山林壽司 (已結業)

上個星期同班朋友經過呢間野，咁就諗住入去試下. 期間叫左海膽、帆立貝同油甘魚刺身，嘩真係味試過啲海膽腥既大佬， 另外唔知係我個人感覺定乜，啲帆立貝有陣酸縮味，同埋壽司啲飯散既？難過夾公仔🤦🏻‍♂️. 叫左幾樣見到咁既質素都冇繼續叫. 一開始係門口見到間野細細間好似幾有風味幾特別，係特別難食阿！講返起食完個啲海膽係個口陣腥味遲遲都唔散，真係想嘔. 原來尖沙咀都有啲咁伏既所謂壽司舖真係又貴又難食，不過呢啲純粹我個人意見，難食！

山林道似乎是美食地帶，是晚淺嚐了一下山林壽司，在門外看了一下餐牌，價錢尚算合理，試試看吧。本人熱愛左口魚裙邊，二話不說點了兩客。另點了三文魚籽軍艦、帶子刺身。頗失望的，左口魚裙邊的肉質像壞了的魚，魚肉很爛、完全沒有魚油香味。暫時人生中食過最不好吃的左口魚裙邊，竟然在山林道。三文魚籽軍艦，紫菜是稔的，又一個失望。三文魚籽不算特別新鮮，跟在大超市能買到的差不多。帶子刺身有腥味，真是服了這店，除了用上的壽司米是還可以⋯ 其他沒什麼可推薦的了

之前係公司叫ubereats.. 試過佢既壽司同玉子燒都唔錯今次試下堂食先小店形式，得3－4檯，好彩行得快，行得慢黎到都無哂位佢無咩小食，主打壽司同刺身，因為店員話夏天少人叫..所以無提供。帆立貝超大..但價錢唔算貴，其他鋪頭會分2個價錢，帆立貝同超大帆立貝，但係山林壽司用帆立貝價錢就食到超大帆立貝啦仲叫左海膽、蟹棒、油甘魚等等。海膽超新鮮因為海膽超新鮮，忍唔住要再叫多一次；北寄貝同出現食果d唔同，特別爽口，好味過平時食到果d 自家製玉子燒送到黎仲係熱辣辣..因為得2個師傅，又要負責落單，收錢，所以佢地都忙到無時間主動加水但一叫佢地就會幫你加D

路經山林道，見有位，即刻入內解決肚子需要。之前經過數次，可能都是正值繁忙時段，都客滿，只能路過而沒入內。即叫即製的壽司，大部份都是一客兩件。除了餐牌上的選擇，還有時令推介，都寫在壽司吧上的餐牌。落單的時候，直接告訴店員就可以了。今晚不算太餓，所只以點了4款壽司，包括帆立貝、蠑螺片、炙燒左口魚裙邊、拖羅蓉軍艦。師傅會將顧客點選的壽司製作好，一次過一盤奉上給客人，加上即叫即製，需要一點耐性等待。因為這是小店，人手有限，即叫即製，請稍有多點耐性等待美食。若果打算匆匆吃點東西填飽肚子，勸你還是另覓地方。店裡坐位有限，只有三張二人枱和一張四人枱，所以昨晚也有不少人是買外賣取走。

今次係第二次黎食 ，裝修簡單，全場得10個位到好彩我有訂枱，我今次帶咗老婆同兩個朋友過黎食拎埋支威士忌黎飲好彩呢到吾收開瓶費老闆真系好人 ，跟住叫左好多野食 ，我地叫左兩轉野食，個海膽真系好鬼正，可惜無赤貝如果要食其他食材既話 就要提早幾日打電話比老闆叫貨。 ，有好多吾記得影相，味道夠新鮮 ，份量岩岩好 ，老闆份人好熱情，九龍區好少有深夜營業嘅壽司鋪 四個埋單都系一千七百幾 一D都吾貴 一定會長期keep過去 食👍🏻

