峰G館

營業中

休息中

筲箕灣大街街尾的小店，店員親切，看著有很多街坊食客。這次點了一個午餐和下午茶餐。午餐是香煎肉餅旦飯，看著簡單的肉餅飯並不簡單，肉餅是外脆但內裡充滿肉汁的，肉質不乾不柴，肉味很濃，調味亦剛好，不會太咸或太濃味而蓋過牛肉的味道。配上煎旦，豉油加飯，又開胃陣飽肚，很有驚喜。另外點了一個下午茶手打牛肉漢堡包，上台是很熱辣辣的，不論是菠蘿包還是牛肉漢堡較是熱上。牛肉雖然不是非常滑，但是肉味很濃，夾在脆皮菠蘿包一起吃是另一番味道，如果以下午茶來說，是很滿足🤤

終於！終於我可以嚟食，之前幾次嚟一係無開門，一係就提早關門，今次趁lunch前，可以直入😆咖喱巨型吉列豬扒蛋包飯，一上嚟，朋友都忍唔住打卡，真係好巨型！當你以為咁大塊吉列豬扒會炸得唔勻循，每一啖都係咁酥軟，而且一啲都唔乾👏🏻咖喱味道剛剛好，滑蛋包飯好出色，絕對夠飽夠哂滿足😍炸雞髀，牛油多士，火腿煎蛋通，炸雞髀好好味，依家港式茶餐廳可以真係想到一片完整嘅火腿係好難得🤣牛扒司華力腸香滑炒蛋焗茄汁豆，牛油多士，牛扒剛剛好，唔會太熟，牛味好夠，司華力腸真係好大條，炒蛋好滑，正😋奶茶茶底偏濃，係我鍾意嘅🥰座位雖然唔多，但係夠哂彈性，就算你有六至八人嚟，店員都同你即刻切到個靚位👍🏻我哋去嗰日啱啱播緊周星馳電影，好好笑

今日約咗朋友喺筲箕灣食中午飯 ,筲箕灣真係好多茶餐廳好多選擇 .今次我哋就揀咗呢一間 有驚喜真係非常之不錯 ,色香味俱全 .肉餅夠厚, 煎過之後好香口 完全唔會有油立立嘅感覺, 太陽蛋做得非常之好 完全係絕配， 配菜亦都好好味😋香煎肉餅蛋飯$60

周末早上約了朋友在東大街見面，見那邊有粉麵店及不少茶餐廳的選擇，最後因爲見到網友說這間服務好，所以選了這間。好彩早少少 (9:50) 到，因爲餐廳好快就滿了人。今日想食得簡單少少，叫了個加勁量奄列套餐，配一塊多士，熱咖啡奄列份量都幾大，大到跌邊吊住咁出，店面哥仔都怕污糟講了聲不好意思。三樣的味道都可以啊，服務很好，店内裝飾都比一般茶餐廳有心機。

早兩日落去食下午茶，發現峰G館煥然一新，原來係換咗地板同傢俬呀🛋️，等食客可以坐得舒服啲😌～每次落去食嘢，呢個搞笑嘅老細都會好好歡迎你，仲會用心記得你飲開啲咩、嗌開啲咩餐，呢個就係小店最正嘅人情味🥰！而呢道嘅食物每次都keep到水準，奶茶係我必叫嘅🥳！今次就介紹住下午茶先，等我下次再同大家分享午餐嘅好推介啦☺️✨叉燒煎蛋辛辣麵 $46$38就有一碗叉燒煎蛋麵，煎蛋夠流心、有大大塊叉燒，都算好足料㗎！我就加咗$8轉咗辛辣麵🤤～你可能會問點解要加錢轉呀，都係啲普通嘢，但我就係覺得佢煮得好食啲🤣⋯有時都要滿足吓個肚仔嘅😚✨熱奶茶老細即刻沖，茶底香濃，不過奶味會重少少，我就幾鍾意喇😍～但如果你鍾意飲茶味濃啲嘅，記得少奶啊😉！CP價：🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🔖 #峰G館 (筲箕灣) @funggrst 📞23486988🔍 筲箕灣筲箕灣東大街4-10號東寶大廈地下3D號舖#k_razyfoodie #k_razyfoodie茶餐廳推介 #hkfoodie #hkfood #香港美食 #美食推介 #吃貨日常 #真實食評分享 #筲箕灣餐廳推介 #拍拖好去處 #峰G館 #港式

假日行山前當然要食番個大早餐可惜家人不爭氣，來個大遲到，結果差不多正午才到達餐廳。發現竟然無人排隊！（加分位）想當然早餐已下架（至11:30am）惟有叫常餐 叉燒湯意粉配黑松露滑蛋+多士質素非常不俗 —厚切叉燒/ 外脆內軟多士/ 嫩蛋仲要啲配菜份量都幾多P.S. -唔知係夥計定老板都幾風趣，是間富有人情味的地道平民茶記小店。-店內環境乾淨 衛生不錯。-冷氣太凍，店員會即刻調低冷氣，幾好service。會再幫襯！

