岩盤牛扒 ミディアムレア ステーキ (博文街) (已結業)

今日好想食扒但又唔想食咁貴, 上網睇見到呢間仿傚日式既平價扒房，結果都冇令我地失望，真係好食而又抵，咁既級數一D都唔貴!首先有三款肉可以揀，分別係肉眼、牛柳同埋西冷，我同朋友都係揀左西冷，因為肉味濃同埋肥瘦比例好，我就要3成，跟返餐廳既推薦，而朋友就要5成。要留意因為牛扒係用熱板上，所以塊扒係會比order時既再熟一D，即係3成會變左5成，5成變7成，唔想太熟既就跟返3成可以了。揀好要咩肉之後就會即時切，我大約係500G所以就跟返佢個價錢照乘就得。另外仲可以揀用咩油同埋加套餐，我就要咗蔥油而朋友就要蒜酒，蔥油因為仲有少少水份所以遇到鐵板會”jar”得好勁，餐廳都好貼心提供圍巾可以保護衫費時D油彈到周圍都係。西冷既肉味真係好濃，3成上到台真係似5成左右，淋得嚟又唔會太肥或瘦，加埋蔥油既香同埋跟埋一齊上既柚子醬，好高質既一塊扒，師傅亦都煎得好好食!有機會一定會再試佢既肉眼!

前排睇fb見呢間餐廳sell逐克計重量黎計錢~就算食400g西冷都唔駛$200~加$25仲可以配埋沙律、味噌湯、飯、飲品三選一，見幾抵就黎試一試~星期日落緊雨但都已經有D人係度排緊隊，係門口秤完塊扒揀好要咩SAUCE、熟成度同要唔要set就可以入去坐~今次揀左西冷配蒜油~鐵板上周圍都咋咋聲~驚彈到油出面有圍裙可以拎~我想話蒜油係冇得輸，個蒜味超級香~而牛扒我唔想太生所以叫左5成熟，鐵板一路熱住所以塊扒會一路食會愈黎愈熟~食都最尾我塊扒都差唔多全熟~我一塊扒係唔同時間食都食到唔同口感，幾正!呢度既西冷出色之處係一d都唔韌，係我食過最易咬開既牛扒之一，平時食牛扒總要嚼好多下先咬得爛，但呢度既牛扒我竟然好快咬得開，呢點好讚!我叫埋set配左沙律、白飯同烏龍茶~沙律係麻醬椰菜絲，一啖食充滿油香既牛扒，一啖食椰菜絲，平衡到個油膩感~另外值得一提係佢既醬汁，有d柚子味點牛扒好惹味!撈飯食都一流! 烏龍茶雖然係一般包裝飲品但勝在可以解滯~唯一要數就係呢度座位較少，坐得有d逼，但食物係一流~

這天在奧運站下班，趁著 happy Friday的悠閒，發掘大角咀美食，這次一試沒有中文店名的>>>牛扒 ミディアムレア ステーキ  Medium Rare Steak<<<。 這天下班時間比較早，大概五時半，已經到達餐廳。能夠早早用膳好處多，一來提早消化，避免因太晚進食致肥，二來不用輪候，坐得也較舒服。 餐廳提供三款牛扒，分別是肉眼、牛柳和西冷，份量按個人選擇，最少選300克，收費按每克計算，即切即磅。 然後選油，也是三款：蔥油、蒜油和洋蔥油。個人偏好蒜頭香味，於是選擇了蒜油。此外，餐桌擺放黑椒和喜馬拉雅山岩鹽，可以再為牛扒添味。 加HKD25將牛扒升級為套餐，共有四個選項，食客可四選三：白飯、味噌湯、沙律或汽水/烏龍茶。想減少吸收澱粉質，於是撇除了白飯，選了後三者。若想散叫，也可單點喲。 石板十分高温，取餐或進食時均需注意安全。牛扒以三成熟為依歸，但畢竟石板有其熱力，牛扒或會比三成更熟，若喜歡三成滋味，宜盡快享用。 石板熱力十足，能令牛扒持續熱騰騰的口感好一段時間。牛扒上以香蒜片調香，更為美味。配合味噌湯、沙律和紙包烏龍茶

