山見台式火鍋 (新都會廣場)

營業中

休息中

大家好，今日我和朋友於葵涌聚餐，來到新都會就試一試這一間台式火鍋，我們大約晚上六點進場，剛好不用排隊，這間餐廳的餐牌有五個level選擇，根據不同價格提供牛肉和海鮮，今天我們就選擇了新推出的黑毛和牛套餐，我們選了鴛鴦鍋底，沙茶湯底和花椒湯底首先，醬料的選擇比普通的火鍋店多，有蒜油、生雞蛋等等多款選擇這店舖提供的黑毛和牛肥肉十分多，吃不了多少，反而他的海鮮還比較不錯，鮑魚、海參及水魷就十分新鮮，還很細心地提供已去除內臟的鮑魚，不過今天的大蝦感覺不太新鮮，剝開燙完的蝦殼後蝦肉粉粉碎碎的，不新鮮另外值得一讚的是他公共位置的炸物，炸地瓜條十分煙韌，很好吃可惜有點冷；甜品仙草及芋圓都十分好食還有，餐廳推廣餐牌寫著毛和牛會額外多30分鐘享用時間，但最後沒有加給我們整體而言，個人認為這間餐廳選擇貴的套餐比較不值，但如果選擇level 2-level 4的性價比應該會比較高

葵芳新開既台式火鍋，門面以火車郵筒做主題。而且唔難訂位，可以約埋班朋友試一試由於我地多數傾計多過吃野，所以選擇較平既精品套餐，100分鐘任飲任食，其實唔太夠時間，吃完都好似仲有d肚空空而且好多湯底要額外加錢。我地要左2個鴛鴦鍋 (山見花椒麻辣鍋/特丹美人鍋/酸菜白肉鍋及豚骨鍋)*如果一人一鍋就每個湯底都要加錢。其實都偏貴。精品套餐可點既食物並唔多，只有基本牛，豬及雞肉。小食只有鹽酥雞排或豬排其他基本丸類菜類就自助型式，不過種類都唔太多，而且無乜特別。反而飲品及甜品區有驚喜，多選擇而且有D未見過不過個雪糕有點難入口😑呢個價錢我寧願吃另一間🫣

山見主推不是肉類，而是台灣小食😋😋😋😋😋😋一個月來了兩次，因為它的藤椒魚皮，真的好好食，好喜歡他的味道，麻麻辣辣，魚皮又爽口，脆身，彈牙。有好多台灣小食可以叫，台灣腸，魚卷，鹽酥雞，炸雞扒，手抓餅等，你諗到的大眾台灣小食都有，連台灣甜品芋圓都有。所以山見主推的真的是小食，不是火鍋😝😝😝😝😝😝😝😝😝😝😝另外我和朋友都喜歡食佢個芝麻和花生糯米湯圓，打完邊爐，再煮幾粒，喊喊甜甜🤤🤤🤤🤤🤤🤤一流。這兩次我們都是食兩小時既海鮮餐帶小，虎蝦，鮑魚，生蠔任食👍🏼👍🏼老人家有老人優惠，只要出示長者卡就有嫁啦

二人選了最平$98的定量套餐，另加一。有一碟豬，內有六片大大片。其他丸類、菜、甜品、熟食及飲品都自助任享。熱葷有鹵肉飯、肉羹、麵線、綠豆沙、鴨、雞等等；小食有炸地瓜、咖哩角、炸蟹柳、爆谷、撻等；甜品：雪糕、雪條、自掣仙草/愛玉杯、泡芙、芝士餅等；各式麵類、菜蔬、菇及四五款丸類。飲品有自家製的、咖啡機、各款罐裝飲料等。我覺得任享的款式算多，質素亦不錯。惟一大問題就是個火鍋爐，已調最高，由於定量，要煮的不多，每次放食材，久久都沒有滾。如果打邊爐就慢慢嘆了。很特別，肉羹的氣味極不討好，賣相一般，但加了芫茜，味道卻很不錯，而且有不少肉片及配料。許多時候食店的咖啡機只是擺設，出來的製品卻不能入口，但這店泡沫咖啡，有香氣，也能飲下。總括來說，若不貪心，60分鐘定量是很抵。