「峰G館」係筲箕灣嘅寶藏！呢度嘅食物真係好好味，仲有啲店員好親切同搞笑！我食咗佢哋嘅咖喱汁巨大吉列豬扒飯，真係正到冇話講！豬扒肉質嫩滑，咖喱汁香辣開胃，夾埋啲飯食，味道更加濃郁！每一口都係一個驚喜，我嘅味蕾都係開心到跳舞！而且，餐廳嘅店員都好友善，笑容爆燈，同佢地傾計，真係好開心！「峰G館」絕對係筲箕灣嘅人情味同埋美味首選！唔好錯過啦，去食一次，你會發現咁多美味同埋笑聲，一齊嚟探索「峰G館」嘅魅力啦！

早上八點已經開咗，有位不用等食物如常好味。店員有善。 平時九點去到比較多人，都要等一陣。 環境舒服乾淨。 這個鮮茄肉碎通粉，味道剛好，蕃茄不會太酸，湯底味道濃郁。 好味！

呢間嘅早餐食過好多次，佢嘅雪菜肉絲米同埋火腿鮑絲通粉食過一次之後返唔到轉頭。😋😋雪菜肉絲米係我呢世人食過最好食嘅，個湯底好濃味，仲有幾條菜係入面，米粉質地都好好，外賣拎到返去都唔會有問題。

地方小，店員有禮。午餐炸雞脾配牛油多士＋火腿蛋通＄61炸雞脾配牛油多士是一道香港特色小吃，炸雞脾口感非常嫩滑，並且搭配上特製的調味料，味道鮮美。牛油多士煎炸後外酥內軟，香氣十足。

係箕簊灣老茶嚟講算好好架啦！我本人特別愛佢麥皮，係粗粒嗰種！👍🏻另外佢都有缺點就係如果太早去食早餐的話，佢哋啲湯頭有少少唔太夠熱，另外凍奶茶茶味爭少少，但已經比東大街其他老茶好㗎啦！

東大街一向都是多野食選擇在偏後位置 有一間餐廳 是臥虎藏龍已經是第三次黎呢間餐廳每一次都是要等位但食好野就係要比d耐性等位期間 最鍾意望下店外既menu 順便提一提冇做晚市每天營業時間係早上7:00至下午5:00今次大約等左10分鐘入面空間唔算大 但都坐滿食客服務態度唔錯 加上好快手帶位落單執枱收錢都好似一個人每次煩惱都係唔知食咩好個人覺得好多選擇 好多野想試最後點左兩個餐一個焗飯 一個冬陰功湯米線仲包一杯飲品白汁芝士龍脷柳焗飯好好味 熱辣辣加上特別之處係有椰香味十分大愛肥牛自家製冬陰公米線呢個又係十分不得了好好味…又係椰香味好重成日都掛住佢既冬陰公味總括嚟講 非常推介黎東大街一定要試下呢個小店

今日特登去試特色菠蘿包，味道沒有太大驚喜。另外叫咗個雪糕西多士，一嚟到見到個藍色雪糕球都幾特別，相信係海鹽雪糕，可惜味道怪怪的，同個西多士有啲格格不入。如果餐牌上寫明是海鹽雪糕可能我唔會叫，又或者如果雪糕有得揀味道就更好。最後係杯凍奶茶有些失準，非常澀及甜，飲完仲有些胃痛。

峰G館位於筲箕灣東大街街頭，係筲箕灣官立小學對面，峰G館店面望落唔太起眼，店舖唔大，之前次次黎食都要等一等位。今日未夠12:00就去到，終於唔洗等位😆介紹下我食左咩先😋 峰G常餐（$52）火腿奄列配沙嗲牛肉公仔麵，佢既沙嗲牛肉麵本身已經好好味好有水準，最特別既係可以轉冬蔭公湯底👍🏻👍🏻初頭覺得冬蔭公配沙嗲會唔會好怪呢～但一啲都唔怪！反而口感豐富左！我每次黎都必叫😆😆 咖哩巨型吉列豬扒蛋包飯($72)本身諗住所謂既巨型吉列豬扒都係厚少少既豬扒，點知一上枱見到真係好大塊！個蛋包飯相比之下變到好迷你😂😂女仔食一定食唔晒，如果你係食肉獸咁呢個飯就啱晒你💕 雖然地方唔大，但食物質素十分高👍🏻

呢一間喺東大街嘅茶餐廳🍴都食過幾次 上次下午茶時間就嚟食咗佢哋個粒粒西多🫖有四大嚿 仲係用咗厚切嘅方包嚟整🍞每一舊都沾滿晒蛋漿 好濃嘅蛋香味🥚食落外脆內鬆軟 中間搽滿晒花生醬🥜好邪惡！