峇峇娘惹

營業中

休息中

🍽魚腐乾咖喱撈麵🍜滿碗餸菜，有4件魚腐，4件豆腐卜，4件魚片，2件薯仔🥔，半隻蛋 🥚，全部都索曬味，正❗而咖喱汁底惹味、濃郁😋，每啖麵都非常掛汁都幾辣❗但都🉑以食到😜配料好足：芽菜☘️：新鮮，咬落索索聲，粗身，有口感炸乾蔥：好惹味餐飲：熱馬拉拉茶☕甜甜地馬拉味😆、口感順滑😊魚腐乾咖喱撈麵🍜魚腐魚片半隻蛋🥚豆腐卜薯仔🥔芽菜☘️熱馬拉拉茶☕

1️⃣ 巴東牛肉🐮🔹牛肉🐮口感軟腍，唔會幹唔會鞋口，份量不少👏🏻🔹醬汁撈飯都一流😋2️⃣ 沙巴酸甜魚🐟🔹魚肉幾厚身，口感唔錯，味道酸酸甜甜好開胃，外層炸粉唔會厚，好味😋🔹配料有新鮮嘅三色椒🫑同洋蔥🧅、仲有惹味嘅乾蔥。3️⃣特色小食：五香肉卷🔹大家都話好味，裏面除了有豬肉，應該有芋頭蓉。4️⃣參巴通菜☘️通菜嫩口，呢個參巴醬原來都幾辣吓😛5️⃣熱薏米水🤍唔會太甜，都幾多薏米

因為住響附近，所以間中都會幫襯呢間餐廳記得之前疫情期間都會買佢哋嘅海南雞飯食，因為覺得呢度嘅雞都算幾滑另外我亦比較多下午茶時間幫襯，因為下午茶餐都幾多選擇而且價錢唔貴今次揀咗雞扒蛋飯配熱桔仔茶，味道唔錯，個飯配咗甜豉油，飯底下亦有花生同青瓜，都幾醒胃，口感亦豐富，以下午茶餐嚟講份量都ok桔仔茶其實好少餐廳有得飲，另外亦可以揀桔仔水或薏米水呢類同樣冇咁大路嘅餐飲$40幾蚊一個馬來西亞下午茶餐，我覺得已經係幾抵食了！

我想問早一年前左右呢間娘惹d 員工廚師去哂邊，宜家個海南雞飯變切雞飯，以前飯隔離d 伴菜花生我會食哂，今日呢碟我諗你食哂d花生我保證你腎出事，咸到呀媽都唔認得，d雞以前又大舊又滑，自己食一隻我都肯定食得哂，家陣d雞又老又鞋，同街邊兜某茶餐廳真心有得揮，以以往既水準我自己最少食300蚊埋單一個人，宜家我懷疑果碟海南雞飯都唔知值唔值68，我係樓上間茶樓買個叉雞飯都仲有誠意過佢，貴公司不如好好審視下你地d食物水準同樓面質素，一開始變就請埋d 唔知咩人番黎，聽電話就粗聲粗氣，落完單佢仲cut線cut得快過我，仲要多謝都無一聲，我幫襯你幾廿蚊係好少錢，但係我比68蚊食個切雞飯我仲要受你氣，多謝喇 我寧願唔食

同屋企人入天水圍食野，見個名咁得意就試下 啦！係印尼同馬來西亞菜，叫左精選午餐：肉骨茶，海南雞飯，喇沙面，咖哩薯仔薄餅， 份量就一般啦！海南雞冇乜肉食，肉骨茶淡而無味，最好食喺嗰薄餅薄餅有啲煎蛋係上面，加埋咖哩汁就好惹味。

