岩盤牛扒ミディアムレア ステーキ (Mikiki)

營業中

休息中

看見媒體介紹，有一家鋸扒性價比不錯價錢親民的牛扒店，當然要去試。點餐的時候，可以先看好要選什麼牛部分，要200g還是300g的分量，然後就選配料，要不要升級套餐。我選擇了牛扒套餐，日本和牛西冷200g，配了蒜蓉，追加68元喝紅酒，紅酒小小瓶一個人剛剛好。我覺得他的牛肉確實好吃，很新嫩，醬汁也好吃。

成日係Mikiki都無注意過係最底層竟有間食扒食得咁多元化嘅地方。因為朋友告訴我原來係一田個層有間叫岩盤牛扒，仲要好平好抵食，唔駛特別去，去完親戚屋企行落下就食到。最正嘅係啤酒promotion 勁平，有個朋友就係因為呢個原因去左幾次，罐同枝裝都係$45三枝，一班人飲真係好抵。最喜歡係日式店都有港式牛扒食，食左個雜扒餐，鐵板夠熱，個汁夠正，而且牛嘅質素都好夠，旁邊薯條都夠高質。仲有個富士山飯，好鬼靚，女士一定鐘意，喜歡的可以改叫黎打卡。不過最推薦一定係日式鋤燒，最平嘅豚肉也是$98有交易，而選擇日本和牛最貴也是$168，入面的野菜，雜茵同烏冬，都幾優質，以呢個價錢，絕對超值。尾聲還點了個同挽肉一樣的漢堡扒飯，雖然唔係即場燒俾你，但以漢堡扒串再上隻日本蛋呢個玩法又係值得打卡同精彩。

個西冷扒2百幾蚊又韌，又難食又冇味，平時都唔寫食評，但今次真係難食到要特登寫仲要煮完塊扒擺係個勁污糟嘅兜，就咁捧返上去塊鐵板度燒，完全不能接受二百幾蚊可以食啲咁嘅垃圾個溫泉蛋同個飯仲要勁難食

經過餐廳,看到懷舊鐵板餐賣相很好, 而且價錢也合理覺得值得一試. 然後在店裏叫了一個鐵板餐加$12追加套餐. 餐單上寫追加$12以為有飯, 湯加飲品. 怎料到取餐時，只有其中一樣. 追問職員下, 職員也承認是餐單上寫得不清楚. 只有道歉了事, 沒有跟進的行動. 簡直是誤導客人, 非常可恥. 加$12先有一碗白飯, 咁咪好貴？ 真係咁都俾佢諗得出! 而且食物真的非常一般. 情況就如大家樂也比較好. 鐵板完全不熱.肉類方面也非常普通，根本完全不值大概$100的價值.

今日lunch time黎到mikiki搵食，見到呢間舖頭主打鐵板牛扒同牛肉丼飯，幾多客人幫襯，我地就決定入去試下了👭呢間餐廳係採取自助形式，無人服務，需要自己搵位，行去收銀處落單，自行取餐及歸還餐盤我地兩個都叫咗一份港式鐵板牛扒配司華力腸🥩另外加了$16追加薯條🍟及飲品🥤拎餐嗰刻睇到牛扒好大塊，賣相唔錯咁，但就無鐵板牛扒熱辣辣既感覺，完全係煮好就咁擺係鐵板🤷🏻‍♀️我地切落牛扒就知道出事了，牛扒係微溫，入面仲係好紅，好生，而且超多根，食落又好靭😢成塊扒有一半根本係根黎，完全食唔到🤦🏻‍♀️價錢又唔算好平，但質素咁差，真係好失望🫠以後都唔會再幫襯呢間餐廳！

