岩盤牛扒 ミディアムレア ステーキ (博文街) (已結業)

店名叫得medium rare steak 明顯係食專serve 3成熟既扒 平時食個牛扒都at least 要200蚊 但依到rib eye 1g都只需要0.33蚊 即係食300g淨係需要99蚊 對普通女仔黎講係絕對夠食架 驚唔飽既仲可以加set配飯或者沙律and野飲 咁就咁食肉驚會好漏所以我地都加左set好傷心既係果日溫泉賣曬 唯有簡麵豉湯 因為我覺得依到實在太抵食 所以叫左個premium 1g0.59蚊既美國後腰肉 食300g都係177蚊咋 落完單個staff就會即刻切即刻整 成個過程你都可以望住 之後就擺上個300度既熱石板 所以即使原本係整到3成熟既 放上熱石板之後都夠熱 turn out 食既時候其實都唔會好生 切開之後都keep住出曬煙 其實比起其他食牛扒既餐廳 依到性價比好高

呢間專食medium rare既扒 講明專煮3成熟 到食個陣會熟多少少 想轉既就得落單個陣同職員講 首先講下咩係後腰肉 嫩角尖牛扒（tri-tip steak)是從嫩角尖肉塊（tri-tip roast）所切出來的牛扒。嫩角尖肉塊是西冷肉塊（sirloin primal）的三角尖端部位，也就是西冷與後腿（round）與腹脇肉（flank，牛下腹肌）相接的地方，這個部位包含了大腿骼脛束淺深兩層之間包住的筋膜張肌闊筋膜張肌（tensor fasciae latae）。 因為西冷最少要300g 我會食唔曬 所以就揀咗後腰肉呀嫲話無米氣落肚點得呢 所以加左個餐 5揀3 ✔️白飯 ✔️沙律 miso soup 溫泉蛋 ✔️野飲如果揀酒就加$45 其他飲品加$25先係門口揀餐付款 之後佢會俾個牌你 可以坐低等個牌震就去拎野食 留意番 拎野食個到下面係有圍裙提供小心塊版真係好熱 拎埋位個陣係咁彈到手  後腰唔會好lean都有啲脂肪 所以唔會好韌一切開佢真係medium rare 🤩 啖啖肉都唔駛$150👍🏼Staff好好人 拎餐個陣先發現原來飲品有得揀水 問可唔可以轉 佢特登琴上去個櫃到拎比我👍🏼

食肉獸既我，又去揾好野食🤩🤩🤩今日試左依度牛扒，又ok喎，價錢唔貴，質素對得住價錢之餘，真係好值得食下，性價比好高。佢係計重量黎到收錢嘅，夠均真，我中意，不過好笑既係我一開始以為個價錢淨係舊肉，原來加多28蚊仲可以有個飯同野飲，真係食到我勁飽。我中意肉味香濃，所以揀咗肉眼扒，選擇都算多，有啲平啲有啲貴d，所以都唔錯。見到佢煎個陣已經流晒口水，好香，食落去都好香，同左佢打卡🥺🥺因為塊扒好大塊，其實我都食唔晒！加埋飯同野飲，仲有湯！超級飽，所以我叫盒茶消一消滯🤩🤩🤩總括來說，肉味香濃，份量大，就係我對依間既感覺！

因為工作關係，嚟到大角咀呢一頭揾食。見自己都幾耐冇食過呢款即叫即切嘅日式鐵板牛扒，所以就揀咗佢。牛板腱 $0.45/1g我揀咗牛板腱食，貪佢油脂均勻，肉質軟嫩，落order時可以同店員講想要幾多，之後店員就即刻切牛肉再磅。另外，佢有三款調味選擇，有蔥油、洋蔥油同埋蒜油，我就揀咗濃味蒜油，佢仲會有啲蒜蓉。+$28可以變成套餐，五選三(白飯、沙律、温泉蛋、麵豉湯同烏龍茶)，我揀白飯、沙律同埋烏龍茶。俾完錢，會攞到一個電子籌，等店員煎好咗後，通知你拎返。鐵板好高溫，有成300度，真係夠晒熱。店員先將牛扒煎到三成熟medium rare, 入面依然粉嫩，控制得幾好，之後隨自己喜好再係鐵板煎。 牛扒厚切，牛板腱無根位，成塊都好冧又容易咬，鍾意佢嘅軟嫩。牛板腱本身已經好香，牛味都重，不過加埋黑椒同岩鹽一定更突顯味道。成餐啖啖肉，好滿足。沙律有好多椰菜絲同蘿蔔絲，配上麻醬，夠味之餘可以減膩清熱。

