山見台式火鍋 (雅蘭中心)

營業中

休息中

相信大家依幾年去旅行嘅心已經蠢蠢欲動㗎喇😎 重新去旅行嘅時間指日可待，呢段時間可以暫時止住癮嘅～ 依間以十分車站+十分夜市為靈感嘅台式火鍋吃到飽，由一入門口台鐵火車頭 及 懷舊郵箱 到 店內台灣夜市嘅設計，都好似飛咗去台灣一樣✈️ 餐廳仲有明信片投寄服務添～ 晚市分別有4個套餐選擇，平日最平$218，貴啲嘅就可以無限任食和牛😍 當然唔少得一系列台灣風味美食啦～-饌•和牛。吃到飽 **星期一至四 ($358/位)*星期五至日 及公眾假期 ($368/位)-<自助區>除咗唔少蔬菜類，特別啲嘅有炸油條，炸番薯條等小食～ 另外仲有台灣麵線，多款台式滷水小食，例如滷水雞蛋、豆腐、豬大腸、牛筋、牛肚 等，顏色幾深色，夠哂入味！面類方面當然唔少得台灣嘅淮山刀削麵以及王子麵🥢 充分吸收湯底嘅精華！*<台式美食>除咗可以喺自助區攞，亦都可以用手機落order 🤓 眷村 台灣葱油餅 以及 宜蘭葱肉餡餅都係食得出台灣嘅味道，係飽肚左啲😂 亦都有台式風味餃子：文師燕尾餃、手工菜肉餃、玉井蛋餃、懷舊魚皮餃等。而不斷見到唔少人叫嘅一定係惡魔雞排 & 夜市鹽酥雞🔥 上面寫咗少少辣粉，幾

服務員很好溫柔又細心，又靚女，食物一流地方環境舒服乾淨，食物種類又多，質素又好，佢D感鹵水蛋，豬腸，排骨很好味，又有蚵仔煎，有台色特色飲品，佢有海鮮好新鮮，佢那隻蝦又大隻又爽口，必定要食，我掛住食都忘記影相

同朋友食飯想揀啲300左右嘅打邊爐, 見佢新開所以試吓.喺雅蘭中心2樓好容易看到, 門口有個車頭擺設都幾得意，喺接待處等咗一陣等職員帶入去。一入去就係自助吧，基本嘅蔬菜丸類同面都有，仲有台式嘅炸物同埋熟食，仲有台式甜品做下次有機會想再試吓唔同位置嘅牆上面有打卡字句，文青嘅朋友都可以試吓。餐牌上面有介紹唔同嘅肉類同埋係用QR code落單好方便最推介係牛爽腩，封門柳同埋里肌肉見到好多人推介佢個甜品，所以一坐低就叫咗先，試晒仙草同埋白玉，個人會推薦仙草好食啲，芋圓都夠煙韌好有台式味道。佢有得揀單人鍋同埋一大個鴛鴦鍋，因為我哋得三個人所以就叫咗鴛鴦鍋，朋友食辣叫咗麻辣鍋，佢係編麻既湯底，要好辣嘅朋友要另外再加辣椒，佢啲湯底即時滾咗少少去清湯都唔會完全食唔到，牡丹花湯底有筒類既花膠，仲有杞子紅棗，兩個湯底都唔會太鹹。最後就係叫咗啲配菜同小食，鴨血係煙韌類型，四款餃子都叫咗，覺得最好食係中間嗰款，魷魚超大隻滾落去唔會唔見咗，煮一陣都唔會太韌食唔到，最後喺出邊攞咗個放落火鍋嘅湯圓。超推介大家食一個係芝麻一個係花生味

雅蘭開咗間新嘅打邊爐 出邊仲要設計到成間九分咁 仲可以寄明信片比自己或者朋友，今次同朋友叫咗最貴套餐饌•和牛。吃到飽 HkD358 /1位，90分鐘 ，如果1800前離座午市HKD318，就係為咗錫佢嘅殿•和牛，坐低QR code入單，湯底亦都有好多選擇，出邊仲配有台灣滷肉飯，甜品，飲品任拎，好多台灣小食，性價比高，好多新嘢，仲要新淨唔污糟~總括嚟講個牛係好好食，呢個價錢對得住呢個質素👍🏾以後打邊爐又有新選擇

原本想食隔離牛角buffet 但由於walk in太多人廢事等咁耐見到隔離呢間台式邊爐唔錯咁就決定試下叫左個椰子雞湯底同另一個麻辣湯兩個湯底都好正 我特別鐘意椰子雞湯夠哂清甜然後佢地上菜好快 待應見到d碟空左都好快幫手收另外佢地服務都好好 服務我地枱既一個女仔好靚女 仲要態度勁好 可惜唔知佢咩名 好想表揚下佢不過提供既熟食就一般我覺得可以係咁e試下 但火鍋材料都係好新鮮肉質都唔錯甜品都有幾款選擇 芋圓仙草好正😁總括黎講會再食我地幾個朋友都好滿意

