岩盤牛扒 ミディアムレア ステーキ (博文街) (已結業)

熱石/鐵板燒牛熱潮興起了好一段日子，終於抽到時間去試一試。此種熱潮一出，類似的燒牛店舖林林總總，真的不知道選哪一間才好。又係OpenRice search嘅時候啦，見到這間medium rare 都幾多好評，約埋朋友去試一試。睇吓餐牌，有三款牛可以揀，分別係肉眼部位1g $0.29, 牛柳1g $0.33, 西冷部分1g $0.49。我揀咗牛柳配洋蔥油，set加配麵豉湯，白飯，和可樂。朋友選了西冷部份配蒜油， set 配沙律白飯和可樂。即場收銀在你面前切完再磅重，明碼實價。付款後，會給你必必機，一響機就代表可以去取食物啦。桌上亦有黑胡椒和鹽，自由地另加調味。我的牛柳配洋蔥油，set配麵豉湯白飯可樂，上桌時炸炸聲，熱辣辣，出晒煙。牛柳切開偏熟，約有8-9成熟，食落頗有牛味。朋友的西冷牛扒配蒜油， set配沙律白飯可樂，賣相更為吸引，切開約3-4成熟，鎖住肉汁，味道更好味。食完之後把餐盤放到返卻口就可以了，半自助形式。

本身好少踏足大角咀，但係之前都聽過身邊好少朋友介紹呢間食扒嘅地方，話佢抵食大件又有水準，今日響旺角做完運動之後就近近地過嚟呢度試吓，果然係冇介紹錯。首先去到門口就揀定你要食邊款肉，有肉眼，牛柳同埋西冷選擇，店員姐姐都好耐心咁介紹每一款肉嘅特色，邊款會肥啲，邊款會口感好啲，都逐一詳細解釋。簡好邊款肉之後，就選擇你想要嘅汁，有香蔥味，洋蔥味同埋香蒜味，跟餐佢有得配白飯，沙律，味增湯，汽水任選其三，選擇好之後你就可以坐定定很食牛扒啦。等咗大概10分鐘左右，個餐就準備好，香噴噴，鐵板嘅聲音非常響亮，見到都口水流，佢價錢雖然好實惠，但係個餐一啲都唔馬虎，切開見肉眼扒，入面真係medium rare，唔會well done咁hea俾你，肉眼扒上再配以乾旋片粟米粒，口味係十分之夾每張枱面上都有喜馬拉雅山岩鹽同埋黑椒俾你調教自己喜歡嘅味道，但係我覺得佢原汁原味咁食就算唔點汁都已經係好好味黎大角咀搵食嘅朋友千祈唔好錯過

而家愈黎愈多石燒牛扒店，咁我本身都幾中意食牛扒，就當然要同朋友周圍試下啦呢間餐廳有肉眼、牛柳、西冷部位可以揀，而D牛扒係段gram計，可以因應自己肚餓程度黎決定食幾多，咁就唔使驚食唔曬或者唔夠飽同埋因為鐵板上嘅緣故，可以自己決定牛扒嘅生熟程度 先去點單處落order 我同朋友分別揀咗西冷450g($220) 配蒜油，同牛柳300g($99) 配洋蔥油另外加$25可以轉做set，有得白飯、味噌湯、沙律、汽水裡面四選三落完ORDER後，佢會畀個取餐提示器你然後可以入座等，當佢響時就代表出得去拎牛扒枱面放有調味料，黑椒(左)同喜馬拉雅鹽(右)西冷450g 配蒜油轉套餐(白飯、沙律、可樂)：西冷上面一堆蒜粒，好香蒜味。而西冷少少油脂，食落充滿牛味之餘亦夠油香味佢下面都放左d粟米粒，咁就可以減慢煎到熟晒嘅時間。趁佢一開始食嘅時候最好食，因為本人中意食冇咁熟嘅牛扒，少少紅紅地咁就夠嫩滑食到後期西冷開始熟少少，有dd硬，不過都OK牛柳300g 配洋蔥油轉套餐(白飯、可樂、味噌湯)：試左朋友一舊，都唔錯，肉質鮮嫩但始終牛柳少D油花，味道冇西冷咁濃郁同油味食時點一點柚子醬，酸酸甜甜，同塊扒味道都好夾，好