位於大角咀嘅一間特色抵食扒房 即叫即磅 要幾多gram就磅幾多gram肉😚價錢每gram 咁計🥸仲有唔同牛肉部位俾你揀自己選擇幾成熟仲可以揀用蔥油、洋蔥油、蒜油煎自己鍾意咩味 就要咩 🤩套餐選擇仲好多 可以跟白飯、味增湯或者沙律甚至溫泉蛋都有🤩跟餐仲送飲品 有波子汽水 啤酒 韓國茶等等 真係好抵食😆餐廳係以自助式營運落單比完錢之後 就等遙控震動就可以攞餐喇食完之後都係自己擺番個盤 方便快捷✨今次我叫咗後腰三角肉端上來的時候鐵板還是咋咋聲 未食都已經聞到好香肉味☺️切開塊肉 D汁一路流出嚟裏面仲係少少生 因為肉質比較厚再擺多陣係鐵板上面 就啱啱好🥰💯配蒜頭煎 又唔會蓋過肉嘅鮮味 幾新奇覺得唔夠味都可以用餐廳提供既黑椒同鹽調返味😎餐廳自己仲提供自家製嘅柚子燒汁 酸酸鹹鹹 幾特別 大家不妨一試🤣

佢有好多分店嘅，一直都想試下！成日見到啲人介紹佢啲牛好正，今晚終於到我去試下啦yeah!佢位於大角咀比較多食肆個條街，花多眼亂🤣都唔算難搵嘅佢個位！一去到就揀咗自己想食咩先，將價錢同牛扒種類寫哂出嚟，係用gram黎計，200g起跳！計落150蚊左右就有得食hehe揀咗後腰三角牛肉，好似好少係街有得食，一場黎到梗係想食多啲🙈叫咗400g！仲大塊過我隻手，好厚身！！佢磅完就拎佢煎🤣可以睇住佢整，不過個位好熱！啲熱石成300度！辛苦哂個廚🙈佢仲放咗啲配菜係底，粟米同有得揀汁，今次試蒜汁都幾特別!!我加咗錢要咗個餐，有溏心蛋，一碗飯同一盒烏龍茶🤩都幾抵！煎到好靚，一開頭仲好擔心入面太生，但食下食下又幾okay!!!!好嫩！！有肥有瘦，好正！成間店嘅裝修係英倫風，好有特色!!而且有啲位好高私隱度，啱哂同朋友去傾偈！！另外一提 佢個廁所好乾淨👍🏼👍🏼係上層，可能因為少人用🤣🤣

今日黎呢間日式牛扒自私食，其實已經第二次食，第一次試左佢既肉眼ribeye，覺得夠肉質夠腍又有牛味，最重要啲蒜蓉同牛扒汁真係好好味！今次就叫左premium西冷試試！🥩牛扒gram數同配料都係自選，順帶一提，佢可以選蔥油/🧄蒜油/🧅洋蔥油來煎，我作為crazy garlic lover, 當然係選蒜油啦🤪! 配菜揀左🍚飯，🥗沙律同埋烏龍茶，驚太飽既話仲有溫泉蛋同麵豉湯可以揀。落完order大約10分鐘就有得食，牛扒即叫即煎，加上佢鐵板上，一來已經禁香撲鼻👃🏻，三成熟嘅牛扒，覺得太生部份可以用鐵板餘溫煎熟小小，配上牛扒汁同飯基本已經食得好飽。如果你點左300g以上份量，建議可叫佢俾多碗牛扒汁。Prime西冷質素相當唔錯，有口感亦有牛味，聽聞佢後腰三角肉，油脂分佈更平均，下次先再來試，沙律係日式芝麻醬配椰菜絲，不過不失。大件夾抵食之選！岩哂大胃既牛魔王！😋

