川上龍 (已結業)

以前不是很多四川菜，也是巧合路過發現此店！可以話老牌四川菜，真的是由中學時期到現在，味道依舊，很好吃👍🏻👍🏻我知道他們也有四川火鍋，但是每次去也是點小菜吃，所以一直也想試一下火鍋😂地方大而且環境帶點中國風，之前有日本朋友來香港，就帶他們一起去試一下，他們也覺得好吃，特別是麻婆豆腐，和蒜泥白肉，日本人比較愛這道菜😂另外，個人喜愛水煮牛，酸菜魚，辣子雞，炒回鍋肉，以上味道也是不錯的😌價錢方面，屬於中等，如果一大班朋友去吃，可以多點幾款菜式，比較化算，晚餐每人平均200元一位。會繼續支持！

近日天氣轉冷，突然想食辣野刺激一下味蕾，帶埋小B到尖沙嘴中達大廈出名的川上龍店.. 餐廳環境中國風，餐牌也似一本武林祕笈黎到今日重點推薦糯米蟹🤩蟹夠大隻，肉質鮮甜，蟹膏十足！呢個菜微辣又唔會蓋過蟹的鮮味👍 糖醋排骨外脆內軟，醬汁酸甜好美味.口水雞睇落多辣椒但得好少辣，雞肉滑而不老😋服務人員態度一流，細心下次一定再黎幫襯.😌

服務態度極差，不是第一次來吃飯之前也一直來，隔兩個月都會來兩年了。雞煲一直會點，一直都還是不錯的。但是最近菜品質量不見長服務員脾氣倒是不好。我啲講普通話有問題咩？我啲朋友間唔講廣東話有問題咩？你們服務員的臉色甩給誰看？這種服務態度拜託唔好開餐廳啦。changing your attitude according to the language the customers are using, such rubbish service. What’s wrong with that old lady ? If she is not happy then don’t do the job la. We did not do anything wrong and we came here so often in the past two years. I will not come anymore to pay for your horrible service.以後不會再來了。

難得唔使湊住小朋友，我第一時間諗起一個字「辣」我求其搵左間食我最鍾意既水煮牛，落完order好快送上...熱辣辣 香噴噴仲有碟生菜跟餐。雖然我好喜歡辣，但都係試小辣!第一啖...真係好野味，麻辣適中，好岩送飯...但愈食愈辣，咀都腫埋🤣但停唔到口...死味好彩跟餐有杯橙汁 解一解辣...肥牛肉質軟嫩加上啲汁...真係好鬼正！免加一$78 會再食😋😋😋

在海港城晃了一圈都不知道要吃什麼, 行經海防道的時候突然發現這間川菜樓上店, 立即決定進去找一下刺激。一進門就聞到屋內蔓延著的微嗆的辣椒香味, 桌上擺著的武林秘笈似的菜單, 挺有趣的。終於等到上桌了, 樣子都挺吸引的, 但我期望很大的酸菜魚令我有點失望了, 魚不夠入味, 或者說酸菜不夠酸吧, 感覺比較油, 是那種膩口的油, 不屬於我吃過的好吃的酸菜魚。雞煲倒是不錯, 麻辣味越煮越香, 可能這家的師傅做麻辣的功夫比做酸辣更厲害吧, 下次可以多試其他麻辣的菜色。總體味道還是不錯的, 場內用餐的客人感覺是以遊客居多, 附近好多桌都講普通話, 不過尖沙咀嘛也難免, 有一刻真的很想問問那些吃慣辣的遊客覺得這辣地不地道, 交換下意見, 哈哈。

尖沙咀真係好多餐廳，今日黎到海防道一棟大廈食中式小菜。第一次黎，估唔到原來咁多款選擇，仲好抵食！午餐一個set 60幾蚊，有碟餸、菜、飯、湯/野飲，今日就叫左口水雞同椰菜回鍋肉試吓。口水雞（$68）睇落好多辣椒，但其實得好少辣。雞肉嫩滑唔老，唔錯椰菜回鍋肉（$62）椰菜炒得好爽口，豬肉都唔韌，不過得個鹹字，味道唔係好豐富，不過朋友就話好好食。野飲唔係得汽水，可以叫例湯/豆漿等等。叫左杯熱豆漿，甜甜地但又唔算太甜

今次嚐了位於尖沙咀的川上龍開飯網評價不俗加上早兩天訂位已滿座 餐廳說九點後有位的話會打給我們所以都有點期望呢我們😃😀在川上龍點了5款菜左上:椒泡鳳爪 別看它沒有紅油而小看它 我食食下覺得佢好辣好辣 有啲卻步 我對它的印象就是辣 其餘味道？好像沒有🙊左中: 花甲雜菜 花甲很大隻很鮮味 好吃而且數量都不少 4條腿每人都吃了好幾隻 雜菜沉了花甲的鮮味 個人蠻喜歡喔左下: 孜然豬仔骨 小妹對孜然粉情有獨鍾 這個豬仔骨很入味 每件size不大 啱晒我呢個顧儀態嘅熟女😜 送飯一流右上: 麻油雞絲伴海蜇 不過不失右下:麻辣豬紅 對它滿有期望 但一嚐卻很失望 不知大家對豬紅有何感覺 我覺得好吃的豬紅是夠入味 通常質感較實 難吃的豬紅入口散 因浸了很多水 所以汁醬不能滲入豬紅 變得淡而無味 很可惜 這裡的麻辣豬紅是後者 麻辣醬亦普通喔

