岡山一番店 (秀茂坪商場)

營業中

休息中

曾經深水埗有一間二郎系拉麵叫做混亂拉麵我都係食過一次然後就沒有然後了係近呢一年先再聽到話香港又再有二郎系既拉麵店開幕就係呢間岡山一番店見官方社交平台話一號店係位於岡山市08年開張香港係日本以外既第一家分店第一間舊年座落係樂富睇片見成日都話要排長龍近期係秀茂坪開埋香港第二間分店老婆睇完個白卡youtuber就成日都話好想試終於帶左佢黎由出世到而家都住係觀塘呢個全香港最貧窮既地區但秀茂坪商就真係第一次黎岡山一番站就位於商場三樓餐廳半開放式設計大大個logo都幾易認半開放式座位亦都有bar檯位先知道原來佢地d麵係自家製既樂富有製麵機秀茂坪就唔知有無出面亦都可以自助斟水飲餐牌原來除左本身既二郎系拉麵佢仲有沾麵同撈都提供近期天氣轉涼佢仲有拉麵火鍋除左拉麵店既基本小食樂富店有既關東煮佢都一樣有不過秀茂坪就係QR code落單感覺比較方便飲品係罐裝同汽水機差唔多價位唔洗食完去便利店補飲品近期都好鍾意係拉麵店叫番個飯食下呢度真係主打大份抵食迷你叉燒飯有咁多件叉燒仲有蛋都只係12蚊巨大化魯肉飯feel感覺比拉麵一塊塊d叉燒仲好食食過其他拉麵都知普通湯麵大約係150g沾麵係200g左右有次去三田食都叫做可

日本過江龍拉麵竟然開喺屋村裡面⁉️ 岡山一番店喺日本岡山市開業至今已經有15年，主打整大份量芽菜山🤣 價格親民最平$59就食到！！今次嚟到秀茂坪開2號店，真喺好開心呀🥰🥰🌱芫荽辛辣拉麵 小盛 150g $794倍芫荽、4倍野菜、少醬油、少油、少蒜蓉；辣度：1辣；麵質：軟（呢幾種都可以自選多/正常/少/無）🍜 4倍芫荽令整碗麵呈現出一種獨特風味🌱 令人垂涎欲滴🤤 裡面仲有4倍野菜(芽菜），整碗麵真喺高到痴線😂 有2大塊叉燒～我揀咗1號辣度（最微辣）湯底濃郁帶有淡淡辛辣香氣，食落比10小辣還要輕盈～拉麵我揀咗軟，所以要等耐少少🤏🏻拉麵粗身又掛汁，好鐘意食呢款，一口芫荽一口芽菜一口麵一齊食好爽😌食完返到屋企都唔會口乾🍱日式燒餃子 3件 $28餃子大大粒，燒得剛剛好～唔會太過焦啊👍🏻👍🏻內餡鮮美濃郁多汁，搭配少少醬油，好開胃！🍜半熟玉子拉麵 小盛150g $634倍野菜、少醬油、無油、無蒜蓉；麵質：軟（呢幾種都可以自選多/正常/少/無）拉麵湯底清爽，流心半熟玉子為整碗拉麵增添了一絲心動感覺，2大塊叉燒喺拉麵嘅靈魂！🍗南蠻炸雞 3件 $28外層香脆炸衣包裹著多汁的雞肉，搭配特製南蠻醬汁用上新鮮

餐廳：岡山一番店 (觀塘)地址：觀塘秀明道101號秀茂坪商場3樓308-309號舖唔知有無人去過秀茂坪，甚至可以問大家有無聽過「觀塘半山區」呢個小屋邨小地方😂，話說我就住喺附近，呢一兩年見到秀茂坪商場進行大裝修，4層嘅商場引入咗唔少新餐廳。雖然呢度唔近地鐵站，亦唔喺遊客區旺區冇乜嘢行，但無論晏晝定夜晚，依家嘅人流確實比以前多咗，好多餐廳喺繁忙時間都會坐滿人，而我諗大部份人都喺喺度住或者喺附近做嘢嘅人岡山一番店原來喺一間由日本岡山縣岡山市開到過嚟香港嘅過江龍拉麵店🍜，喺日本有16年歷史，上年2023年開到嚟香港樂富🇭🇰，而啱啱7月就喺秀茂坪商場開咗第2分店岡山一番店屬於近年人氣旺盛嘅「二郎系拉麵」，特色在於拉麵可以免費加配料⬆️，除咗免費升級2/3/4倍蔬菜量之外，油脂同蒜蓉嘅份量一樣可多可少，加上擁有豐富油脂嘅豚骨醬油湯底同別具特色嘅粗拉麵，絕對啱晒好似我咁嘅大胃王同鍾意重口味嘅人🤪有4款定食同5款拉麵可以揀，而拉麵仲分咗小盛(150g)、中盛(200g)、大盛(300g)同特盛(450g)四種size，當然仲有唔少小食可以追加，例如日式燒餃子、迷你叉燒飯、唐揚/南蠻炸雞等🍗，同埋各款罐