在大角咀橫街小巷搜尋美食 看到有價錢不貴又吸引的鐵板牛扒店在門口已經貼上主要有3個不同部位可以跟喜好選擇按價錢排列: 肉眼/牛柳/西冷在門外點餐 首先選擇想要的部位及重量後然後職員會立即在凍肉櫃切出來再按重量收費可以選擇加錢要套餐 可選湯/飯/飲品付款後需自助取餐今天分別點了肉眼400g 要蔥油及西冷300g 要蒜油 肉眼肉質比較軟 牛味突出 西冷充滿油香 牛肉味充足 2款試過後我個人比較喜歡西冷 以這個百多元的價錢來說鐵板牛扒真的是性價比很高

能夠間唔中可以搵到 高質牛扒是特別高興， 加上價錢合理， 食晒咁上下質量， 你就會覺得享受呢餐的滿足。 大角咀我平時好少來， 但因為嫁左去西區， 有時搭905都望到呢到好多野食。 呢次老公叫黎搵食，咪跟佢來。 老公愛日式餐廳， 屋企附近曾經食過一個類似既，專食牛扒的餐廳， 不過個間就自助快餐式，用石上既。呢間好過引。 一入門口就唔係搵位先。 是揀食乜扒先。我就揀左牛柳，老公食肉見眼肉眼。叫左之後職員比左兩個等待制我地就搵個位坐。 等左好短時間就震制有得攞呢件肉眼300G, 嘩目測都好足份量～ 因鐵板上就叫5成～ 老公要熟少少。 鐵板放多陣就變7成吧～呢份肉眼好有牛汁，職員煎得好好～鎖到肉汁又平均。到我呢性牛柳，眼一見時我心中有點怯，因為牛柳偏厚身，我有一下擔心佢唔熟太生～ 點知一切開～～～～～～～嘩！ 剛剛好～ 一咬勁冧～真正5成就係咁～ 有肉汁但又唔夠冧，冧得黎唔會生到咬唔開～ 真係成份剛剛好～～ 份量剛剛好～～ 有質素一流但平民價錢。 享受了一個美好的晚上。

係深水埗呢d橫街窄巷黎講，有好多隱世食店，今日行行下見到呢間鐵扒牛，仲有kg黎計錢，睇落都幾專業，所以一於黎試下佢先。環境方面裝修非常日式化，好多木制傢俬，店內都唔少高身枱，都幾特別，而且枱擺法都算幾open area咁，以日本文化黎睇就比較少見既。食物方面今次叫左佢個西冷黎食，因為西冷肉味最夠，而且入口會比其他部位嫩，所以應該都唔會伏得去邊。反而牛柳位置，就好睇隻牛既級數。佢會新舊黎一大舊出黎既場切比你，再磅重，非常勻真。就咁睇隻扒，都幾吸引下上碟果下zz聲真係令人大開胃口。調味方面，都幾高級下，有海鹽黎調味，大家不仿落d，可以吊起牛味。沙律同湯同飯，可以有一份，雖然唔係任食，但都夠曬飽嫁喇。

聽朋友講有間非食不可嘅牛扒店，講到咁犀利，就姑且睇下你有幾犀利！長途跋涉，終於去到位於奧運站嘅Medium Rare Steak, 故名思義，佢整出嚟嘅扒都係Medium Rare嘅，不過如果你有特別要求，當然可以提出啦！首先同門口個哥哥仔講低你想要咩部位，咁最貴就係西冷，跟住就揀個汁，同埋跟餐嘅side dish, 然後就入店揾位坐，期待住非食不可嘅牛！有lu, 你要自己出去攞埋位，e個時候已經嗅到好香，再淋上自家肉汁，食落，好juicy!! 終於明點解係非食不可，確實如此。有一點要留意，就係所有人食完都記得要自己將個盤擺番去返卻口，做個人見人愛嘅乖寶寶，自己餐盤自己放。走嘅時候，仲見到佢地有電視講自己嘅牛扒

食完e間牛扒之後，以後奧運係我心目中唔再係一年一度嘅運動會，而係Medium Rare Steak!!! 是咁的，有日路過奧運站揾食，我估係我咁多年人，生平第一次踏足e片土地，唔知頭唔知路，成條街嘅餐廳都係西式同埋酒吧多，唯獨是有一間門口貼滿曬牛扒牛肉同牛嘅圖，相當吸睛，鐘意食牛嘅我緊係當傷被吸咗埋去啦，唔過去尤至可，一過去，d香味呢，d煎牛扒嘅聲呢，嘩！我唔得喇！今晚一定要食e度呀！興奮之際就衝咗入餐廳，喔噢！唔好意思，原來要係出面點完先入，咁佢就根據我塊牛嘅重量嚟睇下幾錢，分別有肉眼，牛柳同西冷3個部位揀，由平到貴！牛好好味，一率medium rare, 但唔會有飲血嘅感覺，油脂香，肉質稔，係要無限an call!!!!

