山見 (創紀之城五期(apm))

營業中

休息中

如果想在觀塘APM商場打邊爐，有一間台式、一間日式和一間重慶的。山見台式火鍋 就是主打台式火鍋放題，會提供多款台灣特色湯底。裝潢是以台灣十分車站和老街為設計靈感，門面非常搶眼。另外還可免費寄明信片和有珍珠奶茶公仔之類可以拍照打卡📷套餐由 Lv1 精品吃到飽 HKD 228 起至 HKD 498 的殿堂級。頭3個Lv都是吃100分鐘，最貴的兩個Lv則吃120分鐘。我們選了Lv 2 上品吃到飽，成人每位 HKD 268 & 小童 HKD 218。一共3大2細會有兩個鍋，湯底一個選了鐵路豚骨鍋。另一款選了牡丹美人鍋 (+HKD 25) 濃郁香醇，還有花膠和雪耳。肉類整體很不錯，牛肩胛肉、牛爽腩的牛味都很濃厚。前者有嚼勁但不過韌，後者口感更軟嫩。阿公花雕醉雞的花雕味在煮完後仍然很濃，雞肉也很滑。吃了陳皮鯪魚滑﹐但沒吃到陳皮味( ˘•ω•˘ ) 在自助區也有火鍋料可以拿﹐主要是丸類，蔬菜選擇比想像中少。熟食有蟹粉小籠包，餡料鮮香。另外也有台灣腸、鹽焗溫泉蛋之類。蚵仔煎看起來有點像Pizza，味道和在台灣吃到的很像。甜品貌相都幾吸引，喜歡吃芋圓的應該會很開心。華西綜合豆腐花 & 十分愛玉椰果芋圓，

今日去咗APM 5樓一間叫「山見」嘅餐廳食晚餐，一坐低已經feel到個場好旺，氣氛熱鬧，啱晒一班人打邊爐吹水。我哋嗌咗Lv4 特選和牛海鮮吃到飽套餐，有澳洲和牛肩胛肉眼、頂級無骨牛小扒、原隻鮑魚等等，仲可以無限享用自助區超過50款食品、前菜、台式料理、甜品及飲品！每台客人食完之後仲可以憑收據取兩個代幣去餐廳夾公仔機玩兩局，有機會夾中餐廳優惠券可以下次光顧時時使用。另外，有多款台式明信片比客人填寫，再由餐廳代為寄出，幾有特色！🍊 湯底我哋揀咗鴛鴦鍋湯底，加錢升級咗做牡丹美人鍋同椰子雞湯，牡丹美人鍋嘅味道濃郁，啱晒食材用嚟吸味，飲落去暖胃又唔油膩，又有大大件花膠，令到湯底好重膠質；椰子雞湯味道清甜，斬件嘅椰子令到湯底椰香撲鼻，仲有多件嫩滑嘅雞件🍊海鮮有多款海鮮選擇，原隻鮑魚爽口彈牙，黃金鮮蝦球啖啖肉，咬落鮮甜爆汁，福隆刺參同花膠呢類貴價食材都可以放題任食，原隻駅前海老超大隻，松露墨魚滑爽口彈，無骨黑魚片食落去都無骨🍊 牛肉牛扑肉（CAB牛頸脊）同無骨牛小排都係LV4套餐必食嘅肉類，油脂分布幾靚，淥兩淥就食得，牛味濃郁，月見封門柳嘅肉質嫩滑，加隻生蛋黃撈勻，口感滑溜🍊 台式小食 有多款台式小