最近發現秀茂坪商場3樓成層都變左食野.仲開咗間日本拉麵店.今日有時間即刻同屋企人試下👍🏻食物方面:⚪️芫荽辛辣拉麵 大盛蔬菜量叫咗4倍.味道揀返普通.1倍辣上碟真係好誇張.芫荽同芽菜嘅份量真係好多.係勁量芫荽山☺️麵質比較粗好有口感.入口口感好豐富.好食👍🏻⚪️溫泉蛋叉燒芝士拌麵 大盛蔬菜量叫咗3倍.味道都係揀左普通.辣味第一次食拌麵.醬汁好惹味.加埋芝士同溫泉蛋好好食.入口好順滑.叉燒都好大塊同埋好入味.配埋芽菜整體好豐富🤪⚪️南蠻炸雞炸雞上面有蛋沙律醬.好夾好味.炸雞外脆內軟而且好大件.正👍🏻⚪️日式燒餃子第一次見到日式餃子咁大隻.賣相好靚.煎得好香餡料有肉汁好食😋整體方面:坐低可以見到廚房入邊嘅環境睇住師傅整.過程都見到好乾淨衛生.全部即叫即整.拉麵份量都好大.而且好貼心咁分咗4個size.第一次食唔知道叫咗大盛.因為同屋企人都好鍾意食蔬菜.所以叫咗3.4倍量.下次食可以叫返小盛3倍蔬菜就夠哂啦.份量咁多價錢一啲都唔貴性價比高.下次要去試埋火鍋先🤪

It’s a great option for a quick bowl of ramen. It wasn’t extraordinary, but it was still worth trying. We ordered a bowl of ramen and a bowl of tsukemen. Both were delicious, and the tsukemen was particularly great with garlic. You should definitely try adding garlic to your soup. The firm noodle option is perfect for those who prefer a firmer texture. And with the option of 4x vegetables, you get an impressive amount of bean sprouts.

之前有朋友介紹我在觀塘秀茂坪廣場有一間拉麵店性價比極高「岡山一番店」，佢啲麵底重要係自家製的，同埋麵底分左幾個SIZE, 最大SIZE都係一百元頭的拉麵，果大盛份量多都兩個人食一碗都未必食得晒。在香港來講物價極高的地方，而家去茶餐廳食過碟頭飯加埋飲品最平都要5十尾至6十多完的地方，加上而家在香港食碗拉麵都可能要9十幾至100元到，份量重要唔係好大碗架。 半熟玉子拉麵 (大盛)我朋友太高估自己果食量，佢一叫就叫大盛，而大盛果麵底有成400G，一上枱我都比碗麵嚇親，實在超級大碗，而我最愛佢果啲肥嘟嘟的芽菜，係似泰國或馬來西亞品種的芽菜。 温泉蛋叉燒芝士拌麵 (大盛)呢個係沾麵，而我好鐘意佢果麵的粗度比普通拉麵比較粗身令到果麵更加掛汁，將果温泉蛋打散後撈埋啲麵食令到果味道更加升華。

超抵食高質拉麵店喺秀茂坪開新分店喇😍！之前食過樂富分店覺得性價比好高，拉麵超大份又好味😋溫泉蛋叉燒芝士拌麵（小盛） $69風味十足😍 麵條煮得恰到好處，滑順有勁，與叉燒的鮮香和芝士的濃郁相結合，醬汁鹹香惹味，形成完美的搭配😍 溫泉蛋的滑嫩質地在攪拌後為整道菜增添了絲滑的口感🤤 配搭嘅芽菜可以任選份量，超大份😆叉燒飯 $28超抵食！叉燒肉質鮮嫩，外皮略帶焦香，搭配特製的醬汁，味道濃郁。飯粒吸收了叉燒的肉汁，每一口都香氣四溢，配埋雞蛋好飽肚～