🌶️青花椒麻辣湯 🐷鐡路豚骨湯 🍅🍍鮮鳳梨本菌蕃茄湯個人最愛青花椒麻辣湯，湯底加入花椒、鴨血、麻辣湯的香氣令人流曬口水，鴨血勁入味；鮮鳳梨本菌蕃茄湯內有鳳梨及本菇，酸度強，有點像貴州的酸湯，但甜度比酸湯高，集酸甜合一。🍗魔鬼雞扒 🍗鹽酥雞台式的魔鬼雞扒，香脆脆的雞扒上撒上魔鬼辣粉，香脆好吃；鹽酥雞上桌也是又熱又脆的。🍊焦糖焗橙意外之選，橙面撒上白糖，再火灸；雖然吃熱橙有點不適應，但味道橙加焦甜是好吃的。🫘珍珠紅豆芋圓豆花紅豆超棉(雖然是罐頭)，珍珠和豆花可解火鍋的濃膩感。🍵冬柏烏龍 🍵白桃烏龍 🍵阿里山紅茶自助沖茶有阿里山紅茶，超讚，雖然吃火鍋很少喝熱飲，但選阿里山紅茶也不錯，也有其他冷泡茶/啤酒可選。

我們一家三口試試新開火鍋放題，三個大人揀了Level 4,未加一，每位$388。第一碟黎到所謂的澳洲和牛，肉質嚡到一個點。另外明明我係揀咗牛小排，黎到係平一級嘅五花腩牛，但牛上面就放住牛小排嘅牌，我拎走張牌再問經理呢隻係乜嘢牛，經理就話係卡樂B牛，即係五花腩，簡直係有被騙的感覺。除此之外大部份嘅湯底都要另外加每個鍋加$28 ，唔化算。

葵芳新都會廣場又開左間新台式火鍋放題店 門面靚 以火車郵筒造型做裝潢。新開張晚市滿場 可以訂位/ 用the gulu app遙距取票呀 台式主題小食種類多 有蚵仔煎 魚皮 台式腸等等肉品方面品質不錯 提供豬牛羊約十款 亦有特別的烏雞肉卷提供甜品是豆花竽圓 竽圓煙靭環境乾淨光線明亮 地下較滑要小心行總捨來說值得去試 100分鐘用餐時間比較趕如店家可安排LV1-LV3餐都是120分鐘用餐會更好【LV3極品吃到飽 $328】62款肉品+火鍋料+小食 100分鐘用餐時間以下必吃:黃金鮮蝦球鴨血台南烏雞肉卷卡樂BEEF黑毛豬藤椒魚皮甘梅薯條黃金炸魚皮即煎蚵仔煎📍山見台式火鍋 (葵芳新都會廣場店)葵芳興芳路223號新都會廣場第4層484-487號舖

[ #葵芳美食 #caloriefoodie葵芳 ] • 山 見 台 式 火 鍋 •🐿-​ 🆕 葵芳新開帶有輕旅行感覺嘅台式火鍋店🇹🇼由火鍋配料、小食、甜品、飲品都帶有台式元素✨一邊食一邊驚嘆🗣️ : 估唔到呢樣野都有得食‼️加上食完可以寄張明信片翻屋企 (內附優惠卷!)成個感覺真係好似去咗台灣打邊爐一樣🥳-🍲 𝙻𝚟 𝟹 極品套餐 👩🏻👨🏻💰$328;👧🏻👦🏻💰$278100分鐘⏱️牛肉、海鮮、台式小食、台式甜品吃到飽湯底可選鴛鴦湯 有8款選擇 當中幾款要加錢升級 🆙好食嘅邊爐源於好食嘅湯底 今次兩款湯底都好正‼️🌶️ 山見青花椒麻辣湯+💰$18 麻辣味越煮越辣 啲鴨血索晒麻辣湯好正‼️🥥 椰子雞湯+💰$28味道清甜 椰子味濃 甜到漉出嚟嘅牛肉都有陣甜味☺️-🐮 點餐 - 火鍋配料𝙻𝚟 𝟹以上先有嘅牛肉有卡樂BEEF(牛五花)、月見封門柳卡樂BEEF嘅油脂感都唔錯 而月見封門柳就幾厚身以下火鍋配料都推薦大家點🌟🐟 無骨黑魚片 - 肉質嫩滑 勁索湯 配麻辣湯好正🦐 黃金鮮蝦球 - 蝦滑包住流沙鹹蛋黃醬 口感彈牙💦 福隆沙白 - 肉質飽滿多汁 最重要係無沙!!-🍗 點餐 - 台式小食𝙻𝚟 𝟹額外獨享1