深夜時間尖沙咀收工又想食壽司。。真係一個難題。。 haha! 但係OpenRice 就幫我解決左呢個問題！俾我搵到山林壽司！舖頭細細，一張4人枱，三張2人枱，裝修是簡潔的日式風格。 Menu用環保模式，寫左膠片上就ok!First Round sushi~ (由上至下、由左至右) 希靈魚-普通la、三文魚腩- 不夠肥美、劍魚腩- 新鮮好味、鰻魚- ok的、炙燒三文魚- 好甘香呀！叫左支細的大吟釀~ 入口甘醇軟殼蟹手卷~ 如果再脆d就好la!雞泡魚乾~ 是較厚魚肉，很有口感！特大牡丹蝦壽司~ 好新鮮，蝦肉爽口，蝦頭很多膏！吉列蝦卷~ 蝦炸得好鬆脆, 好好味！心情好自然食得多～ order second round 時師傅問係咪真係叫埋個丼😂 話我地好犀利！吞拿魚壽司~ 好鮮味！炙燒芝士蟹棒壽司~ 珍寶蟹棒加上芝士炙燒後散發濃濃香味，正！鵝肝壽司～ 燒得啱啱好！鵝肝係口中溶化的感覺實在太美好！中華沙律～ 不過不失。炙燒三文魚帆立貝丼~ 三文魚同帆立貝各4片，伴有蟹籽及蛋碎蟹柳碎，飯是微熱的，份量比例啱啱好！順帶一提，呢度d wasabi 好好味😁師傅的服務也不錯，有空時會主動加水，也會推

唔好睇佢門面細細廚師整嘅食物好有心機久唔久跳舞前都會黎食啲壽司 因為近近哋 又幾好食依日唔想諗食咩，點左omakase全部都係我中意食嘅😝lucky 三文魚子軍艦、海膽軍艦、炙燒左口魚群邊壽司、帆立貝壽司 ⋯⋯ 海膽好鮮甜 我嘅至愛😍最緊要好食 又唔太貴！

雖然呢板海膽唔算好鮮甜，但勝在質感細滑，份量夠多，見到都流哂口水，而且腥味唔重，亦都無乜苦味，已經勝過好多日式連鎖餐廳嘅質素～ 同埋，如果要嚮出面食到呢個份量，我諗無200蚊都難啲，所以性價比嚟講，絕對抵食。 坦白講，壽司嘅魚生用料本身唔差，特別係帆立貝同埋海蜇，前者味道鮮甜，後者就口感清爽。但壽司食起上嚟就比預期中失望，一來壽司飯無乜醋味，甚至可以用淡嚟形容，令到成件壽司嘅味道好單調，二來壽司飯亦都好容易散開，代表力度同水分嘅掌握都未夠好。 希望下次再嚟嘅時候，會有改善～ 

手工好、新鮮、好味，而且價錢不算貴。最令人驚喜係個wasabi好鮮好好味，而且服務態度都好好。第一次寫食評就係為咗呢間野！唯一冇咁好就係選擇比較少，不過小店都算係咁👍

放工搵食路過山林道, 在門口見到佢哋定食價錢都合理, 就入去試試~舖內其實得一行位, 坐盡都只有10個位... 雖然冇豪裝又舖仔細細, 但感覺都乾淨企理~坐低先知原來佢哋除咗定食仲有多款壽司, 即叫即做~ 不過我又趕住去上堂, 就簡簡單單叫咗個雜錦壽司飯定食~都好大碗又足料 (只係影出嚟有點迷你, 實質上係個大湯碗) , 仲跟前菜同湯㗎~我最欣賞就係個湯, 睇得出店主用心~裡面係真係有三文魚骨, 味道好夠! 唔會好似有啲舖頭, 冇哩味道又或者求其用開粉嘅麵豉湯!食到飽飽, 埋單$108, 我覺得都幾抵食, 有機會要再去~

因為好想食日本野但係係尖沙咀邊間日本野都幾貴😂諗住lunch time買d野食翻去食，經過依間野果陣俾"師傅話事"個牌吸引到，就諗住試下其實入面唔算大，不過感覺放工同fd泥飲清酒傾下計都幾正😛然後因為平時多數lunch time出面勁熱唔想落街，所以問埋外賣送唔送，佢地竟然成個尖沙咀都送👍🏻👍🏻佢地仲好nice😂叫左個軟殼蟹手卷外賣，冇得輸好出色，外賣都好新鮮，一次一定再叫😍😍😍d壽司都好抵食，叫左個E餐，d刺身勁厚😱同埋個海膽一d都唔苦，成日都好驚食到d苦既海膽🤣個炙燒左口魚裙邊望住佢燒，好好食😋😋

