山水清湯腩

營業中

休息中

湯底是用新鮮牛腩＋牛骨+自家秘方熬煮 原汁原味 絕對不是味精湯🐂清湯牛三寶河（牛腩+牛肚+牛筋）牛腩：肥瘦適中 肉質鮮美嫩口 牛肚：有嚼勁而不韌 牛筋：口感軟嫩 是骨膠原😍最怕河粉浸耐咗會太淋 結果完全沒有 粉條細嫩而又有口感 河粉吸收了清湯的味道 令人不禁多喝了幾啖·🐂清湯崩沙腩米粉崩沙腩是牛腩中最矜貴的存在 是牛的橫膈膜 表面有一層橫膈膜連著腩肉 筋膜連著少少肉 軟腍味香 肥瘦剛好 這家的崩沙腩真的非常完美 每一片都恰到好處 米粉口感爽軟·🐔雞中翼（4件）炸到金黃色的椒鹽雞翼 非常香脆 外面香脆 裡面的雞中翼又可以保持到滑嫩多汁 一口就有多重口感·🥬腐乳通菜份量都唔少 腐乳醬都是非常濃郁·跟餐+$8 就可以喝到冷/熱飲

我會叫做打工仔快飯之選，第一次留意到佢因為夜啲係彌敦道，發現佢好似新開好光猛同感覺企理就試下，入到去係都幾乾淨，比一般粉麵檔茶餐廳好，對清湯腩有要求嘅我仲幾有驚喜😲🐮清湯牛腩河 （$49）49蚊係油尖旺區真係同食碗雲吞麵都未必得，驚喜嘅係牛腩係勁淋身唔柴又保留到肉質，肉份量都算多同無咩雪味，湯底標榜用牛腩＋牛骨煮成👍🏻，好清近乎無油，不過比起出名啲清湯腩店就相對無咁燉左好耐果種甜味，不過價錢嚟講收晒貨啦，河粉份量較細，男士們可能要加底或叫多樣嘢👻

作為一個廚師，我只可以喺三四點出外覓食，今次行到經過咗無數次下午茶時段都見半場滿嘅山水清湯腩香港經濟真係差咗，我琴日放工都選擇北上消費，半日搵錢，半日洗反上午搵嘅錢！及時行樂啦，千金散盡還復來～講反個牛腩先，當然直奔下午茶而來，$45包杯凍飲，都唔算平嘅一上枱，牛腩有五件左右，湯好多，面偏少…質素算幾好，清湯牛腩唔似平時啲五香牛腩可以放隔夜重用，佢啲牛腩筋膜牛肥都無去，但由於唔係浸煮咗好耐，口感啱啱好喎，唔會柴，仲有啲爽口湯頭方面偏清淡，配面食唔夠味，所以都係面配辣油咁ko,值得一讚個米線熟度剛好，依家好多粉面店都煮到發哂脹哂又斷不過份量唔大，唔夠50kg嘅我食完係唔太飽嘅～可能真係for人下午茶啦～最後當然唔好浪費個湯啦，慢慢飲到底，牛骨味好淡，但菜嘅甜味反而有啲，但點都係有少少味精，不過唔算重，只係脷底有少少澀。凍檸茶難飲，茶底完全無茶味，無乜嘢我都係反公司飲手搖杯算

📍 山水清湯腩 (油麻地)油麻地彌敦道317-321號金漢大廈地下I及J號舖山水清湯腩麵家是一家以清湯腩麵聞名的餐廳。他們專注於提供正宗、美味的粵式腩麵，深受食客喜愛。在這裡，你可以品嚐到鮮嫩多汁的腩肉、彈牙的麵條和濃郁的清湯，每一口都充滿著鮮美的滋味👉 清湯崩沙腩撈河加雲吞💰$69+$8😋😋😋😋.8/5清湯崩沙腩撈河是一道經典的粵菜，以嫩滑的牛腩和彈牙的撈河為主要特色。加入了雲吞之後，不僅增添了口感的層次，還帶來了更多的滋味。清湯濃郁而清爽，崩沙腩肉質軟嫩，撈河有著煙韌的口感，和雲吞一起搭配，口味更加豐富。整體而言，這道菜色香味俱佳👉 凍檸蜜💰跟餐+$3😋😋😋😋.6/5這杯凍檸蜜的口感很清新，檸檬的酸味和甜味平衡得恰到好處，非常開胃👉 走油油菜菜芯💰$19😋😋😋😋.8/5菜芯保持了它的脆度，不過度軟爛。油的使用適中，帶出了菜芯的鮮甜風味，同時也增添了一絲香氣回頭: yesyesyes，餐廳注重使用優質的食材，並以精湛的烹飪技巧呈現出最佳的口感和風味。無論是想要一頓美味的午餐還是晚餐，山水清湯腩麵家都是你滿足味蕾的理想