意想唔到咁好食，叫咗一個二人餐同埋兩個晚餐，全部嘢都好好食！吉仔茶同埋馬來拉茶好飲！馬來咖喱牛腩飯好食，胡椒排骨湯又好正！甜酸雞球意想唔到咁好食，啖啖肉冇骨！海南雞飯啲雞夠滑！加分！希望佢哋繼續做，好食😋！領展商埸少有嘅馬拉餐廳，餐廳名字比較古怪，唔知佢嘅意思，初時以為都係求其做一直冇試，見佢三周年有優惠卷去第一次食，估唔到幾好食！會再encore！👍🏾👍🏾👍🏾👍🏾👍🏾👍🏾👍🏾

晚餐時段叫咗峇峇二人餐🤍～～$168二人餐包咗特色小食、南洋風味菜、娘惹主菜、兩個飯🍚、飲品🍹菜式有好多款～選擇豐富😌😌💕🍤香脆蝦餅好香口好正🤤入面真係有一隻隻蝦🤪🤪即叫即炸☺️☁️🥬參巴通菜🍗南洋芋頭雞煲🍹美綠恐龍🦖🍚油飯🍗峇峇無骨海南雞(半隻）+$38呢個海南雞好滑😍見每一枱都有叫～嫩滑可口😆❣️皮薄爽滑😛😛

一排無食，呢間野變垃圾🤮全部吾熟，蘿蔔糕壞左，話比佢聽壞，佢拎來聞完話無野🤔好似呃佢甘，係都叫佢取消雞翼啦，中間吾熟，海南雞又梅。。。態度又超級差，吾怪得食飯時間都無人

收工經過T Town去咗食tea，我本身都飛開星馬旅行。疫情冇得去要搵啲星馬菜解辣。本身想叫啲糕點食，不過佢話冇貨，短期都冇。之後叫咗下午茶餐魚腐滲滲喇沙配熱拉茶。拉茶夠熱，甜度適合，似當地嘅味道咁有落煉奶。喇沙湯底濃厚，不過我嫌佢落得太多辣椒碎影響少少個湯底味道。我又唔太食得辣，食到出晒煙。商場冷氣冇乜，食完辣野都會影響食客舒適度。加配咗咖喱角，味道好食，抵食8蚊就有兩舊。不過奇怪係佢係跟泰式辣醬，本身咖喱角係唔應該落醬。總體來講抵食，下午茶都冇乜人，座位好舒服。

第一次食呢間餐廳，亦都係每一次食濕撈米粉，可能因為我要等埋朋友先食，個米粉上左5分鐘後先食，一食落去，d米粉已經發漲哂，但都唔太影響口感，反而覺得好大碗，唯獨係個醬汁真係無咩味，基本甜豉油加湯撈岀黎的味道，食到一半個陣，會因為個味道太單一，而覺得有點兒辛苦🙈，如果可以有其他野撈埋感覺可能會好d，另外香脆骨呢就無咩評價，正常野，反而個青檸茶就估唔到幾好飲，個茶底有茶味，而且青檸個清新酸味，又幾夾個濃茶，好飲。完

入到商場見到呢間都幾多人排隊，出於好奇心就去試吓啦～～咁啱11點幾去到仲係早餐，依家又係第五波嘅時候，就梗係買外賣返屋企食啦！喺呢間嗌外賣要行到最裏面嘅收銀處俾錢，所以經過其他人嘅時候聞到真係好香好吸引！！榨菜手撕難米粉手撕雞嘅份量都幾多，本身就冇咩特別嘅調味，米粉同手撕雞就靠雞湯底啦！加咗榨菜落去湯底明顯多咗一浸榨菜雞湯嘅味道，如果唔係好接受到榨菜味，建議就唔好加入去湯到啦，因為會影響到成個湯底😂 如果淨係手撕雞米粉，雖然看似清淡，但其實雞湯味都幾濃，好容易令人一啖接一啖就無曬lu~~~香茅骨米粉香茅骨係豬骨嚟嘅，由於佢炸過我又唔想影響佢嘅口感，所以就冇加到去湯底度。香茅骨識落鬆軟，而且加咗佢哋特製嘅調味，食落都幾惹味。配上雞湯底，真係唔錯！餐入邊有得揀炒蛋同多士，我哋就揀咗斑蘭咖央多士～～曾經睇過啲節目話咖央多士製作過程都幾繁複，而且係馬來西亞好出名嘅食物，又見到係呢間餐廳特製嘅斑蘭味，所以對佢真係好有期望！但因為外賣啦返到去個麵包都淋晒，而且啲將偏甜斑蘭味唔重，但都幾特別嘅～好唔好食就見仁見智啦😂飲品就叫咗青桔仔水，薏米水～佢比錯咗青桔仔茶，不過都唔緊要啦飲落去就好似係檸檬茶咁。