大型連銷餐廳，往往就是大行其道，令到小店很難維持得了。所以遇到好的小店，是要多多支持。難得在山林道，找到一間不錯的小店，就入去試一試！ 店舖雖然唔大，得幾個座位，但係難得的是干淨利落。當作是一人前便當式餐廳，也是不錯的選擇。 四個人黎食，先黎點咗個沙律。是老板推介的。跟一般沙律不同的是，除了有很新鮮的蔬菜之外，仲有厚切大塊的蕃茄呢～～吃起上黎更爽、更Fresh～～再加有豆腐以及新鮮帆立貝刺身，溝埋個蟹子及醬汁，食起上黎更添味美。 海盜丼原價HK$208特價HK$178問過老板，什麼最出名，他就介紹了這個海盜丼！說是用上極具份量的四款刺身，滿滿的一碗，看見都覺得份量十足！ 成座山咁高的，是吞拿魚腩蓉！超肥美的！而且啊，足足有我手指咁高的吞拿魚腩蓉哦。當中的肥美，油脂與腩肉溶混合，食起上黎更加甘香回味。目測有半板左右的加拿大海膽，香滑而且鮮甜。色澤金黃，仲好靚添啊～～另一邊，有著大大粒的三文魚籽，一咬落去，有著當中油甘在口中爆開。還有很鮮甜的大大塊帆立貝，還要厚切，十分滿足啊～～ 半板海膽綠茶冷麵HK$138朋友喜歡食冷麵，所以點了逼個綠茶冷麵。估唔到份量都幾大！不要以為只有碟中的，仲有海

無意間，係山林道呢度見到呢間小小的壽司店，就同朋友去試一試。先黎食咗個沙律。有著大大舊新鮮的蕃茄，同埋仲有日本的豆腐哦～～上面有帆立貝粒、蟹子等等。底下仲有新鮮生菜。以沙律黎講，份量好大！海盜丼HK$208呢個，鐘意食海鮮類的朋友，一定要試！成座山咁，係吞拿魚腩蓉！仲有大大塊的帆立貝！個吞拿腩蓉有成隻手指咁長架！帆立貝用上原粒切一半，所以都好厚肉！另一邊，仲有成半版的加拿大海膽，很鮮甜，而且黃金色很新鮮！仲有三文魚籽，夠晒大大粒！魚蝦大戰HK$208又心多多又要刺身又要壽司，就可以試呢個！刺身有牡丹蝦、立魚、三文魚、柚子墨魚。款式都唔少。牡丹蝦仲要超大隻！而個柚子墨魚好特別，除了有柚子的清新之外，仲有少少微辣添～～壽司方面，有炙燒左口魚、炙燒帆立貝、三文魚籽及甜蛋。同樣有四款，件件都份量十足！以尖沙咀地段，晚餐二百就可以食到咁好質素既日本美食，都唔錯架！

十分好味，我1點38分入去嘅，開放時間係1點半。唔知係咪因為咁，啲剌身好新鮮，仲要好足料。 上面竟然仲有海膽! 好正!食左一陣，諗緊個前湯去咗邊呢? 要唔要催?點知，一上左個湯，發現裡面竟然有個三文魚骨! 好正!雖然108仍然覺得有啲貴，但十分滿足，差啲要扶住條腰出嚟。😝

日本餐廳基本上成巷成市，由平民傾錢至動輒幾千大元也有，就好像尖咀的一間外帶手卷為例，一個海膽手卷要數十元，可是在高級壽司店，一件少說也要百五至二百元，質素方面一定有分別，但每餐也要上千元吃一餐壽司，當真沒有這個能力。不過，最近朋友帶我到了一間價錢實惠，質素不俗的小店，最重要的是師父很有心機去製作，這間就是位於山林道的山林壽司。 這店地方真的很少，只有十二個位，但經常爆滿，出品當然有一定的保證。當晚由朋友發辦，先由一個簡單的胡麻海鮮沙律打頭陣，沙律菜新鮮爽脆，配合三文魚、白身魚、三文魚籽及帆立貝等的刺身，份量十足，也很清新。 接著是一系列的刺身，喜歡這兒的上菜方式，不會一次過放在大盆上，而是幾款幾款送上，完成一份才送上另一份，首先有特大牡丹蝦、珍寶帆立貝及加拿大海膽，全是珍寶體型的，鮮甜飽滿，特別是帆立貝，足有一個乒乓波之大，實在令人驚喜。 再來的是三文魚腩、爽甜水母及柚子胡椒墨魚，全是香港人的至愛，三文魚腩肥美；水母爽口清脆，入口酸酸甜甜；最後的柚子胡椒墨魚雖然味美，但有點過於刺激，帶上濃濃的胡椒辛辣，不是個個也能接受，若然可以調輕一下味道，一定會更好。 極上壽司拼盤送到，共有十