唔係講笑，我諗山見應該係我近期食過最好嘅火鍋！上星期五食完，今星期再食xd 去過兩間分店，如果每間都有啲唔同；好似將軍澳分店可以DIY糖水，觀塘分店就冇；入面嘅火鍋配料都有分別。不過兩間裝修都好靚，重點：夠冷氣！唔會邊食邊出汗～佢哋嘅套餐由lv1-lv5，食過lv3同lv 5，如果鍾意海鮮可以揀lv5，普通食肉嘅話，叫lv 3都好足夠！湯底選擇多，我試過：番茄、藥膳雞同椰子雞，暫時最愛係番茄！因為番茄入面仲加咗菠蘿，多咗份酸甜，冇咁易膩。Lv5套餐會送海鮮拼盤，入面會有：生蠔、海蝦、海參、鮑魚、魚片同帆立貝等等；仲會有日本A4黑毛和牛，簡直係奢華嘅味道！日本A4黑毛和牛入口油脂滿滿，肉質好腍身，而且油花分布均勻，真係幾正Order嘅食物全部都好高質，即食蝦卷、黃金蝦滑、竹笙蝦滑等等，出面嘅火鍋配料都好豐富，有唔同嘅丸子同蔬菜，熟食區仲會有小籠包、滷肉飯、台灣麵線、台灣腸等等，食熟食都食飽啦！仲有唔同嘅飲品，珍珠奶茶、草莓鮮奶、冷泡茶應有盡有；甜品有糖水、紅豆沙、蛋糕、雪條等，食完一次已經瘋狂推俾朋友，必試！

响apm5樓見倒間火鍋舖，冇期望地入去試下。叫左個 一人一鍋嘅lunch set, 唔同價錢有唔同肉類嘅配搭，我揀左$138 嘅牛加豬肉，菜類丸類都喺自助bar任拎，不過選擇唔多。有熱食，飲品，甜品供應。湯底係豚骨湯，味道都正常，唔淡。肉類有正常肉味，都新鮮，呢個價錢冇要求，厚度適中，唔會薄到睇到個碟底。

職員帶客人入座前有詳細問客人喜好的火鍋口味，經過走廊時鬼馬表示，而家帶你地進入台灣夜市🤣仲有講食飽可以係門口夾扭蛋，仲可以寫明信片，餐廳職員會幫客人寄😍好玩野食都好食，甜品芋圓好味。不過要留意雪櫃有d火鍋配料睇落好似甜品（雪米磁），哈哈。

最近我同朋友去咗創紀之城五期嘅山見火鍋，呢間餐廳真係充滿台灣懷舊氣息，裝潢好有特色🍃💫 我哋特意叫咗個嫩肩里肌肉，$128，肉質鮮嫩，煮到啱啱好，口感滑溜又多汁，真係食到令人心滿意足🤤💫嫩肩里肌肉 $128呢個嫩肩里肌肉真係一流！每一片都切得薄薄，煮完後吸收晒湯底嘅鮮味，咬落去好有嚼勁😋 伴隨埋一啲新鮮蔬菜同埋自家製醬料，簡直係完美搭配！尤其係搭配佢哋嘅麻辣湯底，更加提升咗整體味道🔥最鐘意食出面counter 嘅蔬菜同丸類😜

天氣轉涼時，與三五好友聚在一起打邊爐，實在是最佳消閒活動。近日下班後，與朋友相約來到觀塘APM的「山見」，這是一間主打台式火鍋的餐廳。初到時，店鋪門口與旁邊的「佐賀燒肉谷」相連，若沒留意很容易走錯進去 🙈🤣不過幸好有提前訂座，服務員迅速便安排我們入座。餐廳的座位設計寬敞，雖然我們只有兩人，但獲安排到靠窗的大卡位，感覺非常舒適～☺️☺️我們選了+$18的麻辣湯底，麻香味十足，辣度適中，屬於不過於刺激但又能暖胃的一款湯底，非常適合初冬的天氣。菜品的種類相對豐富，尤其是牛肉的質素令人驚喜，油花分佈均勻，入口嫩滑，涮煮後口感不錯 🥩✨「山見」的特色之一就是其台式炸物小吃，種類繁多，帶來不少驚喜。腸仔、蚵仔煎等經典台灣小吃都有供應，其中尤以惡魔雞排最為出色。🐔雞排外皮酥脆，咬下去時肉汁四溢，香氣濃郁，令人一試難忘。此外，其他鹽酥類小吃如鹽酥雞和酥炸杏鮑菇也相當不錯。然而，自助區的選擇卻稍顯單薄，原以為會有地瓜條等經典台式小食，但實際上只有寥寥4-5款，稍微令人失望 🥹🥹值得一提的是餐廳的甜品區，芋圓、仙草等經典甜品自然不在話下，但最特別的莫過於可以自家製作的雪糕。這次嘗試了冬瓜茶味的雪糕，這種口味平