峇峇娘惹📍T town 收工去到天水圍行下又好想食咖央多就入左呢間食馬來野既鋪頭見到外面餐牌冇咖央多但唔死心問多次店員原來有🙈叫左個二人餐，兩個女仔食完飽到上心口😽包左兩個主食🔸酸甜雞球咕嚕肉咁🤣但都整得幾脆，唔會好厚粉同埋淋哂🔸梅頭肉肉骨茶（藥材底）湯底好味😽肉都多惟一想講係油炸鬼得3粒但呢個係2人餐😂比多粒先夠分😂一個菜🔸炒通菜少少辣，有d唔係炒得好淋有少少青小食🔸咖喱汁配薄餅哇 呢個真係好一般薄餅好食但咖喱汁辣到完全食唔到落去🥲朋友只係用筷子點左少少但都覺得好辣建議大家叫其他呢兩碗飯🔸椰漿飯（+$5）份量多都有椰香 算係咁同埋兩杯飲品🔹馬來拉茶正常不過不失解到咖喱汁既辣😂另外仲叫左我地心心念念既鮮油咖央多D醬係厚搽好夠味包有烘過不過可能影相影太耐就凍左🥲但整體都好食

呢間野開咗咁耐都未試過 今日就諗住食個午餐 就揀咗呢一間～叫咗個豬扒炒公仔麵 嘩 其實份量都幾大喎 豬扒都好食 炒公仔麵個麵質啱啱好！👍🏼 味道又夠濃 個蛋花都幾好食但最尾都食唔晒🤭 唔記得影個杯桔子茶 個人覺得好飲！推介題外話：有朋友覺得個喇沙麵幾好食 ～而佢媽媽就食開海南雞飯 佢媽媽覺得個酸梅湯好飲 仲買咗樽返去冲😁下次可以試吓其他 都好似唔錯喎 👍🏼

搬黎天水圍第一次食（晚市）門口阿姐同經理態度一般，問可唔可以用商場禮券，直接回應我唔得。由於不想再換餐廳，再問為何適用名單有峇峇卻不接受，經理查完電腦先話可以。落單怡保芽菜雞、凍青檸茶雞肉彈牙，但味道好淡，檯面亦無辣椒醬/鹽，一般。 差評起雞毛無清理乾淨，白飯亦沾有奇怪雜質，觀感反胃，同阿姐反映，話係沾到其他菜式，沒有幫我更換的意思。凍青檸茶有茶味，有青檸味，冇澀味，滑口$72起公屋區食個環境，服務同食物質素有待改善。差唔多價錢的上海姥姥比他好。體驗偏差，不會翻食。

中午去咗呢間食午餐，都好快有位坐，街坊餐廳嚟講，都可以啦。之前試過肉骨茶同海南雞飯，都有啲驚喜，比想像中好食，咁就試下佢啲特別嘢啦：豬扒辣炒公仔麵。望落都還可以，係色水比想像中更濃。少少可惜嘅係，可能呢啲麵始終都係茶餐廳嘢，感覺辣味搶哂，而個公仔麵都好濃味，成個口食完好多味道。有杯凍嘢飲就好少少，桔仔茶其實唔錯，每次飲落都覺得好有東南亞風味。今次可能只係菜式唔適合，下次都係食番肉骨茶或海南雞飯好了。都值得再嚟食呀！