雖然在香港出生和長大，但是從未去過秀茂坪。今天專訪商場最新的巨型大象滑梯，才首次踏足。原來秀茂坪商場好大，也有好多食肆，而且人流都幾旺。午飯時試了這間拉麵店，有不少有趣的體驗。.首先這是一間完全體驗自由意志的拉麵店。當你決完食湯麵還是沾麵後，還有一系列的選擇，從蔬菜份量，醬油濃淡，油濃郁度，蒜蓉份量和麵底軟硬度都有多個選項。餐廳甚有誠意為你煮出一碗最合你心意的拉麵。.其二是蔬菜（大量芽菜和少量椰菜）的份量，可由無、普通、到2、3、4倍。我是芽菜控，所以選了4倍！哈哈，在碗的上方矗立著巨大的蔬菜山！完全看不到拉麵！4倍蔬菜我都食得曬，而且非常滿足。.其三是每碗麵條都分小盛（150g）、中盛（200g）、大盛（300g）和特盛（450g）四種。而我們則犯了每個第一次來這餐廳食麵的人都犯的錯誤，就是眼闊肚窄，加上還點了餃子，結果麵條就食唔曬了。🏅半熟玉子拉麵大盛（$77）🏅芫荽辛辣拉麵中盛（$83）餐廳每日自家製的太麵（粗麵）有口感又掛汁，只是大盛實在太大了，小或中已好足夠。湯底濃郁，蒜味香濃。另外點了兩款🏅關東煮：燒豆腐（$9）和牛筋串（$18）。湯底非常清甜，燒豆腐嫩滑又大件，牛筋串軟腍

陽光啱好照係身後，好溫暖。每次職員上前問我要唔要調位，我都話呢度好舒服。每次食日本關東煮必叫蘿蔔，其次就係福袋年糕，好鍾意佢嘅形狀，咬落煙韌。🙈久等嘅拉麵終於到啦，細份都份量十足，多芽菜係呢度嘅特色，最多追加4 倍芽菜😂。湯底係豚骨醬油，醬油味蓋過豚骨湯味，整體比較重口味。自家製太麵咬落好有粗度！平時如果鍾意食三文治夾嘅真蛋黃沙律醬，咁你會鍾意南蠻炸雞個醬，炸雞都嫩滑。拉麵，就係一個人食都可以好幸福。

朋友話我知觀塘秀茂坪商場開咗一間源自日本岡山，在當地已開業15年嘅拉麵。它主打香港少有嘅二郎系拉麵🍜，喜歡覓食不同派系日本拉麵嘅我，急不及待去試試🤭🤭我哋選了特盛半熟玉子拉麵🍜、大盛豚骨醬油沾麵🍜和追加了關東煮白蘿蔔🍢特盛半熟玉子拉麵 🍜450g 豚骨醬油湯底濃厚順喉，配上極粗方形麵條，形成獨特口感層次，每一口充滿嚼頭，且能把湯汁完美掛在麵條上。叉燒不錯，配上半熟醬油糖心雞蛋🥚、大量肥嘟嘟嘅芽菜、蒜蓉🧄和青嫰蔬菜🥬🥬，為味蕾帶來豐富口感。大盛豚骨醬油沾麵🍜300g 豚骨醬油和大量豬脂背組合嘅湯汁，質地濃稠，味道更濃厚，而且粗身方形麵條，增加掛汁力，口感亦有嚼頭。叉燒兩大片，肉味濃但可惜部份質地有點嚡。不過加上大量蒜蓉🧄、蔬菜🥬🥬和芽菜，增加爽脆感和香濃嘅蒜香味。關東煮白蘿蔔🍢白蘿蔔清甜冇渣，吸收咗湯頭嘅精華，味道不錯，單飲清湯亦非常清爽順喉，唔會感到口渴。值得一試！總括來說，岡山一番座位尚算闊落舒適，拉麵份量極大，芽菜免費增加四倍，飽肚感十足，打卡一流，震撼感極大，價錢亦相宜。仲有其他定食和關東主題，選擇不少，如果想試二郎系拉麵，不妨去試試囉😊😊