打工人覓食新店，🥰可以吃到經典港味，難怪街坊同打工仔都成日嚟呢間餐廳。裝修明亮，更有舒服卡座。清湯牛三寶，😙牛腩塊塊厚切，肉軟奶香十足！底下的牛筋超級入味，吸了滿滿的精華！！牛肚燉得恰到好處，肉質鮮嫩多汁，入口即化。清湯的清爽與牛腩的濃郁完美融合，🍜讓人回味無窮。蘿蔔也燉得十分入味，🥢綿軟可口，與牛腩的鮮美相得益彰。咖喱牛筋，🍛將咖喱的香濃與牛筋的Q彈完美結合，每一口都充滿了濃濃的醬香和牛筋的鮮美。牛的嫩滑與🥔薯仔的粉甜相互映襯，讓人欲罷不能。

肚餓就要食下午茶崩沙腩撈伊面，好掂！炆得好冧好入味，真係阿伯都食到🤣面既份量，好似唔使錢咁勁多。多到最後食唔晒。仲額外嗌咗一碟炸魚皮，完全冇揸流攤，份量好足。一定要準備一碗熱湯浸落去，颯颯聲超正。試埋個坑腩河。同平時食嘅牛腩唔同，牛嘅味道更加出眾，坑腩會更有咬口，同埋瘦啲。個人鍾意食崩沙腩多啲。見佢有得飲山水奶茶。不過就同普通奶茶差唔多冇乜特別。整體價錢都OK，近佐敦夠晒近。最重要係下午茶都幾抵食

年初二晚看完煙花匯演後行大約晚上九時，路經佐敦有點肚餓，見這麵店裝潢極新，舖面乾淨光猛，亦坐滿食客，一家人便決定一試。不多久等到位入座，發現以佐敦彌敦道的舖位來說其定價公道合理。我點了牛三寶河，味道，質地，份量完全可靠，鹹淡適中，另外油菜品質亦佳。特別要提是店內一名小哥的服務態度一流，極有責任感，在鋪面顧前瞻後，同時又世故，現在香港極少見，我平常不多寫食評也因他要特別寫寫。下次路過會再試他們的麵條。

過年食飯都加了價，平平地去了食清湯腩，餐廳有名你叫山水清湯腩，主打幾個牛肉部位，有崩沙腩、坑腩及爽腩，另外還有幾款丸的粉麵、牛腩飯、擔擔麵等等，款式都幾多元化。紫菜三寶丸河河粉爽滑不易斷，加了特製的辣椒油更添風味，白魚蛋及牛丸十分彈牙，墨丸有粒粒墨魚肉。清湯坑腩河坑腩炆至肉質鬆化，完全無渣，而且十分新鮮有肉香。腩汁蘿蔔蘿蔔香甜又夠腍。牛肉羹牛肉新鮮肉味濃郁，加了些薑絲，還有蘿蔔，湯羹鮮味十足。雞翼最估唔到是炸雞翼都好正，表面炸至金黃香脆，又不會太乾，保留肉汁。

約咗朋友嚟佐敦交收，趁空檔喺附近食個午餐。喺兩餸飯隔個舖位見到有間「山水清湯腩」，門面光鮮企理，內在環境舒適，一於入去搵個位坐低。點咗碗清湯崩沙腩河 ($58)，湯底好清甜，入口滿滿牛香，滋味有層次。崩沙腩肥瘦剛好，肉質軟腍；河粉好滑，就算浸耐咗都唔會發脹，絕對值得畀個 like！扎肉伊麵 ($41)  扎肉厚切，肉質結實，味道唔會過鹹。伊麵煮得啱啱好，煙韌又不會過腍，仍然有少少咬口。鮮蝦淨雲吞 ($43)  雲吞勁大粒，餡料飽滿，內有豬肉同鮮蝦，皮薄餡豐，足料又抵食！牛肉羹 ($39)  牛肉羹好有特色，以人手炮製，size 大小不一，肉質滑溜又彈牙。湯底落咗好多薑絲，碗內還有兩大塊蘿蔔，入口清甜又無渣。跟餐飲品點咗熱檸茶同熱奶茶，原來熱飲、凍飲都係+$8，非常實惠。

去完QEH喺附近食下午茶。見呢間新開嘅潮州粉麵店咁多人食就試下。✨清湯牛三寶米粉 $62有齊牛腩、牛筋、牛肚。湯底係用新鮮牛骨+牛腩熬成。有別於一般牛骨湯，呢度嘅會比較清澈同冇油膩感。而且食完唔會口渴。牛腩唔會好肥，肉帶筋膜有啲口感。牛筋軟滑，幾乎唔使咬。牛肚彈牙又唔會太韌。今次嗌咗米粉扣底（見到有入單）都份量好多。正常份量應該男仔都好夠飽。✨鮮蝦雲吞 $43鮮蝦雲吞同鮮蝦雲吞麵都係$43，淨食有7粒大粒飽滿其實好夠飽。餡料有豬肉嘅甜味同肉汁，仲有原隻鮮蝦。✨雞中翼 $33生炸雞翼熱辣辣脆卜卜，多汁又嫩滑，完全冇雪味。✨生菜 腩汁 $19有得配腩汁特別好味。一嚟到即刻諗起唔記得叫埋三寶米都加🤣。