真係無試過食咁抵食既牛扒！依家餐廳食既牛可以話係我食過最好食既牛！依日我同朋友都好想食牛，無意中見到依間餐廳，我地每人叫咗一個餐，分別叫咗西冷部份同埋牛柳，可以一齊share食，兩隻都試哂。我地都超肚餓，所以叫咗各自400 gram。西冷部分(400g)係$196，而牛柳(400g)係.就係$132，400g好大舊，可以話係勁抵食！而調味料呢，就可以揀蔥油、洋蔥油或者蒜油，係唔使加錢既。依個係西冷牛扒，配蒜油。我地再加咗$25 要個set，可以四揀三，有白飯、味噌湯、汽水/烏龍茶、沙律。我地好想試試佢個特別包裝既可樂，所以無叫到湯。支可樂好得意，唔會好甜，有啲似zero無糖可樂，用黎送牛扒都幾適合啊下面依個就係牛柳，好食到爆炸！有種入口即融既感覺，一啲肥肉都無，又完全唔會「un」或者咬唔到，咬果下啲肉汁出哂黎，係我下次一定會再食既原因價錢又合理！抵

門口 menu 清楚寫明唔同嘅肉類，每個gram嘅售價，而且雪櫃一眼睇通肉質靚唔靚，可自行選擇。選好牛柳， 店員即時砌出嚟上磅， 自助式比錢！我嗌咗個牛柳配蔥油，跟餐，沙律湯及飲品。裏面環境，都好舒服，好有日本feel，需要自助，自己取圍裙，自己取餐，自己放好食完嘅物件，這種自助主義我十分歡迎。牛柳豐富肉味，配上蔥油醬料，自行加上黑胡椒及海鹽作為調味！自己控制好食嘅時間，自巳切出嚟保持半生熟嘅感覺，牛柳肉質，好軟熟。

早排經過大角咀跟住博文街附近 ，發現呢間好吸睛嘅 "扒房"， 我同朋友即時有衝動入去試試！ 簡簡單單嘅門面，自己選擇唔同嘅肉類及位置， 喺收銀旁邊職員會即刻從凍肉櫃內砌出你指定嘅重量，即時磅重、收錢，貨真價實！跟住就交咗一個訊號牌，我哋就可以入去裏面 坐坐，當食物準備好信號牌就響起，自行出去 取食物，我頗喜歡這個設計。我同朋友分別都加了25蚊選擇套餐，有湯，沙律 同埋飲品。我揀咗西冷 382g 分量真係好巨型，個鐵板都放到滿曬，中間切開嘅時間大約係三至五成熟！肉質有彈力，十分柔軟，入口肉汁四濺，啖啖肉，真係十分滿足！

西餐嘅配套同service當然重要但講到底食扒最緊要都係嗰塊扒大角咀呢區好少去近奧運站同旺角喺兩排唐樓下都唔少特色餐廳7點半門口已經排隊一路排隊一路裝入面呢間食扒嘅日式西餐廳啱哂 因為佢除咗有得揀要咩部位咩sauce仲可以揀咩份量 搭咩做一個set女仔怕食唔哂可以揀300g餐廳中間有牆間開趁有檯人走咗影一影揀完餐就坐返喺位等出去拎雖然冇人行過唻帶位落單但換返唻就係塊扒平返好多上檯件扒好大煙我揀咗肉眼鍾意佢肉地鮮嫩又有啲油脂用鐵板燒完都仲係好juicy肉嘅質地認真唔錯呢隻可樂第一次飲冇Coca-Cola咁甜但佢好夠汽罐裝都好似玻璃樽裝咁夠汽必試

At first we were just tryna get some drinks around, but it was quite early by that time we arrived, so my friends and I decided to get some food around instead.We spotted this Japanese style steak house just a few steps away and decided to give it a try. There's a huge banner hanging out of the shop, showing the customers how to make their own choice of the different set meals.We ordered 300 g of rib-eye, together with salad, miso soup and oolong tea.The steak was pretty tender and juicy, I gues