落雨濕濕，同d同事揀左最就腳既餐廳試下，完全發現新大陸，一個星期食兩次 因該有訂位，幾個人坐卡位都坐得好舒服，個距離又岩吹水。小菜有鑊氣，尤其辣味食到lamlam脷，香氣四溢，份量都合格，仲有白飯同菜飯揀。二話不說揀菜飯，額外加菜都係$20幾蚊？叫左個糖醋排骨同四川炒回鍋肉，除開都係人頭86左右，都係搵晚試下個晚餐🥣服務又周到，全程不停幫我地加水加茶。茶水加分位係真係用足料，唔係茶樓d水溝茶，好香好解渴。

來到尖沙咀搵地方食lunch，三位女士都很喜歡吃辣的，發現漢口道有間川菜食店，朋友用手機apps訂枱，食晏啲平多啲。2:30pm 電梯上到三樓，打開門，午市依然熱鬧，安排坐窗口卡位，太好了。叫了一些冷盤前菜： 涼拌篙筍絲~ 香香的麻油味，篙筍切到幼幼，好爽口。葱油海蜇~ 海蜇爽口彈牙，蔥油味道啱啱好，唔會太鹹。醉豬手~ 好特別，豬手去咗大骨，食落啖啖肉，酒味香濃。大家都肚餓，點了幾款名廚推介：水煮龍躉片~ 只是叫咗小辣，食落都幾辣，大大塊每人分到兩塊龍躉片，用足料，仲有一些木薯粉，掛滿水煮汁，又香又辣。辣子腸肚~ 用了大量辣椒乾及香料，豬腸炸得脆卜卜，牛肚也非常香口，好喜歡這種香辣。避風塘茄子~ 香港地道風味，熱辣辣啱啱炸起，配大量炸蒜，大大嚿茄子，這種做法粉漿會厚一點。老乾媽蒸廣島蠔~ 廣島蠔好新鮮，蠔味濃，底放了粉絲蒸，可以索曬啲汁。食辣配杯飲品，檸檬蜂蜜奇亞籽，健康有益唔太甜。

雞煲通常無辣不歡但偏偏遇到一間有藥膳湯底嘅出奇地好食！因為兩個女仔，就揀半隻雞。份量唔多唔少！嗰煲一嚟到，唔係雞連湯咁一齊上，係新鮮雞咁要等師傅另外切上。之後自己倒入去。好少火鍋會有田雞揀架！味道不錯！

第一次食用龍躉煮既酸菜魚😂其實酸菜魚既肉質都好重要，川上龍用左龍躉來做，肉質超好，不過酸菜既味道就一般唔通兩樣野要做取捨？不過300幾蚊都幾抵 比平時食既桂花魚酸菜魚都係多百幾蚊所以唔錯。另外因為唔太食得辣就無咩叫麻辣啦，叫左個孜然海蝦孜然味好香同埋入口好match又唔咸。另外海蜇幾爽，同埋青瓜個味道都唔道。另外叫左個蒸蠔，呢個就一般啦因為個蠔有腥味，食左少少就唔想食了..So far除左個蠔其實野無伏！

水煮龍躉片出色野味。龍躉魚柳大大片，肉質香滑而結實，花椒味香濃，麻辣之餘亦都相當野味。雖然成盤都係紅色嘅辣油，但係唔算太辣。最重要嘅係辣味唔係用味精調出黎，味道自然，感覺係真材實料。盤底有好多芽菜同紅薯粉，大大提升咗水煮魚嘅口感。不過整體味道偏濃，有少少太鹹。無得揀辣度，不過以川菜黎講算係小辣，所以唔洗擔心。四川麻婆豆腐份量多，豆腐軟滑，麻辣汁做得好出色，有花椒嘅香味，又辣又香，超級野味，送飯一流。不過同水煮魚一樣，味道偏濃，有少少太鹹，不過送飯嘅話會唔咁鹹。樓上餐廳，有少少難搵，傳統中式裝潢，座位闊落舒服，適合聚會。

中午食飯時間想坐得比較舒服，可以黎哩間川上龍。好好彩今日一到就有位，上菜時間亦好快，岩晒附近嘅上班族，可以話係快靚正。價錢方面中價位，不過午餐包一碟油菜同餐飲，都叫做幾抵食。是日午餐：糖醋排骨 + 油菜 +凍豆漿先黎凍豆漿好香豆味，味道剛好不太甜油菜偏油，同都比較多汁，少咸主菜糖醋排骨，份量唔錯，大大舊肉，醬汁酸酸甜甜好開胃，唯獨有一兩舊肉質軟鞋，不過整體不錯不得不提跟餐嘅白飯好香好綿，用醬汁撈飯食一流哩個係同事叫嘅雞丁，食落第一啖唔辣，點知辣在後勁，麻麻辣辣嘅感覺慢慢攻出黎，好有川菜風味總括而言餐廳嘅川菜款式多，味道亦幾正宗，可以一試

訂週六過去吃，味道還可以，辣子雞的雞肉素質不如之前吃的一家胡同，肉不是特別好吃，但是味道不錯，還有個泡椒海蝦，味道也還不錯，肉質不錯，價格合適，可以去吃，地方也很好找，就在海防道上，想吃辣的時候可以去

一直都好想食雞煲，但奈何香港已經無乜好味雞煲，乜d出名食雞煲既，比哂雞頭雞頸你都唔知做乜，直到今次膽粗粗試下川上龍雞煲，唔錯。菜式一：雞煲 ****4/5呢個雞煲無得頂，雞肉滑、汁夠入味、香味都好夠，色香味俱全，但唯一唔好既就係唔夠辣、唔夠麻，夠到我同我個friend 唔夠喉。無錯，我同我friend 兩個食一個雞煲做lunch，貪佢無平時咁多人（因為無lunch set），值得一提係佢個茶好帶桂花味，搞到我想學下，試下係屋企沖。