山水清湯腩😋😋😋清湯原味道牛筋肚油尖旺最著名彌敦道、317號金漢大厦、新開張袐方熬製、新鮮牛腩店、唔食過、唔知貨比貨、最怕唔識貨、更🉑️高層次享用清湯底牛腩😍⋯⋯店鋪採用雲石花枱配木系色椅子、深綠背靠梳化椅、樓底夠高、光缐開陽、寬敞舒適！清湯牛三寶河（牛腩+牛筋+牛肚）$62⋯⋯加配搭選擇+$8雲吞+$8加菜跟餐：熱飲、奶茶☕️👍🏻小食：大大碟、炸魚皮$20、鬆脆香口、不油膩！配麵一流😛清湯底🥣都🉑️以咁好味、配牛三寶！牛腩軟綿綿、入口溶化、不煙韌、濃濃牛味👏🏻牛肚、原色冇添加、原味清湯、超軟腍、正😍牛筋、軟腍、爽口夠彈牙😜配埋清甜新鮮芥蘭、完美配搭！追加雲呑⋯⋯新鮮感、味道以小籠包、外皮係廣東式嘅雲吞皮、卷包住鮮肉同大蝦🍤！同廣東式雲吞⋯⋯截然不同、另一番味道！yummy yummy 😋 麵店都冲到茶檔奶茶☕️⋯⋯真係食得招積、做得出色！山水清湯腩油麻地彌敦道317號至321號金漢大廈地下I及J號舖港鐵佐敦站B1出口，步行約3分鐘

最近發現在不同地區都開了清湯牛腩專門店，今日路過佐敦，便來試試這間牛腩專門店。清湯爽腩河加牛筋，檸樂$76。爽腩脂肪甘香，爽口彈牙，牛肉部份軟腍可口，整個爽腩都很肥美。牛筋炆煮得軟硬適中，如果喜歡牛筋的，必點這一個。牛骨湯底味道鮮甜，喝得出沒有添加任何味精，不知不覺喝了一半湯底。清湯坑腩伊麵另加墨魚丸，凍鴛鴦$76坑腩部份的牛肉味道濃郁，軟腍可口。伊麵雖然沒有吩咐淋一點，不過已經非常軟腍腍， 10分窩心。墨魚丸的質素一般，可以不加。凍鴛鴦的味道偏淡，非常一般。油菜$19，菜心軟硬適中，爽甜可口。

第一次來呢間清湯腩面店 試試新野😆雖然地址係油麻地 其實近佐敦站😆近地鐵出口 位置都就近📌清湯牛三寶河 +上海麵 試就試下樣樣齊的 腩汁較清淡 份量大食 嘅朋友可能唔夠🤣📌山水奶茶 幾好飲👍👍📌鴛鴦🤣天氣熱 飲冰涼 📌油菜 （菜心腩汁）腩汁清淡清淡📌鮮蝦雲吞📌腩汁蘿蔔 📍彌敦道317-321號金漢大廈地下I及J號舖🏷️山水清湯腩

淨魚蛋 🥰 4粒白魚蛋雪白軟腍彈牙，淡淡魚香咸味，4塊炸魚片都幾腍好有咬口鮮蝦雲吞 😀 豬肉比例較多，所以食起黎好厚實，但唔會太重油膩感，蝦較細隻，但咬落都食到鮮甜味，外皮夠薄唔會厚腩汁蘿蔔 🥰 蘿蔔清甜冇渣，湯底清甜小油膩，帶有陣陣既牛香味~芥蘭 🥰 爽口一D都唔苦，份量再多D就更好喇!口水雞 🥰 小麻小辣鮮香，雞肉嫩爽，小油膩，好食!牛腩河 🥰 牛腩口感較實在爽口，重牛味，脂肪比例較小，入口油香滿溢，配合爽口嘅河粉，較幼帶點厚度掛湯，滑溜 唔易散。

最近發現在不同地區都開了清湯牛腩專門店，今日路過佐敦，便來試試這間牛腩專門店。清湯爽腩河加牛筋，檸樂$76。爽腩脂肪甘香，爽口彈牙，牛肉部份軟腍可口，整個爽腩都很肥美。牛筋炆煮得軟硬適中，如果喜歡牛筋的，必點這一個。牛骨湯底味道鮮甜，喝得出沒有添加任何味精，不知不覺喝了一半湯底。清湯坑腩伊麵另加墨魚丸，凍鴛鴦$76坑腩部份的牛肉味道濃郁，軟腍可口。伊麵雖然沒有吩咐淋一點，不過已經非常軟腍腍， 10分窩心。墨魚丸的質素一般，可以不加。凍鴛鴦的味道偏淡，非常一般。油菜$19，菜心軟硬適中，爽甜可口。