我知道呢間喺大埔都有，估唔到大角咀都出咗。以地點來講，佢都好近奧運站，行幾分鐘就到。呢間同一般嘅扒房好唔同，算係日式扒房，佢最特別嘅地方係自己揀牛肉嘅部份，仲會量埋俾你睇，唔同人可以成唔同嘅份量，均均真真咁計都幾好。如果星期一至五嘅話就休息神啦，佢會送埋套餐。不過我星期日食，如果set嘅話，就要加$28。佢有好多牛嘅部份可以揀，最平嘅就係肉眼，想識軟身啲就可以揀牛柳，仲有牛板鍵、西冷、後腰三角。我今次就揀咗西冷食，316克，173.8蚊。可以揀配蔥油、洋蔥油、同蒜油，我就揀咗蒜油。跟set嘅話，佢可以五選三份，我揀咗味增湯、沙律、烏龍茶。我鍾意佢可以唔揀飯，哈哈，走澱粉質。另外仲有個啤酒set，同朋友傾偈，可以嗌呢隻set。其實入面都幾寬闊，你一入去就會聞到啲烤牛肉味，好想快啲有得食。佢有個位係可以擺托盤，記得食完呢就要將個托盤放返喺呢一度。重點黎啦，大概等咗5分鐘左右，就有得食啦。沙律配麻醬都幾易入口，味增湯正正常常。個牛扒，真係medium rare，大約三成熟，切開你會見到啲牛汁出嚟，其實都幾易切。我先試左齋蒜汁嘅牛肉，個蒜茸辣辣地，連埋個粟米粒，好帶出個牛肉味。然後再試點落個柚

位於大角咀好多野食個邊，由太子旺角行過去都好方便其實🤣一入到鋪頭，就有烤肉味了🤣企喺度叫嘢食都感受到熱石嘅威力，都幾熱，睇介紹原來係300度🙈辛苦哂廚娘了！佢裝修好靚，好復古，而且好高privacy 🤣同朋友好好傾計打卡叫咗嘢食，佢就比個牌你等震🤣不過我地實在太八卦，所以忍唔住行去睇下個牛！！厚個個係後腰三角肉，薄嘅係top blade!!!後腰三角贏哂🙈冇得輸！我地加28蚊要咗個set!有溏心蛋，一碗白飯，烏龍茶！！性價比高！！top blade!一上就切切切，啲肉啱啱好！！50%熟，好juicy!!不過放得耐咗之後，就開始硬咗🙈太熟！！所以建議食咗先下次🤣佢仲配左粟米同黑椒汁，好有pepper lunch 的感覺！後腰三角本身厚，所以一切就入面紅粉菲菲，但係又唔會好生，好好食😋本人覺得要加多啲黑椒就好食好多！！！我比較喜歡後腰三角牛肉嘅質地🙈再將糖心蛋倒入飯一齊食！！正！！！！🤣🤣食下食下就覺得唔夠飯hahaha想添飯🙈都算係性價比都高嘅牛扒餐廳！！

朋友番左工之後成日都冇咩機會見今次就係佢屋企附近聚下舊呢間餐廳同平時食石板牛扒有啲唔同門口可以望到一大塊扒，望落去都新鮮，落單後店員會即時切🤤落單需選擇牛既部位同份量，然後簡汁（蔥油、洋蔥油、蒜油）。另外亦可加錢轉set我簡左平時冇咩機會食到既後腰三角肉 200g 配蒜油跟餐（配沙律、飯同可樂）一落單就見到店員好熟手咁煎，幾分鐘後就食得後腰三角肉多汁、而且肉質都軟嫩同牛味重啲👍🏻朋友既牛柳300g真係份量驚人 成隻手咁大🤣值得一讚我地叫左3成熟 影左一輪相入面都未熟晒跟餐既沙律都正常 醬汁係麻醬 可以中和牛扒既膩 旁邊仲有柚子燒汁 我除左用黎點牛之外 仲用黎撈飯🤣🤣🤣酸酸地幾好味每張枱隔離仲有鹽同黑椒 如有需要都可以自行落番

