嵐山料理 (已結業)

之前食過銅鑼灣嵐山...後來知道關左門 傷心左一段時間.. 點知收到通知話係 旺角開番....梗係開心啦! 仲要地方係人流旺既地方 平時都會經過開.. 真係方便左好多...到左店舖見到同瘋薯合拼左 冇所謂啦 最緊要有得食....食物雖然少左, 但主打既 廣島蠔同炸芝士一樣食度..而且係openrice 食評都見到好多師兄師姐介紹 當然一試...落完單去左買野飲,5分鐘到野食就到! 今日2位老細都係度..相見番特別開心...有時一間野吸引人去除左野食, 人都係一種因素...一邊食野一邊吹水人生一落也...食物依舊保持水準..而且仲要平左...20$都唔駛有3隻新鮮炸蠔食, 有汁同薯條配同時又唔腥,大大隻真係未見過...炸芝士一樣咁好味.輕咬一口 芝士流出來個種幸福好難珍容...感動唷同老細傾左陣佢地都話 附近競爭係激烈 但都會繼續努力! 加油呀嵐山 好食既自然吸引人來!

炸芝士($15): 有2種芝士,,一種係車打芝士,,另一種唔記得係咩車打芝士味比較濃,,芝士味較重......另一種的芝士味較淡,,我比較喜歡車打芝士炸軟殼蟹($22): 佢落左D應該係7味粉既野,,得個''辣''字,,,一D都唔好食,,千萬不要試

之前知道嵐山執左 我同我男朋友仲有幾位為食既好朋友都傷心欲絕 因為我地出親銅鑼灣或者去中央借書都必定會去食最正既炸蠔同炸芝士今日無意中係open rice見到原來佢已經返左黎!!!仲要唔洗過海 本來同好友考慮緊去邊度食飯 個一刻已經即刻唔洗諗即刻出旺角 品嚐下哩個久違既滋味兩個女仔同樣order返最愛既炸蠔同炸芝士比錢果陣仲發現原來比係銅鑼灣果陣平 大驚喜!!!食物水準依然一流 絕不欺場炸蠔配上tartar sauce.. 簡直感動味蕾真係冇誇張 因為本人係各大食店食到既炸蠔都冇哩個水準 什至係令人失望唔洗廿蚊既美味 絕對抵讚!至於炸芝士 本人係芝士狂魔 所以唔洗講 10個正2種芝士 各有各既好味 一隻奶味重d 冇咁濃味 另一隻係車打芝士 所以會較濃味但兩款皆屬足料之作!今次掛住食 唔記得影相 下次補返 哈哈

聞見嵐山人氣咁高 出開旺角買野就去試一下其實我本身唔係愛蠔之人 生蠔絕對接受唔到 蠔餅 焗蠔都ok的去到見唔係太多人 立即order 吉烈炸蠔 同 炸芝士 (本人乃是芝士狂魔)1.炸蠔 -- 岩岩新鮮炸起 熱辣辣好正 估唔到真係咁正 + 無腥味 個他他醬配炸蠔 = 天下無敵2.炸芝士 -- 4件 1隻係較淡味既白色芝士(唔知叫咩名) 入口都幾好食 本人較愛車打 等我下次 問下可唔可4件轉晒車打先^^總括黎講 咁既價錢 係超水準之作 d醬汁好正 用料新鮮 1x 蚊 真係好抵食嵐山我支持你 有出開旺角一定幫襯你^^ 下次試下雞排同羊排先

說來慚愧，雖然我很喜歡嵐山的揚げ物，但一次食評也沒有交過…都是因為一個懶字。今次嵐山重開，無論如何都要寫個食評支持一下！七月時知道嵐山在旺角重生，我就已經立即去試一下，但那次見不到阿楠，而且伴碟的變了蕃薯條，實在有點失望…八月初，我再去幫襯，在門口接過傳單，我就望向店內尋找阿楠的身影…我又找不到他，我打算問一下派傳單給我的人，原來他是就阿楠！阿楠說上午要去工場，之後才來鋪頭，做老闆真的甚艱難啊！我問他為什麼出現了蕃薯條，他說現在已換回薯條，與之前的一模一樣。我自己先吃廣島蠔，以前要$24，現在才$19就有三隻蠔加上薯條，便宜了足足$5！廣島蠔依舊肥美、多汁，配上他他汁很好吃啊。我覺得這裡的蠔算是大隻，有近10cm長，反而我在餐廳吃到廣島生蠔都是又瘦又小的…等男朋友來到後，我們點了炸芝士和大蒜雞扒。炸芝士依舊是用Cheddar和Camembert，各有兩塊，兩個人share就最適合了。Cheddar很香，Camembert的奶味較重，兩者都是在半溶的狀態，好吃！芝士配上威士忌汁，汁真的加了一點威士忌，但我吃不出來…可能是怕客人接受不了太重的酒味吧。大蒜雞扒炸得不夠乾身，應該是因為醃料，我