南蠻炸雞本身諗住無乜特別, 諗住普通餐廳應該無乜驚喜啦,食落去外脆內軟之餘, 最中意佢個汁, 同朋友食完都二口同聲讚佢既汁令到舊雞更加昇華, 有衝動問店員到底個醬係點整, 實在太回味了餃子因為掛住食面,餃子我地放左一陣先至食, 但皮仍然都係脆架入面仲好足料, 係而家呢個時代好多時都係空心包同空心餃,呢到真係無呃人,而且入面D肉都好好味, 唔會太咸同太淡, 味道岩岩好半熟玉子拉面小盛雖然只係小盛，上到台見到個份量都嚇一嚇，性價比勁高。玉子食落流心，加埋芽菜令面更有唔多一層的口感，送兩份叉燒十分滑，唔會柴口，十分抵讚本身諗住咁多芽菜，加埋D麵個感覺會好怪，食落反而係多種享受呀！！溫泉蛋叉燒芝士拌麵我叫個碗仲得人驚，上台個下我同朋友都對望左一陣，咁大碗！ 好彩冇叫大盛，基本上都一定飽，份量十分充足。作為芝士控既話，簡單就係我既至愛。大量芝士加埋蒜香，拌埋D麵入面，一大享受！而溫泉蛋同叉燒一D都唔求其，睇得出師傅唔係敷衍了事！

可能因為唔係好鐘意呢個派別嘅太麵，叫左一個沾麵同一個溫泉玉子豬骨拉麵，仲有餃子，餃子好大粒，味道OK，覺得最好食係個玉子，之前嚟都係weekend都排隊，今日見到無人排就試下，好彩無排😂真係好一般，原嚟真係有日本野唔好食，唔會有下次啦，兩個都叫左中，建議可以叫小就夠了，沾麵唔夠熱，溫泉玉子麵有d咸，都比較油。小姐姐們服務OK，環境OK，仲有好多耳熟能詳的歌改左做日文歌，包括小幸運，紅日。等餐時間偏耐

朋友住秀茂坪，介紹剛開了冇耐的岡山一番店，平靚正之選，肚餓去都一定滿足到！其中大愛「溫泉蛋叉燒芝士拌麵」，芝士的香濃與叉燒的鮮嫩加上免費可四陪增芽菜，成芽菜山的外觀，上桌時都覺好可愛！另小食加配左 南蠻炸雞🍗和日式燒餃子🥟都不錯! 南蠻炸雞🍗外有蛋黃醬汁 ， 炸雞外層脆口內肉汁嫩滑， 而日式燒餃子🥟估唔到大大粒， 包裹賬卜卜的豬肉料鮮味十足！岡山一番店分店地點：觀塘秀明道101號秀茂坪商場3樓308至309號舖

呢碗芫荽芽菜蒜蓉拉麵實在太大喇🤣 首先睇落嘅就係麵條本身。麵條彈牙Q彈,真係好順滑,完全停唔到筷子😋拉麵嘅美味一定要歸功於芫荽葉同蒜蓉嘅絕妙組合！芫荽清新怡人嘅香氣,冇蓋過麵條本身,反而令整碗拉麵更充滿芫茜香。而蒜蓉同芫荽葉形成完美呼應。二者相輔相成,層次分明,令人回味無窮😎最後,呢碗拉麵嘅湯頭都係一大亮點。夠晒香辣！恰到好處嘅鹹香滋味,配合麵條、芫荽葉同蒜蓉同辣香呈現出令人難忘嘅絕妙和諧🤣總的嚟講,毫無疑問超抵食，絕對係一個best pick!

在秀茂坪的岡山一番店，我發現了一個專注於拉麵的隱藏寶地。這裡的拉麵選擇多樣，能夠滿足不同食客的需求。我們點了兩碗岡山一番拉麵，特別適合家庭中的小朋友與老人家。小朋友不喜歡辛辣，因此我們選擇了不加蒜的版本，湯底清淡而鮮美，適合孩子的口味。對於老人家，我們選擇了油的濃度降低的醬油淡味，這樣的湯品清爽可口，讓他們享受得很開心。我嘗試了「半熟玉子拉麵」，蛋黃流心，搭配濃郁的湯頭，讓人一口接一口。而且，芽菜的份量可以選擇四倍，這對於我這個喜愛蔬菜的人來說，實在是一大福音。「溫泉蛋叉燒芝士拌麵」讓我驚喜不已，芝士的融化與叉燒的鮮嫩相得益彰，加上紫菜的點綴，讓整道菜品色香味俱全。我們還點了「南蠻炸雞」和「日式燒餃子」作為小食，炸雞外脆內嫩，令人一試成主顧，而燒餃子則香氣撲鼻，搭配醬油享用，味道更加分。總體而言，岡山一番店的拉麵不僅味道出色，還能根據不同食客的需求調整，非常人性化。這裡的美味拉麵值得推薦給每一位喜愛日式料理的食客！