包...就買姐姐有無四塊厚切麵包, 佢話切緊高鈣方包...問我要唔要...我話好呀...留邊既...! 今朝夾左芝士蕃茄....厚厚既麵包...大大啖, 又新鮮....不錯不錯...由於12蚊有兩個印...磅方包11.5...唉...於是買埋半價既紅豆草餅....下午當甜品食...幾軟熟...!間鋪如果大少少就好啦....

平時我就最鍾意食朱古力既野架喇，一見到山崎麵包已經急不及待入去買麵包！因為入面好多麵包都岩我口味，最尾我都係買左朱古力冬甩同朱古力酥。前者$4.5,後者$3 !!個朱古力冬甩真係唔錯，朱古力同埋包混埋一齊真係不錯，個朱古力酥雖然淡淡地，但都幾好味。有時夜ｄ去仲比人買晒添！所以我覺得山崎既麵包值得一試，又唔會太貴。

嘩, 哩個咁大包, 好抵食可惜味道真係冇我諗既咁好食一d麵包香都冇莫講話黑糖既味同香又唔係好軟熟早知買英方重好食

今日約左人去荃灣,經過山崎入去買左個芝士法包當早餐,個包都幾大個(切開左一半的),面包上面有小dd焗脆左的芝士,入面就有好多一粒粒既芝士,第一啖咬落去就已經食到d芝士,咸咸香香的,好好味,但個包唔係咁脆,有小小'un' 但都好好食,而且份量同價錢都適中,食得過。

上個星期咁o岩經過~~諗住入去買包包食~~跟住聽到d收銀細細聲講~~話原來而家買$12係有兩個印花架喇~~但佢張印花卡仲係寫$12得一個囉~~佢又冇o係間鋪頭入面貼d notice 話俾d客人知~~都唔識做生意o既.........仲有呀.......我明明買左$12~~跟住收銀o個個妹妹他竟然同我講係$12.5~~跟住我梗係同佢講係$12啦~~佢又死都唔信~~猛咁同我爭辯~~又懶得去計多次喎........到最後搞左一段時間~~佢先肯由頭再計多次~~最後當然真係佢自己計錯數啦.........跟住佢又冇講對唔住或者唔好意思~~仲要黑黑o地面.........都離晒譜架........搞到我幾尷尬呀........跟住我就即刻打去佢地o既客戶服務熱線投訴~~到左第二日o個個分區主管就即刻打俾我解釋同埋道歉喇~~所以若果大家對山崎有咩意見同不滿~~都應該打去同佢地講~~如果唔係o個d妹妹仔o既服務態度係唔會有改善架!!!!!!

八個幾有六個都幾抵既,其實唔係好甜ga ja ~都好,起碼我食得放心d,哈,個包身好一陣風, 我一次食哂六個都好似冇食過野咁...

今次食$10/7個包包,5個牛角, 2個腸仔,d牛角好唔掂... 一d都唔似食緊牛角包...冇牛油味, 唔鬆脆, 一句講晒, 唔得...反而腸仔包都ok, 不過都好難唔好味掛,如果$10有7個迷你腸仔包, 都ok,因為都唔算勁細個