原來係去其他火鍋🍲但冇book位爆曬冇得食去左最近喱間山見但佢冇乜客 又限時得100分鐘 都冇乜期望就求其叫最平個餐算麻辣底+$18但鴛鴦鍋唔洗再加錢幾好麻辣底係香嘅唔會死辣👍🏻 最平個牛肉都唔差大大片，厚薄肥瘦適中有牛味 冇肉臊味 有炸雞扒同鹽酥雞都係即炸亦有芋圓仙草豆花甜品質素都唔差係雪糕種類少啲飲品都可以嘅冇諗著咁好，都冇乜影相😆會再去嘅人少食得快ok 人多傾計就唔多好喇 😏 兩人埋單 $433餐廳全員態度都幾好上菜速度快收碟積極🤗🌸

<嫩肩里肌肉🥩 💲128 > 山見台式火鍋嘅半自助午市，選擇多樣豐富，價錢超實惠😋 我今次揀左一盤嫩肩里肌肉搭配豚骨湯，肉質鮮嫩多汁，入口即化，帶著淡淡的肉香。任吃蔬菜、丸類、台灣小食、甜品、飲品，山見台式火鍋任吃嘅選擇多樣豐富，蔬菜新鮮爽脆，丸類口感彈牙，台灣小食道地美味，甜品清甜可口，飲品多樣選擇我本人最愛山見台式火鍋嘅台灣腸，香氣撲鼻，口感鮮嫩彈牙，調味適中，入口滑嫩，帶著淡淡的香料味，同出邊賣嘅味道一模一樣，我趁今次食返幾條先😋

今次帶大家去觀塘APM食山見台式火鍋，今次我哋叫咗兩個湯，美人鍋同埋椰子雞。首先講嗰個湯底，美人鍋比較濃味偏鹹，比較適合配合肉類一齊食。椰子雞偏甜，蓋過咗椰子味同冇乜雞味，勝在食物煮完之後會有湯嘅甜味，食落唔會膩。去小食有好多款有梅子雞有滷肉飯有炸嘢，款式繁多可以慢慢揀，最啱鍾意乜都試啲嘅人嚟食！最特別嘅係佢有台灣特色嘅小食，好似蔥油餅蚵仔煎咁，好似真係去咗台灣旅行咁肉類方面要睇你揀咩價錢嘅餐，本人對於任食火鍋嘅牛肉要求唔太高，所以揀咗一個偏中間價錢嘅餐，牛肉選擇唔多，有兩三款，但係食落都OK有牛味最後甜品有雪糕有cheese cake但選擇未叫好多，但係都叫好食嘅，所以overall呢間任食火鍋價錢嚟講係值得食，性價比都幾高！