同朋友約咗喺呢一頭諗住飲吓嘢放鬆下，不過因為要約埋其他人比較夜啲先至happy hour，所以就決定喺附近搵吓嘢食填飽個肚先。😛行前少少就見到呢一間有得食日式牛扒嘅鋪頭，於是就八卦下。😀😀點解會咁輕易就搵到佢，原因佢喺鋪頭嘅出邊牆身掛左banner講點樣揀嘢食。😗😗同店員講完揀啲乜嘢嘢食之後，佢就會喺面前即刻根據你要揀嘅份量，切出嚟然後處理，所以我哋揀完嘢食就可以入去搵位坐低，等個感應器響就有嘢食啦。😇😇揀咗牛柳配沙律，飯同埋烏龍茶，汁就揀咗蔥油汁。首先要讚下佢個蔥油汁好香，牛柳本身我就覺得味道比較淡，所以加埋呢一個蔥油汁落去就啱啱好，可以帶出牛肉嘅香味，用嚟配飯食係一個絕對好味嘅配搭。😍😍😍食完飯墊一墊個肚，仲可以約埋朋友去隔離一邊睇波，一邊飲酒，放鬆下。🍻呢條街嘅嘢食有齊晒可以滿足我嘅需求。😻咁就過咗個happy weekend！😌😌😌

大角咀呢一邊越開越多餐廳，尤其係博文街呢邊，可能方便大家放工，可以多啲嚟食嘢。😝😝 今日就同屋企人過嚟試吓。😛 呢一間食牛扒嘅鋪頭，之前因為朋友食過大埔嘅分店，同我推介，所以就決定係屋企附近試吓。😗 因為怕多人所以我哋比較早黎，早黎果然就唔使排隊，好容易就搵到位。☺ 我哋加咗$25叫一個套餐，就可以喺飲品，沙律，飯同埋麵豉湯入邊揀三樣。我哋揀咗沙律，飯同埋飲品。👀 我哋揀咗西冷牛扒，然後配蒜油。😀 份量好足夠，而且西冷扒係新鮮係我地面前切出嚟嘅。新鮮嘅嘢食當然就有返咁上下品質保證，放喺鐵板上面可以自己調校想要幾熟。☺☺ 啲肉唔韌，而且好有肉汁。加埋個蒜油，香得來又夠晒味道，實在係冇得彈啊。😇

轉咗工之後依家成日晌大角咀附近出沒，事實上之前都知大角咀有好多好嘢食，平時lunchtime 行過都有見過呢間牛扒店，見到按重量計感覺幾特意，但門外人龍總係非常長，所以晌有限午膳時間內，都無試過不過終於等到，收夜同同事行過見無咩人，就決定要試一試，但亦都因為太夜嘅關係，只係得番西冷扒選擇，雖然最想食肉眼扒，但唔緊要喇，西冷都ok 😂😂晌門口同職員點餐後，自助形式入去搵位等嘢食，傾咗一陣my steak is ready, 賣相唔錯， 我叫5成熟，扒方面有一啲位置熟咗少少，但某程度上都係嫰口👍🏻👍🏻👍🏻，好食，另外我今次揀咗蒜油，同個扒都幾夾，唔知如果揀蔥油又會點😂 個人感覺叫套餐抵啲，包埋3樣嘢，有得揀飯，一定會食得飽

雖然未到「叔叔」嘅年紀，但由細到大嘅印象中，鋸扒都係大事！要約好一日、著得靚靚，仲要由餐湯、主菜，去到甜品飲料，好大陣仗！不過今次去到大角咀呢間Medium Rare Steak 就完全改觀！首先點餐已經好親民，好似平時叫快餐咁，排住隊隊去叫扒！仲有個display 櫃俾你睇實有咩牛牛揀，好有趣！可惜我夜咗啲先到，得返西冷扒可以揀，其他無晒...然後就係揀size，我揀咗400克大份少少，老婆就300克！當然唔會好準切到俾你啦，不過均真噃，會按磅數收你錢！仲可以揀餐，有沙律、麵鼓湯、汽水、白飯俾你揀其中三款！汁都有得揀，蔥油、洋蔥、蒜油，同港式好唔同喇！我揀咗蔥油，OK晒落晒單就可以拎牌仔，等佢響就有得拎！自助式自己拎，壓力都細啲！鐵板好夠熱，聽聞都有成300度架！唔好睇佢親民格局，啲牛都幾有質素，入口即溶，好味！同埋佢應該對自己嘅牛牛質素幾有信心，雖然有俾燒汁你，但量唔多；蔥油都唔係濃味，可以原汁原味食到牛嘅肉香！牛味好夠，而且唔韌，係出色嘅！不過之後發現老婆嗰件扒好似熟咗少少，風味無我嗰份咁好，可能因為我叫400G份牛厚身啲，所以做到5、6成熟嘅效果，薄身嘅300G就去到7、8成熟