之前想去cwb試下...點之去到先知結束營業...今次係mk開返,,仲方便左~~~我叫左一個炸蠔 (3隻連薯條) $19 + $8 可以有特飲..,,我要左巨峄soda~~講返個味道...d蠔即叫即炸~~好fresh~~oyster size 唔萛好大隻.....不過咁既價錢唔要求得咁多, 個soda 都幾好飲~~~食完d熱氣野飲啱哂~~~

今日黎到先發現原來減$3優惠已完......不過...一場黎到都照買LA......等大約五分鐘就有得食......都唔算耐.....一客有4件炸芝士+3條粗薯條....炸芝士比想像中細.....我個人偏愛車打芝士....因為較濃味.....另外o個種就麻麻地....粗薯條好"粉"....有薯香........不錯.....如果有番PROMOTION 就好了

在網上看到嵐山料理的人氣急超，我和班friend急急腳去大試一番。在網友的推介下，試左芝士同蠔再加埋隻軟殼蟹。日本蠔真係~~~~好味爆，而且19蚊有三隻，真係超抵，大家一定要必食！芝士就幾特別，最鍾意食橙色那隻..(車打芝士)，趁熱食都好好味！但最估唔到係隻...蟹，好脆好香，而且好大啊!!!!!!食一隻飽晒啦!不過都係果句啦.....地方環境有D熱同逼，我諗一路行一路食係教為舒服的！OH!NO!.....掛住食唔記得影相，影張招牌當補數啦.....哈哈哈.......下次一定會再去，好味好味！

想當日銅鑼灣嵐山結束營業，在最後一天即刻趕到店舖吃了一客炸蠔。 當時又因為喉嚨痛，未吃到嵐山的真正美味 ~~ 今天再逢嵐山，一定要食返炸蠔！現在嵐山和瘋薯合作營業，喺家樂商場斜對面重開了一間食店，地點較以往隔涉，要轉角再行多個街口先到。新開張期間有 Promtion，有 3 蚊 Coupon 任你買，我買了原價 $19 的炸蠔，有三隻再加薯條底，用咗 Coupon 都係 $16 喳！正！炸蠔即叫即炸，食落好鮮甜好 JUICY，好好味！炸蠔外面炸到剛剛脆，咬落無過多的油份！非常之正！鋪底薯條都很美味！不過新店呢喥無風扇，又無咩地方食， 如果企喺隔離食，會被隔離店的炸三寶味整到全身油煙味...好彩附近有商場，買了可以一路行街一路食。

雖然下著大雨, 對於自己的lunch menu毫無頭緒的我, 決定破戒試試這家好評炸物店.是破戒, 因為我是個怕吃炸物的人.這兒的引力, 是炸芝士和炸蠔. 自問每天平均要吃三片片裝芝士才安心的我, 對一切芝士類東西都極之有興趣.一盒四件炸芝士($15), 兩種芝士各兩件, 伴有炸蕃薯條.咬下那一刻, 味道很淡, 不像平日的芝士那般咸, 但濃稠和實心程度告訴我這個極之足料.不過吃掉半粒之後, 消化不了, 因為很滯.......................................................相反抱著大肚腩(但自稱要減肥)的某人卻吃得準準有味, 雙眼頓時發光......之後到手的炸蠔, $16有三大隻, 都是伴有炸蕃薯條...要讚, 是因為用上平日美國桶蠔size的蠔肉, 絕不欺場~鮮味一般, 沒怎樣調味, 但放入口很滿足. 後來才知道盒內有很美味的沙律醬用來點著吃.......兩盒賣相都很吸引, 不過太狼狽沒影相...某程度上我還是很怕這種熱氣得不得了的東西......回想起最討我歡心的, 竟然是盒底的蕃薯條, 感覺上不太油膩之餘帶點點甜味~Anyway 這

嵐山因之前c bay租約期滿所以無做, 剛睇到依家在旺角再開, 真是高興, 我未試呢間呀, 但以前都食物都好好食, 我最like薯餅, 外脆內軟, 但佢無做前都無得再食啦, 時時都話無貨, 炸芥茉魚柳, 炸皇帝焦也是唔錯的選擇呢, 皇帝焦加埋個汁好特別, 我麻麻地like芥茉, 太辣了, 可叫佢轉沙律汁都一樣好食, 最緊要佢d野係即叫即整, 所以有香脆既保證 , 佢價錢都唔算好貴, 行街時食點小食唔錯呢有次行葵芳見個佢的拍檔在開檔, 一問之下, 原來佢都係開左無耐, 佢同以前拍檔分開兩間各自做, 但依家唔係只係賣以前賣的, 仲有其他新野賣, 有薯蓉, 小巧格仔餅等, 大家可以去行下食下野呢