今天午飯時間下雨， MIKIKI的餐廳都有很多人，帶同事試這間牛肉店午餐，$46有細牛肉飯，味噌湯和沙律。我就點了饅魚丼$69.好難得找到兩個位，真心好多人。。。這𥚃是自行找位，自行去點餐，和快餐店的模式相似。離座時要把食盤放去盤架上，這個就似 IKEA food court mode.同事（男士）本身覺得同食吉野家無分別，後來就發現牛肉有很多片，味道還可以，佢覺得算抵食以免夠飽，並會介紹其他人去食。饅魚飯要等10分鐘左右，明明入單都寫了少飯（實情是我不吃飯，因之後會打搕睡）,廚房沒有調整，照樣一大碗飯給我。真心不好意思，浪費食物。估不到是還有不少牛肉在饅魚底下，所以性價比算高。

岩盤牛扒大大嘅鐵板, 燒到紅卜卜咁!! 侍應帶我哋去到一個卡位, 枱面就係塊鐵板!! 侍應好快就拎咗塊牛扒上枱, 仲有啲配菜同埋醬汁!! 塊牛扒好靚, 紋理清晰, 色澤鮮紅!! 侍應幫我哋將塊牛扒放咗上塊鐵板度!! 一放上去, 就聽到「嘶嘶」聲, 好鬼正！好快, 塊牛扒嘅表面就開始滲出肉汁, 陣陣香味撲鼻而來!! 我急不及待咁拎起塊牛扒, 切咗細細舊放入口!! 牛扒嘅肉質好嫩滑, 肉汁好豐富, 每一啖都充滿肉香!! 我哋試咗唔同嘅醬汁, 各有特色!! 最鍾意嘅係燒烤汁, 鹹鹹甜甜, 好惹味!! 

很喜歡源自於日本的岩盤牛扒ミディアムレア ステーキ ，大衆化的櫻花丼set 絕對是物超所值之選！🌸🐮🍚今天 order了燒肉眼丼配溫泉蛋！🥩🍳 🍚燒肉眼丼上的肉眼切得薄片均勻，經過燒烤後外焦內嫩，配上溫熱的蛋白，為眼丼增添了豐富的口感和味道😋以$86的價格享受到這道燒肉眼丼配溫泉蛋，絕對係平靚正嘅選擇🤍🤍🌟食評指數：7.5/10💁🏻‍♀️人均消費～HKD90🗺️ 地址：B1, Mikiki想睇更多餐廳分享，請like & follow @_jolly.foodie_#spkfood #spkjollyfoodie #JKHK

今日行過mikiki見到有間舖頭主打鐵板燒同牛丼，於是入咗黎試下入到去全部野都係自助形式，自己搵位坐，自己去收銀落單，我叫咗個燒牛丼，食咗第一啖牛，真係好咸好咸好咸，重點係好腥，我真係第一次出街食飯食到頂唔順嘔番出黎，自問自己平時食野都重口味，但估唔到間餐廳個廚師可以咁重口味，完全覺得係落晒成樽鹽落去咁咸！咸到想問下職員有無水飲，點知水都要加錢買，但真係頂唔順，咸到一定要飲野！朋友叫咗個燒西冷，等咗半個鐘都未有，之後先發現漏單，但西冷感覺好腥同好靭，真係好難食！喱間餐廳真係可一不可再！

味道就見人見誌。叫了一個燒牛井，一個櫻花牛井，都比較柴。唔知點解，D飯超熱。。。但另外，就要排隊買飛，叫號取餐。點解還要加一服務費！？而且毫子更加是四捨五入！已經是支付寶俾錢，但一樣！！！？？？

🐂🥩早前買左鄰住買既岩盤牛扒餐，$88有富士山石板牛扒，仲連富士山特飲，好抵好吸引🤩原來係日式石燒牛小店，採用日本式自助概念，櫃枱買餐後要等號碼自己拎餐，食完要自已還盤，而店內座位較迫，個人覺得有d危險石板牛扒原來可以揀，店員飛速又細聲甘問，要咩牛？牛板鍵，封門柳定牛柳？好彩仲聽特切有咩牛，我地要左一份牛柳，一份封門柳。兩款牛都牛味濃，份量唔少。牛油粟米好香甜，富士山飯打卡一流但冇味，不過放係熱辣辣鐵板上砂成飯焦好香口，點埋牛扒既柚子燒汁又幾好特色富士山飲品原來係波士汽水加雪糕，要自己將汽水加入雪糕，但兩枝汽水都一開就爆出，整到成手成枱都係，好狼狽食物質素其實ok，味道、份量&賣相都好，不過冇服務可言