滿心期待既一間火鍋店 本身都有食過其他台式既火鍋 間間模式都差唔多 都係一啲台式既滷水熟食 炸物咁。今次試旺角呢一間 首先熟食已經係好失望 除咗滷水係正常之外 其他既熟食 例如鹽水雞 炸雞排 係勁普通 甚至係難食咁濟。另外 湯底方面就揀咗豚肉同酸菜白肉 完全都係失望 普通到爆 係冇驚喜 得個酸字 白肉更加係冇味今次我揀咗極品嗰款plan 啲肉真係難食到 可以話係好似平時出面平價打邊爐 100蚊咁 食嗰啲都冇咁嬲至於丸 腸類 都係好難食 全部丸都係淋到爆 冇咬口 真係是但街市買既平價丸都好食過佢 我就唔係真係踩佢 食咁多間 第一次咁嬲上黎打食評飲品有一啲冷泡茶 例如白桃烏龍 又係完全冇味 唔知想點 最後都係飲返啲罐裝茶仲要250蚊 唯一讚既可能係上菜速度快

雅蘭商場內火鍋放題♨️試咗個最平$17x 90分鐘吃到飽😋👉🏻鴨血麻辣湯底 + $18 (鴨血任加）👉🏻美人鍋 + $18 (有花膠😍但不能加）👉🏻牛肉👍🏻👉🏻豬肉可能煲得耐，有啲硬👉🏻雞肉配美人鍋 嫩滑👉🏻雜丸：芝士丸、貢丸⋯👌🏻冇影相👉🏻好多蔬菜款式🥬金菇、🌽👉🏻滷水食物中規中矩👉🏻甜品👍🏻怕甜可能會覺得較甜👉🏻飲品選擇多 👉🏻仲有雪條（太飽冇食到）總結上菜快食肉獸可以食90分鐘放題其實可以食午餐 60分鐘放題只包一份肉仍有很多食物可以任取

同家人餞行食返個豐富午餐之後再行街街第一次嚟呢度吃過飽，以我食量 我哋不想浪費只揀最平那款。但係我哋食到已經好滿足好full😘❤️😘🥰味道好 、肉新鮮。湯底 正。我哋以每人一鍋，三個湯底，酸菜魚湯有D辣但好野味，美人鍋👌幾好⋯⋯但係蕃茄湯麻麻肉就只有四、五款（我哋果套餐），其他自己去自助巴枱取菜、丸、豆腐、各款火鍋料。 飲料多款揀👍🏾👍🏾👍🏾👍🏾🥰，熟食 牛腩牛筋好入味又淋。蛋入味甜品我只吃了紅豆雪條好味😋

聽屋企人推介呢間打邊爐抵食多野揀，就倆口子去試下。等左10分鐘就可以入座，可能平日所以人唔多，座位都坐得舒服。揀左個鴛鴦鍋，椰子雪耳同醉雞，醉雞好夠味因為揀左和牛餐，一坐低就比左碟和牛，其他點既野食都上得好快，和牛入口d 油香肉味衝晒出黎，食完1round 再叫左2round 食 ,岩晒我呢d 食肉獸😁😁除左點單既野食，仲有自助吧，有好多菜同台式小食，但無點去夾黎食，因為今日主角係和牛，90分鐘不停食，食到好滿足下次可以再叫屋企人一齊去可以試多d 野。

最近發覺旺角雅蘭中心衣邊開左依家山見台式火鍋，係門口就見到佈置好台式，令人回想起以前去台灣旅行嘅感覺，我地今日食晚市，外面都大排長龍。火鍋湯底選擇好多，我地就間左麻辣鍋底同花雕醉雞鍋，味道好好，辣度亦剛好，可以接受。我地先食左外面嘅台式熟食，牛根,牛腩,地瓜球,都味道好好，選擇好多，好有台灣特色。飲品方面除左一般汽水之外都提供唔少台式茶類飲品，例如白桃烏龍，綠茶等等。至於火鍋料都好新鮮，肉類質數都係中上級，店員服務態度好，所以之後會再幫親。