幾個月前己知道這間店的炸芝士,但一直沒有機會去試直到我想試的時候,可惜它己結業這次開在旺角,實在太好了,但想不到竟在瘋薯叫了炸蠔和炸芝士,一咬開芝士慢慢湧出,吃完還想再吃至於炸蠔,鮮甜多汁,滿口都是蠔既鮮味,十個讚呀!!!!!!不過價錢方面有點奇怪上星期炸芝士$24 炸蠔$28但昨天炸芝士$18 炸蠔$19如果是$1x的價錢,真是超級抵食!!!!

今日同老公去旺角行街,特意到了朋友推介0既"嵐山料理" 試試炸物今日天氣真係幾熱,好在知道呢度係在"瘋薯"果個舖位內(見到"瘋薯" 轉90度行埋去就係)唔係可能搵不到~~我地試左炸蠔,炸皇帝蕉,炸芝士1. 炸蠔~~我們的最愛^^ 0的蠔好正,食得出不是CHEAP蠔,不會有苦味,再"點"埋白色0既SAUCE好正(不知是咩SAUCE)~HAHA~~~而且仲有炸蕃薯條跟埋~~依家都想再食^^2. ,炸皇帝蕉~~平時我唔係特別中意食皇帝蕉,只係抱住試下0既心態~~~點知原來又幾好食,不會太甜...我自己食晒2大件都唔覺膩!! 老公要我留番件俾佢試..唔係我會3件食晒...HAHA~3. 炸芝士~~~呢個又係超正,2件係用車打芝士做,2件係用金文不芝士(睇店貼的介紹得知呢個名)...金文不芝士係白色,味較車打芝士淡....車打芝士果2件真係岩晒我口味,芝士味濃,點埋0的SAUCE真係一絕~~回味無窮我地叫左3樣野都係30幾蚊...抵~~`下次我地會去試下羊排~~

老闆話 好食既話幫我多D宣傳啦加上 最近搞緊特價真系超級抵食~原價28蚊3隻蠔 依家16蚊!我上星期去重做緊平3蚊優惠乍!所以 義不容辭 第一個OPENR的食評就比左嵐山啦!第一次食嵐山系CWB 一行美食團團友專登由將軍澳踩到落中央圖書館去食炸廣島蠔♥結果重食左有兩種口感既炸芝士♥利賓納汁既皇帝蕉♥炸大蝦♥等等..,大家不約而同驚呼~好好味阿>U<這個假期 再翻香港 又想去食之際發覺 轉了新地方♥旺角♥雖然系轉左個新樣見人 重收埋左自己系瘋薯入邊(=w=搵死我...)但系味道依然無變!廣島蠔好新鮮!好甜!好多汁!食既時候要小心~芝士會有D滯 不過份量吾多食落真系好香濃~正♥另外有D新野未試阿~得閒會再去=]

每次行經登打士街真係幾辛苦，因為D人實在多到行都無位行，成條街一群群人係度等緊唔同既食物，條路已經唔再係行人路.......經過見到瘋薯既另一邊大大隻字寫住嵐山料理，才發現原來搬左黎呢度，雖然我知佢黎左MK，但我一直都唔知位置係邊，原來就係同瘋薯同一間店舖! 其實嚴格黎講佢地係同一間店，只係兩樣都有賣，落單取食物根本都係一樣的。叫了一份炸蠔，索價 $28，算是同款食物中較貴的。不過這份炸蠔我等了很久呢... 旁邊買薯條的很快就拿到了，我卻等了又等，唯有說句想食好野是要忍耐的!!! XD終於都等到啦，一份有三隻，另外還有一些炸蕃薯條，配上他他汁，見到也垂涎欲滴啦! 不過它的炸蠔真的很好吃，也不枉我等的! 咬下去真的是外脆內軟，蠔非常多汁，而且很鮮甜美味，一點腥味也沒有，配上酸酸開胃的他他汁，真的非常好吃! 一點也不會覺得油膩呢! 吃畢三隻也回味無窮~~~ 炸蕃薯條也不錯，有些較薄的是非常香脆，像吃百力滋似的，不過就沒什麼蕃薯味，但口感很不錯。另一些較厚的就能吃到甜甜的蕃薯啦，配上他他汁會有點蓋了它的味道，所以我比較喜歡就這樣吃。不知他們到底是合併了還是怎麼樣，但這樣也好，可方便我們一眾食