呢間喺葵芳新都會開咗無耐嘅台式火鍋 應該係我喺香港食過嘅火鍋！佢入邊有大量嘅食材都係來自台灣，同埋超有台灣特色。小食方面嘅數量真係多到不得了 有台式烤腸仔 麵線 鹽酥雞 蚵仔煎 地瓜 仲有自己配搭嘅芋圓 好似去左台灣掃街咁😝講返佢嘅火鍋 我哋要咗鴛鴦湯 湯底都幾香濃 醬汁方面都幾推介佢個炸蔥油！配料方面有好多款淨係單單肉類都已經超過10款，個人勁推介 佢有一款蝦丸入邊有鹹蛋黃 好好食😋 佢嘅海鮮都唔錯，有蜆 墨魚仔 個size都唔細！如果想食台式火鍋，呢間真係首選！

一齊來趟說走就走嘅旅行吧✈️最近「山見台式火鍋」喺葵芳新都會開咗全新分店🌟除咗提供大量地道台式美食外，餐廳佈置甚至小心思驚喜恍如去咗一轉台灣旅行🇼🇸 完全可以滿足大家旅行癮😆.門口已經有個台灣火車打卡位🚂每台食客仲會提供一張台灣明信片，可以即場寫完放落郵筒寄返俾自己📮甚至連願望牌都有☺️真係好似去咗台灣旅行咁🤣.🌟特選和牛海鮮餐Lv.4💰$348.🔥湯底揀咗鳳梨蕃茄&牡丹美人湯底鴛鴦鍋✨前者酸酸甜甜好開胃，後者湯頭鮮甜勁足料🫶🏻.🔥肉類揀得呢個餐毫無疑問一定係狂食澳洲和牛🤪澳洲和牛肩胛肉眼賣相滿佈油花非常靚仔，入口油香四散🤤鍾意食肉味濃郁嘅可以揀牛扑肉及月見封門柳😚除咗牛肉外黑毛豬都唔錯，唔會好油膩😌.🔥海鮮選擇非常多，有墨魚仔、沙白、脆肉鯇魚片、白鱔、原隻海老✨什至連鮑魚都有得食，爽彈鮮甜😚.🔥台灣小食先講自助區，有即烤士林台灣腸、滷肉飯、麵線、鴨肉羹、三杯雞😛QR code亦可以點蚵仔煎、惡魔雞扒/豬扒、椒鹽花枝丸、荔枝蝦球，全部任叫任食，直頭好似去咗夜市掃街咁🤣.🔥甜品必食九份仙草芋圓，可以再自由額外加爆爆珠、椰果、果醬等❣️蛋糕糕點都有好多款選擇，芋泥巴斯完有驚喜😍最特別一定係山見自

經過葵廣見到呢間嘢勁多人排隊 諗住未試過試吓啦 入到去就失望 全部嘢都勁唔新鮮 肉類有浸味 上面仲有啲黑色嘅嘢 熟食就全部好似擺咗幾日咁 茶葉蛋硬到好似石頭 咬都咬唔郁 其他台式小食同滷肉飯都超級唔正宗 完全唔係嗰回事 嘢食選擇超少 丸類只有兩款 牛丸同芝心丸 總之就超難食，唔會有下次 完全唔食呢個價

♨️想打邊爐又✈️想有種去咗旅行嘅感覺？🤪🆕葵芳新店 山見台式火鍋 滿足到中意台灣的朋友👯‍♀️🚊裝修以台灣車廂為主題🚉加入車站及戶外月台等元素, 打造出台灣車站氛圍🥳✴️餐廳更加入多款台灣特色食品🥢🔆台灣遊限定(每月更新)：屏東鴨肉羹, 栗子香芋糖水🔆新店限定：阿里山茶葉蛋, 四點金(滷豬手)🔆自助甜品區：🍨手工雪糕, 芋圓愛玉自由配✨最特別係, 📮提供免費名信片郵遞服務, 每日有指定收信時間🕒💌名信片以台灣車票設計, 細節位💯。。Level 3 極品套餐．100分鐘。。👨🏻成人 $328 👧🏻小童: $278．．湯底．．🔸冬瓜卜卜蜆湯(新店限定🆕) +$28 6/10🥣湯底清淡鮮甜, 蜆肉較瘦小🔸山見青花椒麻辣湯 +$18 6/10😣唔夠香辣惹味, BB班麻辣程度🌶️🔸卡樂Beef (牛五花)🐮肥瘦均勻👌🏻🔸台南烏雞玉卷🐔烏雞卷幾特別, 不過都係中意食牛多啲🤣🔸山見和牛蛋餃🥟蛋皮較厚, 和牛關係, 一咬開都幾多油🫨🔸松露墨魚滑⚫️松露味較淡．．較健康選擇．．🔸月見封門柳🐮🔸嫩肩里肌肉🐮🔸鮮蝦餅 🦐．．小吃．．🔸藤椒魚皮🐟魚皮爽脆, 幾香辣😋🔸桃園醉雞卷一碟3件, 酒味尚可, 不過面頭嘅杞