同老婆去完迪士尼出旺角食晚飯，本來諗住去牛XX，因佢嘅鴨血好滑好好食，同埋好鍾意佢嘅特飲。但老婆話有間新開嘅台式火鍋放題想試吓，無計啦，家有河東豬，老婆大曬，唯有去試吓啦。本來諗住都係失望居多，但估唔到會有驚喜，呢間嘅鴨血都好滑好好食！而且除左有多款汽水外，仲有2款特飲，桂花烏龍正！去完迪士尼玩得咁開心，梗係要令成個行程有個完美嘅結尾，所以我哋揀左最貴嘅和牛餐。既然俾左最貴餐嘅錢，梗係全程食最貴嘅和牛，唔好蝕嘛。佢哋和牛好滑好有牛味，比牛XX好食好多，無得比！其間都有試過一兩碟次一等嘅牛小排同牛爽腩，但都係覺得和牛正d。最有驚喜嘅係佢嘅黑毛豬肉，都好滑，連平時唔會嘥quota食豬肉嘅我都食左3碟！除左出色嘅牛肉外，佢仲有好多款火鍋配料可揀。熟食都有好多款，滷水大腸同牛筋好好味！最後甜品時段，佢有多款嘅雪條可選擇。試左佢一條三色雪條，但覺得麻麻地，好似藥水味。跟住試左條紫米雪條好好食！總結以咁既價錢有咁多款食物，而且食物Quality唔差，絕對值得再encore!!

呢間餐廳以台灣十分車站同十分老街為主題，令食客感覺置身夜市之中🚞💗饌·和牛。吃到飽 ($358 /位)🥥椰子雪耳湯採用椰子肉、雪耳、雞件、杞子等多款配料熬製，味道鮮醇清甜，有滋潤補虛功效🐔牡丹美人鍋採用新鮮三黃雞，加入花雕、豬骨、金華火腿等十多款配料，熬製超過8小時，有養顏滋補功效侍應先呈上和牛餐目中精選牛肉：🐃饌·和牛：和牛肩胛油花呈霜降紋理，肉質鮮嫩軟滑，肉味香濃，油脂甘甜🐂月見封門柳：封門柳肉味最濃，加入蛋汁令肉質更鬆軟腍滑🌶醬料自助區有十多款醬料供應，當中山見祕製醬最為獨特🥙自助吧台同QR Code落單平台提供多款優質肉類、海鮮、蔬菜、麵食、冷盤、台式料理、台式餃子、台式滷水、台式炸物、甜品、飲品等，以下10款係最值得添食：1️⃣牛扑肉(CAB牛頸脊) ：牛頸脊肉質爽嫩有咬口，油花適中，肉汁豐富🐮2️⃣無骨牛小排：牛小排油花分佈均勻，肉質柔軟細膩，油香四溢🥩3️⃣原隻駅前海老：海老肉質結實爽彈，非常鮮甜🦐4️⃣福隆沙白：沙白鮮嫩肉厚，貝鮮十足🐚5️⃣花膠：花膠爽滑黏口，有豐富骨膠原🐟6️⃣惡魔雞排：雞排炸至金黃酥脆，肉質嫩滑多汁，灑上五香粉同辣粉，辛香惹味🐓7️⃣山見麵線：大腸麵線順滑不溜，湯羹濃稠味美🍜

啱啱行完街，見到雅蘭中心開咗間新嘅台式火鍋店就去試下，一入去見到個自助吧，已經非常多選擇呀，火鍋湯底，牛肉，都有好多選擇，甜品，雪糕雪條，仲有鹽酥雞😍連飲品嘅款式真係超多選擇乜都有，仲有仲有我喺我最鍾意嘅芋圓甜品😋正呀.牛肉嘅質素真係掂呀，牛摩皇一定要嚟食呀，牛肉refill 得好鬼快，2百幾蚊咁嘅價錢真係超值👍🏻👍🏻👍🏻， 員工服務都滿意，不過有一點提提大家就係記得帶定外套，呢度啲冷氣強勁😅

太耐冇去台灣玩，行落見雅蘭中心地面大幅poster好鬼吸引，個名都好別緻好台灣，決定試下。淨係個門口已經感受到用心。因為唔係食飯時間，同FRIEND兩條友唔使等位，選擇困難症做完選擇後就入座啦。我地決定試鴛鴦鍋（麻辣鍋🌶️+番茄🍅鳳梨🍍），和牛.吃到飽，仲送兩杯特色飲品～蘋果愛玉綠茶+烏龍珍珠奶茶🧋頭盤和牛好大塊，鋪滿個大碟，老細好落本。店員介紹可以QR CODE 落單D野食。選擇困難同埋社交恐懼人士福音，朋友仔一起慢慢睇慢慢揀。自助區都好多台灣特色野。1.飲品可以揀仙草爽、冬瓜茶、鳳梨烏龍茶2.鹵水超入味牛筋任食3.炸物激推鹽酥雞、墨魚丸、地瓜香芋丸，兩個人食左兩輪

朋友生日夜晚臨時book左一共6個人食，除開人均2百幾，可以有4個湯底，食物質素高，好抵食同埋服務唔錯，尤其係Kelvin，真心推介，下次會再黎過，推介推介👍🏻