平時經過大角咀匯豐銀行對面，都會聞到陣陣好香嘅鐵板牛扒味道，今晚就約左朋友去呢間鐵板牛扒開餐！呢間餐廳係半自助形式，按照你揀選嘅食物及重量去收費，店員好細心講解唔同部位肉味及口感，抵讚！我點了一份400G 嘅牛板腱，店員即刻用大鐵板加熱，然後再上一個鐵板，配上白飯、沙律及汽水。這個牛扒非常大件，好厚肉 juicy ，肥瘦脂肪比例剛剛好，由自己控制嘅生熟度。我本身喜歡味道濃一些，我會加些玫瑰盬同埋黑胡椒，這樣更可以突出牛肉嘅鮮味！

呢間位於大角咀嘅扒房， 真係覺得唔錯，啲牛扒質素都好高，價錢又大眾化！先喺收銀揀選好自己想食嘅牛扒部位，店員就會喺你面前即場砌嗰件牛肉出嚟，睇落都幾新鮮！我嗌了一份300G 嘅肉眼部位，都係99蚊，我加了一個餐，有埋湯、溫泉蛋、白飯，真係幾抵食！呢度燈光環境真係唔錯，好有日系feel，調味料有黑芝麻、海鹽。呢度嘅食客， 包括我都好自律，食完會主動放返喺回收盤。我哋都會支持這些小店，希望佢將個價錢放曬喺食物嘅質素，減低其他嘅成本，我哋當然會好好配合！

好耐未食過鐵板牛扒, 琴日收工約埋朋友試下大角咀呢間專食牛扒餐廳。唔同嘅牛部位有唔同嘅價錢, 分唔同嘅gram計算, 貨真價實我們先喺門口點好自己喜歡嘅牛扒位置, 再揀重量,跟住收銀會即時切舊肉上磅計重量, 然後就放落去佢嘅大鐵板燒。加埋套餐$28 有白飯, 可樂, 湯, 沙律, 溫泉蛋(五選三)。真係好抵！我揀咗份牛柳部位 400 gram, 真係十分期待 加少少黑胡椒及鹽, 就可以帶出牛扒嘅肉香！牛柳肉質柔軟，口感十足，牛香味濃厚，講真呢個價錢，自己買原材料返去做都係差唔多！

唔少人都知道位於大角咀既博文街有唔少隱世又高質既日式小店，今日就同朋友黎到附近食牛排近年黎愈黎愈多依類日式既鐵板手，今次就試下依間係咪水準之上啦後腰三角肉 (SET)餐廳其中一樣主打推薦既菜式，肉味非常香濃而且肉質柔軟，外形同牛柳有幾分相似，不過肉味明顯更特出。美中不足既係牛排非常厚切，中間既位置會比較難熟，好在店員願意提供多一塊熱辣辣既鐵板俾我再煎下，服務搭夠啦西冷Around 100蚊食到依個質素既牛排真係無投訴~雖然朋友只係叫左200克，但黎到既份量都非常足夠。肉味同肉質當然就無後腰咁好，始終價錢都有返咁上下分別，不過依個價錢就真係無得輸啦~個SET 包埋既溫泉蛋撈飯真係一流啊餐廳有Poster介紹牛既唔同部位~不過無中文xd

細細個最鐘意去大@樂食鐵板牛排，覺得睇住塊牛由生變熟，覺得好好玩。近年，興起食日本版鐵板牛排（石燒牛），今次我食嘅呢間餐廳仲要價錢合理。貴港版鐵板燒少少已經可以食到日本嘅肉。性價比好高！今次我叫左兩隻肉，分別係後腰三角肉同埋肉眼。佢嘅套餐可以揀蔥油，洋蔥油，蒜油。加28蚊可以喺：飯，前菜，飲品，沙律等揀3樣野。加45蚊直情有啤酒揀，啱晒好酒之人！後腰三角肉1gram hkd0.59。牛肉味幾濃，一啲都唔Un, 不過唔係肥美嗰種，keep fit嘅人最岩食啦。呢款牛配左蒜油，好香口，好濃嘅蒜味丫！正肉眼1gram hkd0. 33。平好多，不過都幾好食！好林，好juicy。一啲根都冇。加埋洋蔥油一齊食都好好食！推介，性價比之選