川味軒

營業中

休息中

今晚想買外賣坐喺屋企一路睇電視一路食，又想食啲重口味嘅嘢，所以就嚟呢度買嘢食，我叫咗口水雞同夫妻肺片，一個雲耳底，一個青瓜底，碗一碗清湯薯粉同一碗飯飯同粉同主食嘅份量相當大，我覺得夠食飽三個人，佢啲主食嘅酸辣汁好濃，又俾得夠多，又有好多芝麻提升香味，加埋大量嘅蔥同脆脆咁食，口味得嚟口感好豐富，不過啲雞本身唔算好滑，勝在味道搭救，牛肚就爽口，肺片厚薄得宜，飯粒粒分明，薯粉就用咗圓身嗰隻，個人口味鍾意扁厚多啲，但性價比絕對係高嘅

係朗屏邨街市買完餸就順便買少少嘢食反屋介食，咁啱想食啲酸酸辣辣嘅嘢食所以就揀咗呢間！舖頭門面唔算大，甘我就叫左一碗川北涼粉配腩肉同豬耳，一碗牛展酸辣薯粉同一個酸辣蓮藕片，全部都係小辣。個川北涼粉d涼粉質地有啲似銀針粉，爽滑而且大碗都多餸，酸酸辣辣幾好味😋！至於個薯粉我就覺得一般般，薯粉可能煮得太耐，食落口感有啲林，唔夠爽滑Q彈！兩碗粉比起上嚟個人覺得川北涼粉會比較辣少少同重味DD, 至於個酸辣蓮藕片我就覺得幾好味，佢個汁教得好好同埋蓮藕片切得夠薄！總括間小店不過不失，住喺朗屏附近又想食四川小食可以一試！🙂