呢輪真係開左好多間熱石牛扒店！呢晚又有d想食，經過大角咀見到呢間medium rare steak 就即刻決定要食啦！先係門口點餐～～我就比較肚餓所以揀左400g既西冷～～店員會係你面前磅，保證夠秤！加多25$就可以4揀3！我揀左沙律、烏龍茶同飯～特別留意呢度係自助執野嫁～ 等左冇耐就有野食啦～～我覺得佢有個地方可以做得好d就係放張紙巾遮住塊扒～因為不斷俾d汗彈到好痛～～塊扒勁多肉汁！見到咁正彈到都唔緊要啦！我要左蒜蓉汁～～塊扒上面仲有蒜片～同平時食開既都差唔多，要幾熟就自己切，燒到咁上下再食～西冷都的確唔錯～肉質夠嫩！建議黎都可揀！ 沙律夠哂芝麻醬，美中不足冇得任食～～哈哈！

知道依間扒幾出名，趁著假日就出大角咀試試佢。見到個餐牌都有幾多選擇，肉眼,牛柳同埋西冷位址扒,分量可以揀300克/400克既扒, 我本身中意食肉眼，就揀左400克肉眼啦。之後可以再揀個汁，重口味的我揀左蒜油哈哈! 之後就可以揀飯或沙律,味噌湯,汽水或鳥龍茶。 點完餐就會比個號碼你等叫餐啦d扒係由鐵板上的，肉眼真係好大舊！吱吱聲令我諗起細個茶餐廳食扒，好有童年回憶！上枱時已經好香蒜油味，急不及待咬一口！好厚但又冧的肉啊！口感一流！好大陣牛肉味！再加上柚子汁,仲有種清新的感覺呢！再配埋白飯，一定夠飽！味噌湯都好好飲！海苔味都好香！整體就是大滿足呢！

去奧海城同朋友買完野, 朋友話附近有間鐵板牛扒好高質,問我有無興趣,仲洗問既? 梗係GOGOGO啦。全遠處已經見到個餐牌,分別有肉眼,牛柳同埋西冷位,仲有得揀300克/400克既扒, 見朋友咁大力推薦, 當然揀個最貴價既400克西冷部位啦。揀完扒之後,店員而刻係你面前量個重量, 貨真價實, 再揀埋個蒜油! 之後就係可以係飯,沙律,味噌湯,汽水或鳥龍茶四樣之中揀三樣,  我就揀左沙律,味噌湯,同龍茶。點完餐就返埋位等野食, 等左大約5分鐘左右, 店員叫你個號碼, 就可以出去拎野食啦!鐵板上吱吱的聲好有霸氣, 牛扒燒得香味四溢, 急不及待拎返位食! 牛扒除左勁香蒜油味之外,口感一流,絕對唔會太老,太鞋,太UN,就咁食既話都好有牛味,如果再點上柚子汁,味道更加係另一個層次!清新得黎又有D酸酸甜甜既味道,超級開胃!而沙律都絕對唔馬虎, 菜夠新鮮,醬汁又夠多,如果食完牛怕油膩,食個沙律就絕對最正確既選擇。味噌湯極重面豉味,海苔比較特別,係碎碎的,比其他食店一般用一塊過而由軟身既更具口感。

近排香港開多左好多日式鐵板牛扒店，因為價錢平民就可以食到jarjar聲．inevitable，每次行過都見到大排長龍。今日終於約到朋友黎體驗下係咪真係咁物超所值啦～呢度有三種選擇：肉眼、牛柳同西冷。我叫左塊400g嘅西冷扒，因為根據介紹，我個人比較鍾意肉質較結實有口感嘅。而熟度呢，就當然係Gordon Ramsay都推薦嘅Medium rare啦。加上本身有鐵板墊住，入口個陣個熟度會再熟少少～店員現場即叫即切400g西冷出黎，快狠準，真材實料，值得嘉許～之後我配左個set，入面有飲品、白飯、沙律同味噌湯四揀三，我個人鍾意牛扒就咁享用，而且400g份量都唔少，叫飯可能清唔哂，所以就配左其他三樣。等左一陣，取餐個牌仔終於響了！鐵板一路滋滋聲咁煎住塊扒，場面相當激烈，蒜頭同牛油d香氣撲鼻而來，仲插左支旗仔係塊扒上面，個畫面好過癮。餐廳有提供柚子醬汁，而我就鍾情於磨少少岩鹽同黑椒食牛扒原味，磨少少岩鹽同黑椒就已經可以做到個效果。橫切面上三成近五成嘅熟度，配上調味料同蒜蓉，入口就係好食牛扒應有嘅味道，牛味濃郁，風味十足，好食！一路食牛扒都不忘食下其他配菜。沙律主要係椰菜絲同蘿蔔絲，配上芝麻醬，清