做完gym當然要補充蛋白質啦， Lunch心血來潮就試一試山見台式火鍋，入面座位非常闊落，裝修簡潔乾淨，牆上亦不少具詩情畫意嘅字句，加上播住多首經典台灣歌曲，十分有feel😆。一入到去就會見到醬料區同埋自助食物區😆，醬料選擇非常多，仲有我至愛嘅沙茶醬、腐乳醬，任君撈醬。我同朋友都選擇半自助放題，我地一個set係嫩肩里肌肉+精選梅花肉，另一個set叫左阿公花雕醉雞件，咁就可以一次過滿足三種願望😋，肩里肌肉同梅花肉的優點就係脂肪比例相對少，而且分佈都平均，係健康之選唷！最令我意外嘅係花雕雞件，山見嘅雞件竟然都係俾雞髀肉，食落口非常嫩口多汁👍🏻👍🏻食飽飽後，當然要岀動埋最後一個胃啦！至愛食雪糕嘅我，今次要推介山見嘅雪糕，佢係荔枝味雪糕，味道唔會太甜，荔枝味十分清新，真係十分幸福☺️👍🏻。

如果想lunch 快食個hotpot 呢到都係一個唔錯嘅選擇。揀咗180分鐘放題，最鍾意就係每一個人有可以獨立煱底，一來比較衛生，二來又可以各自選擇自己鍾意嘅湯底，個煲仲要唔係細細個嗰啲。主食都好多嘢揀，牛肉最鍾意佢有「封門柳」，比起一般牛肉好食好多，不過海鮮選擇比較少，仲唔明點解牛柏葉被定為海鮮類😂呢度仲有好多熟食任揀，例如麻辣鴨腎、麻辣魚皮、台灣香腸等。飲品都真係有好多選擇，甜品又有好多款雪糕雪條任食。有樣嘢都值得一題，比起其他有放題任食嘅火鍋店，佢哋比較企理，感覺整齊。

很划算，午市套餐两人276。嫩肩里脊肉细嫩多汁，入口即化，而精选梅花肉则是带有适度的肥瘦比例，肉质鲜嫩多汁。有很多配菜可以选择，甜品也很多样化，竟然还有马卡龙！！每人还配有一杯雪糕～

我真係極少會影低相寫食評，今次真係第一次！ 本身見間鋪裝修都幾新，諗住去試吓。。我同個仔一齊去舖頭門口，諗住book定位， 我個仔只不過係三歲，咁我就問職員佢使唔使收錢，佢就話應該唔使！ 咁我就book一個鐘頭後去食！ 咁等齊一家四口入座，咁佢突然又話要我個仔度高，咁的而且確佢係寫明90 cm以上要收費，我個仔落去的確係91-92 cm, 咁我見我又book咗位，人哋又寫得好清楚90 cm以上要收，咁就算啦，照入去食！ 點知真係瀨晒嘢。。 我哋揀咗Level 3， 首先職員態度極惡劣，好似我哋入去乞食咁， 食放題最大忌，叫咗唔嚟，我哋成晚落咗三次單，都係有啲嘢會到有啲嘢唔到，我哋追到費事追！ 總之就係靠運氣！ 我都買咗單俾埋錢，有三碟牛肉先到！ 我同職員講都買咗單，點知個職員仲串返我食放題點咗就會到㗎啦，買咗單啲嘢食都會照嚟㗎！ 順帶一提，佢話100分鐘放題，佢20分鐘之前就截單唔俾你點嘢食！ 即係依碟牛肉，我最起碼係20分鐘前點嘅，我點諗到咁好彩依張單有落到得㗎！ 真係想同個店員say個sorry！ 老實講，嘢食種類係算多！ 但係全部好似垃圾咁，啲熟食係凍嘅，最好食反而係個新竹米粉

觀塘APM舖門面不大但舖內空間闊落，座位和枱面空間充裕唔會逼，用手機QR code點熱食和火鍋料送上枱時間都算快，選擇亦豐富（當然要睇食客選擇那款放題套餐啦），D肉類質素幾高（主要係牛肉），但台式小食就比較一般😪飲品雪櫃夠大提供多款不同飲品，又提供多款即場熱食和甜品包括多款雪條（尤其喜歡榴槤雪條）…D女服務員態度唔錯，算有耐性解答顧客疑問和頗迅速回應顧客要求如加湯等，價錢感覺就相對較高但仍覺值得再次幫襯！