幾熱都要打邊爐😆今次去新開嘅山見台式料理食放題。新裝修地方都好大，環境光猛整齊👍🏻有一人一鍋檯選擇，落單Lv 4 吃到飽，重點係牛肩胛肉眼，油花勻稱，有肉味😙一碟有六七片。湯底要左美人鍋，有大大舊厚花膠，同埋好大嘅雪耳，好有咬口😍大廳設有各種基本蔬菜，丸類，其中花生芽好特別，係粗大版芽菜，爽甜有咬口，第一次食就愛上了♥️另外台式炸物任食，有黑糖爆漿糍粑，滷肉飯，鹽酥雞。仲有可以自製台式仙草芋圓甜品小角落，有不同配料配搭，有口感新奇嘅薏米爆珠，馬蹄爆珠，新鮮芒果果醬，芋粒。

忍口忍得太耐就會想食下放題，行完街見到依間放題店咁多人等位，就同朋友即興去食放題🤣🤣！超多款式❗️種類繁多❗️😍係我食過最多台式料理既台式火鍋放題店，仲有我最愛既芋泥💜真心幾抵食🥰❗️而每位店員服務態度都好好🩷，一進店，店員就介紹每個角落同送明信片🎑(真係有埋郵箱可以寄番屋企咖🤣)，收碟又快，專業+有禮貌👍🏻，而家真係好小有🥲。環境方面都好大好乾淨，座位坐得舒服🥰，回頭率高😍老少咸宜🤣❗️-🍲特選和牛海鮮餐 LV4 (120分鐘)💵 成人$348/位；小童 $258/位🍲自選兩款湯底🍅鮮鳳梨本菌蕃茄湯+$18🧏🏻‍♀️牡丹美人鍋 +$25-🩵自助區飲品🥤：台式罐裝飲品、紙包飲品、自家冷泡茶、咖啡機超級多款台式罐裝飲品，自家冷泡茶都有白桃烏龍/冬柏烏龍/桑椹洛神花，解膩岩唒😚甜品🍦: 雪條、自家雪糕,糯米糍、DIY仙草/豆花芋圓、芋泥蛋卷、芋泥巴斯克蛋糕、芝士蛋糕、糖水(當日糖水係粟子芋頭西米露)等。💜芋泥蛋卷：淡淡芋泥味，蛋卷軟綿💜芋泥巴斯克蛋糕：比蛋卷芋泥味重，但有小小偏紫薯味，巴斯克芝士味濃，質感軟滑🍧 DIY仙草芋圓：先到自助區領取仙草杯，再自選配料，包括：水蜜桃/芝士味爆爆珠、芋頭蓉、荔

葵芳最近開了間台式火鍋店 - 山見，約了班朋友一齊聚餐。餐廳環境舒適乾淨，座位寬敞，不論牆壁、大門佈置都充滿台灣特色，營造出濃厚的台灣風情，很適合大家去打卡。餐廳亦有戶外位置，但天氣陰晴不定，我們就選了室內。 首先要讚賞店員的服務態度友好熱情，主動介紹四周打卡位置、特色菜式，以及詢問我們的需求。 火鍋湯底選擇眾多，今次挑選他們的青花椒麻辣湯底和鮮鳳梨本菌蕃茄湯底合併的鴛鴦鍋。蕃茄湯底酸甜適中，相反麻辣湯底偏清淡，但有股台式麻辣火鍋的香氣。 肉類、蔬菜及海鮮款式很多，全部都乾淨新鮮！除了火鍋配料外，店內亦有不少台式小吃和飲品，例如滷肉飯、台式麵線、鹽酥雞等，而甜品方面紅糖糍粑、愛玉及仙草等，讓人眼花撩亂！