慘慘又抽到返地獄更🙉🥺適逢日頭要幫朋友去奧運站附近拎啲野🙉還掂拎完撞正Lunch Hour🍴🤤咁啱經過呢間半自助扒房🍴🤤🥩趁連早餐都未食又忍唔住入黎食返塊扒扒先開工啦🤤位於大角咀博文街既牛扒ミディアムレアステーキ🐮🥩由奧運站C1出口經天橋滙豐中心行過黎都算方便😆呢度係一間半開放式既扒房🐮🤤簡約既環境裝修牆上掛上唔同既擺設掛飾之餘🐮☺️烏光暗淡既燈光以及仿磚屋設計甚有特色的😆肉眼 (300G) Order既時候會即切相應既牛扒重量再過磅盡顯均真😆除左食扒扒之外🤤🍴🥩可另加$25加配沙律、麵豉湯、白飯或飲品四選三😆小肥今次Order左300克肉眼既份量例牌少食多滋味😆更以賣相一流既高溫鐵板保持絕佳口感及牛扒溫度😆以三成熟上枱再以高溫石板煎香讓客人自行控制熟度🤤原塊以鐵板煎香能鎖住肉汁肉質滑嫩Juicy之餘🤤🥩🐮肉眼扒比西冷扒較少脂肪😆脂肪比較更均勻☺️🥩配合黑椒及岩鹽更帶出扒香鮮味😋🔥灑上乾蒜及加配蒜油帶出更多口感及蒜香🤤

星期二同老婆附近睇完戲就過大角咀搵食，上次食過拉麵又去附近睇下有乜新野。見到對面有間大大件牛扒段g計,睇左一輪又入去試下呢間日式鐵板牛扒店都同其他同類店一樣要先門口落單比錢再入去搵位坐。我地就門口點左個300g肉眼套餐同300g牛柳套餐，點完店員仲會比我地睇幾大舊我地果晚差唔多8:30好容易就搵到位置每次最少300g一份，坐左陣取餐個機仔就響了肉眼好大份，個䓤油好配合，而且幾特別，另外每份都會同時配個柚子汁，食落去清新好多值得一讚牛柳就夠厚身大大份，變左無咁易好似肉眼咁咁快熟晒蒜油都唔錯，好香，但個人中意䓤油，比較特別。食完之後就自助拎去還餐口度就可以。最後，問左店員如果無特別要求一般都會三成熟咁上落鐵板，但其實食左陣已經完全熟晒

早排開左唔少呢啲日式鐵板牛扒餐廳日日都排晒長龍今日行過唔洗點排就一試下睇返佢個menu 有三種肉揀價錢就根據肉嘅種類同gram數黎計之後再睇下有冇需要跟餐最後我地揀左300g 肉眼同400g西冷當然你可以再叫多啲，但就唔能夠叫少過300g係收銀度同佢講完要咩之後店員會係你面前切牛扒之後上磅由於人手操作嘅問題，價錢唔會係exactly 300gram個價錢,會多少少，例如肉眼最後係$95,可以接受落完order後，店員會比一個電子牌俾你響就可以出番counter拎餐係等嘅過程中見到佢哋電視有介紹返佢哋嘅報導原來所有嘅牛扒佢哋都會輕煎成三成熟其餘嘅就會有鐵板嘅熱力將佢煎熟張枱上面亦都有黑椒同埋呢個鹽現提供返等左大約15分鐘就已經有得上菜牛扒大到大過塊鐵板加埋上面嘅香蒜，成件事覺得好juice另外跟左個餐，揀左白飯烏龍茶同沙津沙津配返日式芝麻醬好好食牛扒放一陣就會變成五成熟肉質口感一流，肥瘦均勻另一個肉眼都大塊到得人驚肉質相對西冷較霖記得食完之後要回返個盤係回收處啊