我推薦位於新蒲崗的岩盤牛扒，這家扒房真的算是相當不錯的選擇！他們的雙拼扒餐特別好吃，裡面有牛肉和豬肉，滿足了不同口味的需求。無論是牛肉還是豬肉，都烹調得非常嫩滑，口感令人滿意。尤其是他們的蒜蓉汁，真的是絕配！濃郁的蒜蓉味與肉類的鮮美完美結合，讓人回味無窮。除了美味的扒餐之外，他們還提供多種飲品選擇，讓你可以搭配喜愛的飲品享受美食。這種貼心的服務讓用餐體驗更加完整。總的來說，岩盤牛扒給人留下了深刻的印象。他們的扒餐選擇豐富，口味出色，並提供美味的蒜蓉汁和多種飲品選擇。如果你在新蒲崗地區，我推薦你去嘗試一下，相信你會對這裡的美食感到滿意！

Mikiki入面唔少餐廳都係連鎖店，咁啱未食過呢間岩盤牛扒，午市套餐嘅價錢都算合理，座位又幾闊落，就決定入去試吓🙈見唔少人試個富士山牛扒餐係幾有特色幾吸引，但嗰日唔太餓，就簡簡單單食個牛肉溏心蛋烏冬配沙律可樂($73)🤓餐廳採取自助模式，不過職員都會提大家攞餐嘅時候小心熱，因為烏冬係用個熱石鍋裝住，唔使驚食食吓凍曬👍🏻牛肉都係平時丼飯啲肥牛，不過份量幾多，又唔算超級肥膩，糖心蛋亦都好入味😋烏冬係比較幼身嗰款，煮得幾啱啱好，少少彈牙😉沙律嗰粒大大嘅蕃茄仔係幾新鮮嘅Juicy😂可惜啲椰菜有浸苦澀味，可能係冇浸過水或者浸得唔夠，建議大家都係嗌返麵豉湯😗

Medium Rare Steak 和風咖喱吉列豚肉飯以及搭配的salad和烏龍茶，整體評價屬於中等水平。Medium Rare Steak的烹調程度剛好，讓牛肉保持了嫩滑和多汁的口感。外表烤至金黃色，帶有一定的鮮嫩香氣，但可能缺乏一些深度的烤肉風味。肉質柔軟，但有些部分稍嫌過軟，可能缺少一些口感上的嚼勁。咖喱吉列豚肉飯的味道尚可，咖喱醬汁濃郁，帶有微辣的風味，與豚肉搭配得宜。豚肉肉質鮮嫩，但可能稍微有點乾燥，缺乏一些肉汁的滋潤。米飯的口感正常，但可能缺乏一些特色或層次感。salad作為配菜，清爽而搭配合理，帶來了一些口感上的變化和蔬菜的清新風味。然而，salad的味道並沒有特別突出，可能缺乏一些獨特的調味或創意。烏龍茶作為伴隨飲品，清香的茶葉香氣和滋味令人愉悅，為整餐帶來了一些平衡和和諧。總體而言，Medium Rare Steak 和風咖喱吉列豚肉飯搭配salad和烏龍茶的組合味道尚可，但在一些細節和獨特性方面可能有所缺失。希望餐廳能夠進一步改進和提升菜品的口感和風味，以滿足更多食客的期待。

今日去左新蒲崗出job，咁岩有fd個band room係新蒲崗，佢係大忙人平時都好難約佢，但個日竟然約到佢食晚飯，大家夜晚都係附近佢就介紹我黎mikki食呢到既牛扒，呢到啲牛扒全部都好新鮮好有牛味，佢係計係幾多gm再去乘返幾錢嫁，好公道，佢一個set包埋沙律同湯，我果個比我個fd細，大概150蚊內，佢下面係有個鐵板，所以要快啲食如果係好驚啲牛生，我個fd就係太遲都未食，塊野已經唔熱要叫佢地換個塊板比佢