大角咀唔一定得商場入面先搵到好野食，有時行遠少少都可以係一個大發現，琴晚就同左友人去左剷扒，搵到間食牛扒嘅小店，我地呢啲食肉之獸又點可以放棄今次覓食嘅機會去到已經有幾個人排隊，可以係出面揀好野食比左錢再入去搵位食，到我地嘅時候就先揀想食邊款牛同份量，有三款選擇，分別係肉眼、牛柳同西冷我就揀左300G牛柳配蒜油，因為牛柳嘅肉質比起另外兩款更加軟腍易咬，餐廳出面仲會察住會以三成熟為標準，因為石板有一定熱度，咁就唔會過左火。職員會係我地面前馬上切300G牛柳用磅計，真材實料，磅好後就會比個電子牌你得左就會響，之後就可以拎。之後再加$25可以係白飯、味噌湯、沙律、烏龍茶中四選三，我就揀左味噌湯、沙律同烏龍茶。之後就可以入去餐廳入面坐，入面仲可以見到廚師點樣煎牛扒，好快就可以拎到野食。牛柳 300G非常大份上面仲有一片片蒜片，餐廳仲有比埋一碟秘製柚子燒汁比我，就咁睇都見到好澎湃豐富，牛柳好厚肉，隔離仲有沙律、味噌湯同烏龍茶，烏龍茶可以消消滯又健康，佢已經成為我近年來最鍾意嘅野飲。一切開就出哂煙，除左可以點柚子燒汁之外，仲可以加黑椒同岩鹽提味牛柳肉質軟腍仲有陣陣牛味，配埋蒜片同蒜蓉食，夠哂重口味牛

最近鐵板牛排熱潮超黎越高，開左好多間唔同既牛排店，今日朋友帶左我去呢間位於奧運既鐵板牛店試下。店門口有個玻璃櫃內裏就放3個部位既生牛肉，餐廳以先點餐後自選入座既模式。牛既份量分300g同400g今次就選擇左400g既牛柳，再加$25配套餐係4款入面揀3款。400g再加套餐都大概$160有找性價比超高！牛柳明碼實價即切即磅睇到幾重。牛柳外面看似全熟但內裏仍然保持3成熟自己控制唔鍾意太生既可以利用鐵板既餘溫去煮熟。牛柳肉質夠淋易咬開簡簡單單加上黑椒同鹽已經好足夠。就算切開晒牛柳變全熟肉質都保持住軟淋。

大角咀既美食點會止步於奧海城,鍾情於支持小店既我又去到大角咀街頭覓食.今日黎到間近期幾受歡迎既鐵板牛扒店.店內有牛既3個部位選擇,咁啱今日只有2款選擇另一款售罄.最後選擇左食西冷牛扒再配套餐.牛扒用鐵板上枱,400g既牛扒原塊上仲大過塊鐵板,西冷扒上佈滿洋蔥蓉同乾蒜片.外層雖然望上去係全熟但一切落去內裏同店名一樣係medium rare.建議大家一邊食一邊切自己控制牛既成熟度,如果一切過切晒會好易熟晒.牛扒肉質幾軟淋,調味附上牛扒醬汁帶少少柚子味解膩亦可以灑上岩鹽.餐廳採用自己收搭餐枱既模式鼓勵食客將食完既餐盤放入回收盤到,十分簡單.